جرأة خلفها طفله (مكتمله)

الحلقه الحاديه عشر

" اظهرتُ ضعفى امامك عندما عاهدت نفسى على الصمود وعدم الانهيار ؛ ولكنى فعلت فلا تخذلنى حبيبى ..فانا اخترتك من بينهم " 💜
~~~~~~~~~~~~~~~~~~
مروة كانت قاعده جمب نجوى لحد ما نجوى بدأت تفوق
مروة : نجوى حبيبتى ..
نجوى فاقت ولقت مروة جمبها وقعدت على السرير ومروة اخدتها ف حضنها
مروة : عارفه ...زمان لما كانت تحصل مشكله معايا كنت آجى اترمى ف حضنك واعيطلك وتفضلى تسمعينى لحد ما اخلص خالص وتقوليلى مادام انا ف ضهرك ولسه بتنفس يبقى هاجيبلك حقك ومستحيل أخلى حد يزعلك أو يخليكى تعيطى وتمسحيلى دموعى وتخلينى اضحك ..دلوقتى العكس عايزاكى تعيطى ف حضنى عايزاكى كل حاجه وجعاكى تقوليهالى
نجوى وهنا رجعت تعيط تانى وتشدد على مروة ومروة شاداها لحضنها اوى وسايباها تطلع كل اللى جواها وفضلت تقرأ عليها قرآن لحد ما هديت  ونجوى طلعت من حضنها
مروة : احسن ؟!
نجوى بايماء : اه الحمد لله .....
مروة : كل حاجه أن شاء الله هتتحل ( بتشاور على قلب نجوى ) دا هيستريح و هيرجع زى الاول واحسن كمان احنا معاكى كلنا حواليكى وبعدين عايزة افهمك حاجه انتى اللى بتعمليه مش غلط ولا حرام انتى بتعملى الصح فاوعى ترجعى عن قرارك ابدا يا نجوى انتى قدها تمام يا روحى 
نجوى بدموع : بس سليم وانتو ..انتو هتتاذوا
مروة : وربنا فين ..ربنا حامينا كلنا وحافظنا ..دا رب الكون كله كلنا ماشيين بتتدابير ربنا ماشى يا روحى عايزاكى تهدى وتبقى قمر كده ماشى يا نونو وافتكرى دى دايما رب الخير لا ياتى إلا بالخير
نجوى بابتسامه : ونعم بالله ...حاضر
....دق دق ..
فهد دخل وكان مدمع وعينيه على نجوى ومروة قامت وخرجت بهدوء وقفلت الباب
فهد : تعالى يا روحى ....اخدها ف حضنه وحاوطها
انا مش هتكلم خالص وانتى ريحتى قلبك شويه مش عايز اي حاجه تعكر دا ...انتى اميرتى والنهاردة اميرتى عملت الحاجه اللى بقالى سنين مش عارف اعملها وييجى واحد ياخد اميرتى منى ويعملها لاء انا بغير على اميرتى ومش عايز حد ياخدها منى
نجوى بابتسامه: واميرتك معاك طول العمر وهتفضل اميرى انا وبس عشان انت حبيبى
فهد وباسها من جبينها : انتى حبيبتى عايزك تعرفى حاجه .... سليم بيحبك فعلا ...
نجوى : بس هيتاذى بسببى وانا ومش هستحمل دا ..مش هستحمل حد فيكو يتأذى مستحيل يا فهدى دا...
فهد : يا قلب فهدك كلنا معاكى وحلوين اهو مفيش حاجه هتحصل لينا مش احنا اتفقنا هنعمل ايه يبقى ليه القلق
نجوى : ماشى يا فهد ( ف نفسها ) لو تعرف انا هعمل ايه هتمنعنى وانا مستحيل اعمل كده يارب خليك معايا
وفهد اخد نجوى ف حضنه  وفضل يلعب ف شعرها لحد ما ناموا سوى  
§§§§§§§§§§§§§§§§§§
سارة : هاى يا بيبى
ايمن : هاى يا قلبى ...جاهزة
سارة بدلع وبتمشى أيديها على وشه : طبعا يا حبيبى
ايمن : طب يلا بينا بسرعه لان دا ميعاد مرواحه
وركبوا العربيه ووقفوا قصاد شركه وساره نزلت
لقت شاب طويل وعريض حواليه حراسه وراحت ناحيته وبتجرى وبتعيط
سارة : please الحقنى  هيموتونى ..عشان خاطرى وعملت نفسها اغمى عليها ( ساره كانت لابسه بلوزة وشورت وقطعتهم ونعكشت شعرها وعملت عياط مزيف وحطت دم مزيف شكلها من الاخر يعنى كأنها مضروبه أو حد كان عايز يعتدى عليها )
الشاب جرى ناحيتها وشالها ودخل العربيه ومشى طلع على فيلته وأيمن وراه
الشاب ( امير ) : يا انسه انتى ..وراح جاب ليها مايه و فوقها وعملت نفسها فاقت
ساره : لالالا هيموتونى ..مش هقدر
امير : أهدى بس ..انتى مين ..ومين اللى هياذيكى
سارة : انا اسمى ساره انت مين
امير : انت اسمى امير و انتى جيتى استنجدتى بيا واغمى عليكى وانتى ف بيتى دلوقتى
سارة : ايه
امير : أهدى بس انا مش هعملك حاجه أهدى
سارة : بليز ممكن مايه
امير راح جاب ليها مايه وهيا اخدتها وشربتها وبصت لنفسها
سارة : احم ...هوا فين الحمام
امير بنظرة شهوانيه وخبث : هنا اهو تقدرى تخدى دش وانا هجيبلك لبس حالا
سارة بدلع : اوكى
ودخلت وغيرت هدومها وخرجت ونزلت تحت وعدلت الكاميرا اللى معاها
Flash back
ايمن : سارة دلوقتى الكاميرا دى هتفضل معاكى هيا صغيره ومش هتبان بس شطارتك تحطيها ف مكان محدش يشوفها وتبقى جايبه كل حاجه تمام
سارة : بس ايه الكاميرا دى يعنى انت مش واثق فيا
ايمن :لاء طبعا يا روحى واثق فيكى اكتر من نفسى بس عشان تضرب الضربه صح وانا هشيل وشك وبس ..تمام
سارة : اوكى
ايمن : خدى دا
سارة : دا ايه
ايمن : دا سم حاولى تحطيه ف اى حاجه مايه عصير ..اى حاجه المهم يشربه وتجيبى الكاميرا وتجيلى يا روحى تمام
سارة : اعتبره حصل يا بيبى
Back
حطت الكاميرا ف مكان جايب كل حاجه وشويه امير نزل وهيا قعدت
امير : شكلك لسه مخضوضه انا هروح اجيبلك عصير تشربيه
سارة : اوكى
شويه وامير جه ومعاه العصير وساره شربت شويه وهوا كمان
سارة : هوا ممكن تلج يا ميرو
امير : طبعا طبعا يا قلب ميرو
وراح يطيب تلج وهيا حطت السم ف العصير بتاعه ورجعت تانى وقعدت وكان شىء لم يكن
امير رجع ومعاه التلج وحطلها تلج ف العصير بتاعها وبتاعه
سارة : ميرو هوا مفيش حد هنا غيرك ولا ايه
امير : لاء مفيش انا لوحدى زى ما انتى شايفه ..بس يعنى مشكرتنيش على اللى عملته معاكى ولا اى حاجه
سارة وبتقرب منه : طبعا وشكرى ليه طريقه خاصه وهيا بتشرب امير العصير
وشويه تديله بوسه ف خده وتشربه العصير وتفتح زراير القميص لحد ما خلص العصير شويه وامير بدا يتعب ويعرق
امير : سارة هاتيلى مائه بسرعه
سارة : طبعا يا بيبى ثوانى
وراحت المطبخ وفضلت واقفه تتفرج عليه لحد ما وقع مات
سارة راحت عنده : البقاء لله يا أمير بيه
واخدت الكاميرا وكذا ورق ايمن كان قايلها تجيبه وخرجت من ورى وكان ايمن مستنيها واخدها ومشيوا بسرعه
§§§§§§§§§§§§§§§§§§§
اسراء : يا مصطفى انا تعبت بجد معنتش قادرة احضر التمرينات دى يا اخى كانت لحظه شيطان يوم ما قلتلك عايزة اتدرب
مصطفى : طيب خلاص انتى هتعيطى خلاص اعفاء من التدريب النهاردة افرحى يا ستى هه
اسراء : هييييهه الاهى تنستر يا مصطفى يا ابن طنط ام مصطفى ههههه ويارب تتجوز بقى عشان معنتش تدربنى تانى وانام براحتى يااااه
مصطفى : ما انتى هتبقى مراتى وهدربك بردو ومش هتفلتى منى
اسراء بصدمه : .هااا
مصطفى قفل السكه وضحك عليها وتخيل شكلها وهيا مصدومه كده
اسراء : احيه يا مصطفى انت ايه إلى انت قلته دا يخربيتك ...
قلبها : لاء بس الواد بيحبك ودايب فيكى
عقلها : بصراحه اه اول مره تقول حاجه عدله لاء وكمان جنتل ومستحمل غبائك دا
قلبها : ايوا ايوا صح لاء وكمان مش واخده بالك لما بيبقى معاكى بيسمعك ازاى وبيسالك اسئله عن الحب وبيبقى هيموت ويقرب منك لكن مش عايز يعمل حاجه غلط او حرام وتلميحات كده يعنى خلاص الفرح الشهر الجاى خالصه
عقله :طب الفستان يبقى منفوش ولا ايه
اسراء : بااااس هوا ايه سكتناله دخل بحماره وبعدين الطريقه دى مش بتاعتى المفروض ييجى يطلبنى من اهلى خلاص معنتش هقابله ..بس بحبه برده
"وقصه حب بين اتنين هبل هتكمل وهتبقى احلى قصه حب "
......................
عند مصطفى
مصطفى : هانت يا قلبى كلها فتره صغيره وهاجى اتقدملك يا مجنونه قلبى هههه ....
جاسر : ايه يسطا الفلوس معايا جهزت الورق والفلوس المزورة
حازم : ايوا معايا انا هقابلك ورق الشركه تمام
جاسر : تمام جايلك وهجيب توقيعه عشان نزوره امين
قفل معاه ونزل واخده على سطح الشركه وبدلوا الفلوس و زوروا الامضاء على الورق وخلصوا اللى عملوه
حازم : لاء بس خلصت بسرعه اوى يعنى مكنتش متخيل دا
جاسر : وانت مش متخيل كرهى ليه قد ايه ..يلا معاك الحاجه
حازم : ايوا طبعا ..
جاسر : امين وانا هنزل بقى واظبط الدنيا تحت وخلص بسرعه بس انت قلت مش هتقتله
حازم : هيبقى تذكار منى بس عشان يفتكرنى بيها كل ما يشوفها يلا انزل انت
جاسر نزل وحازم طلع السلاح بتاعه واستعد لوضعيه الضرب ومستنى مصطفى يخرج
شويه ومصطفى خرج ومش حواليه حرس وراح يركب العربيه طوت طلقه خرجت من السلاح واتجهت ناحيه مصطفى الكل جرى ناحيته والأمن طلب الاسعاف وراح مصطفى المستشفى
§§§§§§§§§§§§§§§§§§§
سليم اتصل بنجوى عشان يطمن عليها
سليم : سلام عليكم نجوى عامله ايه دلوقتى
نجوى : وعليكم السلام ازيك يا سليم انا الحمد لله تمام
سليم : بجد ولا بتضحكى عليا
فهد : يسطا البت في حضنى اصلا تضحك عليك ليه بقى
نجوى : بس يا فهد مفيش حاجه يا سليم انا والله كويسه
سليم : انتى ف حضن فهد بجد
نجوى : سليم ..
سليم : اه ولا لاء
نجوى : اه
سليم : تمام ماشى مش انتى بخير الحمد لله أنا هفصل عشان الشغل سلام
نجوى : الو سليم استنى ..الو
عجبك كده اهو فصل وزعل
فهد : انتى بتتخانقى معايا عشانه
نجوى : يلهواااى انا اللى غلطانه حقك عليا ممكن تطلع بره بقى
فهد بخبث : هتعملى ايه يا جى جى 
نجوى بخبث : ابدا اصل كنت ناويه أكلم المهندسه اسيل هسالها على حاجه كده
فهد بتوتر وحب : اسيل هتكلميها بجد
نجوى : وانت مالك مدلوق كده ليه
فهد : ها مفيش انا هنزل
نجوى : يعنى مش عايز تعرف اى حاجه عنها ولا ايه
فهد : يعنى ايه ....انتى معاكى كل حاجه بتاعتها
نجوى : طبعا تحب تاخده ولا
فهد: هاتيه مفيش ولا هاتيه يا جى جى يا قلبى
نجوى : جى جى قلبى ههه خد يا فهدى يا حبيبى
فهد : لولا بس انى مشغول كنت جريت وراكى
نجوى بضحك : طب الحق شغلك يلا
وفهد خرج وهيا قفلت الباب وراه وفضلت تكلم سليم ومش بيرد عليها لحد ما لبست وقررت انها تروحله
نجوى لبست بنطلون جلد اسود وفوقيه شيميز ابيض طويل وعليه حزام من الوسط وطرحه سمره وكانت عسوله
لبست ونزلت وراحت ركبت عربيتها وطلعت على شركه سليم
السكرتيرة بتاعه سليم : اهلا بحضرتك يا فندم حضرتك معاكى ميعاد مع بشمهندس سليم
نجوى : بصراحه لاء بس مش عايزاه يعرف انى جيت ممكن اخش انا ..انا نجوى العمراوى
السكرتيرة : طبعا يا فندم اتفضلى
نجوى : شكرا جدا
نجوى دخلت بهدوء ولقت سليم مركز ف شغله حتى مش اتلفت ليها مشيت وراحت وقفت جمبه
نجوى بهمس : انا اسفه
سليم لسه مركز ف الورق ومش بصلها
نجوى : سليم ...( لا رد ) يعنى مش هترد عليا على نجوى
سليم : عايزة ايه
نجوى : عايزة اشوفك وتكلمنى
سليم : منا بكلمك اهو
نجوى : تؤتؤ انتى بتكلمنى وحش اوى خلاص ..ماشى انا هقعد هنا لحد ما تخلص شغلك
وراحت قعدت على المكتب وهيا بتبصله ومركزة فيه وف عيونه
سليم : نجوى ...انتى مش وراكى شغل
نجوى : تؤتؤ خااالص
سليم : طب انتى هتفضلى تبصيلى كده كتير
نجوى : ومين قالك أنى ببصلك اصلا
سليم بصلها ورفع عينه من على الورق ولقاها حاطه ايديها على دقنها وبتبصله : نعم ليه يعنى وانتى بتعملى ايه يعنى دلوقتى
نجوى : انا ببص على سولى حبيبى اللى بيكلمنى من قلبه من نظره عينيه اللى بطمنى مش بيخلينى خايفه انما دلوقتى انا قدام سليم اللى مش عايز يبصلى ويرفع عينه من على الورق و وجودى مزعله
سليم : وهوا انتى مش عارفه انى مش بحب تبقى ف حضن فهد 
نجوى : افهم أن دى غيره
سليم : اووف ايوا يا نجوى بغير عليكى حتى من اخوكى ومش عايزك تبقى ف حضنه حضنك ملكى كلك على بعضك ليا انا عشان انتى حبيبتى وانا بحبك
نجوى بكسوف : طيب انا اسفه ومش هعمل كده تانى ..
سليم قرب منها : طيب وبالنسبه لآخر كلمه ايه النظام
نجوى بكسوف : مالها ..قصدى انى لازم أمشى.
سليم بيقرب اكتر : بس انا لسه زعلان ومصلحتنيش وانا بصراحه زعلى وحش اوى
نجوى : سليم ..ابعد ...
سليم : تؤتؤ واه صح انتى زعلانه منى عشان كنتى بتكلمى سليم مش سولى حبيبك وانا لازم اصالحك انا
نجوى : س سليم ..
تليفون نجوى رن
سليم كان بيلعن الفون والتعصب ونجوى حمدت ربنا انو خلصها  منه
سليم : ياربييي
نجوى بضحك : احسن ..
الو سلام عليكم
اسراء بعياط : نجوى الحقينى
نجوى بخضه : اسراء مالك انتى كويسه انتى فين
اسراء : مصطفى ..مصطفى اتصاب يا نجوى وهوا دلوقتى ف المستشفى عندك
نجوى: طب أهدى يا روحى انا هروحله حالا
اسراء : خدينى معاكى يا نجوى بالله
نجوى : طيب اجهزى وانا هاجى اخدك ..سلام
سليم : ف ايه يا نجوى
نجوى : اسارء بتقولى أن مصطفى اتصاب وهوا ف المستشفى دلوقتى ولازم اروحله
سليم : هما بردو صح
نجوى : وهما ف غيرهم ..
سليم : طيب يلا انا جاى معاكى
نجوى : بس شغلك
سليم : من غير نقاش قدامى
نزلوا سوى وفوتوا على اسراء اخدوها وراحوا المستشفى وعرفوا رقم الاوضه ودخلوله كان مصطفى نايم نجوى قالت لاسراء أنها تروح تجيب مايه وتغسل وشها واسراء سمعت الكلام وخرجت
نجوى :حمد لله على سلامتك
§§§§§§§§§§§§§§§§§§§ 
سورى أن البارت صغير بس هعوضكوا البارت الجاى ان شاء الله...سلام