جرأة خلفها طفله (مكتمله)

الحلقه الخامسه

ف الشركه
سليم دخل على نجوى
سليم : سلام عليكم
نجوى : وعليكم السلام
سليم : هوا ف شغل كتير النهادرة
نجوى : اشمعنا
سليم : احم ...عادى يعنى بس لو ينفع نخرج النهادرة سوى تعويض عن المره اللى فاتت
نجوى : اها ..هنشوف الشغل كان قليل كان بها نخرج سوى لكن لو كتير يبقى نخلص الشغل الأول
سليم : اوك
نجوى : ..الو ..مروة ابعتيلى ملف الحاسبات
بعد شويه مروة دخلت ومعاها ملف الحسابات وقعدت جمب نجوى
نجوى وسليم ومروة فضلوا يقلبوا ف ورق الحسابات
نجوى بغضب : ف لعب ف الحسابات كتير أوى ...مين اللى ماسك فرع الحسابات
مروة : محمد توفيق
نجوى : يتجابلى
سليم : هوا ف لعب كتير أوى عن طريق تبديل أرقام ونقص ف الموارد الماليه وزيادة ف الادويه
نجوى : هنعرف دلوقتى
مروة جابت محمد توفيق وباين عليه التوتر
نجوى بهدوء وبرود : انت اللى ماسك الحسابات
محمد بتوتر : ايوا يا انسه نجوى
نجوى : اممم وانت بقى شايف شغلك كويس
محمد : اه ..اه يا فندم
نجوى بغضب جحيمى : وشغل الزفت اللى قدامى دا ..دا يتسمى ايه
محمد : والله يا فندم ...
نجوى : من غير حلفان كتير وكدب كتير  ...رجعت بضهرها لورى ....قدامك خيارين يا ترجع كل حاجه زى ما كانت واحسن خلال ساعتين ومشوفش وشك هنا تانى أو تحكيلى انت عملت كده ليه وبردو مشوفش وشك ولو كدبت صدقنى محدش هيعرفلك طريق ولا الجن الأزرق ذات نفسه ...ها تحب تعمل أنهى واحد
محمد بتوتر وعرق جامد : انا هقول لحضرتك على كل حاجه
Flash back
=مدير الحسابات إلى ف الشركه هنا فين
السكرتيره : حضرتك مين
=انا زميله لسه جاى من السفر وعرفت انو ف الشغل فقلت اجى أسلم عليه
السكرتيره : حضرتك ممكن تستناه بره وانا هبلغه مينفعش حضرتك تخش جوة دى قوانين الشركه
=  تمام ماشى اناهستناه بره بس لو سمحتى مش تقولى ليه أسمى قوليلوا حد مهم عايزك بره
السكرتيره :تمام يا فندم اتفضل ....
بلغته وراح خرج بره وجواه سؤال مين الشخص دا
محمد : افندم مين حضرتك
حازم : محمد توفيق
محمد : ايوا مين
حازم : انا اسمى حازم ...بص بقى من غير لف ولا دوران كتير عايزك تعملى خدمه هنا
محمد : ازاى مش فاهم
حازم : عايز الحسابات اللى هنا دى تقع
محمد :لا طبعا انت مجنون انا هروح اقول لانسه نجوى
حازم : ريتاج وعلى وسيف والمدام تحب طريقه الوداع تبقى ازاى
محمد بخوف : ايه
حازم : تحب طريقه وداعهم تبقى ازاى
محمد :انت عايز ايه بالظبط
حازم : شاطر ..بص بقى انا هديك ورق وأرقام حسابات تشتغل عليهم و ورق الحسابات اللى هنا تولع فيه مش عايز اى غلطه إلا لو حابب
محمد بسرعه : خلاص خلاص فهمت ...
حازم : تمام ..خد دول ..دول لحد ما تخلص اللى قلتلك عليه والباقى بعد التنفيذ وحسك عينك تفتح بقك قدام نجوى فاهم
محمد بخوف : فاهم
Back
محمد : والله يا فندم هوا دا اللى حصل انا خفت على مراتى وعيالى انا ف داهيه بس هما لاء بالله انا ندمان وعارف انى غلطت  بس ارجوكى تسامحينى ومتقطعيش أكل عيشى
نجوى بهدوء عكس النار اللى جواها : ف حاله واحده بس
محمد :موافق على كل اللى حضرتك تقوليه
نجوى : تشتغل معاه ضدى
محمد :مش ..مش فاهم
نجوى : يعنى توافق على كل اللى بيقولك عليه واللى يديك ورق تديهولى وتديلوا ورق اللى انا عايزاك تديهولوا ..بالبلدى كده انت هشتغل معاه لحسابى وكل صغيره وكبيرة تتقالى إلا والله العظيم هتقعد ف البيت ولا شركه هترضى تقبلك
محمد : حاضر والله يا فندم كل اللى حضرتك عايزاه يتعمل بس متقطعيش عيشى
نجوى : متفكرش انا سيبتك عشان خاطر سواد عيونك لاء عشان عيالك ومراتك اللى ملهومش ذنب وآخر مره اللى يلعب على نجوى العمراوى آخره الموت فاهم ..بره
محمد خرج وسليم مفتحشى بقه وكان بيتفرج بس على نجوى لحد ما
مروة : هتعملى أيه
نجوى : اللعب بدأ بدرى أوى ..والله والبيه لسه راجع من بره وجاى يراقب ويشوف ويهد .... بس تمام أوى خليه يلعب براحته
سليم : طب نشوف نعمل أيه ف الحسابات دى
نجوى : هتعمل النهاردة كلها تانى من الأول
سليم ف نفسه : دا حظى حظ بقر والله العظيم شكلى كده مش هنخرج مع بعض تانى
نجوى : مروة هاتيلى كل ورق الحسابات اللى فاتت
مروة : حاضر ...مروة جابت كل ورق الحسابات ونجوى وسليم ومروة بيشتغلوا عليهم
بالليل
تليفون مروة رن اخدته وطلعت بره
مروة : الو سلام عليكم ازيك يا حبيبتى
مامتها : وعليكم السلام كده يا مروة تتاخرى لحد دلوقتى
مروة : والله يا حبيبتى شغل انتى عارفه وبعدين انا مع نجوى يعنى متقلقيش
مامتها : ربنا يعينكوا يا حبيبتى يارب طب حاولوا متتاخروش عن كده
مروة :حاضر يا قلبى اكلتى واختى دواكى
مامتها : اه يا حبيبتى لسه بس دوا واحد بتاع الضغط
مروة : طب ينفع كده تنسيه روحى خديه وانا نص ساعه وجايه ماشى يا حبيبتى ..يلا سلام
____________________
سليم بتركيز : كده نص الحسابات مظبوطه معتشى غير آخر صفقه ودى كمان اللى مع شركه W
نجوى ف نفسها : يبن الكلب بقى انت عايز توقعنى انا والله لوريك يا حازم الكلب
نجوى : تمام يلا نخلص النص التانى
مروة دخلت
نجوى : مامتك صح
مروة :اه
نجوى : طب روحيلها يا مروة
مروة : لاء مش همشى غير لما نخلص الورق كله
نجوى : معتشى غير حاجه بسيطه روحيلها واه على فكره هيا ماكلتش ومستنياكى بس حضرتك مش قلتلها أنك هتقعدى دا كله هنا
مروة : فعلا انا نسيت خالص
نجوى : يلا روحى وانا هكلم السواق يوصلك
سليم : اسف على المقاطعه بس هتلاقى مازن مستنى تحت انا هتصل بيه وهخليه يوصلك
مروة : لا أبدا ملوش داع انا السواق هيروحنى وخلاص
سليم : ابدا مفيش حاجه ثوانى وهقوله .....على العموم مستنى تحت تقدرى تروحى متخافيش مش بيعمل حاجه
مروة : مقدرش اصلا
نجوى : طمنينى عليكى اول ما تروحى  تمام وسليملى على لولو
مروة : يوصل ان شاء الله سلام يا حبيبتى
سليم : ممكن أسألك سؤال
نجوى : اتفضل
سليم : هوا انتى ازاى كده
نجوى : يعنى ايه
سليم : يعنى انتى مع محمد كنتى حرفيا هتموتيه بنظراتك بس لما عرفتى الموضوع متعلق بمراته وعياله هديتى لدرجه حسيت انك نسيتى هوا عمل ايه ..تشتغلى بتركيز بس جواكى غير كده بتهتمى باللى حواليكى وناسيه نفسك ليه كل دا
نجوى : اللى اتكسر مره بيحاول ميتكسرش تانى وبيحاول  يخلى اللى حواليه ميتكسروش عشان ميعانوش زيى ....سليم عايزة أفهمك حاجه العيله هيا بالنسبالى كل حاجه يعنى حياتى الشخص بقى اللة يهدد حياتى يبقى حيات الشخص هيا اللى هتبقى جحيم لانو مس ممتلكاتى فأنا سامحت الراجل عشان دا مش لعب دى أرواح وعيله وحياه
سليم : بس ليه تتكسرى ومين الشخص اللى عمل كده
نجوى : مش دلوقتى ..كل حاجه هتتعرف ف وقتها يلا نشتغل
__________________________
مروة نزلت لقت مازن ومستينها قدام العربيه
مازن : اتفضل يا انسه مروة
مروة : حقيقى مش عايزة اتعبك صاحبك هوا إللى أصر انا ممكن اخد تاكسى ..
مازن : حيلك حيلك أنا اصلا مش معترض ولا معطلانى عن حاجه وبعدين يا ستى تعبك راحه بالنسبالى ..اتفضل أركبى بقى عشان متتاخريش
مروة : تمام شكرا
مازن : العنوان فين
مروة : **********
مازن : تمام ...عايشه لوحدك ولا مع عيلتك
مروة : اشمعنى
مازن : ابدا مجرد سؤال
مروة : عايشه مع والدتى
مازن : والباقى ..يعنى مثلا اخواتك 
مروة : عندى اخت واحده بس وهيا متجوزة وعايشه بره إنما والدى متوفى
مازن : انا اسف
مروة : مفيش حاجه
قعدوا طول الطريق ساكتين لحد ما وصلوا مروة نزلت
مروة : شكرا على التوصيله مره تانيه
مازن : لو عايزة تشكرينى بجد اقبلى دعوتى على فنجان قهوة مثلا
مروة : ..أمم هشوف واقولك سلام
_____________________________
سليم : يا الله ايه كل دا أخيرا خلصنا
نجوى : حرفيا تعبت اوى
سليم : يلا بقى نروح أظن كده الحسابات تمام و معنشى ف حاجه
نجوى : تمام يلا
نجوى وهيا قايمه الدنيا لفت بيها واسودت ومسكت ف المكتب والكرسى وسليم شاف دا
سليم بقلق : نجوى انتى كويسه
نجوى :...اه بس دوخت بس شويه
سليم : انتى اكلتى حاجه 
نجوى : لاء مش أكلت
سليم : طب استنى هنا متتحركيش
نجوى قعدت على الكرسى وسندت رأسها على المكتب  وغمضت عينيها سليم راح كافيتيريا الشركه وجاب ليها لمون ورجع تانى لقاها مغمضه عينيها و وشها زى الملاك راح ناحيه وقال بصوت هادى نجوى نجوى قامت وفتحت عينيها وقالت نعم
سليم : خدى اشربى دا هتبقى كويسه أن شاء الله
نجوى : شكرا بس مكنشى ليه لزوم  
سليم : مفيش حاجه اشربى بس عشان تروحى وتستريحى شويه
نجوى : تمام
نجوى بتمسك الكوبايه وايديها بتترعش
سليم : اساعدك
نجوى : لا انا هعرف شكرا
نجوى حاولت تمسك الكوبايه وشربت منها شويه وسابتها ..شكرا يلا بينا
سليم : بس انتى مخلصتيهاش
نجوى : بس انا تمام
سليم : قدعها ومسك الكوبايه مش هنمشى غير لما تخلصيها افتحى بقك
نجوى :نعم
سليم : ايه هتشربيها ولا اشربهالك انا   
نجوى بتوتر : خلاص هشربها انا ..انا مش مشلولة هات نجوى مسكت الكوبايه وشربتها وقامت يلا بينا خلاص شربتها
سليم : شطره ايوا كده
نجوى : انت بتدادى بنت أختك
سليم : والله لو بنت اختى مش هتبقى كده يلا
نجوى وسليم نزلوا ونجوى راحه ناحيه عربيتها لقت الكاوتش نايم
نجوى : يا الله ودا وقتك دلوقتى
سليم : تعالى اوصلك
نجوى : لا روح انت انا هاخد تاكسى
سليم : يبنتى يلا انتى ليكى حيل للفرهده اركبى يلا
نجوى بابتسامه : تمام شكرا
سليم ركب : شكلى حظى اتعدل شويه
نجوى : ليه
سليم : تقريبا كده اصلا حظى بومه
نجوى بضحك  وف غمازة ظهرت : ليه اصلا
سليم بهيام : ضحكتك قمر اوى اول مره اعرف انك عندك غمازة
نجوى : اه لما بضحك بتطلع ليه حظك بومه
سليم : يعنى دى تانى مرة أقولك تعالى نخرج ف كافيه الاقى حاجه طلعالى من حيث لا احتسب اول مره كان مع أختك تانى مره النهادرة ومدير الحسابات شكلى كده مش هتهنى بكوبايه القهوة
نجوى بضحك : فعلا حظك بومه أوى ..بس اكيد هتتعوض
سليم : يوما ما ههه
شويه و وصلوا
سليم : حمد الله على السلامه
نجوى نزلت : الله يسلمك وشكرا
سليم : يستى تعويض عن حظى البومه بتاعى دا
نجوى بابتسامه : مع السلامه ..
سليم : تصبحى على خير
نجوى : وانت من اهله
سليم : وانتى من اهلى
نجوى طلعت كانت جواها مضايقه جدا ومتعصبه من حازم بس غيرت وصلت فروضها ونامت من التعب
تانى يوم
نجوى قامت بكل طاقه وحاسه أن ف حاجه حلوة هتحصل بس ف نفس الوقت مضايقه أولا بسبب حازم ثانيا تليفون كل يوم بقاله تلات أيام مش بيرن
نجوى قامت اخدت شاور وصلت  ولبست بنطلون بيبى بلو وفوقه شيميز ابيض وطرحه ميكس بين اللونين وساعه فضيه وكوتش ابيض وشنطه سودة ونضاره شمس سودة كانت قمر بمعنى الكلمه وكانت نوعا ما مبسوطه هيا مش عارفه ليه بس الإحساس دا جايلها
نزلت سلمت على أهلها وفطرت حاجه بسيطه وخرجت لقت عربيه سليم مستنياها
نجوى راحت عنده : ايه اللى جابك هنا
سليم كان لابس بنطلون كحلى وقميص ابيض وساعه سوده و حاطط برفان وكان شكله جامد 
سليم : يعنى دى مقابله تقابلينى بيها مفيش سلام عليكم. .صباح الخير. ..نورت تعالى افطر معانا يخساره
نجوى بابتسامه وحرج في نفس الوقت : اسفه مش قصدى بس يعنى غريبه مش أكتر وعلى العموم صباح الخير
سليم : صباح النور ..ابدا يستى شكلك نسيتى أن عربيتك لسه هناك ف الشركه وكان الكاوتش نايم فقلت اعدى عليكى اخدك ونروح سوى   
نجوى : مكنشى لى لزوم التعب دا
سليم : لا تعب ولا حاجه يلا اركبى
نجوى ركبت وجواه بتقول انا ليه مرفضتش انا عندى جراج عربيات ليه وافقت اركب معاه
نجوى : معلش هعمل بس اتصال
سليم : اتفضلى ولا يهمك 
نجوى كلمت مليكه واطمنت عليها وعرفت أنها هتيجى كمان يومين فصلت معاها وحاولت تتصل بالرقم التانى ومش بيرد نجوى ف نفسها : والله لما تيجى عشان مش ترد عليا اوى اشوفك بس
سليم ونجوى وصلوا الشركه و كانوا ماشيين جمب بعض واللى يشوفهم يقول انهم مخطوبين شكلهم كان عسل اوى
دخلوا المكتب ومروة وراها
مروة : نجوى ...حازم بره 
نجوى بشر : دخليه
حازم دخل : ازيك يا بشمهندسه
نجوى بغرور : الحمد لله أقعد ....بص بقى انا مبحبش الوسايط والجو دا ومش بحب حد يخش شركتى على الجاهز فالأول هتروح تتدرب ف شركه تانيه تمام وصاحبها هوا إللى مسؤول عن كل حاجه يشغلك زى ما يكون هوا عايز
حازم بضيق : يعنى ايه
نجوى : يعنى كل اللى يقولك عليه يتنفذ وتسمع الكلام وانت ساكت ولما يلاقيك تستاهل الشغل تبقى تيجى ونشوف هتشتغل ايه
حازم : تمام
نجوى : دلوقتى هديك العنوان وتروح هناك وهما المسؤولين عنك ....أمسك
حازم اخد العنوان وخرج وهوا مضايق جدا وحاسس انو عايز يقتلها
سليم : انتى ازاى تسيبيه كده
نجوى : الصبر ....وكل حاجه هتبان
...الو ..اه جايلك دلوقتى ...تمام ...وابتدى اللعب صح ....وانا واثقه فيك ...سلام
طبعا دا مصطفى
سليم ونجوى كانوا بيشوفوا ورق ناقص وبيراجعوه
جاجوووو قلبيييييييي
نجوى بصدمه وفرحه وسليم كان مصدوم مين دا
نجوى قامت جرى وهيا بتضحك وبتقول فهدي
وراحت حضناه وهوا كمان حضنها و شالها وهيا بتضحك من قلبها نزلها
نجوى : فهدى انت جيت امتى
فهد : لسه جاى ( طبعا عرفتوا دا مين دا مكالمه كل يوم بالليل ودا الشخص اللى نجوى بتكلمه كل يوم )
نجوى : وحشتنى اوى وقعد باسها من جبينها وحضنها تانى
فهد : انتى كمان يا روحى وحشتنى اوى
سليم كان هيموت من الغيظ وكان هاين عليه يقتلهم هما الاتنين ازاى هوا يحضنها ويبوسها من جبينها لا وهيا كمان بتبادلوا والله يا نجوى لمعرفك
سليم : احم احم
نجوى بانتباه : سورى يا سليم ...سليم دا فهد ..فهد دا سليم شريكى ف الشركه هنا
فهد سلم على سليم وسليم كان ماسك ايده وعايز يفعصها وسلم عليه جامد وفهد قابله بابتسامه باردة
نجوى اخدت فهد من ايده وقعدوا على الكنبه
نجوى : احكيلى مكنتش مش بترد عليا ايه بقالك 3 أيام انا قلبى وقع ف رجلى
فهد : سلامه قلبك يا روحى انا كنت مكلمك وقلتلك هاجى على آخر الشهر صح خلصت شغلى بدرى وقلت اعملك مفاجاه واجى قبل ميعادى وأول واحده اشوفك
نجوى : مش هقبل بكده لازم تصالحنى
سليم ف نفسه : يختااااااى يصالحك ايه يا بت ما تظبطى نفسك دا انا اول مره اشوفك كده قال تصالحنى قال أمال فين عبده موته اللى جواكى الله يرحم
فهد : وانا عارف أميرتى بتتصالح ازاى يلا ولا وراكى شغل
نجوى :لا مش ورايا ولو حتى ورايا يتاجل عشانك يلا ..احم سليم انا اسفه بس مضطره امشى وانت كمان تقدر تروح الشغل خلص خلاص يلا مع السلامه
مروة الغيلى كل المواعيد النهاردة اوك
سليم ف نفسه : لاااااا وحياه امى وامك منا سايبكوا لازم اعرف هتروحوا فين وهوا بيقلد صوت نجوى سورى يا سليم انا مضطره امشى والله لوريكى يا بنت العمراوى
نجوى نزلت مع فهد وسليم وراهم لقاهم مش ماشيين من الشارع الرئيسى دول رايحين الجراج
سليم : يا ترى هتعملوا ايه
فهد شال حاجه وطلع موتوسيكل آخر موديل ومن النوع السريع بغباء
نجوى : عاااا فهدى انا بحبك أوى انت عارف انا مش ركبتوا لما كنت مسافر دى اول مره اركبه
فهد : يبقى تجيبى ايدك وتركبى ورايا ونعيش يوم سوى
نجوى :وانا كلى ملكك ومعاك
سليم :احيييييه نهارك اسود يا نجوى والله لربيكى من أول وجديد بحبك ايه حبك برص يا  شيخه لاء والتانى مبسوط اوى وبارد يتك الأرف
نجوى ركبت ورى فهد وطلعوا بره وسليم وراهم فهد كان بيسوق بسرعه عاليه ونجوى ماسكه فيه جامد وبتضحك
نزلوا سوى وركنوا ف حته فاضيه
فهد : اللى يسبق التانى يكسب
نجوى بتحدى : هتعزمنى على أيس كريم وتجيبلى لعب كتير ونروح مول سوى
فهد : وانا موافق ...3 ...2....1 go
نجوى وفهد فصلوا يجروا سوى وهما بيضحكوا وبيبصوا لبعض ومسكوا ايد بعض
وف واحد بيولع ورى وهيموت من  الغيظ ههههه
هما الأتنين تعبوا وناموا على الأرض وهيا ف نايمه على كتفه
نجوى :وحشتنى اوى
فهد : مش هسيبك تانى ابدا وهفضل معاكى
نجوى : رجعوا تانى
فهد : وانا معاكى ويا احنا يا هما
نجوى : يلا مش عايزة نكد انا اصلا النهاردة اول مره اصحى مبسوطه وكان شعور جويا بيقول انك هتيجى يلا بقى اعزمنى على أيس كريم
فهد بضحك : يلا
ركبوا تانى الموتوسيكل وسليم وراهم
راحوا على محل أيس كريم واشتروا وفهد كان بيحط الايس كريم على نجوى ويبهدلها وشها وكذلك نجوى وكانوا بيضحكوا من قلبهم
خلصوا وغسلوا وشهم وراحوا مول وراحوا قسم الالعاب وفهد حط نجوى ف العربيه ويجرى بيها واشترى كل اللعب إلى نفسها فيها
( شباب والله كبرتوا الموضوع الأخ التانى صعب عليا والله ههه معلش يا سليم تعيش وتاخد غيرها )
واشتروا لعب وراحوا اكلوا وخلص اليوم نجوى وفهد روحوا عند نجوى والكل كان مبسوط جدا برجوعه والبيت كان فرحان برجوع فهد
فهد : ازيك يا ماما ازيك يا بابا وحشتونى  والله      
سهام : وانت اكتر يا حبيبى ينفع كده  كل دى غيبه
فهد : والله غصب عنى وخلاص يستى قاعد على قلبكوا كلكوا ومش هسافر تانى
سميه : هييييه فهودى هيقعد ومش هيسافر
فهد : وحشتنى يا قلب فهودك
اسراء : والله وحشتنا اوى يا فهد
مش تبعد تانى خلاص انت بقيت ف سجن مؤبد
فهد : وانا نفسى أعيش عمرى كله ف السجن القمر دا
عادل : خلاص يا ولاد خلى فهد يرتاح
نجوى بصلته
فهد : وربنا عارف ومش ناسى اخد بس شاور واجيلك
نجوى : اوكى
___________________________
عند سليم
سليم دخل مش طايق نفسه وبيتخانق مع دبان وشه  
زياد : ايه يا كابتن قول حتى سلام عليكم
سليم : أخرس يلا ...وطلع اوضته
بقى ييجى الواد دا ويقعد يحضن فيها ويبوس فيها وهيا عادى كده دا انتى بطلعى عين امى على ما أكلم معاكى أو نتفق نخرج سوى لاء ازاى ييجى البيه ياخد على الجاهز ويخرجوا ويتفسحوا وانا عينى كانت هتحرقهم 
عقله : يبنى هدى نفسك مش يمكن أخوها
سليم : اه ممكن
عقله : طب لو مش أخوها
سليم : دا انا هطلع عنيها
قلبه : طب سؤال بقى مالك مطلع زعابيبك علينا كده ليه
سليم :بص بقى نجوى مش هتبقى لحد غيرى
عقله : ليه ان شاء الله
سليم : عشام بحبها. ..حبتها من أول يوم شفتها فيه من يوم الحفله زاد إعجابى ليها أنها علمت على عيل  جه جمب اختها شايله مسؤوليه كبيرة عليها حنيتها مع الناس التانيه كل دا ومش عايزنى أحبها
( وهنا يا رفاق يتفق العقل والقلب معا على الحب ومن هنا تبدأ قصه حب سليم ونجوى
وعند الاجتماع على الحب يغلق اى باب آخر فقط توجد ابواب الحب والعشق والحنان )
_________________________
فهد اخد شاور ولبس تيشرت وبنطلون اسود وراح عند نجوى لقاها بتصلى
فهد قعد قدام نجوى يتاملها و عنيه كلها حب واشتياق خلصت نجوى وفهد راح نحيتها
فهد : حرما يا روحى
نجوى : جمعا أن شاء الله
فهد : يلا بقى ننام لانى تعبان جدا وعايز انام
نجوى : يلا
غيرت نجوى الاسدال بتاعها  وكانت لابسه بيجامه طويله وفردت شعرها وراحت نامت ف حضن فهد
نجوى : هخلص انتقام
فهد : تؤتؤ هنخلص مش هسيبك ابدا وكمان لوسيفر معانا دا انتى ربنا بيحبك عشان احنا حواليكى
نجوى : وانا بحمد ربنا كل يوم على النعمه دى وانكو حواليا
فهد باسها من رأسها : تصبحى على الجنه
نجوى : وانت من اهلها
______________________________
هل يا ترى فهد أخو نجوى فعلا وايه اللى هيحصل مع نجوى وسليم وحازم هيشتغل ايه  هنعرف البارتات الجايه سلام ❤