جرأة خلفها طفله (مكتمله)

الحلقه الثامنه

الحفله خلصت والكل روح والكل كان مبسوط ونجوى أول مره من سنين تحس بالسعادة من سنين وسليم اتفق مع نجوى انو هييجى ياخدها ويروحوا الشركه سوى ونجوى وافقت والكل طلع نام لأن اليوم كان طويل وشاق اوى
■■■■■■■■■■
نجوى صحيت من النوم وكلها سعاده وفرحه قامت اتوضت وصلت ولبست دريس طويل لونه ابيض وفيه فراشات لونها بينك وطرحه نفس اللون وساعتها ونضارتها وكانت قمر نزلت وسلمت على أهلها وخرجت لقت سليم واقف قدام العربيه وساندى عليها وكان لابس بنطلون لونه كافيه وتيشرت ابيض وجاكيت بنى وساعه ف ايده ونضاره شمس كان جامد بردو شاف نجوى جايه عليه وقف قصادها والضحكه من الودن للودن اصمله عليه ههه نجوى راحت ناحيته وهيا مبسوطه ومكسوفه
سليم : ايه القمر دا صباح الورد عليكى
نجوى : صباح النور
سليم : بقولك ايه ما تيجى نزوغ من الشركه ونخرج مع بعض شويه
نجوى بضحك : شغل ثانوى اوى خليها لما نخلص الشغل طيب انا بقالى يومين مش بروح الشركه ولا انت كمان بتروح شركتك وزمان علينا شغل كتير أوى
سليم : تمام خلاص يلا اركبى
نجوى وسليم ركبوا وسليم كانوا بيتكلموا سوى لحد ما سليم عرض عليها أنها تجيب الملفات المهمه وتيجى عندو الشركه وهيا وافقت وصلوا الشركه عند نجوى وطلعوا سوى ومروة كلمت معاها وقالت هتروح الشركه عند سليم ومروة قالت ليها انها هتخرج بعد الشركه لو عايزاها ف حاجه تقول ونجوى اخدت اوراقها واللاب بتاعها ونزلت راحت مع سليم عند شركته ومروة اتصلت بمازن وقالت ليه هيتقابلوا بعد الشركه وهوا وافق
■■■■■■■■■■■■
عند سارة
صحيت من النوم وكانت ف حضن أيمن وكانت من غير هدوم وهيا فصلت تلعب ف وشه لحد ما صحى
سارة : صباح الخير يا حبيبى
أيمن : صباح النور يا حبيبتى
سارة : يلا قوم بقى عشام امشى عشان اتاخرت  
أيمن :ايه لسه بدرى
سارة : لاء عشان ماما والمحاضرات بتاعتها وانا مش عايزة اسمع من اللى ف البيت اى حاجه
أيمن وهوا بيمشى ايده على جسمها : بس لازم نقعد اكتر من كده مع بعض انا لسه مشبعتش منك
سارة وهيا بتتجاوب معاه : طبعا يا بيبى ...يلا اطلع عشان البس هدومى
أيمن : طب اساعدك انا
سارة : روح هات فطار عشان افطر معاك
أيمن : حاضر ولا ونى كان نفسى اساعد
سارة بضحكه مايصه : مرة تانيه يلا بسرعه
أيمن خرج وسارة راحت تلبس خلصت وخرجت وفطروا سوى ومشيت وراحت البيت عندها
■■■■■■■■■■■
إسراء : الو سلام عليكم ازيك يا سلمى ( زميلتها )
سلمى : وعليكم السلام ازيك يا روحى عامله ايه انا الحمد لله
إسراء : الحمد لله تمام معلش يا سلمى انا مش هاجى الجامعه النهادرة مليش مزاج أوى تمام
سلمى : خلاص يا روحى هسجلك اللى اخدناه وهبعتهولك
أسراء : تسلميلى يا قلبى شكرا ...مع السلامه
إسراء قفلت مع سلمى وراحت لبست بنطلون اسود و سويت شيرت اسود وطرحتها ونزلت ومعاها شنطه ضهر ونزلت وخرجت فضلت تتمشى شويه من غير وجهه لحد ما فونها رن
مصطفى : هالوز يا سوسو
إسراء : ازيك يا مصطفى عامل ايه
مصطفى : مصطفى وازيك يبقى اكيد ف حاجه انتى فين
إسراء : هبعتلك لينك اللوكيشن لانى مش عارفه انا فين ..سلام
10 دقايق بالظبط ومصطفى كان عندها
مصطفى :إسراء انتى كويسه
إسراء : الحمد لله تمام
مصطفى : أمال مالك لابسه اسود كده ليه ومش ف المود وشكلك مضايق
أسراء : مصطفى ممكن طلب بس من غير ما نجوى تعرف
مصطفى : طبعا قولى
إسراء : عايزة اتعلم ملاكمه
مصطفى : نعم
إسراء : عايزة اتعلم ملاكمة ايه الغريب ف كده
مصطفى : وبتقولى مش عايزة نجوى تعرف وممكن طلب وجايبانى جرى عشان تقوليلى اتعلم ملاكمة دا انا قلت مادام مش عايزة تقولى لنجوى تخطفينى ونتجوز
إسراء بضحك : فيلم هندى شفته 30 مره ...بجد يا مصطفى عايزة اتعلم ملاكمة
مصطفى : طب ايه السبب
إسراء : عشان خايفه ....خايفه من اللى حواليا خايفه من نظرات عزيز ليا خايفه من انو لو حصلى حاجه معرفش أدافع بيها عن نفسى
مصطفى : خلاص انا معاكى انا هدربك ف اى وقت واى حته انتى عايزاها ومن غير ما نجوى تعرف كمان بس عايزك تثقى ف نفسك اكتر من كده وف ربنا " قل لن يصيبنا إلا ما كتب الله لنا " كل حاجه هتحصلنا مكتوبه يبقى نتوكل على ربنا ونثق فيه زيادة وكمان مش عايز كلمه خوف دى على لسانك تانى مادام انا معاكى مش عايزك تخافى تمام
إسراء بكسوف : ونعم بالله ...تمام انت بتعرف تلعب ملاكمة
مصطفى وهوا بيرفع ياقه القميص بطريقه كوميديه : اللى واقف قصادك وبلا فخر واخد بطوله الجمهوريه ف الكاراتيه والكونغ فو والملاكمه والتايكوندو انتى مش عارفه بتتكلمى مع مين يا ماما ولا ايه
إسراء : معاك إسراء اول عالم باليه مائى ربنا يحميك لشبابك يبنى ههههه
مصطفى بضحك : انتى عارفه مثل التفاهه دى ف دمى انتى بينطبق عليكى المثل دا
إسراء : طبعا انا مش اى حد بقولك ايه انت فاضى
مصطفى : افضيلك يا جميل
إسراء : بقولك ايه انا عايزة اتجنن ...
مصطفى : أشطا وانا راشق معاكى
إسراء : لاء بقيت بتتكلم عدل اهو وبتذاكر لا انت طالب نجيب وبتذاكر كويس يلا هنتجنن فين
مصطفى : بعض ما عندكم ...المهم تعالى معايا
ركبوا العربيه ومصطفى ساق بسرعه عاليه وراح عند اسطبل للخيول
مصطفى : ازيك يا عم على
على : ازيك يا بنى عامل ايه
مصطفى : الحمد لله تمام والنبى جهزلى أصيل وجمانه
على : حاضر يبنى
مصطفى راح عند إسراء
مصطفى : بتعرفى تركبى خيل
إسراء : مجربتش قبل كده نجوى بس اللى عندها خيل وانا مكنتش غاويه اوى
مصطفى : طيب هعلمك تركبيه
أسراء : عارف لو حصلى حاجه هعمل فيك ايه ..هوا انا مش مجهزة حاجه دلوقتى بس انا بحذرك وقد بعتر من زعتر
مصطفى بضحك : طب يلا يا مجنونه....بصى يا ستى دا أصيل ودى جمانه انتى هتركبى جمانه ماشى ..حطى رجلك هنا وامسكى دا ....ايوا تمام شطره
إسراء ركبت الخيل وكذلك مصطفى
مصطفى : أمسكى كويس تمام و امشى براحه
إسراء : اوكى ....مصطفى دى طلعت حلوة أوى وطيبه
مصطفى : طيبه ازاى
إسراء : مش بتجرى وترمينى من عليها
مصطفى بضحك : والله هيا عندها استعداد تعمل كده بس مادام انتى راسيه ومش مجنونه هتفضل طيبه
فضلوا يلفوا حوالين بعض شويه وبعديها اسراء نزلت ومصطفى كمان
إسراء وقفت قصادها وبترفع ايديها عشان تلمسها الخيل صهلل وخافت وبعدت ايديها مصطفى وقف وراها ومسك ايديها تانى وحطها على الخيل وكانت مغمضه عينيها
مصطفى بهمس : مش هتعملك حاجه هيا كانت بتلعب مش اكتر افتحى عينك
إسراء فتحت عينيها وكانت ايد مصطفى لسه على ايديها على الخيل
إسراء :مصطفى انا حاطه ايدى مصطفى سحب ايده من عليها ورجع لوعيه تانى و وقف وراها وبيبص عليها وهيا بتضحك ومبسوطه
مصطفى : إسراء انتى عمرك ما حبيتى
إسراء : بصراحه لاء   بخاف من العلاقات اللى شبه دى
مصطفى :اشمعنى
إسراء : يعنى بخاف أحب حد واتعلق بيه واحكيلوا عن كل حاجه تخصنى و أبين ضعفى قدامه يمل منى و يزهق ويبعد ف بالتالى انا اللى هتاذى ومش هيبقى عندى ثقه ف اى حد حتى نفسى 
مصطفى : طب لو لقيتى الشخص اللى يسمعك وميملش منك ويحبك بجد ويبقى عايز يسمع اللى مضايقك هتعملى ايه
إسراء : ساعتها كل اللى عندى من حب ومشاعر هديهاله وقلبى هيبقى عباره عنه هوا وبس
■■■■■■■■■■■■■■■■■■
ساندى : يا لوكا ملهاش لازمه المحاضره انا مش هروح
ملكيه : تلاته بالله العظيم مش هروح زيك ههه صحبتى تغيب وانا اروح ليه أن شاء الله هههه
ساندى : أشطا عليك يا صحبى ..انتى هتروحى النهادرة 
مليكه : اه كمان ساعه كده مش هتيجى
ساندى : ف مشوار مهم لازم اروحه مع ماما فمش هعرف اجى
مليكه : خلاص يا روحى ولا يهمك سلميلى عليها وخلى بالك من نفسك ...سلام
مليكه قفلت معاها وراحت لبست وجهزت نفسها وكانت لابسه بنطلون جينز وسويت شيرت اسود وطرحتها ونزلت وركبت عربيتها وراحت محل هدايا اشترت هدايا كتير وأكل كتير  وتورته وحطتهم ف العربيه ومشيت بيها
عمر كان ف ملجأ وبيلعب مع الأطفال ولقى طفل زعلان ومش بيلعب معاهم 
عمر : تعالى يا حبيبى مالك زعلان ليه
جه طفل وهوا مضايق و وقف قصاد عمر
عمر : اسمك ايه
الطفل : أسمى محمود
عمر : اسمك حلو يا حودا مالك زعلان ليه 
محمود : حودا دى بتاعه لوكا هيا بس اللى تقولهالى ممكن أعمل تليفون من معاك
عمر :خلاص يا محمود متزعلش وآدى التليفون يا سيدى ..هتصل بمين
محمود : هتصل بلوكا اشوفها اتاخرت ليه .....
الو ايوا يا لوكا انا محمود
ملكيه : ايه يا حبيبى عامل ايه انت بتتكلم من فون مين
محمود : الحمد لله تمام بتكلم من فون عمو جه هنا انت اتاخرتى ليه انتى وحشتينى اوى
مليكه :ف الطريق يا قلبى 10 دقايق وهبقى عندك اوكى
محمود : اوكى يا لوكا بأى ....شكرا يا
عمر : عمر والعفو يا سيدى مفيش حاجه مش هتيجى تلعب 
محمود : لما لوكا تيجى 
عمر :مين لوكا دى
محمود : دى حبيبتى
عمر : ياسيدى يا سيدى طيب ...هيحح
بنت : سورى يا عمو ماخدتش بالى والله انا اسفه
عمر : خلاص يا حبيبتى متضيقيش انا هروح اغسلها واجى
عمر دخل جوا ومليكه جت  وراحت عند محمود ومش بتعمل صوت
مليكه : حودا حبيبى
محمود بفرحة : لوكا حبيبتى وحشتينى اوى
مليكه :وانت كمان والله عامل أيه مش بتلعب مع التانيين ليه
محمود : عشان كنت مستنيكى 
مليكه : وادينى جيت يلا نلعب بس استنى أسلم على بقيت الأطفال عشان جيت وانا بتسحب ههه
مليكه جت وقفت ف النص والأطفال شافوها وجريوا عليها وحضنوها وكلهم اتفقوا يلعبوا سوى وكانت لعبه القطه العاميه هههه ( اللى هيا بتحطى حاجه على عينيكى وبتدورى على اللى بيلعب معاكى وتمسكيه )
مليكه غمت عينيها وفضلت تجرى وراهم
مليكه : حودا حبيبى ...ملوكه ...شيموو ... محمد ...انتو رحتوا فين يا عيال ..هيييه مسكتك يا حودا بس انت كبرت فجأه كده ليه
قامت شايله اللى على عينيها ولقت عمر ف وشها والعيال بتضحك عليها
عمر : بس انت كبير ليه ههه مجنونه
مليكه : احترم نفسك ..انت بتعمل ايه هنا
عمر : زى ما بتعملى بالظبط
محمود جه عليهم : يلا يا لوكا نلعب بالألوان
عمر : هيا دى حبيبتك
محمود قام حضنها ومليكه بادلته : وصحبتى كمان وكل حاجه حلوة
مليكه :انت اللى قمر يلا نلعب وسيبك من عمو القفل دا يلا ههههه
مليكه قامت وجريت مع محمود وعمر ضحك عليها وراح معاهم كلهم بداو يلعبوا بالألوان وف اللى يلعب بالكورة وف اللى يلعب بالعرايس
طفل اسمه محمد : يا لوكا عايزين نعمل سباق جرى
مليكه :اوكى يلا هقسمكوا وفضلوا يلعبوا ومليكه وعمر يشجعوا الأطفال وعمر كان بيضحك ويبص على مليكه وضحكتها القمر وحنيتها مع الأطفال
الاطفال تعبوا وقعدوا شويه
مليكه : ثوانى هروح أجيب حاجه ...قامت وراحت عند عربيتها وعمر كان وراها
عمر : تحبى اساعدك
مليكه : شكرا مش عايزة حاجه
عمر : بطلى عند على الأقل النهادرة عشان الأطفال  اشيل ايه
مليكه : افتح العربيه وهات الأكياس إلى قدام
عمر : ف علبه لوحدها اجيبها بردو
مليكه : لاء سيب دى خالص هات الباقى وتعالى ورايا
ملكيه دخلت وهيا شايله حاجات هيا وعمر وراحوا قعدوا ف النص بين الأطفال
مليكه : خدى يا شوشو ..خد يا محمد
عمر : خد حازم ..خدى يا ملك
وفضلوا يوزعوا الهدايا على الأطفال إلا محمود وقام بهدوء وراح قعد ورى الجنينه ومليكه اخدت بالها وقامت من وسطهم وراحت قالت حاجه لمديره الملجأ وراحت عند عربيتها وجابت العلبه وراحت عند محمود وعمر وراها
ملكيه ومخبيه  الهديه وراها وراحت قعدت ورى محمود
مليكه : قمت ليه
محمود : عشان عايز اقعد لوحدى شويه
مليكه : بتخبى عليا على لوكا حبيبتك
محمود : ما انتى بتحبى الأطفال التانيه عنى
مليكه : مين قال كده دا انت حاجه تانيه مختلفه عنهم خالص
محمود : بجد
مليكه : اه بجد انا بقى اللى زعلانه صالحنى يلا
محمود راح عندها وباسها من خدها وحضنها ومليكه بادلته
مليكه  : انت على فكره أهبل أوى ههه
محمود :ليه
مليكه : عشان فكرت انى ممكن أنسى عيد ميلادك ومش اديك هديه ...وطلعت هديه كبيره وادتهاله
محمود بدموع : دا ليا
مليكه : اه كل سنه وانت طيب يا احلى حودا ف العالم
محمود عيط وجرى عليها : انا بحبك اوى يا مليكه اوعى تبعدى عنى ماشى ..
مليكه : ماشى يا حبيبى بس امسح دموعك عشان مش بحب اشوفك زعلان ....
محمود بيمسح دموعه بطريقه عسل : خلاص أهو مش هعيط تانى ..يلا افتح الهديه
مليكه : اوكى افتحها
محمود فتح الهديه لقاه تلسكوب وليه استاند ف طول محمود
محمود فرح أوى بالهديه
مليكه : عارفه انك بتحب النجوم والقمر فجبتلك دا عشان تشوفهم كويس
محمود : انا بحبك أوى اوى اوى
مليكه : وانا بحبك اكتر ..تعالى معايا عشان بقيت المفاجأة
عمر كان متابع كل دا من الأول وحس قد ايه هيا طيبه وحنينه وقلبها ابيض ومفيش زيه ..قد ايه أتمنى انو يروح يقعد معاهم بس قال خلى الموضوع بينهم هما الاتنين وأول ما قاموا عشان ييجوا راح قعد مع الأطفال بس المرادى المكان متزين وفيه بلالين وتورته وحاجات كتيره حلوة
مليكه اخدت عمر وغمت عينيه وراحت عند التربيزة الكبيره وفتح عينيه
مليكه والأطفال وعمر ومديرة الملجا واللى موجودين : كل سنه وانت طيب يا محمووود
Happy birthday to you
الكل غناله وكان بيصقف ومبسوط والفرحه كانت على وشوش الكل ملامح بيغلبها البراءة والحب والدفا والعيله كل حاجه حلوة كانت هيا بس اللى مسيطره على المكان ❤
■■■■■■■■■■■■■■■
سارة روحت ولما دخلت سمعت المرشح بتاع أمها وطلعت على اوضتها 
إيمان : سعد شوف كده اخوك هتسلموا الشحنه امتى عايزين نخلص بقى
سعد : اعمل ايه يعنى يا إيمان القرار مش بايدى دا الريس كمان بيقول انو ممكن ناجل تسليم الشحنه يعنى ممكن تبقى بعد شهرين انا مش عارف لولا اللى حصل ف حازم  كان زمنا سلمنا الورق للريس و استلمنا الشحنه وحطناها ف مخازن الفهد
إيمان : كمان شهرين ...طب ما تخلى عزيز هوا إللى يقدم الورق
سعد : مينفعش لان حازم شغال ف شركه اللى بتتعامل مع نجوى وهوا هيبقى أقرب ويوصلنا للى احنا عايزينه
إيمان : خلاص كلم اخوك واتفق معاه وشوف حازم هيقدر يرجع الشغل تانى ولا لاء
سعد : طيب ماشى
■■■■■■■■■■■■■■■■■■
نجوى وسليم وصولوا الشركه وكل الانظار كانت عليهم ودخلوا المكتب عند سليم
سليم : تفطرى ايه
نجوى : فطار ايه يا سليم احنا ورانا شغل كتير أوى وتقولى فطا
سليم بمقاطعه : مفيش حاجه اسمها مش هفكر هتفطرى ايه عشان تأكلى ..( بنظره خبيثه ) ولا تحبى ااكلك بنفسى زى المره اللى فاتت كنت عايز اشربك اللبن اوى
نجوى بكسفه  وخضه : خلاص يا سليم هاكل زيك بس أتعامل باحترام عشان ماخدش حاجتى وامشى ورجعت لشخصيتها القويه ولا تحب نتعامل بطريقه مختلفه
سليم : انتى بتتحولى  خلاص هطلب بيتزا تحبيها بايه
نجوى :  بالجبنه واطلبها من مطعم *** عشان بيعملها حلو والجبنه بتاعته بتبقى كتير هههه واه متنساش البيبسى
سليم بضحك : خلاص تمام .طلب اوردر ورجع قعد قصاد نجوى وهما بيظبطوا ورق شويه والأكل جه وقعدوا ياكلوا وكانوا بيشوفوا أنهى موتزريلا  بتمط اكتر ويضحكوا على بعض خلصوا أكل ولمو الليله وقعدوا يشتغلوا شويه
سليم : نجوى ممكن سؤال
نجوى باهتمام : طبعا
سليم : هوا آخر مره لما بتاع الحسابات جاب الورق كنتى قبليها نزلتى ورحتى مكان كنتى فين
نجوى افتكرت وان الفلاشه مش معاها لان كل حاجه  حصلت بسرعه دورت بسرعه على شنطتها  وفضتها وسليم مش فاهم حاجه
سليم : نجوى انتى بتدورى على ايه
نجوى بتوتر : الفلاشه ..الفلاشه ..لالا انا ...انا حطتها
سليم : فلاشه ... طيب أهدى هيا كانت ف ايدك آخر مره
نجوى بتبصله : سليم بالله قولى أنها معاك بالله قولى كده ...هيا معاك صح ..
سليم : ششش أهدى هيا معايا أهدى متخافيش كده
نجوى : هيا فين
سليم : معايا هنا ف المكتب استنى ....اتفضلى اهى
نجوى اخدتها ونوعا ما هديت
سليم : هديتى
نجوى : ممكن اخش الحمام
سليم : اتفضلى هناك اهو
نجوى دخلت وقفلت على نفسها وغسلت وشها
نجوى لنفسها : مالك انتى نسيتى اللى كنتى بتعمليه متنسيش انتقامك فين نجوى العمراوى أهدى وركزى وبردو حبى سليم مش تمنعيه من حبك حاولى تفصلى يا نجوى ..
غسلت وشها ونشفته وخرجت تانى
سليم راح ناحيتها : انتى كويسه
نجوى : الحمد لله ....
سليم : تحبى اروحك
نجوى : لاء انا عايزة أقعد معاك ...
سليم : هاا... قولى كده انتى ايه
نجوى بكسوف : عايزة أقعد معاك هنا. .عشان نخلص الشغل
سليم بضحكه جانبيه : هعمل نفسى مسمعتش الجمله الاخيره ... طب تعالى اقعدى
قعدوا ونجوى بتحاول ترجع تركيزها وتبقى هاديه وسليم اخد باله وقال انو مش هيقول حاجه تانى بخصوص الموضوع دا النهاردة....خلصوا شغل وخرجوا  وراحوا يتمشوا شويه ..وبعديها راحوا مطعم اكلوا فيه ولفوا شويه و روحوا
■■■■■■■■■■■■■■■■■■
مروة خلصت الشغل ونزلت لقت مازن مستنيها تحت
مروة : اسفه انى اتاخرت بس حقيقى كان ورايا شغل كتير
مازن : طب خدى نفسك الأول أنا مش مضايق انا لسه جاى اصلا فمتعتذريش ... تحبى نروح ف حته معينه
مروة : اللى تشوفه
مازن : اوكى اركبى يلا
ركبوا وراحوا جنينه كبيره بس كان ف جزء مفروش ومحطوط عليه أكل وعصاير وحبه حبشتكنات كده ههه
مروة : ايه كل دا
مازن : انا عارف طبعا  انك ماكلتيش حاجه وطول اليوم كنتى بتشتغلى وحضرتك طبعا مش فاضيه لنفسك وانا كمان سليم مطلع عينى فقلت نتشارك الغدا بدل كوبايه القهوة ههه ايه رأيك
مروة بكسوف : طب مكنتش تتعب نفسك كده ...شكرا ليك
مازن :  شكرا ايه يلا نأكل عشان انا هموت من الجوع ههه
مروة بضحك : يلا
قعدوا ياكلوا سوى ويهزروا ومازن كان بيحكى مواقف ليه وهوا صغير ومروة كانت بتضحك عليه
مروة بضحك : مازن انت كنت مصيبه وانت صغير بجد كل مواقفك مسخره هههه
مازن : والله يبنتى امى كانت اتبرت منى خلاص وبعتتنى عند جدو ف البلد بتقولى انا تعبت ف تربيتك ومعنشى فيا حيل أكمل روح كمل عند جدك ههههه
مروة : يعينى والله عندها حق باللى انت قلتهولى ليها حق بصراحه
مازن : طب اضحكى عليا طاايب ايه الصراحه المطلقه دى ههههه
مروة : خلاص المره الجايه هبقى اضحك عليك وربنا يبقى يسامحنى بقى
■■■■■■■■■■■■■■■■■■
فهد كان ف المستشفى بيشتغل جامد وكان عندو عمليه وخرج منها تعبان وكان رايح على مكتبه بنت صغيره خبطت فيه
البنت : ثورى يا عمو مكنشى قثدى
فهد : ولا يهمك انتى راحه فين وفين ماما وبابا
البنت : مامى تعبانه و طنط اثيل معاها وانا مليت فقلت اتمشى شويه
فهد : طب انتى اسمك ايه وماما فين
البنت : أسمى أبرار وماما هناك
فهد : طب خدينى عندها
أبرار ...صوت من ورى أبرار بيناديها
فهد وابرار اتلفتوا للصوت كانت بنت ف غايه الجمال شكلها بيدل على البراءة والحب والطفوله كأنها اميره خارجه من عالم ديزنى محجبه طولها متوسط وعينيها خضر
= كده يا رورو تمشى وتسيبينى
أبرار : يا اثيل انا كنت هنا مع عمو وانا كنت ملانه
اسيل  : طب ممكن مش تسيبينى تانى عشان ماما عايزة تشوفك
وقامت بصه لفهد
اسيل : شكرا انك كنت معاها
فهد : العفو مفيش حاجه دى عسوله ماشاء الله عليها
اسيل : ربنا يخليك عن اذنك
فهد : فهد وانتى
اسيل : اسيل ..اتشرفت بمعرفتك
فهد : انا اكتر
أسيل : عن اذنك ...مشيت اسيل ومعاها جزء من قلب فهد
فهد راح مكتبه وقعد يفكر فيها وقد ايه هيا جذابه وتسحر اى حد ولا اسمها فضل يكرر ف اسمها قعد شويه وقام غير هدومه عشان يمشى ويروح بردو يشوفها ...راح عندهم ولقى اسيل مسندة مامة أبرار وكان باين عليها التعب  راح ناحيتهم بسرعه
فهد : حضرتك لازم تقعدى مينفعش تتحركى كده
اسيل : طب احنا لازم نمشى
فهد : طب اقعدوا بس هجيب كرسى ..حضرتك تعرفى تسندى عليا
الأم ( أمنيه ) : شكرا لحضرتك بس مش عايزة اتعبك
فهد : مفيش تعب اسندى بس عليا وادخلى اقعدى جوا على ما أجيب كرسى
أمنيه سندت على أيد فهد واسيل محاوطاها ودخلت وقعدت وفهد راح يجيب كرسى ليها
اسيل : بكره لما تجيبى العنقود بتاعك دا ههريه ضرب
أمنيه بضحك : ليه بس
اسيل : شوفى ممرمطك ازاى وتعبانه ازاى ف حمله انتى مكنتيش كده ف حمل أبرار ..فعلا البنات نعمه ونسمه
أمنيه بابتسامه  : ربنا يخليهوملى يارب ويرجعلى أسر بالسلامه يارب
اسيل : يارب يا قلبي ...راحت قعدت قصادها
يلا بقى يا سفروت  أكبر بسرعه عشان ماما تعبت  وكمان عايزين نشوفك  ..وبطل تتعب ماما اوكى ..صحيح أن صاحبة أمك يلا أسمى أسيل وبكون خالتك يلا بقى ههه واختك أبرار اهى
أبرار : اثيل هوا النونو هييجى امتى عايزة اشوفه
اسيل : لما يبقى كويس ربنا هيجيبوا لينا بس يبطل فرهده ف أمك
أمنيه بضحك : ربنا يخليكى ليا يا روحى وميحرمنيش منك ابدا
اسيل وحضنتها : ويخليكى ليا يا قلبى ..أمين يارب
فهد كان جه وشاف المشهد دا وقلبه دق بسرعه
فهد لنفسه : مالك بتدق كده ليه ..عادى يعنى ..اسكت بقى فضحتنى
فهد دخل وامنيه قعدت على الكرسى
أمنيه : شكرا لحضرتك تعبناك معانا
فهد : العفو مفيش تعب ولا حاجه ربنا يقومك بالسلامه
أمنيه : يارب
اسيل : شكرا مره تانيه عن اذنك يلا يا بيرو
أبرار : يلا ..ثلام يا عمو
عمر بابتسامه : سلام ياروح عمو ..
اسيل جرت الكرسى بتاع أمنيه وابرار جمبها ونزلوا 
وفهد نزل وراهم وراح طلع عريبته من الجراج وطلع بيها لقى اسيل مستينه تاكسى وامنيه وابرار جوا لسه
فهد وقف قصادهم ونزل
فهد : تحبى اوصلكوا
اسيل : شكرا لذوقك بس احنا هنوقف تاكسى ونمشى
فهد : مفيهاش حاجه يعنى وبعدين انت بعمل كده عشان بيرو واركبى عشان صاحبتك تعبانه و محتاجه راحه ولازم حقن تثبيت الجنين تتاخد ف مواعيدها عشان متتعبشى زيادة تمام
اسيل بذهول : انت عرفت منين كل دا
فهد : عشان انا دكتور ايه الذكاوة دى يلا روحى هاتى صاحبتك وانا واقف هنا اهو
اسيل : شكرا ..حقيقى شكرا
اسيل راحت تجيب أمنيه وابرار وراحت عند عربيه فهد
أمنيه : والله مكنشى ليه لزوم التعب يا دكتور والله
فهد : ابدا مفيش تعب ولا حاجه ..اتفضلى اركبى
اسيل ساعدت أمنيه تركب وابرار ركبت على رجل اسيل وفهد طلع بالعربيه
أمنيه : حضرتك متجوز يا دكتور فهد
فهد : لاء والله مش متجوز لسه سنجل ههه
أمنيه : ربنا يرزقك ببنت الحلال يارب
فهد : يارب
أبرار : اثيل سيبى الفون بقى عايز العب الدور بتاعى
اسيل : لاء هخلص دورى الأول
أبرار : يوووه انتى بقالك ثاعه بتقولى كده
اسيل : انتى بتحورى يا بت احنا لسه راكبين مكملناش خمس دجايج جبتى ساعه دى منين
أبرار وبتطلع لسانها : مش ليكى دعوه
أمنيه بضحك : يا رب ارحمنى يبنتى بطلى تتخانقى معاها
اسيل : لمى بنتك انتى يختى مش عايزة تسيبنى العب الدور بتاعى
أمنيه بضحك : دكتور فهد حضرتك متعرفش تاخدها عندكوا ف المستشفى ف قسم الأمراض العقليه تستجم هناك شويه وترجع تانى هههه
فهد بابتسامه : لو هاخدها ..هتبقى عندى انا بس ....هوا حضرتك بتشتغلى يا انسه اسيل
اسيل وهيا بتتوعد لامنيه وبتكلم فهد : انا بشتغل مهندسه ديكور
فهد : ماشاء الله ربنا يوفقك
اسيل : يارب ويوفقك
فضلوا يتكلموا شويه وفهد اول مره يستمتع بالكلام مع حد غير نجوى وصلهم البيت واسيل وامنيه شكروه و فهد ادى لامنيه رقمه من نوع أنها لو عازت حاجه تكلمه ( يا لئيم بتدلها الرقم عشان تديك رقم أسيل ههه)
وفهد مشى وطلع على البيت وكانت الضحكه من الودن للودن
نجوى قفشته ونادت عليه  : اصمله عليك الضحكه من الودن للودن ...تعالى ورايا
فهد راح وراها ودخلوا اوضتها
نجوى : اتكلم يا مفضوح
فهد بضحك : هوا انا مفضوح اوى كده
نجوى بضحك : اى نعم ..ايه اللى حصل
فهد حكى ليها إلى حصل وهيا كانت مبسوطه لفهد
نجوى : نحجز ف قاعه اللؤلؤة ايه رأيك ههههه
فهد : بس يا رخمه دا مجرد إعجاب مش اكتر
نجوى بغمزة : إعجاب مش اكتر ..ماشى يا فهدى هههه
فهد : طب قوليلى يختى عملتى ايه مع سليم النهاردة 
نجوى حكت ليه اللى حصل
نجوى : فهد انا مش عايزة أضعف انا اه بحب سليم لكن كده ف أذى عليه هما اذونى قبل كده فيكو مش هقدر اشوف كده تانى  انا ممكن اموت فيها يا فهد
فهد اخدها ف حضنه : اوعى اسمعك تقولى كده تانى محدش هيحصله حاجه ماشى انتى قويه يا نجوى احنا كلنا حواليكى وبعدين انتى كنتى صغيره ومكنش ف ايدك تعملى حاجه دلوقتى هتضربى ضربتك ملهاش قومه تانى يا نجوى ...سليم مش هيجراله حاجه أن شاء الله كلنا معاكى يا قلبى
نجوى : انا بحمد  ربنا كل يوم انك اخويا وف حياتى ربنا يخليك ليا يا حبيبى يارب
فهد : ويخليكى ليا يا احلى أخت ف العالم كله
■■■■■■■■■■■■■■■■■■■
بالليل
ملكيه واسراء وصولوا وطلعوا على اوضهم وكانو مبسوطين جدا وسميه كانت بتذاكر ونجوى كانت ف اوضتها
نجوى قاعده على السرير وقدامها اللاب والفلاشه
نجوى خلصت اللى كان عليها وقفلته وهيا متعصبه واقسمت أنها هتخلى  حياتهم جحيم
■■■■■■■■■■■■■■■■
ايه اللى هيحصل ونجوى هتعمل أيه هنعرفه ف الحلقات الجايه ..متنسوش 3 إعدادى و 3 ثانوى ف دعائكوا يا جماعه لأنهم مضغوطين بغباء
ربنا يوفقكوا 💜