جرأة خلفها طفله (مكتمله)

الحلقه الثانيه عشر (جزء 1)

" وكم يحرقنى الشوق لرؤيتك فقط ..فكم يكون مقدار حبى لك ❤️ "
~~~~~~~~~~~~~~~~~~~~
اسيل : امنياااااه
امنيه : ايه يا بت خرمتيلى ودانى
اسيل : يختى سيبى برطمان الشوكولاته اللى ف ايدك وركزى معايا
امنيه : مش انا دا ابنى هههه ..عايزة ايه بقى فضيتلك اهو
اسيل : انا مضايقه
امنيه : ليه
اسيل : كده لوحدى
امنيه بخبث : لوحدك ..اهه طب شوفى شغلك عندك شغل لازم تخلصيه وانتى ماجلاه
اسيل : مش عايزة الشغل ..بقولك ايه تعالى نخرج
امنيه بخبث : يعنى مش عشان فهد
اسيل : تؤتؤ مخنوقه وبعدين اثلا اثلا يعنى انا مش بفكر فيه واثلا يعنى الاهتمام ميبطلبش
امنيه بضحك : يااا بت نننننن
اسيل : اسكتى  يا بت بدل اصنت عليكى ابرار وانتى عارفه
امنيه : يختى مش هتعملى حاجه الدور والباقى على الناس الواقعه ههههه
اسيل : اوووووف انا راحه الشغل سلام
امنيه بضحك : خدى بالك من نفسك يا بتاعه فهد
اسيل : فعلا المرء يتعافى بأصدقائه
نزلت اسيل وراحت شغلها ومش مركزة
اسيل : اووف ايه بقى يعنى اخر واحد ف العالم يعنى وبعدين يا مهزء بتفكرنى بيه ليه مش بتعمل شغلانتك ف الاكل بس ليه
قلبها : الله وانا مالى يا لمبى الواد بصراحه مز وعليه عضلات وطويل بسم الله ماشاء الله فرع وعروق ف أيده ودكتور شاطر وكبير وليه مركزة ولا ضحكته دى بتجيبنى الأرض ولا غمازاته دى بصراحه انا لا استطيع المقوامه أكثر من ذلك
اسيل : ياخى تباً لك
عقلها : هتقعى ف نفس الغلطه تانى وكمان هيرضى ببنت يتيمه ملهاش اهل وهوا هتلاقيه ليه أهله وعيلته وأخواته وانتى ايه
ف اللحظه دى اسيل فقدت القدرة على السيطره والصمود وقامت جريت بره الشركه ودموعها سبقتها فضلت تمشى بدون وجهه لحد ما تعبت وقعدت ولسه بتعيط
اسيل : بس مش ذنبى مش ذنبى انى حبيته وهوا كسرنى مليش ذنب أن مليش أهل
................
فهد ف المستشفى بتاعته وبردو يقلب امه سرحان ف اسيل ومش مركز ف شغله
فهد : طب ايه يعنى يعنى ناخد ارقام بعض ومفيش اى اتصال
قلبه : يا غبى وهيا اللى هتبدا وتتصل
فهد : لاء
قلبه : يبقى مين اللى يتصل
فهد : انا
قلبه : طب ما تتصل يا حيوان
فهد : حاضر حاضر ....
...........
فون اسيل رن وردت من غير ما ترد
اسيل بصوت مخنوق وعياط : الو
فهد بلهفه : اسيل انتى كويسه
اسيل بتحاول تبقى طبيعيه : مين
فهد : انا فهد يا اسيل انتى فين
اسيل : اها اسفه يا فهد ماخدتش بالى  عامل ايه
فهد : اسيل انتى بتيعطى
اسيل سكتت ومردتش
فهد : انتى فين
اسيل بخنقه : مش عارفه
فهد : افتحى ال location وانا هجيلك حالا
اسيل : تمام
10 دقايق وكان فهد جمب اسيل
فهد : مالك
اسيل : مفيش مخنوقه شويه
فهد : اه ابتدينا بقى ولو كنت مهتم كنت عرفت والاهتمام ميبطلبش يا استاذ وروح شوف اللى واخداك منى فهاتى من الاخر وقولى بتعيط ليه
اسيل ضحكت بهدوء : وانت مين اللى واخداك منى
فهد : انتى
اسيل بهدوء : فهد انت عايز منى ايه
فهد : اظن أنك عارفه بس هقولك عشان اريحك ويمكن انا ارتاح انا معجب بيكى وعايز اتقدملك وأنك احسن انسانه شفتها وليكى قلب ابيض اوى وحنينه وطيبه جدا وتحبى تساعدى اى حد حتى لو على حساب نفسك
اسيل : كل دا وانت عرفت ازاي
فهد : قلبى بيقولى
اسيل بتنهيده : بس انا منفعكش
فهد بصدمه : نعم ..قصدك ايه
اسيل : زى ما سمعت انا منفعكش انت محترم جدا وتتحب وطيب وشهم وسند وحنين حقيقى بحس أن ف امان ف كلامك لكن انت تستاهل احسن منى
فهد : ليه
اسيل : لانى منفعكش ولا انفع عيلتك ولا ينفع تناسب واحده زيى
فهد : زيك ازاى
اسيل : انى يتيمه يا فهد انى مليش أهل انى مليش سند ف حياتى انو انت اهلك مش هيقبلوا بواحده زيى يتميه ملهاش اهل ويقولوا مش متربيه ويظنوا بيا ظن وحش انت ليك مكانك ومركزك ولما حد يسالك مناسب مين متعرفش ترد اصل مراتى يتيمه ..وتعايرنى بعدها
فهد بصدمه : اعايرِك !
اسيل : ايوا زى اللى حصل معايا حبينا بعض ولما قلتله انى يتيمه سابنى وعايرنى انى مليش أهل وأنى يتميه وان أهله مش هيوافقوا لازم يناسبنا بنت كذا وكذا يوم ما نناسب نناسب بنت يتيمه وراح اتجوز صحبتى ..صعب يا فهد قلبى اتكسر وبحاول ألمه عشان لو اتكسر صدقنى هبقى عايشه جسد من غير روح مش هقدر اعيش مش هقدر يا فهد ارجوك تفهمنى
فهد : مش انتى لسه قايله انك بتحسى بالأمان معايا...طب ليه قلتى كده انتى شوفتينى شوفتى اهلى حكمت ليه من غير ما تشوفى ليه بتحكمى على الكتاب من عنوانه ...اسيل انتى متعرفيش حياتى انا كمان بس اتمنى تغيرى تفكيرك وتفكّرى صح مش كل الناس زى بعض مش كلهم تفكير واحد ...بصى يا اسيل الإنسان يقدر يتحكم ف اى حاجه الا حاجه واحده الشعور ..شعور بالحب شعور بالكره الشعور عمتا منقدرش نتحكم فيه لانه بيبقى باين علينا ويتحكم فينا احنا ....بالنسبه للشخص اللى عملك كده دى مش رجوله ولا مروءه دا كده مش منصف من الرجاله ولا حبك لان الراجل اللى بيحب بيحب بجد ويخش البيت من بابه ويقول لو سمحت عايز فلانه على سنه الله ورسوله ويا يبقى كويس أو لاء اللى يحافظ على حبه لحد ما تبقى البنت حلاله ويبقى ليها اب واخ وصديق وزوج وحبيب ويبقى كل حياتها ويحافظ عليها حتى من نفسه لياذيها بالغلط ...اللى يعاملها على أنها بنته الاولى والاخيره أن حبهم يفضل للآخر لحد ما يكبروا ويعجزوا ...انو يفتخر بيها قدام اى حد ايوا دى مراتى ...انو مينيمكيش زعلانه وعلى خدك دمعه واحده ...انو ميخنكيش حتى ف ذاكرته ..انكو تشجعوا بعض لطريق الهدايه و العمل الصالح وتقربوا اكتر لربنا وهوا يدعيلك ف كل سجده وهيا تدعيله ف كل سجده ..كل دا حب يا اسيل الفرق بس انك اخترتى غلط وحوار أن اهلى يعايروكى بدا هييجى ف يوم وتندمى انك قلتى كده لانك شفتى فيا الحنيه وانا مش هجيبها من بره اهلى وبيتى هما اللى ادونى الصفه دى ..بعد كل دا وعايزة تبعدى وتقولى كده
اسيل : قلبك اللى مليان حب ودفا وحنيه حقيقى بجد مش عارفه اقولك ايه بس بجد بالطريقه دى غيرت تفكرى 180 درجه حقيقى شكرا يا فهد شكرا اوى
فهد : اولا مفيش شكر بينا ثانيا عايزك تقولى موافقه انى آجى اتقدم
اسيل بكسوف : ف فهد ا ايه ..( وهيا بترجع لورى ) موافقه ....واخدت ديلها ف سنانها وجريت هههه
فهد ضحك عليها وحط أيده ف شعره وبيضحك اوى وركب عربيته ومشى
ΠΠΠΠΠΠΠΠΠΠΠΠΠΠΠΠ
مروة : يا مازن والله ورايا شغل كتير قولى عايز تقول ايه ف الفون
مازن : مينفعش على الفون
مروة : طب بص معلش ممكن بس ساعه اخلص كام حاجه ونتقابل ف الكافيه اللى جمب الشركه
مازن : تمام ماشى هستناكى
......
مازن : بس جمد قلبك واتشجع وقولها فيها ايه يعنى هقول لو سمحتى يا طنط حدديلى مروة ميعاد عشان معاكى اتقدم
هااااارر اسوووودد والله انا عارف انى هنيل الدنيا ....الو سلام عليكم
سليم : وعليكم السلام ازيك يا برنس
مازن : سليم احياه امك ساعدنى انا ههبب الدنيا النهاردة
سليم : مالك يلا
مازن : هتقدم لمروة واخد منها ميعاد عشان اقابل مامتها
سليم بضحك : والله و وقعت يا صحبى ومالك يلا قلقان كده ليه دا انت مازن يعنى
مازن : سليم مش نقصاك قولى اعمل ايه
سليم : خلاص بص قلها عايز ميعاد مع مامتك وخلاص وهيا هتفهم دى مروة يعنى
مازن : اشطا ماشى
سليم : مازن أوعى تعك الدنيا مش ناقصه
مازن : يا عم اتنيل انا شارب 30 فنجان قهوه لحد دلوقتى عشان أجمع بس
سليم بضحك : لا دا انت حاله ميؤوس منها خااالص
مازن : ضربت الودع ملقتش صاحب جدع اقفل يلا
بعد ساعه مروة جت وقعدت قدامه وبصتله بصدمه
مروة : يخربيتك يا مازن انت شربت كل دا
مازن بتوتر : اه ..لاء ايوا انا دلوقتى عايز اقولك حاجه أهم
مروة : خير ف ايه ...ومالك متوتر كده ليه
مازن : أهدى بس عليا عشان اعرف أجمع
مروة : طيب اهو
مازن و بيخبط على رجله وعلى التربيزة وبيعرق وينفخ : اووف مروة يمكن تقولى عليا مجنون وتقولى ازاى كده وامتى وفين وكل دا ..مروة انا بحبك وعايز اتجوزك وتحجزيلى ميعاد مع مامتك عشان آجى اتقدم هييييح
مروة بصدمه وضحك ف نفس الوقت : مازن ..انت .. يعنى انا مش عارفه اعمل ايه ولا اقول ايه
مازن : انتى مش متقبلانى أو
مروة : لاء مش قصدى ..بس موافقه
وجريت اختنا التانيه بردو ههه ومازن فضل يكرر ويقول بصوت عالى وافقت يا عااااالم هههه
~~~~~~~
اسيل : يلهوى يا امنيه وهوا بيقولى عايزك توافقى أن آجى اتقدملك حسيت أن قلبى وقع ف رجلى وسيكا كمان هيغمى عليا
امنيه بضحك : دا انتو الاتنين طلعتوا انيل من بعض وانت الاتنين واقعين اتلم الاهبل على المجنونه هيخلفوا نسل عبيط هههه
اسيل : يختشى هنحلى الكوكِب ههه مقلتليش اوضه الاطفال لونها بينك وبيبى بلو صح حلوة الألوان لاء وهاديه كمان شهر العسل ف اليونان لأنها جامده جموده يعنى ( خدينى معاكى يبنتى 😂) ..مالك يا نونو
امنيه : على فكره انا زعلانه منك اوى اوى
اسيل : ليه
امنيه : يعنى انتى ملكيش أهل ولا ليكى سند امال انا ايه مليش لازمه يعنى انا قصرت ف حاجه معاكى قوليلى يمكن اكون غلطانه أو ..
اسيل بمقاطعه : انتى اختى و مامتى وصاحبتى وكل حاجه حلوة ف حياتى من غيرك كنت مت انتى حياتى كلها يا مينو ربنا رزقني بيكى باخت بسند معايا ف حياتى مش عايزاكى تزعلى منى بس كنت فكرت ف اللى حصل زمان وطلعت منى غصب عنى بالله متزعلى انا ميهونشى عليا زعلك ابدا والله
امنيه : خلاص مش زعلانه منك انتى بنتى اصلا ومفيش ام بتزعل من بنتها تمام
~~~~~~~~~
مروة : تشوفى شكله يا جى جى وهوا متوتر ويعرق وخايف ولا كانه ف امتحان ثانويه عامه يصعب عليكى ..شكله مسخره اوى ههههه
نجوى : وعملى فيها جان اوى 😂 انا بتخيل شكله وهوا كده يعينى هههههه لاء بس امورتى هتتخطب وتبقى عروسه
مروة بخجل : بس بقى يا جى جى
نجوى بضحك : خلاص ماشى رحتى قلتى لمامتك
مروة : لسه هقولها لما اروح
نجوى : ماشى يا روحى سلميلى عليها وعرفينى هيبقى يوم ايه اشطا
مروة بضحك : اشطا ربنا يخليكى ليا يا رب
ΠΠΠΠΠΠΠΠΠΠΠΠΠΠΠΠ
سيد : يعنى كل حاجه معاك
=..................
سيد : متقلقش هتنتقم منه كويس اوى وانا هشفى غلى منه
=...............................
سيد : كمان 5 ايام وهتقابل ف *******
ΠΠΠΠΠΠΠΠΠΠΠΠΠΠΠΠΠ
نجوى : الو سلام عليكم ازيك يا سيف
سيف : وعليكم السلام اخبارك يا نجوى انا الحمد لله تمام
نجوى : الحمد لله تمام بقولك فاضى ساعه اقابلك فيها
سيف : افضالك عايزانا نتقابل امتى
نجوى : كمان ساعه ف كافيه *****
سيف : تمام هستناكى هناك
ΠΠΠΠΠΠΠΠΠΠΠΠΠΠΠ
مروة : يا ادهم لازم تكون موجود معايا ف اليوم دا مينفعشى متجيش
ادهم : والله هاجى يا حبيبتى وانا هقابل العريس كمان بنفسى بس كل الموضوع هاجى قبلها بيوم
مروة : طيب ماشى هستناك يا ادهم عارف لو مجتش هصنت عليك عادل هههه وهوا هياخدلى حقى منك
ادهم : وحياه امك يا شيخه بلاش عادل دا تقريبا بيطلع فيا انا ومامته ( سلمى ) القديم والجديد دا احنا مكناش اطفال يبنتى هههه
مروة : ربنا يخليهوملك يارب ويحفظكوا سلملى عليهم كتير وبوسلى عادل هههه
ادهم بضحك : يارب + يوصل ان شاء الله سلميلى على اللى عندك سلام عليكم
ΠΠΠΠΠΠΠΠΠΠΠΠΠΠΠΠΠ
عدى يومين ومروة قالت لمازن ييجى البيت عندها والكل كان سعيد وفرحان
عند بيت مروة الباب بيخبط
نجوى : افتحى يا مروتى
مليكه : افتحى يا عروسه
اسراء وسميه : يا دبله الخطوبه عقبالنا كلنا افتحى هههه
سهام مامتهم : بس يا بت انتى وهيا الناس تقول علينا ايه
مامة مروة فتحت ( لمياء ) : ازيكم يا حبايبى اتفضلوا ازيك يا سهام عامله ايه
البنات دخلوا وسلموا عليها وسهام سلمت عليها والبنات دخلوا لمروة وكانوا بيلعبوا ويضربوا بعض بالمخدات ويضحكوا ويتصوروا فيديو ويشغلوا اغانى لحد ما جه بالليل والبنات بيجهزوا مروة وشويه عادل وادهم وفهد وصلوا وشويه مازن وأهله وسليم و عمر جم
عادل وادهم وفهد ولمياء كانوا قاعدين مع اهل مازن ومازن وسليم وعمر وشويه بداو يتكلموا وطلبوا ايد مروة
والد مازن : انا يشرفنى طبعا اننا نناسب حضرتكوا ناس محترمه واخلاق وزوق زى حضرتكوا
عادل : دا من زوق حضرتك ....طبعا مروة دى بنتى اللى مخلفتهاش زيها زى بناتى ..
والد مازن : ماشاء الله ربنا يحفظك ليهم
عادل : ربنا يخليك 
والدة مازن: وبسم الله ماشاء الله يعنى مازن ف الرايحه والجايه عمال يكلمنا على مروة وادبها واخلاقها ماشاء الله
لمياء : ربنا يخليكى يا حبيبتى دا من زوقك
والدة مازن : يعنى مش هنشوف العروسه
لمياء : لاء ازاى طبعا ثوانى وهندهالكوا
شويه ومروة دخلت وكانت لابسه دريس اوف وايت ومشجر وطرحه بيضه وميك اب خفيف وكانت قمر اوى