جرأة خلفها طفله (مكتمله)

الحلقه الثالثه عشر

" اعتقدت أنه من المستحيل الحصول على حبك وقلبك ، حتى جاء النصيب وحوّل المستحيل إلى الاكيد...وأصبحتى ملكى ❤️ "
★★★★★★★★★★★★
يوم جديد بدايه كلها حب ابطال نايمين مبسوطين وفرحانين وحاسين بانتصار الحب
سليم كان صحى قبل نجوى وكانوا لسه قدام البحر ونجوى كانت لسه ف حضنه
كانت نجوى نايمه زى الملاك ومطمنه وكأنها مش نامت بقالها سنين وكأنها اول مره تحس بالراحه والأمان دول ..شعرها مدارى نص وشها ...وشها كان منور وهيا نايمه ...وهيا ماسكه فيه وجوا حضن سليم زى اللى لقى مسكنه وأمانه
سليم فضل يتأمل فيها كتير اوى ويلعب ف شعرها ويمسك خدودها ههه شويه ونجوى بدأت تصحى والشمس ازعجتها وصحت لقت سليم بيبصلها بابتسامه جميله جدا وعينيه بتطلع قلوب ومليانه حب ودفا
نجوى بابتسامه بحب : صباح الخير
سليم : احلى صباح ف حياتى... صباح النور يا قلبى
نجوى : انت صاحى من بدرى
سليم : لاء مش كتير ...صحصحى يلا
نجوى : هوا احنا نمنا مكانا هنا
سليم بضحك : طبعا انتى نسيتى ولا ايه
نجوى قامت وسليم كذلك وقعدوا قصاد بعض
نجوى : يلا نروح زمان اهلنا قلقانين علينا واحنا اتاخرنا وانا شعرى معكوش
سليم بضحك : شعرك ماله
نجوى ببلاهه : معكوش
سليم بضحك : اسمها معكوش
نجوى : اه بتضحك ليه
سليم : متمشيش معاكى منكوش مثلا
نجوى : لاء انا طول عمرى بقولها كده
سليم بحب : بس انتى دلوقتى قمر وشعرك مش معكوش وشكلك مش فيه حاجه خاالص انا دلوقتى قدامى الملكه نجوى
نجوى بحب وراحت قعدت ف حضنه ( هوا قاعد عادى وهيا ف حضنه بس مدياله ضهرها فاهمين ههه ) : وانت كل حياتى ...انت روحى ...وانا من غيرك معرفش اعيش ...( بصوت بهمس ف ودانه ) بحبَك
سليم بحب وحط رأسه ف رقبه نجوى وبيلعب ف شعرها : وانا بعشقِك ...وبموت فيكى ...انا خلاص أدمنتك وباسها من رقبتها ونجوى مسالمه ليه جدا
شويه وهما الاتنين فاقوا من سرحانهم وسرحوا ف عيون بعض ونجوى بصت بعيد واتسكفت
نجوى بكسوف وتوتر : اا ا ..مش هنمشى
سليم بابتسامه: ماشى يلا تعالى
هما الاتنين قاموا ونجوى اخدت سليم من ايديه وقفوا قدام البحر
نجوى : سليم عايزة اقولك حاجه
سليم : نعم يا روحى
نجوى : لاء تعالى قرب منى
سليم بخبث و وقف قصادها : اهو
نجوى قربت منه وهمست ف ودانه : متزعلش منى هههههه
وزقته ف البحر وهوا اتخض من اللى عملته وهيا فضلت تضحك
سليم : والله لوريكى بقى بتضحكى عليا
نجوى بضحك : شكلك كان بيضحك اوى وانا برميك ..هههههه لاء ومفكر نفسك ذكى اوى وهتضحك عليا ..دا انا جى جى
سليم طلع من المايه ومبسوط أنها بتضحك وبيبصلها نظرة شريرة : بقى بتضحكى عليا وشكلى بيضحك صح طب تعالى بقى
نجوى صرخت وفضلت تجرى وسليم بيجرى وراها
نجوى وبتطلع ليه لسانه : مش هتعرف تمسكنى ههه
سليم بضحك وكان قرب منها : طب تعالى بقى ومسكها من ايديها وقربها منو وشالها ف حضنه
نجوى بخضه : سليم هقع نزلنى
سليم : تؤتؤ مش هيحصل (وبنظرة شريرة) وهنروح كده وهندخل على اهلنا كده
نجوى بصدمه : لالالا يا سليم والنبى بلاش تعمل كده
سليم : خلاص صالحينى
نجوى : خلاص نزلنى وانا اصالحك
سليم بضحك : عشان تضحكى عليا وتجرى تانى لا يا حبيبتى ههه
نجوى بضحك : بالله كيف عرفت ههه
سليم : يلا نفذى عقابك
نجوى بكسوف : سليم وحياتى عندك نزلنى
سليم بحب وباسها من خدها ونزلها : يلا نروح
نجوى كانت مكسوفه جدا وخدودها حمر وصلوا وركبوا العربيه ونجوى لبست حجابها و وصلوا الفيلا
★★★★★★★★★★★
ركان كان صحى من بدرى ونزل راح البحر وفضل يتمشى لحد ما لقى مليكه قاعده ضامه رجليها وحاطه الهاند فرى ف ودنها ومتامله ف البحر
ركان راح عندها و وقف قصادها
ركان : تسمحيلى اقعد
مليكه بانتباه : اها اتفضل يا ركان
ركان قعد بس ساب مسافه بينهم ومليكه رجعت ركزت للبحر بس شالت الهاند فرى
ركان : انتى ف كليه ايه يا مليكه
مليكه : كليه اثار سنه رابعه ..صحيح انت قلتلى قبل كده انك دكتور ف جامعه صح
ركان : اها
مليكه : كليه ايه
ركان : كليه اثار
مليكه : اها تما... ايه
ركان بضحك : ايه مالك
مليكه بصدمه : يعنى انت دكتور ف الكليه بتاعتى
ركان : اه تخيلى
مليكه : بس انا بقالى 3 سنين ولا مره شفتك
ركان : منا لسه متعين جديد وكنت ف تركيا ونزلت مصر وان شاء الله هستقر فيها
مليكه : ان شاء الله ربنا يوفقك
ركان : يارب انا وانتى
.......
مليكه بدوخه : ركان معلش انا هدخل
ركان : مالك انتى كويسه
مليكه: اه اه تمام عن اذنك
ركان : طب استنى جاى معاكى
مليكه : تمام
مليكه مشيت وركان معاها ودخلت جوه لقت العيله قاعده
مليكه استأذنت وقالت هتطلع وتنزل تانى وركان كان وراها طلعت السلم وجع راسها اشتد اوى عليها ومعنتش شايفه حاجه ورجليها خانتها و وقعت من على السلم
مروة بصراخ : ملييييكه
ركان كان واقف وراها ومتابعها من أول ما طلعت لقاها فقدت توازنها وشافها وهيا واقعه ركان شالها قبل ما تقع وكانت مليكه ف حضنه مغيبه عن الواقع
الكل جرى عليها ويطمن عليها ( سهام و مروة واسراء وعادل وادهم و كريمان و محمد وزياد وعمر وشهد وسميه ومصطفى )
ركان : أوضتها فين
سهام : فوق يا بنى تانى اوضه على اليمين
ركان خدها ف حضنه وطلع بيها ودخلها اوضتها ونايمها على السرير براحه
ركان : هيا كويسه هيا بس بسبب الحادثه وأنها مستريحتش تعبت والصداع شد عليها
الكل بص باستغراب : حادثه ؟!
ركان بتعجب : اه امبارح عملت حادثه بعربيتها بس الحمد لله كنت موجود واختها المستشفى
سهام بعياط : يحبيبتى يا بنتى
عادل بندم وحزن : اكيد هما اللى عملوا كده
ركان بتركيز : مين دول يا عمى
ادهم : هبقى افهمك بعدين يا ركان ...متقلقش يا عمى انت عارف نجوى صح
عادل بتنهيده : عارف ودا اللى خايف منه
★★★★★★★★★★
سيد : بص بقى يا سعد كلها يومين والشحنه تيجى حوار الفلوس دا أنساه
سعد : مستحيل انا اللى عملت كل حاجه ليا نصيب ف الفلوس دى
سيد بشر : يبقى انت اللى حكمت على نفسك يا اخويا متبقاش تزعل بقى سلام
.............
سيد : الو بكره نتقابل ف مكان ****** ونجيب كل حاجه تمام
=..........
.................
سيد : الو يا حازم انت فين
حازم بتوهان : ايوا يا بابا
سيد : يا دى الارف انت مش ف وعيك ركز معايا بكره لازم تسافر لأن خلاص الشحنه مفضلش عليها حاجه ولازم تظبطلنا الجو لما نسافر
حازم : اشطا ماشى سلام
حازم قفل وراح كمل شرب مخدرات وشغل اغانى عاليه وتايه وكان ف شقه لوحده ف مكان مقطوع وعربيته بره
صوت رزع الباب والباب وقع جامد ودخل سيف وكام شرطى
سيف : اهلا
حازم : انت مين
سيف : الجحيم
سيف اخده وحط ف أيده الكلبشات وركبوا البوكس وطلع من البيت
★★★★★★★★★★
ايمن : مقلتليش يا حبيبتى كنتى قلتيلى ف مفاجاه عملتيها
سارة : اه ..كنت شيلت الفرامل من عربيه مليكه
ايمن : اممم حلو وايه الاخبار
سارة : معرفش يا حبيبى منا قاعده معاك اهو مفيش حاجه وصلتلى لسه
ايمن : تمام يا حبيبتى
★★★★★★★★★★★
فهد كان اخد اسيل عشان يفطروا بره
اسيل : فهد
فهد : عيونه
اسيل بكسوف : احم ...فاكر لما قلتلى انى هندم انى ماخدتش فكره عن اهلك ...فعلا ندمت لأنهم اعتبرونى بنتهم ومنهم وكأنهم عارفنى من زمان ..لاول مرة يا فهد احس بالدفا
فهد بحب : عايز اقولك على حاجه
اسيل : معاك
فهد : دول مش اهلى
اسيل بصدمه : ايه
فهد : انا اهلى ماتوا من زمان اوى كنت لسه طفل ماما كانت اخت خالتو سهام اللى هيا مامه نجوى ومامتى لانى اخو نجوى ف الرضاعه ...طول عمرى بقول على خالتو سهام ماما وعمو عادل بابا فدول اهلى اللى بجد يا اسيل دول اللى ربونى والى عشت معاهم طول عمرى وكبرونى اخواتى دول قلبى ...مش شرط يا اسيل يكون الحب والدفا يبقوا من أهلك الحقيقيين الحب والدفا والحنيه موجودين بس اللى بيحافظ عليهم يابخته ..عايز اقولك أنهم عمرهم ما هيفرقوا بينك وبين اخواتى البنات أو اى حد ف البيت انتى بقيتى من عيلتنا خلاص يا اسيل مش عايزك تفكرى ف اى حاجه تزعلك تمام
اسيل بحب : حاضر ربنا يخليك ليا ويخليهوملى يارب
فهد : ويخليكى ليا روحى ويخليهم ليا يارب
تليفون اسيل رن
اسيل : ثوانى ...الو سلام عليكم ازيك يا امنيه
امنيه : وعليكم السلام اسيل تعالى انتى وفهد مليكه تعبت واغمى عليها
اسيل بصدمه : ايه طب احنا جايين حالا
فهد بخوف : ف ايه يا اسيل
اسيل : ملكيه تعبت واغمى عليها
فهد : ايه !!
★★★★★★★★★★
نجوى وسليم وصلوا وعرفوا اللى حصل وطلعت جرى عند مليكه شويه فهد واسيل وصلوا فهد طلع لمليكه
نجوى : موجود
فهد : ف المخزن
نجوى : تمام
نجوى طلعت غيرت هدومها ولبست لبس كله اسود وطلعت من الباب الخلفى للفيلا ودخلت من باب سرى وقفلت الباب تانى
دخلت لقت واحد مربوط ف كرسى ومش ف وعيه
نجوى كبت عليه مايه والراجل فاق
نجوى : طبعا انت عارف جاى هنا ليه هتقول كل اللى تعرفه ولا تحب تقابل رب كريم
الراجل بخوف : ح حح حاضر هتكلم
نجوى : سامعاك
الراجل : واحده جت عرضت عليا فلوس اشيل فرامل من عربيه بنت هيا قالتلى عليها وقالتلى اخلص عليها بعديها
نجوى : تمام ...اسمها ايه
الراجل : سس ساره سعد
نجوى بعصبيه ونار جواها بس مبينه البرود : تتصل بيها وتقولها حصل وماتت
الراجل : ب بس
نجوى بعصبيه : بس ايييه انطق
الراجل : بعتلهت رساله أن ف راجل أنقذها و وداها المستشفى
نجوى بعصبية: غبى ...غبى ...
تتصل بيها قولها اللى هقولهولك بالحرف الا وقسما بربى لادفنك مكانك ومحدش هيعرفلك طريق فاهم (بعيون حمره ومليانه كره وعصبيه )
الراجل : ح ح حاضر
...........
سارة : الو يا زفت بتتصل ليه
الراجل : اسمعى بقى انتى مقلتليش اعمل ايه حد جه أنقذ البنت و وداها المستشفى
سارة بعصبيه وخوف : غبى مش قلتلك تخلص منها على طول
الراجل : ما هوا اللى جه ف اخر لحظه بس عندى خطه
سارة : ايه هيا بسرعه
الراجل : لا يا حلوة السعر هيختلف
سارة : هديك كل اللى انت عايزة بس انطق
الراجل : هدخل المستشفى عادى واعمل كانى كنت شاهد على الحادثه وحاجتها معايا ونعرف هيا اوضه كام وحقنه هوا ويبقى البقاء لله ههههه
سارة بضحكه شريرة : هههه لاء دماغك عاليه عجبتني تمام نفذ واه عايزاك تعملى قرصه ودن إلى أنقذها
الراجل : امين بس كله بحسابه
سارة : متقلقش هتنبسط من السعر اوى يلاسلام وابقى عرفنى الاخبار بسرعه
........
الراجل قفل وبص لنجوى
نجوى : شاااطر هات بقى الفون يا حلو ... تعرف بقى تقول الكلام الحلو دا ف المحكمه ولا تحب اعلمك ازاى تقوله
الراجل بخوف : ه هقول والله العظيم
نجوى : مسمعش صوتك والا هقتلك والله العظيم هقتلك
نجوى خرجت وعملت اتصالات
نجوى : معاك
= ف الحفظ والصون
.......
نجوى : الحاجه جاهزة
= طبعا يا فندم
.........
نجوى مشيت ودخلت الفيلا لقت سليم ف وشها
سليم : نجوى انتى كنتى فين قلبت عليكى الفيلا كلها مش لقيتك
نجوى : كنت بعمل حاجه انت كويس
سليم : حاجه ايه
نجوى : ممكن مش دلوقتى هقولك بعدين كل حاجه تمام
سليم : تمام
نجوى : دلوقتى ركان فين
سليم بغيره : ليه
نجوى : سليم بالله دلوقتى ف مصيبه وعايزة احلها
سليم : خير يا حبيبتى
نجوى حكت ليه اللى حصل وسليم بيسمعها : ودلوقتى لازم يقعد معانا لانو كده امانه عندى وهيتاذى بسببى فلازم احميه واحمى الكل ولازم يقعدوا ف مكان آمن فاهمنى يا سليم
سليم : فاهمك يا روحى شوفى عايزة ايه اللى يتعمل ويتنفذ
نجوى : دلوقتى هتكلم معاه وافهمه وافهم الكل ايه المفروض يتعمل
سليم : تمام هناديه و شويه واجمع العيله عشان تفهميهم
نجوى : تمام
شويه وركان جه وقعد مع نجوى
ركان : خير يا انسه نجوى بشمهندس سليم قالى انو انك عايزانى
نجوى : اتفضل يا ركان وبلاش القاب احنا زمايل واكتر من كده كمان
ركان : طبعا اكيد ....كنتى عايزانى ف ايه
نجوى حكت ليه اللى حصل باختصار والعداوة إلى بينها وبين إعمامها والشحنه اللى هتسلم بعد بكره
نجوى : ف انا بعتذر عن اللى حصل وأنك دخلت ف حاجه ملكش دعوه بيها ...
ركان : متعتذريش وبعدين انا عملت اللى اى حد المفروض يعمله وبعدين اهو انتى عرفتى وقولتيلى وهناخد بالنا اكتر
نجوى : شكرا ..دلوقتى لازم تبقوا ف مكان آمن عشان ابقى مطمنه عليكوا
ركان : مش انتى عندك شركه ف تركيا واتعاملتى مع والدى قبل كده
نجوى : اها
ركان : تمام اوى دا هيبقى اكتر مكان آمن للكل ومحدش يقدر يوصلنا وكمان حضرتكوا هتبقوا ف بيتى وانتى عارفه قصر الجوهرى
نجوى : ملوش لزوم احنا لينا فيلتنا هناك مش عايزين نتعب اهلك
ركان : اظن هيبقى معروف وممكن حد يوصله فالقصر هيبقى امان ومحدش يقدر يعمل حاجه وبعدين اهلى هينبسطوا اوى وهتنورونا والله
نجوى : حقيقى مش عارفه اقولك ايه يا ركان بس شكرا انت شلت عبء كبير اوى من عليا شكرا
ركان : والله مفيش داعى للشكر انا زى اخوكى يعنى ولا ايه
نجوى بابتسامه : طبعا ...بس عندى طلب صغير
ركان : اتفضلى
....................
سليم جمع العيله والكل كان قاعد مستنى شويه نجوى وركان دخلوا عليهم ونجوى قعدت ف النص بحيث يكون الكل قدامها
عادل : خير يا نجوى
محمد : حصل ايه يبنتى
كريمان : سليم قال انك عايزانا
سهام : حاجه حصلت لقدر الله
نجوى : ابدا يا حبايبى مفيش حاجه ...هوا بس ف مشكله صغيره حصلت ولازم احلها وعشان تبقوا ف امان لازم تسافروا
اسراء : نسافر ؟!
سميه : وفين ؟!
شهد : واحنا كمان هنسافر يا جى جى ؟!
نجوى : اه يا حبيبتى كلنا هنسافر وهتسافروا تركيا وهتقعدوا ف قصر ركان الجوهرى
عمر : بس ليه يعنى
نجوى : قلت مشكله صغيره ولازم تتحل وعشان تبقوا ف امان تسافروا واامن مكان عند قصر ركان
سهام : ماشى يا حبيبتى بس كلنا هنقعد عند ركان هنبقى ...
ركان : ولا هتبقوا ولا اى حاجه انتو هتنورونا والله واهلى هيفرحوا جدا
امنيه : طب انا ممكن اقعد عند اهلى عادى و....
نجوى : لاء طبعا انتى هتسافرى معاهم
عادل : انتى عماله تقولى هتسافروا هتسافروا وانتى ايه مش جايه معانا
نجوى : لاء طبعا يا بابا مش هينفع بقول الشغل
فهد : خلاص يا بابا انا هبقى معاها
نجوى : ولا انت كمان يا فهد لازم تروح معاهم
ادهم : خلاص يبقى ....
نجوى : ولا انت كمان يا ادهم متنساش مراتك وابنك
مروة : مستحيل اسيبك لو ايه حصل
سليم : نجوى ايه السبب ان احنا مناخدش حد معانا
نجوى : سليم انت كمان لازم تسافر معاهم
سليم : نعم أنا جوزك فاهمه يعنى ايه ...مستحيل اسيبك لوحدك انتى اتجننتى
ادهم : نجوى انتى وسليم وانا وفهد ومروة جايين معاكى غير كده محدش مننا مسافر
نجوى : طب والباقى
عمر : ما احنا معاهم اهو انا وزياد وبابا وعمى ومصطفى ومازن وركان كلنا رجاله اهو مش هيبقى ف خطر علينا إنما انتى عايزة تقعدى هنا ف مصر لوحدك ومن غير ما يكون على الأقل جوزك معاكى ؟!
سليم : نجوى انا معاكى كلنا معاكى مستحيل نسيبك فاهمه
مازن : انا كمان هفضل معاكوا مينفعش اسيب خطيبتى واخويا ومرات اخويا لوحدهم لازم آجى
نجوى بخوف من جواها : خلاص تمام ماشى ( ف نفسها) ربنا يستر
ركان : خلاص يجماعه انتو هتيجوا تقضوا عندنا اجازة سعيده ان شاء الله هطلع ابلغ اهلى
اسراء : طب احنا هنسافر امتى
نجوى : بكره
الكل بصدمه : بكره ؟!
نجوى : اه عشان الحق اخلص الشغل وهوا مش هياخد وقت ان شاء الله
سميه : واحنا يا جى جى هنلحق نحضر الشنط والتذاكر والطيارة
نجوى : كل حاجه جاهزة والتذاكر موجودة و بالنسبه للشنط متنسيش الفيلا اللى هناك الشنط هتبقى جاهزة وتوصل للقصر أما الطياره حجزناها يعنى كل شىء جاهز المفروض دلوقتى تطلعوا تستريحوا عشان سفر بكره
كريمان : ماشى يبنتى انتى عارفه انتى بتعملى ايه ربنا يوفقك
نجوى : يارب يا حبيبتى
سهام : طيب يلا عشان تتغدوا عشان اللى وراه حاجه يعملها
الكل وافق ونجوى طلعت تغير هدومها واسراء طلعت تشوف مليكه وركان كان وراها
اسراء شافتها لاقتها لسه نايمه قفلت الباب ونزلت تحت وركان دخل بهدوء
ولتانى مره ركان يشوفها نايمه زى الملاك بشعرها ونايمه بهدوء شويه وبدأت تتقلب وتمسك رأسها من الصداع وأنها عايزة مايه
مليكه بهمس : م مايه..م مايه
ركان بسرعه وراح فوقها وجاب ليها مايه وشربها
مليكه : ركان ..
ركان : نعم
مليكه: انا مصدعه اوى ودماغى وجعانى اوى
ركان : طب فين علبه الاسعافات
مليكه: هنا ف الدرج
ركان : طيب ثوانى ...راح جاب علبه الاسعافات ولقى مسكن اداهولها وشربها
ركان : بصى انا همشى عشان ...وبيمشى ناحيه الباب لحد ما وصل لاخره ...انا اسف بس انتى بشعرك وجرى وقفل الباب وراه
مليكه بصدمه : يلهوى عليك يا ركان دى مش اول مره تشوفنى بشعرى لاء وايه كنت معايا ف الاوضه ..يلهوااااااى كل دا استغفر الله العظيم يارب يارب سامحنى يارب
وقامت واخدت دش ولبست هدومها وعدلت حجابها ونزلت
ركان اتصل بأهله وعرفهم وكان بيضحك زى الاهبل وهوا بيقول لمليكه انو شافها بشعرها ويجرى زى الاهبل وبيحط أيده ف شعره ونزل
عند نجوى دخلت اخدت دش وفضلت وقت تراجع إذا كان اللى بتعمله صح ولا غلط وهل حد من أهلها هيتاذى لكن لازم تخلص من اعمامها خلصت ولبست هدومها ونزلت تحت والكل كان موجود وبياكل
نجوى : حاسه بايه دلوقتى
مليكه : الحمد لله يا حبيبتى احسن
نجوى : الحمد لله
سميه : لوكا عرفتى الاخبار
مليكه : لاءحصل ايه
سميه : هنسافر تركيا ونقعد عند ركان
مليكه شرقت : ليه قصدى هنسافر ليه ونقعد عند ركان ليه ما احنا الفيلا بتاعتنا موجوده هناك
نجوى : امان ليكو وهخلص شغلى واجيلكوا على طول
مليكه بخوف : متاكده
نجوى : اه يحبيبتى كلى يلا عشان متتعبيش تانى
وسليم كان بيبص لنجوى بفحص ونجوى بادلته بحب
نجوى خلصت وقامت قعدت ف الجنينه شويه وسليم قام وراها راح قعد جمبها واخدها ف حضنه ونجوى بادلته سليم باسها من راسها ومتبت فيها كأنها هتهرب
سليم : متخافيش انا معاكى كلنا معاكى ....اللى بقالك سنين بتعمليه هيتحقق قريب اوى وكل حاجه هتتحل متخافيش
نجوى : حاضر يا سليم ....سليم انت بتحبنى صح
سليم : انا عديت مرحله الحب دى من زمان يا نجوى انا بقيت بادمنك ومعرفش اعيش من غيرك روحى بقت متعلقه فيكى انتى أنا بحبِك اوى يا نجوى
ونجوى بتحضنه اوى : وانا بحبَك اكتر والله ..
★★★★★★★★★★★
اسيل : هتبقى كويسه صدقنى انت معها
فهد : خايف اوى يا اسيل حاسس أن ف حاجه هتحصل
اسيل : أحسنوا الظن بالله ربنا مش هيكتب حاجه وحشه ابدا انت مع اختك وجوزها كلكوا حواليها وربنا حاميكوا انت فهدى وفهدى مش بيخاف
فهد : ونعم بالله
اسيل : قوم خد دش وبعديها صلى وادعى من قلبك اوى ربنا هيسمعك بس يكون قلبك صافى وتدعى بيقين ماشى
فهد : ماشى ربنا يخليكى ليا
اسيل بكسوف : ويخليك ليا
★★★★★★★★★★
سهام : مالك يا عادل
عادل : قلبى واكلنى على نجوى اوى يا سهام
سهام : ليه ف حاجه انا مش عارفاها
عادل : لاء مفيش حاجه
سهام : خير ان شاء الله هيا هتعمل شغل وهترجع تانى لينا كلنا ف حضننا
عادل بتنهيدة وخوف : يارب يا سهام يارب
سهام راحت جمبه واخدته ف حضنها وناموا
★★★★★★★★★★
تانى يوم الكل كان ف استعداد انو يسافر ونجوى كانت بتسلم عليهم كانها اخر مره هتشوفهم فيها وهيا بتحضن باباها بتقوله
نجوى : والله لرجعلك حقك وهتستريح وراسك هتبقى مرفوعه لفوق أوعى تنزلها تانى ولا اشوف ف عينك النظرة دى نظرة الكسر اياك اشوفها ف عينك تانى فاهمنى
عادل : ناويه على ايه يا نجوى
نجوى : كل خير يا قلب نجوى
وسلمت على سهام
نجوى : كل دمعه نزلت من عينك هيتحاسبوا عليها اوعدك
سهام : مش فاهمه قصدك ايه
نجوى : مش مهم المهم دلوقتى حافظى على العيال دى ماشى
مليكه
نجوى : خدى بالك من نفسك ومن اخواتك فاهمه
اسراء
نجوى : خلى بالك من نفسك ومن دراستك
سميه
نجوى : شهادتنا يا ناس ههه اتفسحى اليومين دول وركزى ف دراستك مش هتنازل عن الترتيب الأول
ودعت كل واحد بطريقتها و سلمت على ركان وفهمته يعمل ايه بالظبط وادهم يسلم على مراته وابنه وفهد يسلم على اسيل والعيله كلها سافرت واتجهت إلى تركيا
★★★★★★★★★★★★★
نجوى وسليم وفهد وادهم ومروة ومازن رجعوا للفيلا اللى ف الساحل وجهزوا شنطهم عشان يرجعوا الفيلا بتاعتهم والشركه اللى ف القاهره وصلوا الفيلا عند نجوى وكل واحد حط شنطته وطلع نام لان اليوم كان طويل كل واحد اتوضى وصلى الفروض اللى عليه ونام نجوى فضلت سهرانه عملت حاجه على اللاب وكتبت حاجه وعانتهم شويه و سليم راح عند اوضه نجوى لقاها لسه سهرانه
سليم : مالك يا حبيبتى
نجوى : مفيش حاجه يا حبيبى
سليم راح ناحيتها واخدها من أيدها وقعدوا
سليم : احكيلى
نجوى : سليم ممكن طلب
سليم : قولى يا روحى
نجوى بدموع : ممكن تحضنى ومتسبنيش
سليم بدون تردد وجرى عليها حضنها ونجوى مسكت فيه كأنها بنته وبتعيط ف صمت وسليم واخدها ف حضنه وشالها وحطها على السرير ولسه ف حضنه وبيملس على شعرها براحه
نجوى : سليم عايزاك تعرف مهما عملت أو مهما حصل انى بحبَك ومتزعلش منى ابدا
سليم : عمرى ما ازعل منك بس كلامك مليان الغاز فهمينى
نجوى : عايزة أفضل بس ف حضنك ممكن
سليم : ملكك
فضلوا كده لحد ما غلبهم النوم
تانى يوم
صحيوا وجهزوا وراحوا الشركه وفضلوا يشوفوا ايه اللى حصل وبيراجعوا ورق لحد ما الساعه وصلت 1
مروة : طيب يلا يا شباب ونبقى نكمل بكره
مازن : انا بقول كده بردو
ادهم : انا جعان نوم
فهد : وانا والله
سليم : خلاص يلا نروح ونبقى نكمل بكره
الكل قام ونجوى سرحانه وخايفه الكل وصل الفيلا والكل طلع ينام وبالفعل ناموا عدا نجوى
نجوى قامت لبست هدومها وطلعت فلاشه وحطتها على السراحه وباست سليم من جبينه وعيطت وراحت عند مروة وعلمت كده وعند فهد كذلك واتصلت على ركان
نجوى : كله تمام
ركان : اه متقلقيش بس ايه اللى بيحصل
نجوى : ركان خلى بالك منهم سلام
....
نجوى : الو انا جاهزة انا بره اصلا ..اوكى باى
ركبت عربتها وطلعت على مخزن واستخبت
★★★★★★★★★★★★
ف تركيا
مليكه : حضرتك يا طنط والله تتحبى وانا اتشرفت جدا بمقابله حضرتك
ام ركان : حبيبتى انا انتى زى بنتى كان نفسى اخلف بنت بس ربنا ما اردش بس عوضنى بيكى يا حبيبتى
ملكيه : تسليملى يارب
ركان : جرى ايه يا ماما انتى نسيتى ابنك ولا ايه
الام : لاء طبعا يا حبيبى تعالى اقعد معانا
ركان : كمان شويه لانى ورايا شغل بصوا كلكوا كمان نص ساعه تتجمعوا ف الجنينه تمام
الام : ليه
ركان : هتعرفى كمان شويه
★★★★★★★★★★★
سيد : انت تفضل ف العربيه لحد ما ارن عليك فاهم
= فاهم انجز انت بس احسن تفوق
سيد : طيب يلا بينا
سيد : يا سعد استملت الشحنه
سعد : ايوا وجاى اهو
سيد : تمام
★★★★★★★★★★
سليم صحى من النوم عشان يشرب راح عشان يشوف نجوى فونه رن راح عشان يجيبه لقاه رقم تركى
سليم : الو سلام عليكم
ركان : وعليكم السلام ازيك يا سليم انا ركان
سليم : ركان اخبارك الكل كويس عندك ولا ايه
ركان : طبعا متقلقش بس بص نجوى كانت امنتنى انى ف الوقت دا تصحّى الكل وتشغّل التلفزيون عشان ايه مش عارف
سليم : ثانيه واحده هيا نجوى مش فوق
ركان : مش عارف والله
سليم طلع جرى اوضه نجوى ملقهاش ودور ف كل الاوض ملقهاش وراح صحى الكل
سليم : فهد نجوى مش هنا
فهد : يعنى اية
سليم : ركان اتصل بيا بيقولى .....
ادهم : طب افتحو بسرعه
★★★★★★★★★★★
ف تركيا
العيله كلها اجتمعت ف الجنينه عيله نجوى وسليم وركان وامنيه واسيل الكل كان موجود لقوا شاشه كبيره جدا وركان بيقول
ركان : نجوى كانت بلغتنى اعمل كده ف الوقت دا واسف انى صحتكوا بس هيا امنتنى
عادل : بنتى فيها ايه يا ركان
ركان : والله يا عمى انا معرفش بس هفتح دلوقتى وكلنا نشوف ايه اللى بيحصل
وفتحه
.............
الكل فتح لقى ناس بتدخل بعربيات وناس بتستلم حاجات كبيره ومتغلفه
شويه شويه والملامح بدأت تظهر وكان سيد وسعد بيستلموا شحنه مخدرات وشحنه اسلحه
سيد وسعد واقفين بيشوفوا الشحنه وهيا بتتدخل المخزن شويه والعربيات مشيت ومفيش غير سيد وسعد وشويه ايمان وداليا جم وكل واحده ورى جوزها
وكانوا واقفين ف المكان اللى نجوى شايفه كل حاجه منه ومستخبيه فيه
سيد : سعد راجع نفسك ف موضوع الفلوس انت كده بتنصب عليا
سعد : وانا باخد حقى واظن 50 ف الميه مش كتير عليا
داليا مرات سيد : بس دا اسمه طمع دا مش من حقك
ايمان مرات سعد : خليكى ف حالك انتى وملكيش دعوه
سعد : من الاخر يا سيد انا مش هتراجع عن رايى والفلوس هاخدها هاخدها الا بقى لو حابب تشوف وشى التانى
سيد بشر : انت اللى جبته لنفسك يا سعد وعمل اتصال وقال بصوت عالى خش
شاب دخل ملامحه مش باينه وشادد معاه بنت بتعيط شويه شويه ملامحه بانت وكان ايمن وسارة
ايمن : ايه رايك في المفاجاه دى حلوة مش كده
سعد : انت مين
ايمن : تؤتؤ اخص عليك يا سعد بيه نسيتنى ..طب افكرك بنفسى انا ايمن محمد البدوى
سعد بصدمه : ا انت ايمن ..انت مش كنت مت
سيد : لا لسمح الله انقذته قبل ما يموت
ايمن : من الحريقه اللى عملتها ف بيتى بيت اهلى ف ابويا وامى واخواتى فاكر
سعد : ازاى
ايمن : مفاجاه حلوة انا عارف لاء وماشاء الله ربيت بنتك اوسخ تربيه شفتها ف حياتى واوسخ بنت شفتها ...وماسكها من شعرها ..تحبى اقول لبابى بنتك الأمورة عملت ايه
ايمن بغل وحقد : بنتك باعت نفسها ليا عادى ..بنتك راحت قتلت رجل اعمال ف بيته بعد ما أنقذها من الوحوش اللى كانوا بيطردوها اللى هما ف الخيال... سرقت أوراقه واملاكه الشخصيه ....ايه تانى يا ايمن ..اه صح محاوله قتل ..كانت بتحاول تقتل بنت عمها مليكه عادل العمراوى عن طريق حادث سير ههههههههههههه ايه رايك لالا استنى وأهلها كمان تجارة ف المخدرات والسلاح جرييييمه كامله هههههههه ايه رايك في انتقامى يا سعد بيه
سعد بعصبيه وزغيق : يا كلب يا زبااااله وشتايم كتير بقى ...بنتى عملتلك ايه
ايمن بعصبيه اكبر وزعيق : واهلى ذنبهم اييييه ليه تعمل فيهم كده ليه تحرقهم وتموتهم قدامى ليييييه
لاء بس كفايه عندى اشوفك كده بنتك شرفك وعرضك وحياتك هههههههه بقت ايه بقت واحده سافله ملهاش لازمه وهتعفن ف السجن هههههههههه
سعد بعصبية وراح ضرب ساره بالقلم وفضل يضرب فيها وهيا تصرخ لحد ما طلع رصاصه وضربها فيها بس جت ف دراعها
ايمن : هههههه كبرت يا سعد بيه ومبقتش عارف تمسك مسدسات تعالى وانا اعلمك هههههه خايف ليه
ايمان : انتى حيوانه انتى ازاى تعملى كده
سارة بعياط : هوا السبب هوا اللى ضحك عليا
ايمن : اخرصى يا زباله انتى اللى واحده واطيه وبعتيلى نفسك عشان انتى رخيصه حطى الكلام دا ف ودانك اه ..عن اذنكوا اصلى رايح أخطب عقبال عندك يا ساره هانم هههههه ومشى
سيد : ايه رايك في المفاجاه دى يا سعد
صوت من ورى حد بيصقف وبيقول : لاء حلوة حقيقى حلوة اوى هههه
الكل بصدمه : نجوى
نجوى بضحك : ايه يا اعمامى مستغربين ليه ايوا انا ..لاء بصراحه يا عمى فكره حلوة اوى انك تنتقم من اخوك ف بنته حقيقى جامد ..شفت يا سعد بيه اخوك انتقم منك ازاى لاء وعشان ايه عشان فلوس عشان شويه فكه ههه
وراحت قعدت على كرسى ف النص : بصراحه ينطبق عليكو الإخوة الاعداء ههه حرفيا مش دا يا عمى سيد اللى وقفت معاه ضد ابويا عشان خاطر ورث مش دا اللى وقفت معاه وحاولت تقتل ابويا اكتر من مره مش دا اللى كان السبب ف انك تخلى ولاد اخوك يترموا ف الشارع وابوهم ف المستشفى بين الحياه والموت مش دا اللى قالك تعالى نخسرهم اللى وراهم واللى قدامهم وندخلهم شحنه المخدرات ف المخزن بتاع الشركه بتاعتهم ههههه
وانت يا عم سعد مش دا اللى اتفق مع واحد من الناس اللى قتلتهم وضيع بنتك مش دا اللى اتفق معاك تقتل ابوك وامك وتموتهم بحقنه هوا كأنها موته عاديه ولحد الآن ابويا مفكر دا مش دا اللى خلاك تطرد اخوك و مراته وعياله من بيتهم عشان تبيعوا البيت عشان شويه فكه ملهاش لازمه ..مش دا السبب ف انك تخلى مراتك تضرب امى وتزعلها وتزعل اخواتى هههههههه ايه يا جماعه مش بتتكلموا لييييه انطقوااا حصل ولا لاء
ضربكوا واهانتكوا ليا ولاهلى و جرايم قتل كلهاااا بقصد هههه لاء وتسليم شحنتين مخدرات وسلاح واااو لاء بس طلعتوا اغبيه عارفين ليه لانكو بتكرروا نفس الغلط وبتسلموه ف نفس المخزن القديم بتاعنا اللى كان ف شركه ابويا القديمه هههه
سيد بهيستريا وزعيق : ايوااااا ايواا عملت كل دا لانى بكره ابوكى وبكره ابويا عارفه ليه
سعد بنفس الهيستريا والزعيق : عشان كتب كل حاجه باسم ابوكى
سيد : الأملاك والثروة وكل حاجه كتبها ليه هوا بس مفكرش فينا ولا ف عيالنا
سعد : كان دايما بيقولنا خليكوا زى عادل ف نجاحه وشطارته وذكاؤه وووووو ارف زهقناااا ليه كل حاجه نبقى شبه عادل ليييه
سيد : ليه جدك كان يطردنا زمان انا و مراتى وعيالى بسبب أو من غير ليييه ليه مكنش بيحب مراتى زى ما بيحب سهام ليه مراتى وعيالى مكروهين
سعد : عشان كده قررنا نقتل ابوكى اكتر مره ايوا حاولنا نقتله اكتر من مره بس كان بينجد نفسه ومش بيحصله حاجه ههه قدره
سيد : حاولنا نقتله ونفك الفرامل من العربيه ويعمل حادثه بس نفد منها حاولنا نموته باهرته على شركته بس انتى ..انتى قومتى كل حاجه من تانى
سعد : انتى مش متخيله كميه الكره اللى جوانا ليكو عامله ازاى
داليا : امك السبب امك دايما تقرب من حماتى وتعملها اللى هيا عايزاه عشان تكسب نقطه عندها واحنا نتركن على الرف
ايمان : اعملوا زى سهام سهام عملتلى وسوتلى وجابتلى انتو السبب ف دا كله
نجوى بزعيق : ملهمش ذنب انتو اللى بترموا مشاكلوا علينا ...ثانيه واحده انتى بتقولى امى هيا السبب وأنها كانت بتقرب من جدتى عشان هيا اللى تبقى مراة الابن اللى مفيش زيها مفكرتيش هيا بتعمل كده ليه أو بتعمل دا لايه
لانها مقتنعه انو هيتردها ف يوم من الايام انو مهما دى ست كبيره محتاجه رعايه مش لاقيته من عيالها الرجاله ولا مراتات عيالها فأمى اللى عملت دا ...كانت بتعمل دا وتحتسبه عند ربنا ومكنتش منتظرة لا شكرانيه ولا اى حاجه كانت محتاجه دعوه ولما كانت جدتى بتدعيلها كانت بتبقى مبسوطه وكأنها كسبت جائزة كبيره اوى انتو متعرفوش امى عملت ايه امى شالت حماتك انتى وهيا ومستنش من حد حاجه او مساعده بالعكس امى كانت بتحاول ترضيكوا وتبقوا سوى ومع بعض بس انتو ازاى مستحيل نخليها مننا أو نقرب منها ...هههه أما انتو بقى اعمامى طب ومراتتكوا ميعرفوش حاجه انما الاخوات تعملوا ف بعض كده اخوك يا حاج انت وهوا اخوووووك فاهم يعنى ايه يعنى من لحمك ومن دمك تعمل كده دا ايه الجبروووت اللى انتو فيه دا ابويا لما عمل الشركه اللى انتو هدتوها دى عارفين علمها ازاى طب جاب فلوسها منين ابويا اشتغل كل حاجه عشان يجيب رزقه بالحلال سامع بقول ايه بالحلااال اللى انتو متعرفوش عنه حاجه اه ابوكوا غلطان انو عمل كده بس توصل انكو تقتلوا اخووكواا ابويااا انتو ايييييه انتو لو حيوانات مش هتبقوا كده دا الحيوانات فيها رحمه عن كده روحوا منكوا لله حسبى الله ونعم الوكيل فيكوا ليه تخلوا ف ابويا نظرة الكسره دى ولا الخذل ولا انو مش عارف يرفع رأسه لييه ليه تدخلوه ف حاجه ملوش ذنب فيها ذنبه اييه لاء وتدخلوه السجن بورق وشهادة زور انتو بتحطوا راسكوا على المخده وتناموا مطمنين ازاااى منكوا لله .....
..............................
الكل كان بيتفرج ومصدوم سواء اللى ف مصر أو تركيا الكل مصدوم وخايف ومتوتر ومش مصدق حاله من الرعب والتوتر والصدمه والكسره والخنقه
عادل : لازم انزل مصر حالا
سليم : المخزن دا فين بسرعه يا فهد
.............................
نجوى : مش مسامحاكوا (بصوت عالى) القواااات تقتحم فجاه الشرطه حاوطت المخزن من كل مكان ومسكوهم وكلهم بيزعقوا ومصدومين واللى تفكيرهم اتشل سارة لقت مسدس جمبها اخدته و...
سارة : نجوى انا بكرهك
وضربت رصاصه ف نجوى مع دخول سليم جرى وفهد ومروة وادهم وسيف ومازن
الكل بصدمه : نجوى
سليم بزعيق : نجوى ااااا
★★★★★★★★★★★★★
يا ترى نجوى ايه اللى حصلها والمفاجأة كانت جامده هههه ايمن مطلعش مع نجوى ...استنوا البارت الجاى