جرأة خلفها طفله (مكتمله)

الحلقه الرابعه عشر

نجوى بصوت عالى : كل القواااات تقتحم
فجاه المخزن اتملى قوات و سيف معاهم والكل كان ف حاله صدمه واللى بيزعق ..سارة لقت مسدس على الأرض اخدته و
سارة : بكرهك يا نجوى
صوت طلقه خرجت من المسدس مع دخول سليم ومروة ومازن وفهد وادهم وصدمه الكل كانت مسيطره
سليم : نجوى اااااااااا
الكل بصدمه وخوف وزعيق : نجوى
نجوى اخدت الرصاصه و وقعت على الأرض وسليم جرى عليها
سارة استوعبت اللى عملته ورمت المسدس والشرطه جت لمتهم كلهم وحطوهم ف البوكس
سليم بخوف وبيخادها  فحضنه والكل حواليه : نجوى ..نجوى حبيبتى فوقى انتى محصلكيش حاجه نجوىاااا
نجوى بتعب وعدم اتزان وشويه هتفقد الوعى : سامحنى ...اسفه ...اسفه على كل حاجه ....بابتسامه بهته ...بحبَك ودمعه خرجت من عينيها
فهد بعياط : نجوى حبيبتى بالله فوقى
مروة بصدمه ومش قادره تتكلم ومازن جرى عليها
مازن : مروة
مروة بصدمه وخوف : ن .. نجوى
ادهم بخوف ورعشه : فوووقوااا لازم نوديها المستشفى
سيف بزعيق : فهد سليم ...بسرعه فوقوا
الكل استعاد وعيه وسليم مسح وشه وشال نجوى والكل بيجرى وراهم ومروة لسه ف صدمتها سليم كان واخد نجوى ف حضنه وادهم وفهد ف عربيه ومازن ومروة وسيف ف عربيه
ادهم كان سايق باقصى سرعه وسليم واخد نجوى ف حضنه وعينيه حمره دم
سليم : هتيعشى ...انتى ملكى ..هتعيشى يا روحى
افتكر لما قالتله بحبك وانها ف حضنه وغرقانه ف دمها وأنها دلوقتى بين الحياه والموت
سليم بعصبيه وبيثبتها بحضنه اكتر : بسرعه يا ادهم  
ادهم ساق بسرعه وراحوا على مستشفى النجوى
سليم شال نجوى والكل نزل وراه وبيجرى
سليم بزعيق : دكتوووور مراتى بتموووت
ادهم : دكتور بسرعه
الدكاتره كلهم اتملوا على الصوت وطبعا كلهم قاموا بالواجب ف الطبيعى أنها مستشفى نجوى العمراوى وفهد اخوها
اخدوها وحطوها على التورلى وبقى كله غرقان دم
الدكتور : جهاز الاكسوجين وجهزوا اوضه العمليات بسرعه
مروة بخوف وبتجرى على فهد : فهد فهد ..نجوى الحقها ..الحق نجوى ...بصريخ وبقت بهيستيريا فااهد فووق اختك بتموت ..نجوى دخلت اوضه العمليات
فهد بخوف وعياط : مش قاااادر مش هقدر اشوفها كده
سيف : فهد ..اللى جوا دى مش اختك دى مريضه وانت الوحيد اللى تقدر تنقذها لازم تخش يا فهد
مازن : انت قدها يا فهد قوم يا فهد
فهد فاق لنفسه ودخل عقم نفسه ودخل لنجوى
*******************
ف تركيا
عادل بصدمه : بنتى
سهام بصريخ والبنات بعياط وصدمه : نجوى ...
عادل : ركان ...ركان بالله رجعنى مصر
سهام بعياط : بنتى يا عادل بنتى اضربت بالرصاص يا عادل
محمد : كلنا هننزل مصر يلا بينا
والد ركان : انا لازم آجى معاكوا ركان جهز طيارتنا الخاصه بسرعه
ركان : حصل يا بابا يلا بينا
الكل جهز بسرعه رهيبه وركان كانت عينه على مليكه وهيا ملهاش اى ردة فعل
ركان : مليكه ..مليكه اختك هتبقى كويسه صدقينى
مليكه مغيبه تماما حتى مركزتش ف اى حاجه هوا قالها
الكل خرج وراح المطار والكل ركب متجهين لمصر لمستشفى النجوى
****************
ف المستشفى
مروة بتعيط بهيستيريا ومازن بيحاول يهديها ، سليم واقف عند اوضه العمليات وسيف وادهم سوى
سليم واقف وبيخبط رأسه ف حرف الباب وبيفتكر كل لحظه عاشها مع نجوى يوم كتب الكتاب فرحتها لما اتقدملها لما كانت نايمه ف حضنه قدام البحر لما كانوا بيجروا ورى بعض عشان كانت زقته ف المايه كل الأفكار دى كانت اللى مسيطره على سليم
سيف : ادهم انا اسف بس اتصلوا بيا عشان القضيه وكده
ادهم : ولا يهمك متعطلش شغلك
سيف : هخلص واجى على طول عن اذنك
سيف مشى وادهم ومازن راحوا ناحية سليم
مازن : هتقوم بالسلامه ان شاء الله
ادهم : نجوى اقوى من كده ...نجوى انا عارفها هتقوم ..هتقوم لينا كلنا
مروة : ماما
الكل وصل المستشفى أهل نجوى أهل سليم أهل ركان واسيل وامنيه وابرار ومامة مروة ومراة ادهم وابنه الكل كان موجود
لمياء ( والدة مروة ) : بنتى ...واخدتها ف حضنها ...أهدى يا روحى
مروة بعياط : ن نجوى نجوى يا ماما
لمياء : نجوى هتقوم لينا كلنا وترجع لينا كلنا
عادل راح عند سليم : أهدى يا بنى
سليم : أهدى ...أهدى ازاى ومراتى بين الحياه والموت دلوقتى أهدى ازاى وانا كنت واقف عاجز مش عارف اعمل حاجه ..مش ف ضهرها وكنت سندها زى ما كانت بتقولى انا فشلت في انى احميها أو ابقى ف ضهرها حتى ف دى فشلت يا عمى محدش حاسس بيا
عادل اخده ف حضنه والاتنين عيطوا : فكرك انا مش مقهور زيك ولا قلبى بيتقطع على بنتى اللى النهاردة اعترافات بتنزل على دماغى واخرتها ايه ..بنتى دلوقتى معرفش فيها ايه وبين الحياة والموت ..استقوى بربنا يبنى ادعيلها يا سليم ادعيلها يبنى
محمد : ربنا يقومها بالسلامه لينا كلنا يارب
والد ركان : استهدوا بالله يا جماعه وتعالوا اقعدوا عشان متتعبوش وانت يا عادل بيه اقعد عشان تعبك
الكل قعد الرجاله سوى و الستات سوى امنيه واخده اسيل ف حضنها وبتعيط واسراء وسميه ف حضن بعض ومروة مع مرات ادهم ..الا مليكه مليكه الوحيده اللى كانت واقفه عند باب اوضه نجوى ومش بتتكلم نهائى ولسه ف صدمتها
ركان راح ناحيتها : بالله متبقيش كده واتكلمى ولا اصرخى بس متسكتيش كده وتقلقينى عليكى ..نجوى غاليه علينا كلنا وربنا مش هيزعلنا ادعى يا مليكه ربنا يقومها بالسلامه
مليكه مش بتتحرك ولا بتعمل اى حاجه وساكته وف هدوء رهيب وف نفس الوقت مخيف
اسيل بعياط : كده هتيتم للمره التانيه يا امنيه
امنيه : اشش متقوليش كده ان شاء الله نجوى هتقوم بالسلامه وترجع لينا كلنا
صوت رزع باب وفهد خارج الكل جرى ناحيته
عادل : فهد بنتى
سهام : نحوى يا فهد عامله ايه
الكل بيسال وفهد مش مركز ولا على واحد منهم عينيه بتدور على مليكه
فهد بصوت عالى : ملييييكه
ملكيه لفت ليه ولسه ساكته فهد جرى عليها
فهد : بالله ركزى معايا ومتبقيش كده نجوى هتبقى كويسه بس ركزى معايا نجوى محتاجه نقل دم بسرعه
ملكيه بصوت مبحوح : هتاخدوا العينه فين
فهد اخدها وراحوا عشان ياخدوا منها كيس دم والكل واقف مصدوم ومش بيتكلم
فهد وهوا بياخد العينه من مليكه : هترجع لينا  كلنا بس متبقيش كده وادعيلها بالله فوقى يا مليكه ومتبقيش كده ومتقلقنيش عليكى والله الحمل كبير عليا
مليكه : روح لاختى ومتخرجش غير لما تبقى كويسه 
اخد عينه الدم وهوا داخل للعمليات سليم وقفه
سليم بهدوء : الرصاصه فين بالظبط
فهد : مش لا...
سليم بضغط على أيده وعصبيه : انا مكنتش ف وعيى والدم كان مغرقها ومعرفش الرصاصه كانت فين قولى الرصاصه فين يا فهد
فهد بزعل : جمب القلب
ودخل ساب سليم هيموت وقلبه هيقف من كتر الخوف
عمر اخو سليم : متخافش ...هترجع لينا كلنا
مليكه وركان ومروة وسليم وعادل عند اوضه نجوى والقلق والخوف هما المسيطرين على الموقف
معداش وقت والممرضات بيجروا ويدخلوا ويخرجوا والكل بيكلمهم ومحدش بيرد عليهم
مليكه مسكت ممرضه من دراعها جامد ومليكه بصريخ: اختى حصلها ايييييه
الممرضه بتوتر :المريضه قلبها وقف
ومشيت وسابت الكل ف حاله صدمه
مليكه بصدمه وصويت : لاااااااااااااه نجوىاااااا وبتجرى على الاوضه وركان مسكها من وسطها وهيا بتقاوم وبتعيط بهيستيريا : اختى لاااء اختى نجوىاااااا قووومى قومى هموووت من غيرك
اسراء وسميه كل مدى بيعيطوا اكتر وسهام وعادل أقل ما يقال انهم شبه الموتى وسليم بقى مغيب عن الواقع تماما مروة حست أن الدنيا بتصفر واسيل اتخضت اكتر ودخلت ف العياط والكل خايف وزعلان
مليكه بصريخ : نجوىاااااا بالله قومى ما تعملى فينا كده
لحد ما اغمى عليها ف حضن ركان
الكل جرى عليها : مليكه ..حبيبتى فوقى
ركان شالها ف حضنه : عايزين دكتور بسرعه ودخل وداها اول اوضه شافها ونايمها على السرير وهيا كانت الدموع مغرقه وشها و وشها اصفر وكأنها جسد بلا روح 
دكتور دخل وكشف عليها وقال عندها هبوط وانهيار عصبى ولازم ترتاح وتخلص المحلول دا ركان شكره وخرج و عرف أهلها وأخواتها دخلوا ليها ( اسراء وسميه ومروة واسيل وامنيه ومرات ادهم سلمى ) كلهم كانوا حواليها واللى طلعت مصحفها ويقراوا قرآن واللى فرشت سجادة الصلاة وبتصلى وبتدعى بحرقه وبعياط
بره الشباب كلهم كانوا حوالين عادل وسليم وبيحاولوا يهدوهم وقلقانين على نجوى شويه وممرضه خرجت
سهام : بنتى فيها ايه
الممرضه : الحمد لله ضربات قلبها رجعت تانى والدكتور فهد بيشوف شغله جوا
سهام بعياط : الحمد لله يارب
لمياء وكريمان و والدة ركان كانوا حواليها وساندنها : الحمد لله يا حبيبتى الحمد لله ربنا هيقومها بالسلامه ان شاء الله اقعدى استريحى
عدى اكتر من 4 ساعات والكل متوتر ومليكه كانت صحيت وطلعت قعدت قدام اوضه نجوى رغم اعتراض الكل لكن ادهم قال خليها على راحتها عشان متتتعبش اكتر
فهد خرج  هلكان وتعبان والكل راح ناحيته
فهد بهدوء وتعب : مش عايز صوت دلوقتى العمليه نجحت و شلنا الرصاصه وقلبها تمام هتعرف النتيجه بعد 24 ساعه وبالله ما حد بسالنى على حاجه تانى عن اذنكوا
الكل بصاله بحزن وخوف وقلق
اسيل راحت وراه وكان قاعد ف اخر الدور بعيد عن الناس واى حد وقاعد على الأرض وساند ضهره على الحيطه وضامم رجله ودافن رأسه فيها اسيل راحت وقفت قصاده وحطت ايديها على كتفه ونطقت اسمه ف لحظه سريعه كان فهد حاضن اسيل من وسطها وانفتح ف العياط
فهد : انا تعبان اوى يا اسيل ...مش قادر اشوف نجوى كده والله ما قادر انا كده بموت بالبطىء
اسيل انصدمت من رده فعله بس نزلت قصاده وقعدت قدامه وهوا لسه حاضنها
اسيل بدموع : طب ممكن تبصلى
فهد رفع راسه وكان وشه غرقان دموع مسكت وشه بايديها وبتمسحله دموعه : انا واثقه فيك انك قدرت تنقذ اختك و واثقه ف ربنا اكتر لانه عمرنا ما يكتبلنا الشر أو ياذينا ف حد بنحبه رب الخير لا ياتى إلا بالخير صدقنى بكره هتفوق وتبقى كويسه وهترجع ف وسطنا من تانى والبيت يبقى مليان بالحب وصوت ضحكها صدقنى ثق ف ربنا شويه يا فهدى نجوى عمرها ما تحب أنها تشوفك كده ولا انا احب اشوفك كده انا قلبى بينزف والله اذا كنت مش قادر تشوف نجوى كده مفيش حد مننا قادر يستحمل دا ولا انا قادرة اشوفها كده ولا اشوفك كده ..اجمد كده يا فهدى
فهد نزل رأسه وعدل جسمه ونام على رجليها اسيل شدته لحضنها و بتطبطب عليه وبتقرأ قرآن وهيا كانت بتعيط بس بهدوء وهوا كان مسالم جدا وكان شبه نايم
محمد :طب يا جماعه روحوا واهدوا شويه على ما بنتنا تفوق لسه 24 ساعه
عادل : انا مش هسيب بنتى هنا
سهام : ولا انا
كاريمان : طب يا حبيبتى روحى بس غيرى هدومك واهدى وصلى ونيجى تانى مستحيل نسيبها
اسراء : بس
مصطفى : عمى عنده حق يا جماعه انتو جايين من سفر وتعبانين استريحوا شويه وتعالوا تانى واحنا والله مش هنسيبها
عادل : يلا يا سهام يلا كلنا هنروح ف فيلتنا يلاا
محمد : ملوش لزوم يا عادل
عادل : متقولش كده يا محمد البيت بيتكوا يلا بينا يلا يا جوهرى بيه هتشرفونا واسفين على البهدله اللى سببنهالكوا دى
جوهرى والد ركان : متقولش كده يا عادل بيه نجوى زى بنتى بالظبط واكتر كمان انت متعرفش غلاوتها عندى عامله ازاى
عادل :ربنا يخليك يارب
سهام : جميلكوا دا عمرنا ما هننساه ابدا يا حبيبتى شكرا ليكوا بجد
والدة ركان :على ايه يا حبيبتى متقوليش كده هزعل والله
عمر :وانت كمان يا سليم قوم معانا يلا
سليم : مش هتحرك من هنا
ركان : روح غير وتعالى تانى وخد دش عشان تفوق وبلاش عناد ومقاوحه على الفاضى انت مفيكش نفس اصلا قوم يلا
امنيه بتدور على اسيل عشان تقولها لقت فهد كده
امنيه بصوت هادى : بيقولوا يلا نمشى عشان تفوقوا ونرجع تانى
اسيل :حاضر جايه وراكى
امنيه مشت واسيل بتحط ايديها ف شعره وبتهمس ف ودنه
اسيل :فهدى ..فهدى اصحى
فهد : حصل حاجه
اسيل : أهدى يا حبيبى الكل كويس بس بيقولوا يلا نمشى عشان تغيروا هدومكوا وتفوقوا ونرجع تانى ومن غير مناقشه عشان انت كده بتجهد نفسك قوم معايا يلا
فهد قام وهوا مش قادر يتكلم وكلهم اجتمعوا وراحوا فيلا عادل
كل واحد اخد اوضه ليه و كل واحد اخد دش لكن سليم وفهد كل واحد بيفكر ف اللى حصل وبيحاول يهدى نفسه
سليم خرج وهوا بينشف شعره ولابس بنطلون اسود وتيشرت اسود و واقف قدام السراحه لقى فلاشه
سليم لنفسه : ايه دى وايه اللى جابها هنا أخدها وراح عند فهد طلب منه لاب توب عشان يشوف الفلاشه دى
سليم : فهد معلش ممكن لاب
فهد : طبعا اتفضل اهو
وفتحه وحط الفلاشه اول حاجه كانت مكتوبه
الى عائلتى
فهد : سليم الفلاشه دى لنجوى
سليم : خلى العيله كلها تتجمع
فهد جمع العيله و سليم قلبه بيدق بطريقه فظيعه الكل نزل واتجمع وسليم شغل الفيد وقال أنا معرفش فيه ايه بس تقريبا لنجوى  وف حاجه تخصنا
عادل : شغله يبنى
الكل كان مركز عل اللاب و ايه اللى هيشتغل
الفيديو فتح وكان مكتوب الى عائلتى 
كانت نجوى وكانت الفجر وقاعده قدام الكاميرا بالاسدال وبتتكلم
" احم صباح الخير ازيكم عاملين ايه .....دلوقتى انا بعمل الفيد دا الفجر قبل ما ..ما اروح المخزن ..كنت عايزة أقولكوا حاجه انتو هتتفرجوا على الفيد دا وانا مش هبقى معاكو ولا ف وسطكوا  تقريبا حاسه انى مش هبقى موجوده تانى معاكو بس عايزاكوا تسامحونى ومتزعلوش منى ..بصوت مبحوح وعياط يمكن هعمل غلطه كبيره وانا مش مسامحه نفسى عليها .....كان نفسى ابقى معاكوا اكتر واشوف كل واحد بيتجوز ههه واشوف بناتى وهما بيتجوزوا واسلمهم لعرسانهم واشوف أحفاد عيالى هتحرم من دا بس خلاص ... عايزاكوا تعرفوا انى بحبكوا اوى وانو اللى عملته مش غلط انا حققت حاجات كتيرة اوى انتو هتعرفوها بعدين ...كمان شويه هروح المخزن وانا قلت لركان يجمعكوا وتعرفوا اللى حصل وانا بشكره جدا وبشكر والده و والدته انو استحملنى انا واهلى حقيقى شكرا ..مش عايزاكوا تزعلوا وافرحوا وعيشوا حياتكوا بس ادعولي وسامحونى سامحونى من قلبكوا اخر حاجه وعارفه انى طولت هتلاقوا ظروف ف درج الكوميدينو كل واحد ليه ظرفه ياخده ويقراه لوحده ...بحبكوا بحكبوا اوى "
الكل بيعيط بغباء وقلبهم مقهور وبينزف سليم طلع جاب الظروف وكل واحد اخد ظرفه وقعد لوحده
سليم
" سليم ..سولى حبيبى وجوزى و كل ما املك ...سامحنى على اللى عملته وأنى سبتك ومفكرتش غير ف نفسى بس دا اللى كان قدامى ...عايزاك تعرف حاجه واحده انى بحبَك ومحبتس غيرك وانت الوحيد اللى ف قلبى انت اللى غيرت نجوى العمراوى القاسيه اللى متعرفشى يعنى ايه رحمه لنجوى عندها 10 سنين كل اللى هيا عايزاه تعيش مع باباها ..حبيبها ..ساندها تلعب معاه وتخرج معاه تعمل كل حاجه حلوة معاه هوا بس ...عايزاك تعرف يا سليم انى قضيت اجمل ايام حياتى معاك انت معرفتش يعنى ايه سعاده وفرحه وحب الا معاك انت بس .....انت مالك قلبى يا سليم عايزاك تعيش حياتك عادى وتتجوز عارفه انو صعب عليك وعليا انا كمان بس انا دلوقتى مش موجوده ...عيش حياتك يا سليم ...بحبَك "
فهد
" فهودى حبيبى ... ابنى..اخويا ..وكل حاجه حلوة ف حياتى ...عايزاك تعرف انك ابنى الاول والاخير وكان نفسى ابقى معاك وانت بتتجوز اسيل وارقص معاك وارخم عليك ههه بس يلا قدر الله ما شاء فعل عايزاك تعرف ان البت اسيل بتحبك وانتو الاتنين واقعين ههه سبحان ما جمع الا ما وفق ..متتاخرش يا ولا واكتب عليها على طول وهاتولى بنت شبهى.... متزعلش منى يا حبيبى عارفه انك تعبان دلوقتى ومتدمر بس مش عايزاك كده انا متعوده على فهدى انو قوى مش عايزة الزعل يتمكن منك وتعيش جواه بالله أوعى تعمل كده عيش حياتك يا حبيبى وشوف نفسك ومستقبلك ماشى يا حبيبى ..بحبَك "
مروة
" مروتى حبيبتى واختى وصاحبتى وروحى ...عارفه انك زعلانه منى دلوقتى وأنك بتعيطى دلوقتى بس انتى عارفه انا عملت كده ليه عشان خاطرى متزعليش منى وسامحينى وادعيلى ومش تنسينى ....كان نفسى اسلمك لمازن واقوله حطها ف عينك دى بنتى ولو زعلتها طبعا انتى عارفه هيتعمل فيه ايه او المخزن هيشوف شغله هههه ايوا كده اضحكى وفرفشى يا مروتى ...اتجوزى الواد مازن الاهبل دا ههه وخلفى عيال شبهى أنا بقولك اهو ههه بحبِك يا عمرى "
مليكه
" لوكا حبيبتى ..بنتى وعقلى وروحى ...انا عارفه انتى عامله ازاى دلوقتى وعارفه انك دلوقتى لوحدك طول عمرك كده ... لما بتزعلى بتسكتى وبتبقى لوحدك بس انا مش عايزاكى كده عايزاكى تعيطى وتطلعى كل اللى ف قلبك ... عايزاكى تسامحينى لانى سيبتك وقلتلك أن مفيش ام بتسيب بنتها وانا خلفت بالوعد دا بس انا معاكى ف كل حاجه بتعمليها ..لأننا اخوات وقبلها انتى روحى ومتعلقين ببعض ...على فكره ركان بيحبِك و باين اوى ف عينه ما يفضحش العاشق غير نظراته وهوا اتفضح ههه عايزاكى تحافظى على نفسك لحد ما يخبط الباب ويقول عايز الملكه مليكه ..هتقولى دا شكله اعجاب ومستحيل يبقى حب وهيلحق امتى والكلام دا انا بقولك انو بيحبك بس لسه مش متاكد من شعوره لانى عارفه الشعور دا ومجرباه واللى ربنا عايزة هيكون لو فيه خير ليكى هيبقى من نصيبك كان شر ربنا هيبعده عنك ماشى يا روحى ..عيشى حياتك وكملى دراستك و مش هتنازل عن امتياز زى كل سنه...عايزاكى تحافظى على اخواتك انتى مكانى دلوقتى حافظوا على نفسكوا وخليكوا ايد واحده زى ما كنت معاكو بالظبط شيلوا بعض ولو واحده وقعت تشيلوها تبقوا سند لبعض يا روحى حطى الكلام دا حلقه ف ودنك ماشى يا روحى  ...بحبِك يا حياتى "
اسيل
" سيلى حبيبتى دُرتى ههه قصدى مرات اخويا ههه حقيقى انتى ليكى مكانه ف قلبى ومعزة خاصه ربنا اللى يعلم بيها حقيقى انتى اختى وزيك زى مليكه واسراء وسميه ومروة انتى من الشله الهبله دى ههه عايزاكى تحافظى على فهد ..انتو هتبقوا شخص واحد حافظوا على بعض هتواجهوا مشاكل ويمكن تبقى صعبه بس انتو لما تبقوا مع بعض وايد واحده هتواجهوا كل حاجه مع بعض ...الجواز حلو يا اسيل ولما تبقوا مع بعض ف كل حاجه وتشاركوها سوى هيبقى ليها شعور تانى حبوا بعض يا روحى وخليكوا دايما روح واحده ...بحبِك "
ركان
" ركان باشا عايزة اشكرك على اللى عملته معايا واستضفت اهلى عندك بجد شكرا ...على فكره عينك فضحاك يا استاذ ركان ههه واللى بتعمله مع اختى دا مينفعش انا بكلمك على انى اختك ..الشخص إلى بيحب حد بيحافظ عليه وبيحتفظ بحبه ف قلبه لحد ما يبقى عنده القدرة انو يخش البيت من بابه .. كل حاجه ف الحلال ليها حلاوة ولذه تانيه يا ركان ..ونحمد ربنا أن الحب مش حرام فنحب الشخص اللى بنحبه ونحافظ عليه لحد ما يبقى ملكنا ...حافظ على حبك يا ركان اعتبرنى اختك وحط الكلام دا ف دماغك ...ربنا يوفقك ف حياتك "
عادل
" عدوله حبيبى وابويا ...اللى عملته دا ..دا كانت النار اللى ف قلبى من سنين والنهاردة خلاص كل حاجه انتهت ..راسك هتبقى مرفوعه بعد كده ومش هيبقى ف عينك النظرة اللى بشوفها ف عينك نظرة حزن وكسره وخذلان ...أوعى تخليهم ف عينك تانى ...سامحنى لو اللى عملته معاك ضايقك بس الحقيقه كانت لازم تتعرف سامحنى يا بابا سامحنى .. انا عارفه انك زعلان وممكن تتعب بس لو ليا خاطر عندك متعملش ف نفسك كده انت علمتنى القوه وأنى مزعلش أو اعترض قدام اى قضاء من قضاء ربنا صح مش انت علمتنى كده علمتنى ان اى حاجه تحصل اثق ف ربنا اكتر انو يحلها من عنده وان مفيش حاجه بتحصل الا وليها حلها من عند ربنا...بابا خليك قوى بالله ومتزعلش وخد علاجك ف وقته وحافظ على نفسك  ..انا معاك وروحى فيك لانى بنتك ارفع راسك يا بابا متخليش حد يكسرك عينك هتبقى مرفوعه والكل يعرف بجد مين هوا عادل العمراوى ...بحبَك يا احلى واحسن اب ف الدنيا كلها "
سهام
" ست الكل وحبيبتى وصحبتى واختى وكل ما املك ..بالله يا ست الكل ما تعيطى عشان انتو الأمهات بتحبوا تعيطوا سواء ف الفرح او الحزن ههه عايزاكى يا حبيبتى بعد كده تعرفى مقامك كويس شوفتى قالو ايه كانوا غيرانين منك تعرفى ليه عشان انتى اطيب قلب ف الدنيا واحسن ام ف الدنيا عايزاكى تخلى بالك من نفسك ومن بابا واخواتى ...مليكه بقت مكانى دلوقتى ...خليكوا مع بعض خلاص معنشى ف خوف أو قلق بقى ف امان ..امان وبس مش عايزاكوا تقلقوا من حاجه بعد كده ماشى يا روحى عايزاكى تسامحينى وتدعيلى  متنسنيش ف دعائك يا حبيبتى ...بحبِك يا احلى ام "
اسراء
" سوسو القمر اللى خبت عليا حوار كده المفروض تيجى تقولى عليه بس عشان عارفه انك متوترة مش قلتيلى بس مش زعلانه منك ..مبدئيا كده عايزاكى تهتمى بدراستك ومش تركزى غير فيها وتجيبيلى امتياز ههه شوفتى قلشك وكلامك عمل فيا ايه اهو اتعديت منك ههه ..ثانيا بقى موضوع مصطفى انا عارفه أن ف مشاعر متبادلة بينكو انتو الاتنين لكن اللى بيحصل ف الدرا وبعيد عن الناس غلط ومش بيكمل فنحافظ على قلبنا يا سوسو يا حبيبتى وانا عارفه مصطفى مش هيعمل حاجه غلط بس بردو نحافظ على. قلبنا لحد ما يخبط على الباب ويطلب ايدينا صح يا روحى ...سامحينى وادعيلى يا سوسو ومتزعليش وعيشى حياتك يا روحى ..بحبِك يا من عينى "
سميه
" سمسم ثانويه عااامه يا ناااس ههه اللى هتشرفنا وتدخل الكليه اللى بتحلم بيها وتحقق حلمها أن شاء الله...عايزاكى تعرفى انك بنتى الصغنونه وبصى لو هشحت كده محبش الا انتى ههه ...سامحينى انى مش هبقى معاكى ولا قعدت معاكى وقت كافى بس دا قدر ربنا ..خدى بالك من دراستك ودايما تطلعى الاولى وكلنا فخورين بيكى يا حبى ..بحبِك يا احلى سمسم "
ادهم
" ادهومى لوسيفر ههه فاكر اللقب دا عايزاك تعرف انك اجدع صاحب واجدع واحسن اخ ف الدنيا كلها حقيقى انت كنت سندى مش عايزاك تزعل منى انى ماخدتش رايك وقلتلك اللى حصل بس صدقنى كنت خايفه عليكو كلكوا بس دلوقتى خلاص معنشى موجود غير الامان ...خد بالك من نفسك يا اخويا وسامحنى و ادعيلى ...خد بالك من مراتك وابنك والبيبى التانى لو بنت تتسمى على اسمى انا بقولك اهو ههه ربنا يسعدك يا حبيبى يارب "
مصطفى
" صاصا باشا اللى فاكرنى نايمه على ودانى ومعرفش بيعمل ايه ههه انت مبتحرمش شكلك كنت عايز تجرب المخزن يا مصطفى ههه بس قدرك بقى ..عايزة اشكرك على اللى عملته معايا وأنك كنت جمبى ف كل حاجه بعملها  وبجد ونعم الصديق والاخ بس يا برنس ابعد شويه عن اختى هاا بدل ما اصنت عليك فهد انا بقولك اهو ههه ..لو بتحبها يا مصطفى بجد حافظ عليها كان نفسى ابقى موجوده بس محصلش نصيب حافظ على اختى يا مصطفى ..ربنا يوفقك ف حياتك "
مع كل نهايه ظرف كانت مكتوبه انا موجوده ف قلبكوا ومش هتنسونى ..
كل واحد قفل الظرف بتاعه و زادوا ف العياط وسليم كان ف حاله ميؤوس منها ازاى بتطلب منه حاجه زى دى ازاى تطلب أنه يتجوز واحده تانيه غيرها ازاى ..حط الورقه ف جيبه وطلع من الفيلا وركب عربيته وطلع على المستشفى بسرعه وطلب من الكل أنو لازم يدخلها سواء برضاهم أو غصب بعد معاناه وافقوا واتعقم ودخل  لقاها متركبلها أجهزة كتير و وشها اصفر وشكلها صعب اوى هنا راح قعد جمبها وهنا انهارت كل حصونه وعيط عيط كتيير اوى
سليم : ليه كده يا نجوى ليه تعملى فيا كده ...انتى عارفه انى أدمنتك ومعرفش اعيش من غيرك ليه تعملى فيا كده يعنى هنت عليكى ..دا انا سليم حبيبك مهنتش عليكى وانتى بتكتبى الكلام دا أو تعملى اللى عملتيه دا ..نجوى بالله قومى انا بحبِك ومقدرش اتخيل حياتى من غيرك والله ما اقدر لو بتحبينى قومى يا حبيبتى قومى يا نجوى الكل زعلان و مقهور طب بلاش انا مفكرتيش ف باباكى ومامتك لما يشوفوكى كده او وانتى كاتبه ليهم الرساله ليه كده ....انا عارف انك بيتحبينى وهتقومى بالسلامه و والله مش هعقابك على اللى بتعمليه دا ...انا عارف انك بتعملى فيا مقلب صح وهتقومى تانى صح يا روحى ...نجوى بالله قومى وما تقهيرينى عليكى يا روح قلبى وماسك ايديها وبيعيط جامد  ...
شويه والممرضه خبطت و قالت الوقت خلص ولازم يخرج وسمع كلامها وباسها من جبينها و خرج
فضل قاعد وقت طويل اوى لحد ما غلبه النوم ونام على الكرسى حس بايد بتتحط على كتفه وكان فهد
سليم : نجوى كويسه حصلها حاجه
فهد : أهدى أهدى هيا تمام انا بس قلت اصحيك تنام جوا
سليم : لاء انا تمام استريح انت انا هفضل هنا
فهد قعد جمبه والسكوت سيد الموقف لحد ما سليم قال : مش هقدر اعيش من غيرها
فهد. بخنقه : ولا انا ..سليم انا بموت بالبطىء
سليم : فهد انا قلبى بينزف ومش عارف اعمل حاجه اول مره احس بالعجز دا احساس وحش اوى