جرأة خلفها طفله (مكتمله)

الحلقه الثالثه

عند سميه ( أخت نجوى )
سميه : انا خارجه يا ماما
الأم : راحه التدريب
سميه : اه يا قلبى عايزة حاجه
الأم : سلامتك يا حبيبتى خلى بالك من نفسك ..
سميه : حاضر ..سلام
_______________
شهد ( أخت سليم )
شهد : يا زيزو يا حبيبى تعالى وصلنى بقى هتأخر والله على التدريب
زياد : ما تخلى السواق يوصلك
شهد :لاء عايزاك انت اللى توصلنى ..وحياتى
زياد :خلاص يلا
شهد : هيييييه حبيبى يا زيزو
زياد : مش عارف دى 3 ثانوى ازاى خدى يا بت جمع عصفور ايه
شهد : ايه يا زيزو السؤال دا انا دكتورة ف العربى الجمع عصفورات هييهه
زياد : اه ..قلبى عصفورات يلا يا ام ملحق
______________________
سميه وصلت التدريب و كذلك شهد والاتنين بيتعلموا السباحه ...شهد خبطت ف سميه
شهد :اه sorry  معلش ماخدتش بالى والله
سميه : عادى ولا يهمك انتى مكبره الموضوع كده ليه
شهد : شكرا...انا شهد
سميه : وانا سميه
شهد : حلو سوسو
سميه :حلو دودو
شهد : 😂😂 ايه دا ف تقليد هنا
سميه : هل يوجد اعتراض
شهد :ابدا يا كبير حد يقدر ..انتى سنه كام
سميه :3 ثانوى علمى وانتى
شهد : سبحان الله انا كمان
سميه : باااس انتى جيتيلى من السما مش عايزة مدرس كيميا
شهد : ايوا عايزة فعلا انا لسه مش بدأت
سميه : باااس انتى هتيجى عندى البيت وناخد انا وانتى 😂 ( صداقه أسرع من الاندومى😂)
شهد : تمام أوى
وتبادلوا الأرقام والمدرب ندلهم عشان يتدربوا
شهد وسميه كانوا جمب بعض وابتدى التدريب شهد رجليها شدت عليها ومعرفتش تعوم سميه راحت عندها وشدتها معاها وراحت تعمل لها هيا والمدرب التمارين اللازمه
سميه : انتى كويسه
شهد :الحمد لله تمام ..شكرا ليكى بجد مش عارفه اقول ايه بس شكرا
سميه :يبنتى عادى ولا يهمك اهم حاجه تكونى كويسه ....انتى هتروحى دلوقتى
   شهد : قلبى ...اه المفروض اخويا ييجى ياخدنى
سميه : طب سندى عليا لحد ما نطلع بره
شهد :مش عايزة اتعبك
سميه : يلا يا ماما دى بتقولى هتعبك بلاش لكاعه بنان آخر زمن 😂
________________________
عند مليكه
مليكه :يا ساندى مش عارفه اعمل ايه الواد دا حيوان وقذر وعايز يبتذنى ومش عارفه اعمل ايه
ساندى : يبنتى ما تقولى لاختك مش بتقولى أنها بتحبكوا وممكن تقتل اى حد يقرب منكو
مليكه :بس انا مش عايزة ادخل نجوى ف مشاكلى اللى فيها مكفيها
ساندى : براحتك يا مليكه بس انا من رايى تقولى لاختك عشان الواد دا مش سهل وعايز يوقعك بأى طريقه
مليكه :سيبيها لله
___________________________
عند نجوى
مروة : نجوى
نجوى : نعم
مروة : عم على البواب عايزك بره ادخله
نجوى : طبعا دخليه
عم على : ازيك يا انسه نجوى
نجوى بطريقه ودودة : ايه يا عم على انسه دى انا مش زى بنتك ساره ولا ايه
عم على : طبعا يا بنتى ...بس
نجوى : مبسش ولا حاجه انا زى بنتك وتقولى نجوى على طول ماشى ..كنت عايزنى ف أيه
عم على : أصل بصراحه يبنتى البت بنتى الصغيره تعبانه وكنت عايز اقعد بيها شويه ما انتى عارفه أم ساره من ساعه ما ربنا استرد أمانته وانا شايل كل حاجه
نجوى : الف سلامه عليها يا عم على طب ليه مش قلتلى ..خلاص بص روح المستشفى الخاصه بينا وهناك هما هيعملولها اللازم
عم على :يبنتى انا مش قلت كده عشان عايز ..
نجوى :وانا مش قصدى كده خالص وانا عارفه كل حاجه بس اعتبرنى اختها وعايزة أساعد اختى ..على فكره يا عم على انت اتغيرت ومش بتعاملنى زى بنتك خااالث
عم على : دا انتى زينه البنات كلهم ربنا يبارك فيكى يارب ويعملك الطيب ويوفقك ويرزقك بابن الحلال يارب
نجوى : تسلملى يا راجل يا طيب انت ربنا يخليك لينا ...خلاص كده تعمل اللى قلتلك عليه ومتجيش الشركه الفتره دى ماشى
عم على : تسلمى يا جى جى
نجوى : عم على وحياه بناتك بلاش جى جى قدام الموظفين هبتى هتضيع كده
عم على : هههه حاضر يا جى جى سلام
نجوى : ههه بقى كده سلام يا علوه
سليم كان واقف ومراقب كل حاجه بس محدش اخد باله سليم ف نفسه : رغم قسوتك وحزنك وف نظره ف عينكى زى الانتقام بس مشفتش اطيب من قلبك وانا وراكى والزمن طويل وهعرف كل حاجه عنك
عقله : وانت مالك تخصك ف حاجه يكنشى عجبتك
سليم : لاء طبعا دا مجرد فضول مش احنا شركه
عقله : فضول وشركه...امم خلاص متبقاش تيجى تعيط لما تروح لغيرك
سليم : أخرس خااالص
سليم خبط على الباب ودخل
نجوى : اتفضل يا سليم بيه
سليم : شكرا ...أنسه نجوى دلوقتى ف صفقه اننا نصدر ادويه زراعيه لكينيا كمان يومين
نجوى : تمام حدد ميعاد ييجو ف الشركه هنا واحنا نشوف
سليم : تمام ....ممكن طلب
نجوى :اتفضل
سليم : ممكن يعنى ..نقعد ف كافيه بره الشركه شويه
نجوى : ودا ليه
سليم : يعنى نبعد عن روتين ممل شويه 
نجوى : اوك تمام بعد دوام الشركه
________________________
مليكه : اوووف عايز ايه يا زفت انت بجح كده ليه يلا
شاب : تؤتؤ كده غلط تغلطى فيا مش عيب تشتمينى كده وانا معايا كل حاجه تخصك وانتى عارفه انا ممكن أعمل فيكى ايه ...
مليكه : انت حيوان وزباله وقذر
وقفلت السكه ف وشه وعيطت واتصلت  بزميلتها ساندى
ساندى : لوكا عامله ايه
مليكه بعياط : ساندى ...
ساندى : مالك يا مليكه بتعيطى كده ليه
مليكه : الحيوان بيذلنى يا ساندى وانا مش عارفه اعمله حاجه وكمان المشروع كمان يومين خايفه يعمل فيا حاجه
ساندى : طب أهدى يا قلبى ..ينفع نتقابل بره انا بره عند كافيه *****
مليكه : مش قادره أخرج انا هقعد لوحدى شويه أفكر هعمل ايه سلام
ساندى : لازم اروح لاختها الشركه مينفعشى كده ..
ساندى قامت وراحت الشركه
عم على : انتى مين يا انسه
ساندى :انا أسمى ساندى زميله ملكيه أخت انسه نجوى
عم على :  خير يا بنتى
ساندى : عمو ممكن اخش للانسه نجوى بجد ف موضوع مينفعشى يتاجل
عم على : بس هيا مش فوق والله يا بنتى هيا خرجت
ساندى : يااا الله ........ طب بالله ادينى رقمها
عم على : هوا الموضوع يخص مين
ساندى : مليكه اختها ممكن تديهونى بقى
عم على :طب خدى ***********
ساندى : شكرا شكرا جدا
_____________________________
سليم : تحبى تشربى ال ice coffee بتاعك
نجوى : لاء مادام بره الشركه يبقى عصير فراوله
سليم : تمام ...2 فراوله ....أنسه نجوى هوا حضرتك ملكيش قرايب يعنى مثلا كل اللى أعرفه انتى عندك والدك و والدتك واخواتك البنات مش اعرف اى حاجه غير كده ...لا أعرف ليكى عم أو عمه أو خال
نجوى : لا ليا عمين لكن مليش خال أو خاله والدتى كانت الوحيده ....بتسال ليه
سليم : أبدا فضول مش اكتر .....هوا انتى بتسابقى من زمان
نجوى : استاذ سليم شكل حضرتك متعرفش مين نجوى العمرواى ...ليك يوم وتعرف هيا مين
تليفون نجوى رن برقم غريب
نجوى :الو سلام عليكم
ساندى : وعليكم السلام انسه نجوى
نجوى :ايوا انا مين معايا
ساندى :انا انا..ساندى زميله ملكيه أخت حضرتك
نجوى بقلق : ملكيه حصلها حاجه ...سليم انتبه ليها
ساندى :بصراحه مينفعشى اكلم حضرتك على الفون ممكن نتقابل
نجوى : قابلينى ف كافيه ****** عارفاه
ساندى :اه تمام دقايق وابقى عند حضرتك
نجوى قفلت واتصلت بمروة
نجوى بصوت خشن وقلق :مروة
مروة : ايه يا نجوى مال صوتك حصلك حاجه
نجوى : تعاليلى ف كافيه ******
مروة :ثوانى
نجوى قاعده متوتره وقلقانه ومتعصبه وسليم شايف دا وساكت
سليم : انسه نجوى انتى كويسه
نجوى : دلوقتى لاء .....
شويه وساندى دخلت عليها وبعدها بحاجه بسيطه جدا دخلت مروة
ساندى :انسه نجوى انا ساندى
نجوى : اتفضلى اقعدى ..تشربى ايه
ساندى :شكرا انا مش جايه اشرب انا جايه اقول لحضرتك حاجه وهمشى على طول
سليم انسحب بهدوء وسابهم بعيد واتصل بمازن وقاله ييجى ف نفس الكافيه
نجوى : طب اتكلمى بسرعه مليكه مالها
ساندى : بصى حضرتك احنا معانا ولد ف الدفعه اسمه مالك محمد صالح الولد دا مستقصد ملكيه من أول ما دخلت الكليه وبيضايقها ومليكه بتصده على طول لحد ماجه ف كافيه الكليه وقعد معاها
Flash back
مالك : اهلا السنيورة
مليكه : يا اخى انت زباله بجد انت معندكش دم وجايه تمشى راح ماسك ايدها قامت مدياله بالقلم ....حسك عينك ايدك الزباله دى تلسمنى تانى
مالك بعصبيه وراح قايم ناحيه ودانها وقال : حسابك عسير أوى على القلم اللى ادتهولى دا ومتبقيش تزعلى لما صورك تنزل هنا ف الكليه وتبقى فضيحه بجلاجل والانسه مليكه الشريفه تبقى أوسخ بنت ف الكليه وسابها ومشى
Back
ساندى : ملكيه جات عيطتلى جامد ومكنتش عارفه تعمل ايه قلتلها تقول لحضرتك قالت مش عايزة تدخلك ف مشاكل لحد ما اتصل بيها النهاردة وهددها تانى انا رحت لحضرتك الشركه عشان اقولك ملقتكيش قلت للحارس اللى هناك وهوا اللى ادانى رقمك ...بجد يا انسه نجوى انا كلمت حضرتك لأن مليكه اختى وانا مرضاش كده على اختى
نجوى : وانتى كبرتى ف نظرى اكتر وانتى زى مليكه ولو عزتى اى حاجه كلمينى على طول انا بجد بشكرك من قلبى ولو حصل اى حاجه معاكى قوليلى وانا هتصرف متكليش هم حاجه
ساندى : شكرا  ربنا يخليكى انا مضطره امشى عشان مامتى احنا المغرب وانا اتاخرت
نجوى : اتفضلى ....  عرفتى كل حاجه
مروة : كل حاجه
نجوى بوش بارد وعصبى : يلا بينا
نجوى راحت ناحيه عربيتها هيا ومروة سليم كان لسه واقف ومعاه مازن أول ما شافها وهيا خارجه راح رواها
نجوى ساقت العربيه بأقصى سرعه وسليم وراها وعملت اتصال
نجوى : فاضى
................
نجوى : قابلنى ف المكان بتاعنا
...................
نجوى راحت مكان مقطوع وقفت شويه وركب شاب طويل وعرض أوى
مازن : نهار اسود ايه اللى ركب دا
سليم : مش عارف بس اكيد تعرفه إلا لو مكنتشى كانت هاديه و واقفه كده
مروة :نجوى سليم ورانا
نجوى :عارفه خليه يعرف مين هيا نجوى العمراوى
واتحركت بالعربيه وسليم وراها ونجوى حكت كل حاجه للشاب اللى معاها
راحوا مكان عامل زى ساحه المصارعه كده
نجوى : لوسيفر
لوسيفر : جاهزين يا نجوى وف نفس المكان غيرى هدومك بس
نجوى :تمام يلا يا مروة
بعد شويه نجوى ومروة ولوسيفر كانوا لابسين بنطلون اسود وجاكيت اسود ونجوى كانت لابسه طرحتها و hand wrap ف ايدها وكذلك مروة خرجوا من الساحه وسليم شافها اتصدم
مازن : سليم هيا مافيا
سليم : مش عارف بس مش ناويه على خير ابدا وفضل ماشى وراها
نجوى :مروة عرفتى هوا فين
مروة : بيسهر ف ديسكو ******
نجوى :لوسيفر
لوسيفر : ثوانى
لوسيفر خرج و دخل الديسكو ولقاه بيرقص وسكران لوسيفر عمل حركه خلاص يغمى عليه وشاله ومحدش اخد باله بعديها خرج وهوا شايله على كتفه وحطه ف شنطه العربيه من ورا
نجوى طارت بالعربيه وراحت مخزن كل حاجه وسليم واقف بعيد شويه و شايفها وعايز يعرف هتعمل ايه ومصدوم ف نفس الوقت
نجوى ومروة ولوسيفر نزلوا وراح لوسيفر شايل مالك ودخلوا المخزن
سليم : أنا نازل
مازن : تنزل فين انت مجنون البت دى شكلها مجنون اصلا
سليم :أنا بعرفك مش باخد رأيك ... سليم نزل وراح وراهم وكان بيحاول نجوى متشوفوش لكن هيا عارفه كل حاجه وبتضحك بسخريه
نجوى : لوسيفر
لوسيفر حط مالك على كرسى وربطه وجاب جردل مايه وصابه عليه مالك قام مفزوع وشاف بنت قاعده باريحيه على الكرسى ومغمضه عنيها وبنت جمبها و شاب على الناحيه التانيه
مالك بزعيق : انتو مين ..انتو ازاى تعملوا فيا كده ..انتو مش عارفين انا مين انا هوديكوا كلكوا ف داهيه
نجوى : خلصت خلاص ...نجوى قامت وراحت ناحيته وهيا ف منتهى الهدوء
مالك : انتى مين يا عسل
نجوى : انا الجحيم
مالك : متافوريش يا مزة بس تحبى هنا ولا البيت عندى وغمز غمزة سافله
نجوى بضحكه شريرة وخبث :ههه لاء ياروح أمك هنا بس انت اللى هتبقى مش نافع لأى حاجه خالص
.......مالك محمد صالح كليه آثار بيسقط كل سنه ويعدى بفلوس الوالد ...حب يتطاول ويعمل نفسه دكر على الملكه مليكه عادل العمراوى ويبتذها بشويه صور ملهاش لازمه وميعرفش انو بيلعب مع النار بيلعب مع الإمبراطوره واللى بيبص بس على حاجه من حاجات الإمبراطوره بيموت تفتكر بقى هعمل ايه
مالك برعب : انا معملتش حاجه هيا اللى...
سكت نتيجه بوكس قوى من نجوى كسرله فكه نجوى بعصبيه وصوت جهورى : أخرس يا وسخ ضافر مليكه هانم برقبه مليون واحد وسخ زيك هيا أشرف واحده على الأرض فاهم ونزلت تضرب فيه بوكسات لحد ما وشه نزل دم و وشه مفيش فيه حته سليمه
نجوى : لوووسيفرر
لوسيفر فك الحبل من على مالك وشال الكرسى وراح وقف تانى زى ما كان
نجوى :لو دكر قوم واضربنى ولا انت مش بتتشطر إلا على النسوان اللى شبهك ونزلت ضرب فيه وكسرت له دراعه وكسرت له رجله وهيا بتردد انا النار انا اللى بيلعب معايا بيحترق فاااهم مروة جريت عليها ولوسيفر على الولد
مروة : نجوى أهدى ..أهدى هيموت ف ايدك
لوسيفر :نجوى خلااص وراح ناحيتها ومسكها جامد وفصل يهدى فيها
نجوى :شيل الزباله دا و وديه اى خرابه يتعالج فيها
سليم ف نفسه :يتعالج ايه دا لو وصل بس للعربيه يبقى البقاء لله يخربيت جبروتك يا شيخه
لوسيفر شال مالك و وداه العربيه  ومروة وراه
نجوى وهيا راحه ناحيه البوابه بصوت عالى : متبقاش تمشى زى الفران ورانا لو عايز تتفرج أبقى قولى وتبقى الرؤيه أوضح من كده ...عايزة اقولك أن دا ولا حاجه عن نجوى العمراوى ف أن اى حد يمسها أو يمس حاجه تخصها أظن شفت انا بعمل ايه سلااام ....اه وابقى أخرج بسرعه عشان ف هنا عفاريت ههه
سليم مصدوم من اللى سمعه وشافه : يعنى هيا كانت عارفه من الأول وكمان هيا مديانى ضهرها وبتكلم عادى ولا كان ف اى حاجه حصلت يلهوى عليا انا كده مت .. بس بصراحه جدعه ولا اجدعها راجل بشنبات خرج وراح عند مازن ولقى مازن مبلم
سليم : ولا يا مازن مالك يلا
مازن :هوا فين الولا اللى اخدوه من الديسكو
سليم :اه قصدك مالك انت مشفتوش وهيا متشال على النقاله هههه
مازن : يخربتها هيا اللى عملت ف كده
سليم : اه تخيل ههه
مازن : وانت بتضحك ليه
سليم : اصل صاحبك عامل نفسه بيفهم ومحدش هيشوفه طلعت عارفه انى وراها وقالت لى ......وحكى ليه كل حاجه
مازن : ينهار اسود.... البقاء لله فيك يا صحبى كنت طيب
سليم : فداها مادام على  ايديها
مازن بتصفير : يااا جامد شكلك وقت يا سلم
سليم : مش عارف
______________________
نجوى : شكرا يا لوسيفر
لوسيفر : انتى اختى يا بت ومفيش شكر بينا وبعدين أبقى قوليلى ادهم انا نسيت أسمى بسببك
نجوى : ههه عشان اللقب دا انا اللى ادتهولك ومتقدرش تغيره ثح
لوسيفر : صح هههه دا انتى مصيبه يلا اطلعى فوق واستريحى شويه وبراحه مع مليكه هيا كانت خايفه عليكى
ملكيه :عارفه .... انت مش هتيجى تعيش جمبنا هنا بقى
لوسيفر : قريب ان شاء الله. .سلام
نجوى : سلام
مروة : هتعملى ايه دلوقتى
نجوى : هطلع اكلمها وهفهمها ..يلا تعالى
نجوى طلعت عند اوضه مليكه لقت مليكه عنيها وارمه من كتر العياط وحاضنه نفسها
نجوى : مليكه
مليكه بصت لنجوى  وجريت عليها وفضلت تعيط ف حضنها
نجوى : شششش أهدى ف ايه
ملكيه :مفيش ..مخنوقه شويه
نجوى : لسه بردو بتكدبى
مليكه : قصدك أيه
نجوى :قصدى أن فى واحد وسخ ضايق اختى وهيا مرضتش تقولى عشان خايفه توقعنى ف مشاكل
مليكه بصدمه : انتى ..انتى عرفتى منين
نجوى : مقلتليش ليه
مليكه بندم : مكنتش عايزة اشغلك بمشاكلى
نجوى : هوا انا مت
مليكه : بعد الشر عنك يا نجوى
نجوى : يبقى كل حاجه بتضايقكك وبتفرحك تيجى تحكيهالى أمال انا لزمتى ايه ...
مليكه : ربنا يخليكى ليا نجوى وميحرمنيش منك ابدا وحضنتها بكل قوتها
نجوى : على فكره ساندى بتحبك أوى حافظى عليها
مليكه : يبقى هيا اللى قالتلك ....
نجوى :انا هروح انام بقى عشان طاقتى راحت خلاص
مليكه :نجوى ايدك فيها دم ليه انتى كويسه
نجوى :  اه ..اتفضلى دا حقك
مليكه : يعنى ايه
نجوى :يعنى دا دم مالك
مليكه بصدمه : نجوى اوعى تقولى انك قتلتيه
نجوى :انا ابدا خالص انا عرفته غلطه بس وقلتله متجيش جمب الملكه مليكه عادل العمراوى بس مش عملت حاجه
مليكه :أمال ايه الدم دا
نجوى : كنت بسلم عليه على فكره أسألتك كترت وانا هموت وانام اه وانا زعلانه منك على فكره ولو مصلحتنيش هزعل جامد ..يلا سلام
نجوى خرجت وراحت اوضتها اخدت شاور ولبست هدومها وقعدت على سريرها وفضلت تفكر ف سليم وتضحك
سليم اخد شاور وغير هدومه وقعد على السرير وبيفكر ف نجوى : مش عارف انا حبيتك ولا اعجبت بشخصيتك مش عارف بس اللى متأكد منه انك وراكى الغاز كتيره أوى
زياد :ممكن ادخل
سليم :يبقى وراك بلوه
زياد : مش اوى
سليم : حصل ايه
زياد : انا غلطت ف نجوى العمراوى قدام اختها
سليم :نهارك اسود ليه
Flash back
بعد ما سميه سندت شهد و وصلت عند عربيه أخوها قعدت شويه وقامت شهد سألت سميه عن اسمها قالت ليها سميه عادل العمراوى
شهد :يعنى انتى أخت نجوى العمراوى أصغر business woman ف مصر وأكبر مهندسه زراعيه
سميه بفخر :طبعا
شهد :لا دا انا هاجى مخصوص دا انا كان نفسى اشوفها اوى
سميه :تنورى
زياد جه :معلش اتاخرت عليكى ..مالك
شهد : رجلى شدت وانا ف التدريب وسميه سندتنى لحد هنا لحد ما تيجى
زياد : شكرا يا سميه..... طب انتى كويسه دلوقتى
سميه : العفو
شهد : الحمد لله احسن ..مش هتصدق يا زياد سميه تبقى أخت مين
زياد :مين
شهد : اخت نجوى العمراوى
زياد بصدمه :مين
سميه بفخر : اخت نجوى العمراوى أصغر business woman ف مصر ومن أكبر المهندسين الزراعيين
زياد بغضب : يعنى انتى اختها ..يلا يا شهد ومتصاحبيش الأشكال دى تانى
سميه بعصبيه : الأشكال دى احسن منك ومتربيه عنك وانت شكلك قليل الأدب والزوق كمان ...انا ماشيه
شهد :سميه ..سميه استنى عاجبك كده ليه تقولها كده هيا عملت ليك ايه
زياد : يلا من هنا
Back
سليم : لازم تعتذر
زياد : نعم ليه أن شاء الله
سليم : أولا انا غلطت ف اختها و فيها ثانيا البنت صغيره وقلتلها كلام هيا ملهاش دعوة بيه ثالثا هيا ساعدت اختك وفضلت معاها لحد ما حضرتك شرفت وبدل ما تشكرها وتوصلها لاء هزقتها وهزقت اختها
زياد بقله حيله : منا مضايق منها من آخر سباق يا سليم
سليم : مش مبرر
زياد : خلاص ماشى خدنى معاك الشركه بكره
سليم :ماشى ..يلا روح صالح أختك عشان خليت شكلها وحش قدامها يلا
زياد :حاضر
زياد راح عند شهد
زياد :شوشو قلبى عامله ايه
شهد مش بترد عليه
زياد راح جمبها واخدها ف حضنه : متزعليش منى يا قلبى انا بس كنت متعصب وطلع عل صاحبتك متزعليش منى
شهد :بس انت زعلتها وغلطت فيها و ف اختها وهيا ساعدتنى
زياد :خلاص انا هعتذر ليها بكره وهاخدك معايا الشركه بتاعه اختها بكره وانا رايح مع سليم واعتذرلها بس اتصلى بيها خليها تيجى الشركه بكره ماشى
شهد :خلاص ماشى
زياد : حضن زيزو فين
وشهد حضنته وهوا باسها من جبينها وخرج وهيا بعتت رساله لسميه
_________________________
سميه : جى جى ممكن ادخل
نجوى : تعالى يا حبيبتى ...عامله ايه مدرس الكيميا عامل معاكى أيه
سميه :كويس الحمد لله بس انا اتعرفت على واحده النهاردة واخدت رقمها وقلتلها تيجى معايا الدرس انتى عندك اعتراض
نجوى :لا يا روحى بس ف حاجه غير دى
سميه : حكت ليها اللى حصل وهيا بتقولى أجى معاكى الشركه بكره لأن أخوها يعرفك
نجوى : خلاص ماشى تعال معايا بكره انتى عليكى حاجه بكره دروسك
سميه : بخلص اول باول يا روحى وبعدين هخلص واروح أكمل مذاكره تانى
نجوى :ماشى يا حبيبتى يلا روحى نامى بدرى عشان هصحيكى بدرى واه هتعتذى بكره عشان انتى كمان غلطتى فيه
سميه :  ماشى يا جى جى خلاص تصبحى على الجنه
نجوى : وانتى من اهلها ......شاطر يا سليم اتعلمت الدرس بسرعه وعلمته لاخوك 
_________________________
ف الشركه
نجوى وسميه ومروة ماشيين جمب بعض بثقه ودخلوا مكتب نجوى
مروة : ايه يا سوسو عامله ايه
سميه : الحمد لله يا مروتى
نجوى طلعت مسكن واخدته و مروة اخدت بالها راحت عندها جمب ودانها
مروة : مالك
نجوى : معرفتش انام امبارح وكنت بجهز  ورق مهم عشان الصفقه اللى هنعملها مع شركهW اللى ف كينيا
مروة : طب خلصى وروحى نامى الشغل مش كتير هخلصه واجيلك
نجوى :هشوف كده ...جم ولا لسه
مروة : جم هدخلهم أهو
زياد وسليم وشهد دخلوا
نجوى : اتفضلوا نورتوا ...
شهد شاورت لسميه وضحكت لنجوى ومروة ونجوى ومروة بادلوها الابتسامه
سليم : انسه نجوى زياد كان عايز يقول حاجه
نجوى :سامعاه
زياد : انسه نجوى انا اسف على اللى حصل منى امبارح وانى تطاولت بلسانى عليكى وعلى اختك  انا اسف يا سميه أتمنى تقبلوا اعتذارى
سميه ونجوى كانوا قاعدين بفخر
نجوى : اسامحك اذا كانت سميه قابله اعتذارك أو لاء غير كده ف تصرف تانى وبصت لسليم وضحكه شريره على وشها وسليم فهمها
شهد : سامحى اخويا يا سميه صدقينى مش هيعمل كده تانى ولا انتى مش عايزة نبقى صحاب
سميه :ايوا يا روحى بالعكس حتى لو انا زعلانه من اخوكى انا مش هزعل منك خلاص انا مسامحاه وانا كمان اسفه عشان شتمتك بردو
زياد : ولا يهمك 
شهد :هيييه شكرا يا سوسو
سليم خرج عشان تليفونه رن لكن جمب الباب وشهد راحت لنجوى
شهد : هوا انا مش عارفه  اقولك ايه فتحبى اقولك ايه
نجوى بضحك : انتى زى سميه قوليلى يا نجوى أو يا جى جى
شهد :خلاص ماشى يا جى جى بجد انا كان نفسى اشوفك اوى انا بحبك اصلا
نجوى : وانا بحبك اكتر
شهد جريت عليها وحضنتها : انا معنديش إخوات بنات فكان نفسى يبقى عندى اخت بنت احضنها واحكيلها مشاكلى وربنا رزقنى بيكى وبسوسو
نجوى : وانا معاكى على طول ومش هسيبك ابدا
سميه راحت عندها : لااااا يا ماما حضن اختى ملكيه خاصه انا اللى احضنها
نجوى بضحك : تعالى يا هبله
سليم شافهم كده اخد صورة من غير ما حد يا خد باله و زياد كان ندمان انو قال لاخته يبعد عن سميه
شهد :جى جى آخر طلب
نجوى : انتى تؤمرى
شهد :عايزة اخد معاكى صورة انتى و سوسو عشان تبقى ذكرى
نجوى : اوكى تعالى يلا
وشهد أتصورت مع نجوى وسميه وسليم وزياد ومروة كانوا مبسوطين أوى
سميه : يلا يا شهد ننزل كافيه الشركه عن اذنك يا جى جى
نجوى : براحتكوا
سليم كان لسه واقف بره ومروة خرجت تشوف ورق وتجيبوا تانى ومفيش غير زياد ونجوى
نجوى :تعالى يا زياد اتفضل اقعد قدامى
زياد راح قعد قدامها
نجوى : مش عشان سباق تبعد صحاب عن بعض انت مضايق منى عشان كسبت السباق بسيطه اوى انك تقول لاخوك وتيجى الشركه ونتكلم لكن تغلط ف اختى دى بموت يا زياد انا قلتلك عشان انت زى اخويا الصغير متغلطش تانى كده تمام
زياد : انا اسف يا نجوى و اوعدك أن سميه زى شهد بالظبط متقلقيش
نجوى : وانا متاكده من ده
سليم دخل : مش هتروح ولا ايه
زياد :  دا انت مفرق الجامعات روح يا شيخ تتنك نيله
سليم : نهارك اسود انت بتقولى انا الكلام دا سليم بص لزياد نظره خلاه يتاسف ويخرج بره
نجوى : بقيت كويس ولا لسه
سليم فهد هيا قصدها ايه : اه عادى يعنى
نجوى : كويس انك اخدت بالنصيحه وفهمت اخوك
سليم : زياد مكنشى قصده هوا بس...
نجوى : مبسش انا فهمته وهوا عرف غلطه وكده تمام وأظن انت عارف كويس أوى عقابى عامل ازاى
سليم : تمام ماشى ....
نجوى وهيا مصدعه شويه : حلو اوى ..الصفقه مع شركه W اللى ف كينيا هتيجى بكره
سليم واخد باله انها تعبانه : اه أن شاء الله. ...انتى كويسه
نجوى : اه ...تمام بكره كل حاجه تبقى جاهزة ومتتصرفش من دماغك نراجع مع بعض الأول وبعد كده نقول تمام
سليم :  تمام
____________________________
نجوى : ايوا يا حبيبى عامل ايه
...........................
نجوى : تعبانه شويه منمتش من امبارح
..........................
نجوى : معلش غصب عنى ..خلاص متتعصبش أنا هنام شويه
.................
نجوى :ههه حاضر هاكل الاول واخد الدوا وانام كده حلو
......................
نجوى : وانت من اهله يا حبيبى سلام
________________________
يا ترى نجوى بتكلم مين ومين اللى هيزل كمان يومين وسليم هيعرف حاجه عن نجوى ولا لاء
انتظروا ❤