جرأة خلفها طفله (مكتمله)

الحلقه العاشره

  We all need that someone
Who gets you like no one else
Right when you need in the most
We all need a soul to rely on
A shoulder to cry on
A friend thought the highs and the lows ❤️.               ( Alan Walker )
~~~~~~~~~~~~

نجوى فاقت بعد يوم اعترافات واحداث غريبه رجعت نشيطه تانى وحست براحه بعد ما قالت لسليم كل حاجه نزلت بهمه وفطرت مع  اهلها وراحت شركتها وقعدت تشتغل وكانت مروة معاها ..شويه واتصلت على سليم ومش رد عليها فضلت ترن لحد ما فونه فصل نجوى القلق اتحكم منها لكن قالت يمكن عنده شغل ومش فاضى وهتبقى تتطمن عليه بعد شويه
€€€€€€€€€€€€€€€€
فهد راح المستشفى وكان عمال يفكر في اسيل بس ركز ف شغله اللى قدامه ..قطع عليه تفكيره تخبيط على الباب بصوت واطي
فهد : اتفضل
دخلت بنت صغنونه وكانت عامله قطتين وكانت ابرار طبعا
فهد : بيرو ازيك ..تعالى هنا
ابرار : كويثه يا عمو فهد ازيك
فهد : الحمد لله انتى بتعملى  ايه هنا
ابرار : كنت بلعب مع اثيل اثتغمايه قولتلها تدور عليا فدخلت هنا
فهد بضحك : يا سوسه طيب كده هتقلق عليكى
ابرار : احثن عشان مش راضيه تخلينى اكل شبيثى
فهد بضحك : طب تعالى معايا عشان نشوفها فين عشان مش تقلق اوكى
ابرار : اوكى بث عايزة شيبثى
فهد بابتسامه : حاضر هجيبلك شيبسى
و قام شايلها بالقطتين بتوعها دول ههه وفضل يدور عليها لحد ما لقى اسيل بتدور عليها
فهد : اسيل
اسيل سمعت صوته جسمها اترعش هيا عارفه النبره دى كويس اوى ...لفت ليه وهيا بتبصله
اسيل ف نفسها : ايه دا هوا اسمى قمر كده ليه ....فهد ازيك
فهد ف نفسه : ايه دا هوا انا اسمى حلو كده ليه ...الحمد لله اخبارك انتى
اسيل : الحمد لله والله كنت عارفه انك هتهربى منى
ابرار بنظرة براءه : انا كنت بلعب اثتغمايه
اسيل : متعمليليش فيس الغلبان دا ..ههه تعالى معايا  يلا
وفهد اداها ابرار وهيا شالتها : متشكره جدا يا فهد
فهد : على ايه بس انتى بتعملى ايه هنا
اسيل : كنت بجيب التحاليل بتاعه امنيه وجبت ابرار معايا عشان مش تتعبها ونخرج شويه
ابرار : اثيييل عايزة شيبثييي
اسيل : اسكتى انتى بلدغتك دى ههه
فهد بضحك : تعالى وانا هجيبلك اللى انتى عايزاه
ابرار سبت اسيل وراحت لفهد وهوا شالها وقامت بايساه من خده : انا بحبك عشان انت حلو
فهد بابتسامه وبادلها البوسه ف خدها : وانا بحبك اكتر
ابرار بتطلع لسانها لاسيل : فهد هيجيبلى شيبثى وانتى لاء ..
اسيل : هااا كده ماشى يا ابرار تعالى بقى كده
ابرار : فهد الحقنى هتاكلنى يا فهد وحضنته واتشعلقت ف رقبته
فهد بضحك : يلا نهرب بسرعه قبل ما تاكلنا كلنا
ومشى بيها
اسيل بصدمه : هاااا انت يا اخ انت وهيا خدى يا بت هنا هوا كان من بقيت اهلك
وجريت وراهم
فهد وابرار كانوا بيضحكوا واسيل بتجرى وراهم
اسيل : نفسى يا سراج بيه الحقنى
فهد بضحك : ها يا بيرو تحبى تروحى فين
ابرار : عايزة العب واروح الملاهى
فهد : اوكى يلا ..
اسيل : لحظه واحده انتو بتاخدو قرارات وانا ايه كيس جوافه
ابرار : لاء انتى قفص يا اثيل
فهد ضحك واسيل بصت ليها بصدمه وضحك : انتى جبتى الكلمه دى منين أبت
ابرار : من مامى .. مامى دايما بتقولها ليكى
اسيل : احم ..ليه الاحراج دا طب يلا نروح عشان مامى ف البيت لوحدها
ابرار : لاء هروح مع فهد
اسيل : لاء هنروح
فهد : اسيل ثانيه بس احنا مش هنطول هنخرج سوى عشان هيا مضايقه شويه هنبسط ونروح بدرى عشان مامتها متقلقيش
اسيل : بس هعطلك و عشان  شغلك بردو
فهد : يستى انا بحب العطله انتى مالك وبعدين انا صاحب المستشفى يبقى ازوغ براحتى
اسيل : مدير هربان من شغله لالالا لن ولم و ..
فهد : هنروح الملاهى سلام وركب هوا وابرار العربيه
اسيل : استنى يا كابتن خدنى معاك انا كمان
فهد ضحك عليها وهيا قعدت جمبه وابرار على رجلين فهد
€€€€€€€€€€€€€€€€€€€€€
ف كافيه
دخل حازم وكان بيدور على جاسر لحد ما لقاه وراح قعد معاه
حازم : اهلا
جاسر : اهلا اقعد
حازم : عايزك تفهمنى اللى قلته النهاردة ف الشركه
جاسر : مش لما نشرب حاجه يا جدع مالك داخل علينا حامى كده ليه
حازم بشر : بص انا بكرهه ومش طايقه و عايز اندمه على اللى عمله معايا
جاسر : طب بص يا باشا ... انا من فتره سمعت أن ف صفقه هتتعمل ولو نجحت مصطفى دا هيبقى بيلعب بالفلوس لعب
حازم بشر : طيب وانت عايز ايه
جاسر : جرى ايه يا شبح ما انت عارف اللى فيها هنقلبه ف شويه فلوس
حازم : طب ما انا عندى فكره احسن من دى 
جاسر : ايه هيا
حازم : نفضل ناخد من فلوس الحسابات ونبدلها بفلوس مزورة ونخليه يمضى على ورق مزور للتعامل مع شركات أو انو بيدخل شركته مخدرات وبكده هيبات ف السجن
جاسر : جامده يا صحبى بص انا بشتغل ف الحسابات هجيبلك الفلوس الاصليه وانت تجيبلى المزورة وحكايه الورق دى تقوم أنت بيها يباشا عشان انت بره الموضوع ومحدش يعرفك فهتبقى ف الأمان امين
حازم : امين ...الورق هيبقى جاهز والفلوس كمان بس عايز اعمل معاه حاجه قرصه ودن كده
جاسر : طب ما تشاركنى فيها لو مصلحه كويسه
حازم : تمام ...عايزك لما يخرج من شركته تشغل الحراسه وانا هصوبه ف كتفه ..تذكار منى يعنى
جاسر : دا انت دماغك سم اشطا يباشا
€€€€€€€€€€€€€€€€€€€€€
ايمن : مالك يا حبيبتى بقولك عايز اقتله
ساره : بس ليه هتودى نفسك ف داهيه عشانه
ايمن : بس هوا اكل كل فلوسى وطردنى من شغلى واهانى المفروض يعنى انى اسكت وقام قايم
ساره راحت وراه وحضنته من ورى : خلاص يا بيبى عايز تعمل ايه وانا معاك فيه
ايمن لفلها : قلبى ...بصى عايزك تقربى من المدير بتاعى وتلفى حواليه وانا هعرف اعمل ايه بعد كده
ساره : طيب بعد ما اعمل كده هنسافر سوى صح يا بيبى
ايمن بنظره خبيثه وشر : طبعا يا روحى ..بقولك ايه كان فى طقم كنت عايزك تقيسيه وملحقناش المره اللى فاتت
ساره بمياصه : هههه طب هوا فين دا
€€€€€€€€€€€€€€€€€€€€
مروة : نجوى كده ورق الصفقه دى خلص وهتبقى محتاجه تسافرى عشان تشوفى الشغل هناك
نجوى بسرحان : ماشى يا مروة
مروة : مالك يا نجوى
نجوى : سليم مش بيرد عليا وانا قلقانه ليكون حصله حاجه
مروة : ششش أهدى يا قلبى هوا محصلوش حاجه هوا هتلاقيه بيشتغل ومشغول والفون بتاعه فصل شحن
نجوى : لاء انا هروحله الشركه قلبى مش مطمن
مروة : طيب يا قلبى خدى بالك من نفسك سلام
نجوى خرجت بره الشركه وراحت عند عربيتها وساقتها وراحت عند شركه سليم دخلت وراحت عند مكتبه وكان مازن اللى موجود
مازن : انسه نجوى ازيك
نجوى : الحمد لله يا مازن انت عامل ايه .... سليم فين
مازن : الحمد لله ...سليم مجاش النهارده كنت مفكره عندك ف الشركه
نجوى وبدأت تقلق وتخاف : طيب ماشى عن اذنك
وخرجت وراحت الفيلا بتاعته وسالت عليه مكنشى موجود بردو خرجت بره وفضلت تتصل عليه لحد ما استجاب ورن
نجوى بخوف : سليم ...سليم انت فين انت كويس صح
سليم بضعف : ن نجوى
نجوى : سليم حبيبى انت كويس ..انت فين قلى وانا هاجى اخدك ..رد عليا بس
سليم : انا ف ******* ومش قادر اتحرك يا نجوى
نجوى : 5 دقائق يا حبيبى وهبقى عندك أوعى تتحرك
€€€€€€€€€€€€€€€€€€
بصوت نايم : الو مين اللى بيتصل
مصطفى : انتى يا هانم نايمه ومش بتردى عليا وانتى المفروض عليكى تمرين كمان نص ساعه
اسراء : انت مين يا نجم روح العب بعيد يا شاطر عايزة انام وقفلت ف وشه السكه 
مصطفى : يبنت المجنونه انتى بتقفلى ف وشى السكه قام باعت ليها رساله و رن تانى واسراء ردت
مصطفى بمكر : 10 دقايق تلبسى وتجهزى وإقراى الرساله اللى باعتها سلام يا قطه
اسراء بتافاف : يوووه استغفر الله العظيم ايه الصباح دا ....وفتحت الرساله
" لو مقمتيش  حالا هجيلك البيت وهدخل اوضتك واصحيكى انا بمعرفتى غير عقابك اللى هتاخديه واحنا بنتمرن "
اسراء قامت مفزوعه : احييييه مصطفى ...ابوك الحج هينفخنى هينفخنى يختاااااى ...فين هدووومااااى فين الشنطاااااهه فين الطرحاااااه ..منك لله يا مصطفى يا ابن ام مصطفى
وقامت وجهزت وصلت فرضها ونزلت وركبت عربيتها وراحت مكان التدريب ولقته واقف وبيبص ليها نظره شيطانيه
اسراء : طبعا لو حلفتلك انى بتكلم وانا نايمه مش هتصدقنى صح
مصطفى: صح
اسراء : يلا الله يرحمنى كنت طيبه وغلبانه
مصطفى بابتسامه شريره : فعلا
اسراء: مصطفى ايه النظرة دى أهدى كده وصلى على النبى ..انا عيله هتعمل عقلك بعقل عيله
مصطفى : وحياتك وبعقل نمله ...وبيقرب منها
اسراء : عااااااا ابعد يلمنحرف يلموكوس مصطفاااااااااااه
مصطفى: ودااااانييي يخربيتك ليبيه الصويت دا دا صوت دا صوت ..يشيخه منك لله
اسراء : تستاهل حد قالك تعمل كده
مصطفى : دا انا هطلع عينك .. لفى 50 لفه حوالين التراك وبعدها تعاليلى ولو قصرتى وخميتى ف العد هجرى وراكى الكلاب
اسراء : 50 بس يا كابتن دا انت حنين اوى هوا يا باشا
€€€€€€€€€€€€€€€€€€€€€
ف الملاهى
فهد : ها يا بيرو تحبى تلعبى ايه
ابرار : عايزة اركب العربيات وادخل بيت الرعب واركب العربيه اللى بتمشى ف المياه
فهد بضحك : اوكى يلا بينا
اسيل : استنى انا عايزة العب انا كمان
فهد : عايزة تلعبى ايه
اسيل : عايزة البس نضاره ال 3d وهخش معاها بيت الرعب
فهد بضحك : ماشى يلا
الكل دخل يلعب سوى وفهد كان بيلعب وبيضحك ومبسوط من قلبه وطول الوقت عينه على اسيل ورياكشانتها وحركتها وضحكتها وهزارها قلبه دق ليها ...اسيل كانت بتعلب بس كانت مركزه مع فهد انو شخص صاحب مستشفى ودكتور ممتاز و بيهزر وبيلعب وبيحب الاطفال وبيساعد اى حد وانو ف كميه حنيه متتوصفش
خلصوا الالعاب اللى كانوا عايزنها وابرار تعبت وكانت عايزة تنام بس غزل البنات اقوى من النوم هههه
فهد راح جاب ليهم كلهم غزل البنات ولعب وحلويات لابرار وركبوا العربيه وكانت المره دى ابرار قعدت ورا مع حاجتها
فهد : اسيل انتى مرتبطه
اسيل ف نفسها : يا اخى حد يخض حد كده ..... لاء مش مرتبطه ....اشمعنى بتسال
فهد : ابدا اصلك ماشاء الله مهندسه ديكور شطره وحلوة ومش مرتبطه
اسيل : نصيب بقى يا فهد ...اعتبر أن دى معاكسه بس لفه شويه
فهد بضحك : حاجه زى كده
اسيل : طب انت مش مرتبط
فهد : لاء لسه
اسيل : غريبه اصلك دكتور كبير وشاطر وصاحب مستشفى وقمور ولسه مش مرتبط
فهد بضحك : بترديهالى يعنى ..اعتبر أن دى معاكسه
اسيل بثقه : حاجه زى كده
وفضلوا يتكلموا ويضحكوا وتبادلوا الارقام و وصلوا البيت ( شوفتوا الواد اهو اخد الرقم على طول من البت ماخدوش من امنيه هههه )
اسيل : ابرار نامت ..بيرو حبيبتى ..اصحى يلا
فهد : ششش سيبيها انا هاشيلها واطلعها
اسيل : طيب ماشى
فهد شال ابرار وطلع بيها واسيل وراه وخبطت على امنيه و وامنيه لبست حجابها و فتحت  لقت فهد شايل ابرار
امنيه : دكتور فهد ازيك ..اتفضل
فهد : الحمد لله فين بس اوضه ابرار
امنيه : هنا اهى اتفضل
واسيل دخلت وسابت الباب مفتوح وراحت ورى امنيه عشان تحكى ليها اللى حصل  وامنيه دخلت تعمل عصير ( الصحاب مش بيخبوا عن بعض حاجه ابداااا 😂)
فهد حط ابرار على السرير وغطاها وباسها من جبينها وخرج تانى واسيل لسه كانت هتدخل لقته بيقفل الباب
فهد : شش سيبيها نايمه 
اسيل : تمام ..اتفضل
فهد خرج وراها وقعد وأمنيه حطت قدمت العصير
امنيه : حقيقى مش عارفه اشكر حضرتك ازاى على اللى عملته النهارده مع ابرار مكنشى ليه لزوم التعب دا والله
فهد : ابدا معملتش حاجه انا حبيت ابرار اوى ( وكان بيبص على اسيل اه يا نمس ههه) وهيا ماشاء الله عليها تتحب بسرعه وعسوله ربنا يخليهالك
امنيه : امين يا رب شكرا ربنا يخليك
فهد : طب انا هستاذن لانى طولت وخدى بالك من نفسك يا مدام امنيه وانتى كمان يا انسه اسيل
امنيه : أن شاء الله نورت والله يا دكتور فهد وشكرا لتانى مره
فهد : يستى مفيش داعى للشكر خدوا بالكوا من نفسكوا عن اذنكوا
وخرج وامنيه لفت لاسيل ونظره شريره بردو ههه : هااا
اسيل : انا بقول أمشى لانى اتاخرت
امنيه : والله ما يحصل اقعدى كده واحكيلى اللى حصل بالظبط ... جايز نحجز ف قاعه اللؤلؤه ههه
اسيل : اسكتى يا بت يا اما مش هحكيلك
امينه : اهو سكتنا
اسيل فضلت تحكى اللى حصل معاها النهاردة وعن نظراته ليها ...بس انا مش عارفه يا امنيه حاسه بردو بمشاعر مختلفه وقلبى بيدق اوى لما اشوفه أو ينادى عليا أو يتكلم معايا بحس انى لسانى وقف ومش عارفه اتكلم دا اسمه ايه
امنيه بحنيه والدتها ف حضنها : دا اسمه حب يا حبيبتى اللى بيحصلك دا حب كلامك بيقول كده ونظراته بتقول كده ايه اللى يخلى دكتور يفضى كل حاجه ف أيده وييجى معاكى انتى وابرار ويعمل اللى عمله النهارده ..نظراته اللى لاحظتها من اول مره ..هوا شاب هايل جدا بس احنا نحافظ على قلبنا لحد ما يجيلنا النصيب ويدق الباب ويقول عايز اسيل ماشى يا روحى
اسيل : حاضر يا قلبى ...عارفه يا امنيه انتى معوضانى عن كل حاجه ف حياتى عن وفاه اهلى عن اللى حصل زمان ..حقيقى انتى أمى قبل صحبتى ربنا يخليكى ليا يا روحى
امنيه : ويخليكى ليا يا قلبى
€€€€€€€€€€€€€€€€€€   
ايمان : ها يا سعد الشحنه امتى
سعد بشر : كمان اسبوع
ايمان بنفس النظرة : تمام اوى كده هناخد الفلوس وندمرهم ونسافر احنا بقى
سعد : الا عزيز فين وسارة
ايمان بتافاف : معرفش هتلاقيهم بره وسيبك من عزيز الفتره دى لانه احتمال يسافر قبلينا عشان يدبرلنا الأمور هناك هوا قالى كده
سعد : اووف ماشى
..............
داليا : سيد انت هتفضل ساكت كده ايه مش هتعمل حاجه
سيد : انا عارف انا بعمل ايه دلوقتى وحازم عرفنى هيعمل ايه و وائل قالى النهاردة انو سافر عشان ف عمليه يزبطها هناك
داليا : تمام عايزين ننجز بسرعه ونخلص من اخوك دا
سيد بشر : متقلقيش انا محضر له مفاجاه حلوة اوى هيستمتع بيها جدا
€€€€€€€€€€€€€€€€€€
نجوى ساقت بسرعه وعماله تدعى انو يبقى كويس وميصيبوش شر ..نجوى وصلت لمكان مقطوع شويه وفصلت تنادى على سليم لحد ما جه من وراها ولقاها متوتره مسك ايديها
سليم : ششش أهدى انا سليم
نجوى لفت ليه وحضنته بسرعه : انت كويس قلقتنى عليك ليه تعمل فيا كده ليه
سليم كان مصدوم من رده الفعل بس بادلها وخط أيده على رأسها : أهدى يا عمرى انا كويس  
نجوى استوعبت اللى عملته وبعدت عنه : ليه تعمل كده ..حرام عليك يا سليم ....انت كويس صح مش فيك حاجه
سليم : والله كويس وانا اسف انى عملت كده بس كنت عايز اوريكى حاجه
_ يلا يا سليم عايزين نمشى بقى
نجوى : سيف انا بتعمل ايه هنا
سليم : تعالى وانا هفهمك كل حاجه
سليم اخدها ودخل لقى حد مربوط على كرسى و وشه مش باين سيف راح وشال الشال اللى على وشه
نجوى : وائل ...وبصت لسليم وهوا هداها بنظراته
سيف : نجوى اسمعى وائل هيقولك ايه
نجوى راحت قعدت قصاده وكانت ملامح الصدمه عليها بس ف لحظه بدلتها ببرود
وائل : نجوى ابوس ايديك ارحمينى انا معنتش قادر
نجوى : هتتكلم ولا تحب تخليهم يكملوا الخريطه اللى ف وشك
وائل : خلاص خلاص ...كل الحكايه انو المفروض انى كنت اسافر النهاردة عشان ف عمليه نعملها واهلى كانوا بيخططوا يسلموا شحنه المخدرات والسلاح عندك انتى ف الشركه ويخلوا عمى عادل يمضى على ورق تنازل عن أملاكه كلها.....وانو يخلوا حد من البنات يفضل يخش ف عمارات مختلفه على أن واحده احنا ماجرنها تصاحبها وتفضل تدخلها في الشقق دى ويثبت أنها شقق بنات ليل و يدولها منوم ويعملوا اللى هما عايزينه و ...يقتلوا سليم
عند اللحظه دى ونجوى بصت لسليم وكانت قلقانه جدا وملامح الرعب سيطرت عليها
نجوى برعشه : سيف خده من هنا بالله عليك
سيف : وهتنورنا يا وائل وتعفن ف السجن واخده ومشى
نجوى راحت عند سليم برعشه وخوف وسليم بيهدى فيها
سليم : إن شاء الله هبقى كويس ومفيش حاجه هتحصلى
نجوى : سليم ..سليم ك كانوا متفقين انو ...
سليم : يا روحى انا كويس اهو قدامك وربنا اللى حافظنا واللى ربنا عايزة هيكون
نجوى : سليم ابعد عنى ارجوك هياذونى فيك وانا مش هستحمل مش هقدر اعيش لو جرالك  حاجه
سليم : وانا مستحيل اسيبك محدش بيسيب روحه ويمشى أنا كده اللى اموت ...نجوى هتخلصى انتقامك وانا معاكى
نجوى : بس بس ..سليم بالله عليك ما تسيبنى انا مش هقدر اعيش من غيرك اوعدنى انك هتبقى كويس و مش هتسيبنى صح انا من غيرك اموت
سليم : اوعدك يا روحى واوعى اسمعك تجيبى سيرة الموت دى " قل لن يصيبنا الا ما كتب الله لنا " ماشى مش عايزك تقولى كده تانى احنا بنقوى مع بعض ماشى
نجوى ونوعا ما هديت : ماشى ..عايزة اخرج من هنا 
سليم أخدها وطلعوا بره وهوا أخدها ف عربيته وراحوا مكان هادى ومفيش ف حد واخدها وقعدوا سوى
سليم : اللى عايزة تعمليه اعمليه محدش هنا
نجوى بصت ليه ولاول مره نجوى تعيط وفجاه صرخت باعلى صوت ليها وعيطت باعلى صوت عندها : ااااااااااااااااااااااه ....يااارب معنتش قادرة تعبت والله تعبت يارب خدنى عندك يارب ..........يارب .....ااااااااااااااه
وقعدت على الارض وفضلت تكمل عياط وصريخ سليم شافها وجرى عليها و تعيط
بصوت مخنوق وبيعيط : عيطى يا قلبى عيطى يا قلب اخوكى
نجوى وسليم بصوا ..كان فهد
قعد قصادها وهوا بيعيط معاها
فهد : عيطى يا روحى عيطى صرخى طلعى اللى ف قلبك
نجوى حضنته ولسه مستمره ف العياط وهوا متبت عليها اوى وسليم قاعد جنبهم و حاطط أيده على فهد وبيهديه
نجوى : فهد ....حاسه ا انى ب بموت
فهد : أهدى يا روحى خدى نفسك ....
شويه وصوت العياط وقف ومفيش حركه
سليم : نجوى ...نجوى انتى كويسه
فهد شالها من حضنه لقاها مغمى عليها
فهد وسليم بخضه : نجوى
سليم : فهد ..فوق شيل اختك هوا إغماء بس
فهد ركز وشال نجوى و حطها ف العربيه وسليم جاب مايه وحاول يفوقها شويه
فهد : نجوى حبيبتى فوقى ...
سليم : نجوى احنا معاكى مش هنسيبك صدقينى
صوت انين  : اممم ..س..سليم
سليم : فوقى يا حبيبتى انا هنا وفهد كمان
نجوى حاولت وفتحت عينيها : سليم ..فهد ...
فهد : ششش أهدى يا حبيبتى ونامى هنروح دلوقتى
نجوى وغمضت عينيها وفهد ركب وسليم اخدهم وروحوا الفيلا عند نجوى
فهد شال نجوى وطلعها اوضتها واخد سليم وخرجوا تانى
فهد : شكرا
سليم : على ايه
فهد : ولاول مره اشوف اختى بتعيط بعد سنين ...اشوفها كسرت الحاجز اللى كانت حاطاه ليها ومانعه نفسها من العياط والنهاردة تعيط وتصرخ كده ....أنها تبين ضعفها قدام حد ...اختى خرجت اللى ف قلبها من سنين يا سليم ..شكرا شكرا بجد
سليم حضنه : هيا حياتى يا فهد وانت اخويا انت تعبان زيها وانت كمان يا فهد ريح قلبك وفضى اللى فيه ..العياط مش عيب ولا جريمه دا حقك حق نفسك بص يا فهد اختك هتبقى مراتى فوجعها من وجعى ..كسرتها من كسرتى ... اى حاجه تزعلها من زعلى ...انا بحبها يا فهد وان كانت عيطت قدامى ولا بينت ضعفها قدامى انا هبقى مستريح لانها معتبرانى سند وحمايه ليها ...
فهد : فعلا اختى ليها الحق أنها تتمسك بيك ...
سليم : يلا عشان نروح
€€€€€€€€€€€€€€€€€€€€€€
عند عمر
عقله : على فكره دا مش حب دا مجرد اعجاب ..اعجاب بشخصيتها القويه ..وحنيتها عنادها
قلبه : وايه تانى يا حنين
عقله: أخرس يا مهزأ ياللى معندكش كرامه
قلبه : شوف مين بيتكلم ابو فصوص بيتكلم روح شوف اللى علمت عليك مرتين وانت ساكت مين فينا إلى مهزأ
عمر : بااااس يا مهزأ منك له انا عارف انا هعمل ايه دا مش حب تمام وانا هعرفها مين عمر العيسوى اتهد انت وهوا بقى
€€€€€€€€€€€€€€€€€€€€
مروة : الو سلام عليكم ازيك يا مازن
مازن : وعليكم السلام ازيك يا مروة ...انا الحمد لله تمام
مروة : تمام الحمد لله ممكن اسالك سؤال
مازن : اتفضلى
مروة  : انت تعرف سليم فين أو عامل ايه
مازن : لاء معرفش نجوى جت سالت عليه ومعرفتش بردو وخرجت يمكن وراهم شغل بره اوى حاجه
مروة بقلق : طيب شكرا واسفه انى عطلتك
مازن : العفو على ايه وبعدين مفيش عطله ولا حاجه انتى تتصلى ف اى وقت
مروة : ربنا يخليك ..مع السلامه
مروة : طيب هيا فين انا قلقت عليها ورنيت عليها  ومش ردت وخايفه اكلم اخواتها هعمل مشكله  ....اوبس صحيح فهد
مروة : سلام عليكم ازيك يا فهد ...
فهد : وعليكم السلام ازيك يا مروة ..الحمد لله انتى كويسه
مروة : فهد نجوى فين
فهد حكى ليها اللى حصل وهيا عيطت وقفلت معاه وراحت عند نجوى بس حاولت تبان على طبيعتها وطلعت على اوضتها وراحت قعدت جمبها
مروة : انتى عارفه انتى اختى قبل صحبتى ..صح النهاردة كان نفسى ابقى جمبك عشان انتى دايما بتشاركينى حزنى وزعلى وضعفى وانا مكنتش معاكى النهاردة انا اسفه يا حبيبتى اسفه بجد
€€€€€€€€€€€€€€€€€€€€€€
كده وائل خلصنا منه 😂 لسه بقيت العيله وهنفرح فيهم قريب ..اشوفكوا الحلقه الجايه