جرأة خلفها طفله (مكتمله)

الحلقه السادسه

تانى يوم
نجوى : فهدى ...اصحى يلا
فهد : جى جى والنبى خمس دجايج
نجوى بضحك  :لاء قوم يلا وفوق كده ورانا شغل
فهد بنعاس : حاضر قايم اهو
نجوى : شطور قوم يلا عشان ننزل سوى تشوف شغلك ونا اروح الشركه
فهد بعد ما فاق :حاضر يا حبيبتى صباح الخير على عيونك
نجوى : صباح النور. ..قوم يلا اتوضى وصلى واجهز وانا كمان
فهد باسها من جبينها وقام وراح اوضته ونجوى قامت غيرت هدومها ولبست بنطلون جينز واسع و بلوزة بيضه فيها ورود صغيره وحجابها وشنطتها  ساعتها ونزلت لقت فهد لابس بنطلون اسود وقميص ابيض وفاتح أول زرارين منه ومشمر الكم ولابس ساعته ونضارته السودة
نجوى : يلهوى انت هتخرج كده
فهد بضحك : كده ازاى
نجوى راحت و وقفت عنده وقفلت اول زرارين من القميص وقالت حسك عينك تعملها تانى انت شكلك عايز البنات تحبك ولا ايه على الله تبص لأى بنت تانيه هجيبها من شعرها
فهد بضحك : خلاص هبقى محترم ومش هعمل حاجه حلو كده ومعنتش فاتح القميص
نجوى : ايوا كده فهدى القمر
فهد : طب يلا عشان نفطر
فهد ونجوى فطروا ونجوى راحت الشركه و فهد راح المستشفى
سليم كان لابس بنطلون اسود وقميص اسود وحالف ليخلى نجوى بتاعته
دخل الشركه ودخل عند نجوى لقاها بتتكلم ف الفون
نجوى : ايه ياروحى خلصتى ...يعنى هتيجى النهادرة
مليكه : انا اوردى ف الطريق يا جى جى
نجوى : طب أبقى فوتى عليا وانتى جايه عشان تبقى اول واحده اشوفك وكمان ف مفاجاه كبيرة أوى
ملكيه : من غير ما تقولى كنت هاجى عليكى + مفاجاه ايه
نجوى : لما تيجى تبقى تعرفيها يلا سلام
نجوى لفت لقت سليم ف وشها
نجوى : احم صباح الخير
سليم : صباح النور
نجوى : ف حاجه حصلت
سليم : لاء بس المفروض كان ف شغل يخلص امبارح وحضرتك مشيتى
نجوى : اوك يخلص دلوقتى يلا
___________________________
سكرتيرة : مصطفى بيه ف واحد اسمه حازم سيد العمراوى عايز يقابل حضرتك
مصطفى بشر : خليه يستنى قولى انى مشغول  
سكرتيرة : حاضر يا فندم
خرجت بلغته وقعد ييجى 3 ساعات ومصطفى شايفه وبيضحك
مصطفى : دخليه
شويه وحازم دخل
مصطفى بجمود : اهلا اتفضل أقعد
حازم بعصبيه  : شكرا
مصطفى : قولى بقى ال cv بتاعك بيقول ايه
حازم : هوا مش مكتوب قدامك
مصطفى : تتكلم باحترام بدل ما اخليك متنطقش خالص دا أولا ثانيا انا مش احول عشان مقراش انا عايز اسمع ولتانى مره تتكلم بأدب
حازم بخوف : حاضر ..حازم عرف نفسه ومصطفى ولا مهتم بيه
مصطفى :  cv زى الزفت ومفيش خبرة ...شكلك هتتعبنا كتير ..انت هتشتغل تحت التدريب على أيد موظفين خبرة ولو لقيت اهتمام وشغل يبقى مبروك مفيش ...ولا شركه ف العالم هتقبلك تمام
حازم : حاضر يا فندم
مصطفى شاور باديه ليه انو يخرج وبالفعل خرج
حازم بعصبيه : مفكر نفسه مين بروح أمه دا والله لوريك زى ما عملت قبل كده يتعمل تانى
مصطفى بعت الفيديو لنجوى ونجوى شافته وبتضحك
سليم : ف حاجه
نجوى : احم لاء مفيش
سليم : كده تمام معتشى غير ملف الادويه اللى داخله واللى خارجه وان احنا نشوف ايه الادويه اللى ناقصه ونحسن منها
نجوى : تمام
تليفون سليم رن : عن اذنك .....خرج سليم واتكلم
صباحو يا برنس عامل ايه
عمر : الحمد لله انت عامل ايه واحشني
سليم : انت اكتر والله مش هتنزل بقى انت طولت اوى ف السفريه دى
عمر : طب حزر فزر انا فين
سليم : عمر انت ف الطريق
عمر بضحك : اه شفت اجيلك فين
سليم : شركه الفهد للادويه الزراعيه
عمر : وانت ايه اللى مواديك هناك
سليم : شريك يا عم وبشتغل تعال بس دا انت فايتك حاجات كتيرة اوى ...يلا سلام
سليم دخل لقى نجوى كانت بتتكلم ف الفون وقفلت
سليم : عندك اعتراض أن اخويا ييجى خمس دقائق وينسى
نجوى : ابدا ...ينور
شويه ولقت حازم داخل متعصب وبيزعق والسكرتيره بتشده
نجوى : سيبيه يا دنيا ....عايز ايه
حازم : مشغلانى مع واحد مش بيفهم حاجه وبيقول على ال cv بتاعى زفت وقال ايه هتشتغل تحت التدريب
نجوى : وايه يعنى بدل ما انت فاشل تحاول تبقى محترم وتركز وقلت انا مليش دعوه يعمل  اللى هوا عاوزة
حازم : اه دا انتو مظبطنها سوى بقى وراح ناحيتها والله وشكلك نسيتى زمان وجاى يرفع ايده عليها سليم مسكه وداله بوكس
سليم بعصبيه : حسك عينك ترفع ايدك دى تأنى عليها إلا والله العظيم تمشى من غيرها انت فاهم بدل ما تتشطر عل ستات روح اتشطر على رجاله ولا الستات لبعضيها 
سليم اداله بوكس تأنى وبيطردة
حازم : هتندمى يا نجوى متنسيش دا مش حازم العمراوى اللى يتعمل فيه كده
رجع تأتى لنجوى بخوف وقلق عليها : انتى كويسه
نجوى : ليه عملت كده
سليم : لانى مستحيل اشوفك تتاذى قدامك واقعد ساكت
نجوى : انا خلاص اتاذيت لسه ف كمان ....شكرا ليك
________________________
مليكه : يلا يا عم سيد اركن بقى ف المكان بتاعى
عم سيد : والله يا مليكه يا بنتى ف واحد عايز يحط العربيه بتاعته مكانك
مليكه بعصبيه : نعم مين دا أن شاء الله
حارس العربيات : لو سمحت يا فندم دا مكان عربيه الانسه مليكه العمرواى ومينفعش حضرتك تركن هنا
عمر نزل من عربيته بهيبته واداله المفتاح وقاله لما تيجى نبقى نشوف الموضوع دا
مليكه : بس انا فعلا موجودة
عمر : راحت عليكى
مليكه : تؤتؤ غلط ..غلط تلعب معايا واخدت المفتاح من الحارس وراحت ركبت عربيته ونقلتها من مكانها وراحت عند عربيتها وحطتها ونزلت ورمت ليه  المفتاح وهوا مسكه
مليكه : بعد كده متلعبش مع اللى أكبر منك بدل ما تزعل ...اه وابقى شوف ركنه تانيه بدل اللى راحت عليك وابتسمت بسخريه وراحت ماشيه بغرور
عمر : وانا مش اى حد ...بس بنت اللذينه حلوة أوى هوا ف كده ولا الغرور والشجاعة بتاعتها دى ..يلا انا اطلع لاخويا
ملكيه طلعت ودخلت عند نجوى
ملكيه : جى جى وحشتينى اوى
نجوى : انتى اكتر يا روحى عامله ايه ..خلصتى مشروعك خلاص
مليكه : اه الحمد لله ..احم ازيك يا سليم بيه
سليم : الحمد لله ازيك انتى
مليكه :تمام
نجوى : لوكا روحى اقعدى هناك شويه هخلص حاجه كده  ونمشى اوك
مليكه : اوك وراحت قعدت على الكنبه ومسكت فونها
السكرتيره دنيا : انسه نجوى ف واحد اسمه عمر محمد العيسوى وعايز  يقابل سليم بيه
نجوى : دخليه
عمر دخل بهيبته وشاف مليكه قاعده رفعت عينيها بصلته ببرود ورجعو بصت للفون تانى
سليم : عمر تعالى
عمر راح سلم على أخوه وحضنه
سليم : اعرفك البشمهندسه نجوى العمراوى
عمر : اهلا بيكى
نجوى : اهلا اتفضل
عمر : لا شكرا احنا هنمشى على طول
سليم : أقعد بس خمسه أخلص الورق دا ونمشى
عمر : تمام
وراح قعد قصاد مليكه وهيا مش مدياله اى اهتمام خااالص
مروة دخلت وقالت ليها حاجه بصوت محدش يسمعه غيرها و نجوى
نجوى وشها قلب : تمام
مروة مسكت ايديها من غير ما حد يشوف : أن شاء الله خير
نجوى غمضت عينيها ورجعت تانى
مروة : ايه دا مليكه هانم هنا حمد لله على سلامتك يا روحى
مليكه بابتسامه : الله يسلمك يا قلبى عامله ايه جى جى عامله أيه معاكى
مروة بهمس : بتاكلنى يا اختشى انا تعبت خلاص هبطت هبطت منها
ملكيه بضحك اسرت اللى قاعد قصادها : طب اسكتى بدل ما تيجى تاكلنا احنا الاتنين انا لسه جايه من السفر وتعبانه جدا
مروة : شويه وتخلص ونروح سوى ماشى يا قلبى
.........
شويه نجوى وسليم خلصوا شغل ولموا الورق وقايمين
نجوى : يلا يا ملكيه
سليم : يلا يا عمر
مليكه وعمر : يلا
______________________________
ف المستشفى
فهد راح  المستشفى عشان ينقل ورقه هنا ف مصر ويرجع يشتغل ف المستشفى بتاعته من تانى
رجع والكل كان ف ترحابه وكل البنات هتموت عليه
( ما هو القميص الأبيض مش من فراغ وبعدين الزرارين عملوا واجب برده  ههه تسلم ايدك يا جى جى )
دخل المكتب بتاعه ودخل عليه ادهم
ادهم : حمد الله على سلامتك يا راجل واحشنى
فهد اخدت بالحضن : وانت كمان والله عامل أيه
ادهم : ميت فل وعشره ههه
فهد : ايه الأخبار هنا
ادهم : عيب عليك دا انا اللى كنت ماسك كل حاجه من ساعه ما سافرت
فهد : واثق فيك وعارف
ادهم : تمام هتقعد ولا هتعمل أيه ولا هتمشى وتفوت على نجوى
فهد : لا هقعد شويه اشوف الشغل ونروح سوى
ادهم : أشطا
_________________________
نجوى ومليكه ركبوا العربيه و مشيوا بيها وكذلك سليم وعمر
نجوى وصلت مليكه البيت وقالت هتعمل مشوار وترجع تانى ملكيه سلمت على الكل وطلعت نامت لانها تعبانه من السفر
تخبط على الباب
العسكرى :  .....بره يا فندم
اللواء صبرى : دخله
= اهلا بحضرتك يا فندم
اللواء : اهلا بيك يا ....
= خير يا فندم
اللواء : عندنا خبر أن الشحنه كمان شهر
= عارف يا فندم وانا بدور لسه الموضوع لأنه مش سهل وكمان شاكك أنها شحنتين مش شحنه واحده
اللواء : على العموم عايز شغل نار وميبقاش فيه غلطه وكمان معاك الرائد سيف يعنى أقوى ناس ف الدخليه
= شكرا يا فندم وان شاء الله هكون عند حسن ظن حضرتك ...بعد اذنك
__________________________________
    نجوى راحت عند الاسطبل وراحت فكت الحصان بتاعها
نجوى وهيا واقفه قدامه : وحشتنى اوى عارفه انى مقصره معاك بس خلاص هانت
الحصان كان بيتحرك وبيحرك راسه عليها
نجوى بضحك : دا الترحاب بتاعى ..طب تعالى نقعد شويه وبعديها نتدرب ايه رأيك
الحصان صهلل وكانه فاهم 
نجوى اخدته وفضلت تمشى بيه شويه وقعدت على الأرض
نجوى : عارف يا برق حازم كان عايز يمد ايده عليا بس سليم رباه وعلمه الأدب ..ههه سليم دا شريكى الجديد معايا ف الشركه شكله حلو وسيم وشعره الأسود اللى زى الفحم وعينيه ..عينيه كلها حنيه ودفا وأمان أول مره اشوف عيون كده بعد بابا مش عارفه بس النهاردة اول مره أحس بالأمان مع حد غير بابا وفهد وأدهم ...مش عارفه يا برق أول مره أحس انى متلغبطه مش عايزة أقع ف الحب مش هيبقل بيا انا واحده عايزة تنتقم من اعمامها على اللى عملوه زمان متخيلتش انى ممكن أضعف وأعجب بسليم ...لأول مره أحس انى خايفه ..خايفه  أوى يا برق عايزة اعيط واصرخ بس مش عارفه حاسه انى فقدت القدرة على دا .....
قامت وقفت قصاد برق وعينيها قلبت احمر ومليان شرار
نجوى : جاهز ...عايزة اطفى النار اللى  جوايا
الحصان صهلل ونجوى ركبت عليه وفضل يجرى بكل قوته وسرعته ونجوى بتحاول تهدى النار إلى جواها وعقلها بيردد: اوعى تنسى عملوا فيكوا ايه ..انتقامك الأول متتراجعيش عن قرارك دا ابدا ....نفسك وانتقامك
نجوى نزلت من على الحصان بعد ما وقف لأنه تعب
نجوى : شكرا ...هغيب فتره وارجعلك تانى اوعى تنسانى
نجوى رجعت الخيل مكانه وراحت ركبت عربيتها وراحت مكان للملاكمه نجوى غيرت هدومها للبس المصارعه وفضلت تضرب ف السندباج اللى قدامها ( اللى هوا طويل كده وقوى وتضربى فيه براحتك ) بكل قوتها لحد ما تعبت وعرقت جامد  وقعدت على الأرض
نجوى : بكرهكوا ....وتعبت ....عايزة أهدى واستريح
نجوى قامت غيرت هدومها ورجعت على البيت ولبست قناع الهدوء
نجوى : مامى ...
سهام : جى جى انا ف المطبخ
نجوى راحت لمامتها و سلمت عليها
نجوى : أمال مليكه فين
سهام : جت يا حبيبتى طلعت نامت على طول من التعب
نجوى : قلتولها اوعوا تكونوا قلتو أن فهد رجع
سهام : عيب محدش فتح بقه اصلا
نجوى : طيب ماشى يا ماما انا هطلع اغير وأنزل اروح الجنينه شويه
سهام : ماشى يا حبيبتى ...نجوى
نجوى : نعم
سهام : احم ..اعمامك جايين يعزمونا عندهم بكره
نجوى : تمام
نجوى طلعت غيرت هدومها ولبست بنطلون خفيف وبلوزة خفيفه وسابت شعرها مع أن الجو كان برد اوى
نجوى راحت البيسين ونزلت ف المياه وهيا تلج   
          وبتقول لنفسها
    ومن تكونى انتى ؟!
         أنا من يتعلم إبليس منى
           انا من تنتقم دون رحمه
             انا من تعذبك ولا ترحم من يؤذيها أو
                من يأذى ممتلكاتى
                   فسوف يرى الموت بعينه ولن يناله
                     انا كالقيامه ذات يوم آت 
                        فلا تستهين بى
فهد رجع وسلم على سهام وسأل على نجوى قالتله أنها ف الجنينه. ...فهد راح الجنينه لقى نجوى جايه مبلوله وبردانه ووشها اصفر
فهد جرى عليها بخوف : نجوى ..مالك انتى اتجننتى ازاى تنزلى المياه ف الجو دا
نجوى برعشه : كنت بطفى النار اللى جوايا ....
فهد : مالك يا حبيبتى
نجوى : كان هيضربنى
فهد بغضب : مين دا
نجوى : فهد عايزة اطلع انا بردانه اوى   
فهد بخوف : تعالى يا قلبى وقام شايل نجوى و وداها اوضتها وجاب فوطه وفضل ينشفها أو يقلل المياه اللى عليها ويحاول يدفيها
فهد : ايه اللى حصل
نجوى حكت ليه اللى حصل
فهد بغضب : هيندم ...هيندم اوى وقريب كمان
فهد بحنيه : قومى بدلى هدومك والبسى حاجه تقيله ماشى واستريحى شويه
نجوى : حاضر
فهد وهوا قايم لقى دم ف ايد نجوى
فهد بخوف وهوا بيمسك ايديها : نجوى ايه اللى حصل لايدك
نجوى : مفيش اتعورت أصل انا كنت عند برق
فهد : طب قومى غيرى هدومك على ما أجيب شنطه الإسعافات
نجوى : حاضر
فهد خرج ونجوى قامت اخدت دش وبدلت هدومها بس لابسه بردو خفيف فهد دخل عندها وضمدلها ايديها وجه قعد جمبها وسرحلها شعرها
نجوى : شكرا
فهد بدفا: انتى بنتى انتى اللى لازم أخاف عليها عشام خاطرى متدمريش نفسك واهتمى بنفسك
نجوى بحب : حاضر
فهد : انا هروح اشوف الغيبوبه اللى نايمه من ساعه ما جيت دى
نجوى بابتسامه : طيب ماشى
فهد خرج ونجوى راحت بلكونتها ومسكت مذكراتها
" هل يمكن لقلب قاس أن يحب ؟!
هل له الحق ف ذلك ؟!
*** ومن قال انكى تملكين قلب قاس انتى اكتر شخص حنون انتى من يفعل المستحيل ليكون من حولك سعيد تضحى بسعادتك وحياتك من أجل الآخرين ...هل تظنين أن بعد هذه التضحيات ليست حب
انتى لكى كل الحق أن تحبى وشخص آخر يحبك من يدق قلبك له
انتى لستى قاسية انتى حنونه ولكن تحتاجين إلى تغيير بسيط
و ما هو ؟!
هوا أن تعيشى حياتك كما كانت ، الرجوع إلى طفولتك ولكن أن قضيتيها وحدك لن تشعرى بتغيير ولكن مع من يحبك ستختل الموازين وتتكون المعادلة صحيحه ..فقط افتحى قلبك لمن يستحق ولا تخافى "            
       _________________________
عادل : اتفضل يا سعد انت و سيد ايه دا ازيك يا ساره
سارة : ازيك يا اونكل
عادل : الحمد لله اتفضلوا
سعد : شكرا يا عادل
عادل : تحبوا تشربوا ايه
سارة : لا يا اونكل انا عامله حاجه حلوة أوى قلت لازم تدوقها
سهام : بتعرفى تطبخى كده يا سارة
سارة : على قدى يا طنط ...اتفضلوا كلوا
سارة ادت لعادل قطعه كبيره من الحلوى وهيا مسكرهه أوى
عادل اكلها واتصدم من السكر اللى فيها ومقدرش يكملها
سارة : ايه يا اونكل هيا وحشه
عادل : لا يحبيبتى حلوة تسلم ايدك
سارة : خلاص كملها بقى
سهام : عادل متكلهاش انت عندك السكر ودى مسكره اوى هتتعب
عادل :هاكل حته بسيطه عشان مكسفهاش
سهام : ربنا يستر
عادل اكل وسيد اتكلم
سيد : عادل احنا بكره أن شاء الله هنتغدا كلنا مع بعض ونجمع تانى
سعد : ايه رأيك دا لو مش هيضايقك ...
عادل بمقاطعه : ابدا خالص أن شاء الله بكره نتجمع كلنا 
سيد : خلاص تمام بكره أن شاء الله نستاذن احنا بقى
عادل : ليه ما تقعدوا شويه
سعد : عشان بس ورانا شغل مع السلامه
خرجوا وبعديها سهام راحت تطمن على عادل
سهام : عادل انت كويس
عادل : اه الحمد لله تعالى نقعد شويه
سهام : متأكد
عادل : ايوا تعالى يلا
____________________________
سعد : الحلويات دى هتاثر عليه 
سيد : متقلقش ....سارة
سارة : متقلقشى يا بابى السكر كان زايد فيها
سيد : تمام ..يلا عشان نشوف اللى ورانا
______________________________
فهد دخل على ملكيه لقاها نايمه
فهد بهدوء : لوكا
ملكيه : اممم
فهد : لوكا اصحى
مليكه : نجوى سيبينى بس عشر دقايق
فهد بضحك : بس انا مش نجوى شوفى مين هنا
مليكه قامت بخضه : فهد ...عااااااا فهد انتى هنا ونطت عليه وحضنته
فهد بضحك : ايوا هنا يا مجنونه
ملكيه : وحشتنى اوى
فهد : انتى اكتر يا روحى عامله ايه
مليكه : الحمد لله
إسراء دخلت : هيييييهه لاء صدمه عمرى حبيبى واختى مع بعض ولاء كمان ف حضن بعض يالا الصدمة اههه
فهد بضحك : بس يا مجنونه مسلمتش عليها اول ما جيت
مليكه : بعدين ملكيش دعوه فهد حبيبى انا وبس
فهد بضحك : بنات كده هتغر انا اه وسيم ومز ومفيش منى اتنين بس مش كده
إسراء بضحك : شيل التواضع يولا ههه
سميه : بينقط منك ههه
مليكه : حاسب لتوقع ههه  
فهد : لا تلاته على واحد مش رجوله يا كباتن هههه
البنات ضحكت وسمعوا صوت سهام بتناديهم ييجوا ياكلوا
الكل نزل ونجوى نزلت وهيا ف صراع وفهد جه جمبها وحضنها : كل حاجه هتبقى تمام
نجوى بابتسامه وايماء : أتمنى
نزلوا الكل على السفره ونجوى ملاحظه باباها مش كويس
نجوى :بابا انت كويس
عادل : اه يا حبيبتى بس مصدع شويه وحاسس بدوخه
نجوى بقلق : ليه طب انت أكلت ايه ..اخدت الدوا
عادل وبدأ يعرق : لاء ماخدتش الدوا
سهام : عادل مالك انت بتعرق كده ليه
نجوى بزعيق : سميه حقنه الانسولين بسرعه 
سميه بتوتر : ح حاضر
عادل بدأ يترعش وحاسس انو مش متوازن وف تنميل ومش قادر يتكلم لحد ما فقد الوعى
نجوى بصريخ : باباااا سميه
سهام بعياط : عادل
ملكيه وسهام : بابا
فهد : نجوى لازم ننقله المستشفى
نجوى بخوف وقلق : ايوا ايوا صح شيل معايا بسرعه
فهد ونجوى سندوا عادل
نجوى بصوت جهورى : محدش ييجى ورانا ..محدش يخرج من البيت هنعرفكوا باللى حصل ..تمام
كلهم بايماء وخوف من نجوى : تمام
خرجوا وراحوا العربيه وفهد بيسوق بسرعه ونجوى ورا مع باباها وبتردد هتبقى كويس ..وهتقوم بالسلامه  
فهد ساق بأقصى سرعه وراح على مستشفى نجوى
فهد شال عادل ونجوى بتزعق وعايزة دكتور كل الدكاتره اتلموا على الصوت
الدكتور : انسه نجوى
نجوى : بابا ..بابا
الدكتور : النقاله بسرعه وعلى غرفه الطوارئ
جم اخدو عادل ودخلوه اوضه الطوارئ ونجوى عماله تلف ف الدور ومتوترة فهد جه اخدها ف حضنه وفضل يهديها 
فهد : ششش أهدى يا حبيبتى هيبقى كويس
نجوى برعشه وتوتر :ف فهد  ب باابا بابا
فهد : ششش أهدى هيبقى كويس أهدى بس تمام خدى نفسك بس عشان متتعبيش ...ايوا خدى نفسك براحه
نجوى عملت زى ما قال وهدي شويه
نجوى : فهد انا بشعرى ومن غير طرحه
فهد هداها : انا فضيت الدور خالص وهكلم السواق يبعتلك حجاب
____________________________
سليم فضل يفتكر اللى حصل ف الشركه وازاى حازم كان عايز يمد ايده عليها وايه السبب للكراهيه دى وايه اللى حصل زمان ...لازم اعرف ف ايه وايه اللى هيحصل لنجوى بس أقسم انو هيخلى حازم يندم انو رفع ايدة على نجوى ..........اوووف 
لاء ما هو أنا لازم اطمن عليها واشوفها ..بس هروح بصفتى ايه وهتقول عليا ايه ..بس خلاص هروح اقولها ان ف ورق مهم متراجعش ومحتاجين نراجعه أه حلو كده انا هلبس واروح الفيلا
سليم لبس ونزل وراح عند فيلا نجوى
______________________________
فهد : ماما
سهام : فهد .فهد عادل عامل ايه هوا كويس بالله طمنى عليه ونجوى
فهد : لسه منعرفش حاجه لسه بابا جوه
سهام : طب طمني أول باول يا فهد عشان خاطرى
فهد: حاضر معلش بس أبعتى مع السواق حجاب عشان نجوى نازله بشعرها
سهام : حاضر يا حبيبى
دادة : سهام هانم
سهام : نعم يا نعمه
دادة نعمه : ف واحد اسمه سليم العيسوى وعايز يقابل انسه نجوى
سهام : طب انا جاياله اطلعى هاتى طرحه عشان اديها للسواق يديها لنجوى   .....سهام راحت وسلمت على سليم
سليم : أزى حضرتك يا طنط معلش بس كنت عايز نجوى عشان ف ورق ف الشغل محتاج يتراجع فممكن تقوليلها
سهام بدموع : نجوى مش هنا
سليم بخضه : نعم ..ليه ...حصل حاجه 
سهام : نجوى ف المستشفى
سليم بخوف : ايه ... مستشفى ايه حصلها حاجه
سهام : لاء دا عادل جوزى تعب واغمى عليه  وراحوا المستشفى
سليم : طب مستشفى ايه
سهام :مستشفى النجوى ...بتاعتنا هما هناك
سليم : طب عن اذنك انا هروحلها
سهام : سليم
سليم :نعم يا طنط
سهام : ممكن بس تدى الحجاب دا لنجوى لانها نزلت وهيا خايفه ومتوترة ومش لبسته فلو سمحت اديهولها
سليم : حاضر ..عن اذنك
سليم اخد الحجاب وراح على المستشفى
__________________________
نجوى فضلت واقفه قدام اوضه الطوارئ مستينه الدكتور يخرج
فهد : نجوى تعالى اقعدى كده مش هينفع
نجوى : ششش مش عايزة اسمع صوت ....لأن لو اللى ف دماغى حصل صدقنى هتبقى حرب وهما اللى بداو
الدكتور خرج نجوى وفهد جريوا عليه
نجوى : بابا كويس
فهد : ايه اللى حصل
الدكتور : الحمد لله هوا كويس دلوقتى هوا كان بس انخفاض ف السكر وماخدش الدوا وأكل سكريات كتير أوى أثرت عليه
نجوى :بس بابا مش بياكل سكريات
الدكتور : والله هوا دا اللى كان قدامى والتحاليل بتقول كده
فهد : تمام شكرا
الدكتور : العفو عن اذنكوا
سليم جه جرى وسأل على الاوضه اللى فيها عادل وراح ناحيه نجوى
سليم : نجوى
نجوى لفت ليه وشعرها كان على وشها فهد شافه وقف قدام نجوى ودخلها اوضه من الاوض اللى حواليه
سليم دور وشه : انا اسف ماخدتش بالى ...بس اتفضلى
فهد اخد الحجاب من سليم واداله لنجوى ونجوى دخلت تلبسه
فهد : انت عرفت ازاى أن احنا هنا وجبت الحجاب دا منين
سليم :أنا كنت رايح عند نجوى عشان ف ورق صفقه كان لازم يتراجع فاخدته ورحت الفيلا هناك لقيت مامتها بتعيط وقالتلى اللى حصل وادتنى الحجاب ايه لنجوى
فهد :  تمام شكرا تعبناك معانا
نجوى خرجت وراحت عند اوضه والدها
نجوى : اكيد هما ...هما اللى عملوا كده انا مكنتش موجودة وهما هنا انا السبب ....فهد
فهد راح عندها : نعم
نجوى :فونك
فهد ادالها فونه واتصلت على مامتها
سهام : فهد عادل عامل ايه
نجوى : الحمد لله كويس يا ماما هوا هيفضل تحت الملاحظه لبكره الصبح متقلقيش
سهام : الحمد لله يارب
نجوى : ماما
سهام : نعم
نجوى : بابا أكل ايه
سهام بتوتر : ايه
نجوى بغضب : ماماااا
سهام حكت ليها اللى حصل نجوى قفلت الفون وكلها غضب وراحت رازعه الفون ف الحيطه
نجوى بزعيق : حيوانااتت ....
سليم : نجوى احنا ف مستشفى أهدى ايه اللى حصل
نجوى : هما السبب و انا انا السبب انى سبتهم 
فهد : ايه اللى حصل
نجوى حكت ليه اللى حصل وهيا كلها غضب وحزن : والله ما هرحمهم يا فهد هخليهم يتمنوا الموت ولا يطولوه ....بس انا السبب انا السبب
سليم : أهدى بس انتى مش السبب ولا حاجه متحاسبيش نفسك على حاجه معملتهاش 
نجوى : شوفلى الدكتور عايزة اخشله
فهد : حاضر ثوانى ومشى يجيب الدكتور
سليم : ان شاء الله هيبقى كويس ويقوم تانى بالسلامه
نجوى : أن شاء الله ...إن شاء الله هيقوم وساعتها مش هرحمهم
سليم : ايه السبب لكل دا
نجوى : مش وقته يا سليم مش وقته خالص
سليم : وانا مش عايز دلوقتى لما تحبى تتكلمى انا موجود
نجوى : شكرا بس انا مش محتاجه شفقه من حد
سليم : ودى مش شفقه انا مش كده يا نجوى انا قلت كده لانى عايز اساعدك مبقاش زى الأطرش في الزفه
فهد : نجوى الدكتور جه
الدكتور  : حضرتك لازم تتعقمى الأول
نجوى : تمام
نجوى راحت مع الدكتور واتعقمت ودخلت لباباها
نجوى : انت عارف النهادرة خلتنى أحس انى ممكن اخسرك أن ف لحظه متبقاش معايا ...ليه تعمل كده ليه .... مش هسامحهم ابدا وفضلت قاعده معاه شويه
______________________________
الشحنه هتتسلم امتى
= آخر الشهر
بس دى بعيدة أوى
= هكلم البوص وهوا اللى يحدد
بس عايزين بسرعه عايزين نمحيهم خالص
= قريب ..قريب أوى
_______________________________
نجوى خرجت لقت فهد وسليم قاعدين
فهد وسليم جريوا عليها
فهد : مالك يا حبيبتى
نجوى :انا كويسه عايزة اعمل تليفون
سليم : اتفضلى
نجوى  شكرا
تحوى راحت ورنت برقم
نجوى : الو
.....................
نجوى : كل التسجيلات تيجى وتفضل مكمل شغلك وتراقبهم كويس
......................
نجوى : بكره ف الشركه عندى ...سلام
نجوى قفلت ومسحت الرقم وادت التليفون لسليم تانى
نجوى :شكرا
سليم : العفو مفيش حاجه ....انتى كويسه دلوقتى
نجوى : الحمد لله ....تقدر تروح اسفه لو عطلتك وضايقتك ....
سليم : ابدا ابدا مفيش حاجه أهم حاجه تبقوا كويسين وانا هفضل هنا لحد ما تروحوا
فهد :شكرا بس عشان منتعبكش بس وتقدر تيجى ف اى وقت
نجوى وهيا بتعمل الطرحه لانها بتقع :فهد بيتكلم صح يا سليم روح على الأقل بكره لازم حد فينا يبقى مصحصح و مركز
سليم : خلاص تمام ...هبقى اعدى عليكوا بكره قبل ما تمشوا
فهد : تمام أن شاء الله
سليم : عن اذنكوا
سليم مشى وركب العربيه وفضل يفكر ف نجوى و شكلها وهيا خايفه وهيا متوترة وهيا مش عارفه تعدل الحجاب ولا شعرها اللى اتسحر بيه خيوط من الحرير وشعرها لونه عسلى زى عينيها اللى شبه القهوة ولا عصبيتها وهدوئها ف نفس الوقت حاجات غريبه أوى
سليم مشى بالعربيه وروح وشويه مروة وأدهم جم المستشفى عند نجوى وفهد
مروة : نجوى
نجوى : مروة ..انتى جيتى هنا ازاى وعرفتى منين
مروة : أخص عليكى كده متقوليليش انا كنت اتصلت عليكى مليكه اللى ردت عليا وقالتلى اللى حصل
نجوى : هما السبب سارة ..سارة هيا اللى جابت لبابا حلويات مسكرة كتير أوى ...هيا السبب
مروة وهيا بتحضنها : اششش أهدى ياروحى ..اهدى
ادهم : متقلقش أن شاء الله خير
فهد : ادهم انا مش عايز اشوفه كده مش قادر اشوفه كده
ادهم اخد فهد بالحضن : ولا انا يا صحبى ..ثق ف ربنا اكتر من كده
فهد : ونعم بالله
نجوى : مروة عايزة مصطفى ينفذ
مروة :تمام ...
ادهم : مش دلوقتى ...دلوقتى هيشكوا فينا ويعرفوا إلى حصل واذا كانت المره دى ف عمى عادل الله أعلم المره الجايه هتبقى ف مين
فهد : ادهم بيتكلم صح يا نجوى نستنى شويه عشان تضربى صح
نجوى بعصبيه وقامت واقفه: استنى ايه اكتر من كده دى مش أول مره فاكر ...فاكر يا ادهم لما بردو اتخانقوا مع بابا عشان الهانم بنته كدبت وقالت انى ضربتها فاكر عمل ايه وقع ابويا من على السلم وفضل يتفرج عليه منزلش حتى ساعده لاء ومش يمشى فضل يشمت فيه وجه ضربنى بالقلم .... ساعتها اتصلت بيك وقلتلك الحقنا شفت انت وباباك اللى كان قدامكم كلهم قاعدين حاطين رجل على رجل ولا فارق معاهم شلته انت وفهد وعمو  ورحتوا المستشفى ودخل ف غيبوبة ودى مش أول مره يعملوا كده هما عايزين ايييه
نجوى قعدت على الكرسى بتعب : مش أول مره  ....انا تعبت والله العظيم تعبت ومعنتش قادرة استحمل معنتش قادرة اشوفهم ولا اشوف اهلى خايفين ومكسورين
مروة بعياط واخدتها ف حضنها : عيطى يا نجوى عيطى وصرخى وطلعى كل اللى جواكى
نجوى : حتى دى مش قادرة يا مروة حتى عياط مش عارفه ....اخدت عهد على نفسى مفيش دمعه تنزل عليهم مش هنزل دمعه دلوقتى لما أخلص انتقامى
ادهم جه قعد قصادها : عارفه انتى اقوى من كد بكتير اللى تستنى كل دا وعملت كل دا قويه أوى اللى تفضل مستنيه عشان تاخد حق اهلها قبل حقها تبقى بميت راجل اللى الكل بيخاف منها ويعملها الف حساب  و ميقدرش يعمل حاجه قصادها تبقى قويه انتى قويه يا نجوى ..
فهد : نجوى لو عايزة تبطلى احنا معاكى و....
نجوى بمقاطعه : مستحيل ..مستحيل اقف عن اللى بعمله مستحيل أسلم الرايه مستحيل استسلم
ادهم : يبقى نهدى عشان نفكر صح اوكى
فهد : قومى نامى شويه عشان تستعدى لبكره انتى النهاردة تعبتى اوى وعلى فكره انتى مسمعتيش الكلام وملبستيش تقيل وهتاخدى دور برد
مروة : ليه هيا عملت ايه
فهد قالهم اللى حصل وانها فضلت ف المياه كتير وكان نفسها بيقل
مروة : نجوى انا أختك قبل صاحبتك صدقينى لو اذيتى نفسك أو حصلك حاجه انا مش هقدر أعيش بعد كده هموت يا نجوى
نجوى : مروة متقوليش كده
مروة : لاء هقول متاذيش نفسك لانك بردو بتاذى اللى حواليكى
مروة اخدت نجوى ف حضنها و فهد وأدهم حواليهم وكلهم زعلانين على اللى بيحصل
الكل فصل سهران جمب نجوى لحد ما جه الصبح
نجوى : الدكتور اتأخر ليه
فهد :  اهو خرج اهو 
نجوى : دكتور بابا كويس هوا فاق خلاص
الدكتور : الحمد لله بقى كويس وكما تقدروا تروحوا بيه
نجوى سابتهم ودخلت جوه لقت باباها صحى
نجوى راحت باست راسه وايده : ليه تعمل كده
عادل : قصدك أيه
نجوى : ليه تأكله
عادل :عشان مزعلهاش أول مره تطلب منى طلب
نجوى : وعلشان متزعلهاش تيجى على نفسك وعلى صحتك
عادل : نجوى انا
نجوى : ششش خلاص أهدى ..يلا عشان نروح ...فهد ادهم
الاتنين دخلوا وقوموا عادل ونجوى كانت بتعدل عادل عشان يقعد قامت الطرحه وقعت
نجوى : مروة هاتى كرسى
مروة : ثوانى
نجوى : انا هخش اغسل وشى
فهد : تمام
بعد شويه سليم وصل
سليم : سلام عليكم
الكل :وعليكم السلام
سليم : أزى حضرتك يا عمى
عادل : الحمد لله يا بشمهندس
سليم : حمد لله على سلامه حضرتك
عادل :الله يسلمك بس انت عرفت منين
فهد : استاذ سليم كان محتاج نجوى ولما عرف انها هنا وان حضرتك تعبان جه على هنا على طول
عادل : كتر خيرك يا بشمهندس مكنشى لى لزوم التعب دا
سليم : لا تعب ولا حاجه أهم حاجه حضرتك تكون كويس
شويه ومروة جت بالكرسي سليم ساب تليفونه على التربيزة وراح ناحيه عادل وسنده مع فهد وأدهم وخرجوا بره الاوضه سليم افتكر انو ساب الفون جوه فدخل يجيبه
سليم   عن اذنكوا بس هجيب تليفونى وهاجى تانى
عادل :اتفضل يا بشمهندس وشكرا
سليم : الشكر لله يا عمى استريح انت بس وانا هاجى ونروح كلنا
فهد : ملوش لزوم التعب
ادهم : احنا معانا العربيات
سليم : لا تعب ولا حاجه انا متفق امبارح مع استاذ فهد وانسه نجوى انى هاجى ونروح سوى 
ادهم : تمام احنا هنسبقك تحت
سليم : تمام ودخل الاوضه
عادل : ربنا يخليكوا ليا يا حبايبى انتو ولادى اللى مخلفتهمش
فهد : ويخليك لينا يا احن اب ف الدنيا كلها
ادهم : ربنا يخليك لينا يارب ويديك الصحه وطوله العمر يا حبيبى 
مروة : يلا بقى يا عدول قوم كده وفرفش دا انت لسه شباب يا راجل ههه
عادل : حبيبتى يا مروة ربنا يبارك فيكى يارب وف أخواتك
مروة : ويباركلى ف عمرك يارب
أدهم :يلا ننزل
فهد : ونجوى
ادهم : دخلت الحمام تغسل وشها وترجع تانى
________
فهد دخل راحوا فونه ونجوى كانت خارجه بشعرها وهيا بترجعه لورى
نجوى : مروة حجابى فين ...هيه سليم
سليم : ا ا انا اسف بس سبت فونى وجيه اخده
نجوى لفت بسرعه قامت مخبوطه ف الباب
نجوى : اهههه
سليم لف ليها وراح عندها : انتى كويسه 
نجوى شالت شعرها من على عينيها ودخلت تانى الحمام بتحاول تهدى ضربات قلبها وتوترها
سليم : نجوى انتى كويسه
نجوى وبتحاول تجمع صوتها : ك كويسه بس لو سمحت ححابى عندك ممكن تجيبهولى
سليم : حاضر ...اتفضلى
نجوى اخدته منه وقفلت تانى وعدلت حجابها وبتحاول تهدى نفسها وتبقى ثابته نجوى خرجت لقت سليم مش موجود
سليم خرج بعد اللى حصل وهوا بيحاول يهدى ضربات قلبه وهوا بيفكر و هيا خارجه من الحمام بشعرها وهيا بترجعه من على عينيها وانو لما اتوترت وجريت على الحمام وخدودها وهما محمرين
سليم وماسك قلبه  : ناويه تعملى فيا ايه تانى يا نجوى انا خلاص معنتش مستحمل ...والله الشعر الحرير دا والخدود التفاح دول والشفايف الكريز دى ولا عيون القهوه دى هيبقوا ليا ومش هتبقى لغيرى ونزل تحت وركب عادل العربيه وفهد معاه وادهم ومروة ف عربيه تانيه
نجوى : بالله يا سليم انت ناوى تخلى قلبى يقع ف رجلى حرام عليك اللى بتعمله فيا دا بس صوتك فيه حنيه ودفا غرب أوى ....يارب عينى ..مش عايزة اذيك معايا يا سليم ..
وخرجت وراحت العربيه وركبت مع عادل وفهد وسليم
سليم اتحرك بالعربيه وأدهم ومروة وراهم و وصولوا كلهم وأدهم وفهد شايلين عادل وسليم وراهم
ملكيه : ماما ..بابا جه
سهام : عادل
فهد وأدهم حطوه على الكنبه
سهام : عادل انت كويس
مليكه وسميه واسراء : بابا انت كويس
عادل :الحمد لله يا حبايبى انا كويس متقلقوش كده
نجوى : فهد خليه يطلع على اوضته عشان يستريح شويه
فهد : تمام
ادهم وفهد شالوا عادل وطلعوه لفوق وسهام وراهم
ملكيه راحت عند نجوى : انتى كويسه
نجوى بتنهيده : اطلعى شوفى بابا وانا هروح اعمل مشوار مهم واجى تانى
ملكيه : حاضر
نجوى كانت بتبص لسليم بكسوف واحراج : احم ..شكرا تعبناك معانا
سليم بحب : ابدا مفيش تعب ولا حاجه ...اصلا تعبك راحه بالنسبالى
نجوى : أحم... انا هطلع البس ونروح الشركه لو مش عايز تيجى وتستريح عادى تقدر متجيش
سليم : هوا مين المفروض اللى يستريح انتى شكلك تعبان اوى وشكلك منمتيش من امبارح المفروض انتى اللى تقعدى مش أنا
نجوى : مينفعش ...لازم ..لازم اروح الشركه ..عن اذنك .....
نجوى : دادة اسالى استاذ سليم يشرب ايه
دادة  حاضر يا بنتى
____________________
سهام :حمد لله على سلامتك يا حبيبى كده تقلقنا عليك
عادل : غصب عنى
إسراء : بابا انت كويس بجد
سميه : ولا بتضحك علينا
عادل : والله كويس انا عايز انام بس
فهد : لا استنى بس يا عدول تنام ايه
مروة : المفروض تأكل الأول كده وترم عضمك   
ادهم : ولا ايه رأيك يا سوسو
عادل بضحك : بره يلا انت وهيا ملكوش دعوه بسوسو حبيبتى
فهد بضحك : نحن هنا
ادهم : طب ما تخليها واحنا مش هنا
مليكه ومروة واسراء وسميه : طب نغمى عينينا ههه
سهام بشهقه : لا دا انتو زودتوها اوى بره يا بت أنتى وهيا وهيا بتجرى وراهم بالشبشب
الكل خرج وهما بيضحكوا بيقولوا خلاص يا سوسو
سهام :  يا قليلين أدب ...عارفين انا هروح اعمل حاجه لابوكوا بدل ما اجرى ورى عبط زيكوا
فهد :طب ما تقولى عايزه عدول على انفراد ههههه
سهام :  يا قليل الأدب والله لوريك يا فهد وراحت على المطبخ
الكل خرج وراح عند سليم
سليم : احم انا اسف شكلى كان عامل إزعاج
أدهم : لا أبدا انت منورنا
فهد : احنا بس بنحب نهزر
سليم : هوا معلش سؤال هوا انتو كلكوا إخوات نجوى
فهد بضحك : تقدر تقول كده
ادهم : اللى بينا أكبر من الاخوه
سليم : بردو مفهمتش
فهد بخبث : انت عايز توصل لايه بالظبط يا سليم بيه
سليم بحرج : ابدا مفيش أصل اللى أعرفه أن انسه نجوى عندها إخوات بنات بس ومروة بتكون صحبتها لكن انت وأدهم معرفش
ادهم : انا أبقى صديق نجوى من الطفوله ومتربين مع بعض يعنى تقدر تقول أخوات بحكم أن عيلتى كانوا قريبين اوى من عيله نجوى ويعتبر عيله نجوى عيلتى التانيه بعد وفاه اهلى
سليم :اسف ربنا يرحمهم
ادهم : يارب
سليم : وانت يا فهد
فهد : انا أكون حبيب نجوى
سليم بصدمه : ايه
ملكيه إسراء : لا يحبيبى انت حبيبى انا وبس
فهد بضحك : فانزاتى حبايبى
فهد : بص يا برنس انا اخو نجوى ف الرضاعه نجوى بتكون بنت خالتى بس اهلى توفوا من وانا صغير فعشت معاهم فهما بالنسبالى عيلتى الأولى والاخيره ونجوى بتكون بنتى واختى وحبيبتى وصاحبتى
ملكيه واسراء : واحنا كمان
فهد بضحك : وانتو كمان
سليم :يعنى انت أخوها
ادهم بخبث : اه ..مالك مبسوط كده ليه
سليم : أبدا مفيش
___________________________
نجوى طلعت اخدت شاور ولبست هدومها وصلت فرضها ومكنتش عارفه تعمل الجرح قامت سايباه وهيا بتفكر ف نفسها  : سليم..... يا ترى القدر هيعملنا ايه تانى
__________________________
سهام طلعت عند عادل وكانت عاملاله شربه خضار وقعدت جمبه وفضلت تأكله
سهام : مش أول مره
عادل : عارف
سهام : وبعد كده
عادل : عارف بنتك بتعمل ايه متكليش هم
سهام : ربنا يخليك لينا يارب
عادل : طب ما نيجى نعمل زى ما العيال قالت
سهام بشهقه : عادل انت بقيت زيهم ...وبعدين احنا كبرنا على الحاجات دى
عادل :اتكلمى عن نفسك إنما مروة قالتلى انى لسه شباب ههه
___________________________
نجوى نزلت لقت سليم مندمج اوى معاهم وبيضحكوا وهيا كمان ضحكت و ابتسمت واتمنت المنظر دا يبقى على طول وسليم يبقى ليها
سليم أخد باله أنها نزلت
نجوى : يلا
سليم :يلا
نجوى : مروة روحى انتى انا هخلص كام حاجه واجيلك تانى تمام
مروة : بس انا لازم اجى معا
فهد : خلاص تمام يا نجوى انا هوصل مروة
نجوى : تمام يلا بينا يا سليم
خرجوا سوى
مروة : ليه مخلتنيش اروح معاها
فهد : نجوى هتروح تجيب حاجات مهمه ومش عايزة توريها لحد دلوقتى لما تشوفها هيا الأول هنتجمع كلنا ونشوف سوى
مروة : تمام
ادهم : يلا انا همشى انا بقى
فهد : يعم استنى أقعد اتغدى معانا دا ايه دا
____________________
سليم : أنا آسف اللى حصل النهادرة ف المستشفى
نجوى خدودها احمرت ورفعت ايديها تعدل حجابها بتلقائيه : ا ابدا مفيش حاجه وياريت تنسى الموضوع دا ومنفتحوش تانى
سليم باللى عملته نجوى وانها تخجل خلاه يموت ويروح ياكلها بس مسك نفسه : تمام
وصلوا الشركه سليم ونجوى دخلوا المكتب
سليم : انتى متاكده انك تقدرى تشتغلى
نجوى :اه ....يلا عايزة ورق الصادرات
سليم : تمام
بعد فتره نجوى صدعت وتعبت بس مبينتش دا أوى
فون نجوى رن نجوى ردت
نجوى : جايه حالا .....سليم ثوانى هشوف حاجه واجى
سليم : اتفضلى
نجوى نزلت وراحت الجنينه الخلفيه للشركة
نجوى : الحاجه معاك
=ايوا حضرتك
نجوى : تمام كمل مراقبتك وبعد كده كل حاجه تتبعتلى اوى باول تمام
= تمام حضرتك هتعوزى منى حاجه تانيه
نجوى : لا شكرا تقدر تمشى ولو عزت حاجه كلمنى 
= شكرا لحضرتك ربنا يخليكى عن اذنك
نجوى طلعت ومعاها فلاشه واخدتها وطلعت فوق ف المكتب
سليم : نجوى رحتى فين انتى كويسه
نجوى : اه تمام. ..هوا لسه ف كتير
سليم : لاء حاجه بسيطه
دنيا : انسه نجوى محمد توفيق عايز يقابل حضرتك
نجوى بسرعه : دخليه
محمد دخل ومعاه ورق
نجوى بهدوء  : ايه اللى حصل
محمد :بصراحه يا انسه نجوى حازم ادانى ورق احطه مع ورق صفقات وتمضى عليها وارجعهالوا تانى
نجوى : تمام سيب الورق وروح شوف شغلك وهبقى اقولك تعمل ايه
محمد : حاضر يا فندم عن اذنك
نجوى اخدت الورق و سليم راح وقف جمبها نجوى وسليم قرأوا الورق الاتنين اتعصبوا نجوى بغضب وزعيق : هما اييييه ليه كده حرااام بجد يارب أموت وارتاح بقى همااا ايه مش مكفيهم اللى عملوه زمان
سليم بيحاول يهدى فيها : نجوى أهدى ..هتتحل بإذن الله
نجوى ومسكت كوبايه وكسرتها بايديها على المكتب وايديها نزفت
سليم بخضه : نجوى ...ايه اللى انتى عملتيه دا
نجوى بضعف ودوخه : تعبت ..سنين بحافظ على اللى بعمله وهما ييجوا يعملوا ازبل من الأول ..سليم اعمل فيا خدمه وموتنى بجد ..
سليم بفزع :اخرسى إياك اسمعك تقولى كده تانى انتى فاهمه انتى ملكى انا وبس .....فين علبه الإسعافات
نجوى : معرفش
سليم اتصل بالسكرتيره : دنيا ابعتيلى اى حاجه مسكره بسرعه فاهمه
وفضل يدور ف الإدراج بتاعه المكتب على الإسعافات ونجوى بتبص عليه بحب نفسها تعيط بس مش عارفه او مش عايزة دلوقتى شويه ودنيا دخلت بعصير
سليم : دنيا فين علبه الإسعافات إلى هنا
دنيا : ف دولاب الخاص للانسه نجوى يا سليم بيه
سليم : تمام اخرجى ..راح ناحيه الدولاب وطلع علبه الإسعافات وراح ناحيتها
سليم : نجوى ..نجوى فوقى انا هشيل الازاز هتتوجعى شويه بس أمسكى فيا
نجوى بتوهان : طب والوجع اللى هنا وهيا بتشاور على قلبها دا اعمل فيه ايه سنين بحاول اعالجه ومفيش سنين بعذبه واخليه يبطل نزيف بس اكتشفت ان كل مره بعمل كده كل ما بيزيد النزيف وجع ايدى مش وجع يا سليم دى حياتى سليم بيسمعها وبيشيل الإزاز وهوا قلبه بيتقطع من جواه
نجوى بضحك أشبه بالضياع : لاء البيه حب يعيد اللى عمله من سنين جاى يخلينى أمضى على ورق تسليم شحنه مخدرات هههه انا بكرهه ههه بجد
سليم ف اللحظه دى نسى كل حاجه واخدها ف حضنه ونجوى مسالمه خالص مش بتعمل اى حاجه سليم بحب : بس انا معاكى ...كل الجروح اللى ف قلبك هنعالجها سوى ..كل اللى حصل زمان هيتصلح ..كل حاجه عايزاها هتتعمل بس فهمينى عايز أفهم نجوى وهيا شبه هيغمى عليها
نجوى بضعف : سليم
سليم : نعم
نجوى : م مايه ..عا عايزة ..م مايه
سلمي بخضه : خدى اهى افتحى بقك سليم شربها وبعد كده مسك ايديها طهرها ولفها بشاش وخلاها تشرب عصير
نجوى :عايزة اروح
سليم : حاضر تعالى ..تعرفى تسندى عليا
نجوى بايماء ومش قادرة تتكلم سندت على سليم وركبوا العربيه ونجوى مغمضه عينيها و سانده على الشباك  وسليم بيبص عليها قد ايه هيا مجروحه مش قويه زى ما باينه جواها طفل عايز يصرخ بس حابساه ليه كده يا نجوى وصلوا الفيلا
سليم : نجوى ..تعرفى تنزلى
نجوى بايماء : اه ..نزلت شويه وبعد كده معرفتش تمشى قامت واقعه واغمى عليها
سلمي بخضه : نجوى ..نجوى سليم شالها ودخل الفيلا فهد وأدهم ومروة ومليكه شافوهم اتخضوا وجريوا عليهم
سليم : ششش مش عايز صوت فين اوضتها
مليكه شاورت عليها وطلعوا كلهم ونجوى مش حاسه بأى حاجه كلهم طلعوا على الاوضه وسليم حطها على السرير براحه وعدلها
مليكه ومروة راحوا قعدوا على السرير جمبها
ملكيه بدموع : نجوى حبيبتى مالك
مروة : انتى كويسه صح انتى تعبانه ونايمه صح
سليم  : ممكن نخرج ونسيبها ترتاح شويه
فهد وأدهم بصوا لسليم وهوا فهمها وخرجوا التلاته
مليكه ومروه بغيروا لنجوى وهيا ف عالم تانى
فهد وأدهم وسليم راحوا الجنينه الخلفيه
فهد وأدهم : سامعينك
سليم حكى ليهم اللى حصل وانها فقدت اعصابها وعورت ايديها وانها كانت بتتكلم بتوهان وكأنها مش واعيه للى بتقوله وعلى ورق الشحنه
سليم : ودا الورق اللى حازم جابه
ادهم اخد الورق وشكره ومشى
فهد : شكرا
سليم : على ايه
فهد : انك كنت معاها ومسبتهاش
سليم : وانا عمرى ما هسيبها
فهد : سليم من الاخر عايز ايه
سليم : أختك ...نجوى ملكى انا وبس
فهد بتنهيده : مش هتفهم حاجه دلوقتى
سليم : بس انا عايز أفهم عايز اعرف ليه كل دا انا مش عيل عشان ميعتمدش عليا ليه نجوى كده ليه انتو كده انت ونجوى وأدهم ومروة ليه كل دا
فهد : لما تعرف من نجوى احسن لما تعرف مننا أحنا
_____________________________
ادهم : هوا فين
= ف ديسكو ***** يا فندم 
ادهم : تمام
ادهم راح الديسكو لقى حازم سكران وبيشرب وعمال يرقص ولا فارق معاه ادهم راح خبطه وراح فاقد الوعى وقام شايله وحطه ف العربيه وراحوا مخزن قديم ادهم شاله وحاطه على كرسى  وربطه وكب مايه عليه وفوقه
حازم : انا فين ....انت مين
ادهم كان لابس ماسك على وشه و قاعد قدام حازم
حازم : انت مين يلا ...انت مش عارف انا مين انا ممكن اقتلك و ...ادهم سكته ب بوكس ف وشه فضل يضرب فيه لحد ما حازم فقد الوعى وبينزل دم من وشه
ادهم شاله وحطه ف العربيه و رماه قدام مستشفى ومشى
___________________________
اسراء : يارب هوا انا مش هخلص بقى من أم السنه دى ...انا اخرى اتفرج على اسبونج بوب ليه ادخل علوم و فرهده كده
سلمى زميله إسراء : يبنتى احنا لسه ف أول السنه أجمدى كده
إسراء : بلا اجمد بلا بطيخ انا عايزة انام ف بيتنا
سلمى بضحك : طب يلا عشان نمشى
إسراء : لاء روحى انتى انا هروح مشوار كده واروح
سلمى : اوك بأى
إسراء مشيت وراحت ف كافيه وقعدت ف الآخر خالص وهيا زعلانه ومخنوقه
= القمر زعلان ليه
اسراء : ..مصطفى ..انت ايه إلى جابك هنا
مصطفى : انا باجى هنا على طول
إسراء بضحك : يا راجل بطل كدب هتخش النار
مصطفى : بذمتك مين فينا اللى بيكدب
إسراء : يعنى ايه
مصطفى : يعنى نبطل نحط قناع قدام الناس و وشنا الحقيقى مستخبى
إسراء : انا مش فاهمه تقصد أيه
مصطفى : تمام يا إسراء براحتك
إسراء : ..انا مضطره امشى عن اذنك
مصطفى : بحبك يا اللى معذبانى
____________________________
ملكيه ومروة خرجوا وسابوا نجوى نايمه ونزلوا تحت
سليم : هيا كويسه
مليكه : نايمه لسه
سليم : ...طب انا مضطر امشى لو عزتوا اى حاجه قولولى وطمنونى على نجوى
ملكيه : تمام شكرا
______________________________
بردو لسه الشحنه اخر الشهر
= اه البوص مش عايز يغير رأيه
انا مش عارفه انت ساكت كد ليه ما يقدم وننجز
= اعمل ايه يعنى دا مش هزار هوا دارس وعارف بيعمل ايه
والله انا حاسه أنها صفقه هتودينا كلنا ف داهيه
= بطلوا نبر فيها بس وهيا هتعدى