جرأة خلفها طفله (مكتمله)

الحلقه الخامسه عشر ❤️

عدى 5 شهور نجوى اتحسنت فيهم جدا عن الاول الكل كان حواليها ومعاها ومش سايبنها عادل كان بيهتم بيها كأنها طفله عندها 5 سنين وهوا حس انو رجع شباب تانى ولاول مره ميفكرش بحاجه تقلقه أو عايز حاجه من الدنيا غير أن بناته يبقوا كويسين وبس مفيش حاجه تانيه شاغله دماغه
نجوى صحت بنشاط وفرحه واخدت دش ولبست هدوم خروج عباره عن بنطلون بنى جلد وبلوزة كافيه وطرحه ميكس بين اللون الابيض والبنى  نزلت تحت لقت عادل وسهام تحت وبيتكلموا
نجوى : صباح الخير على احلى ناس
عادل وسهام : صباح النور يا قلبى
عادل : راحه فين كده
نجوى : مشوار صغنن هعمله وهروح على الشركه اشوف الدنيا
سهام : يبنتى ما مروة وسليم كانوا قايمين بالشغل كله بتتعبى نفسك ليه
عادل :ثانيه واحده يا سهام مشوار ايه يا نجوى
نجوى : هروح اشوف حد
عادل : تقطيع ف الكلام تانى هعرف اخليكى تقولى الكلام كله مره واحده ازاى
نجوى : هروح اقابل اللوا صبرى هشوف اخبار القضيه
عادل : تانى يا بنتى مش كنت خلصنا وقدمتى كل الادله قبل اللى حصل بتفتحى الموضوع تانى ليه
نجوى بحب وراحت جمبه : يا حبيبى انا مش هعمل حاجه انا هعرف بس اخر الاخبار وكان فاضل شهادتى وكنتوا انتو بتاجلوها واللوا صبرى مقصرش واحترم دا وقام بالواجب وكان بييجى هنا بنفسه ياخد اقوالكوا صح يا حبيبى يبقى اروح اشوف الاخبار وهرجع وبعدين انا بقيت كويسه اهو والله
عادل بتنهيده : براحتك يا نجوى بس متتاخريش
نجوى : حاضر يا حبيبى
سهام : وتعالى بدرى عشان كلنا عازمين سليم وأهله وركان وأهله
نجوى : حاضر يا حبيبتى يلا سلام عليكم
نجوى لبست نضارتها الشمس السودة وركبت عربيتها وطلعت على القسم
سيف : جى جى عامله ايه
نجوى : يبنى مش قلتلك متقوليش جى جى دى ف الشغل هيبتى هتضيع يا سيفو
سيف بضحك : حاضر يا جى جى صحيح ايه إلى جابك مش المفروض تستريحى
نجوى : والله يا جماعه انا بخير والحمد لله اهو زقهت من البيت والقاعدة
سيف : ناس غاويه وجع قلب امشى يا بت من هنا
نجوى بضحك : همشى بس كنت عايزة الخدمه تتنفذ دلوقتى بس هروح اقابل اللوا صبرى
سيف : جاهزين ..تمام
نجوى سابته وراحت عند اللوا صبرى وبعد السلامات
صبرى : ازيك يا بنتى عامله ايه دلوقتى احسن
نجوى : الحمد لله ربنا يبارك ف حضرتك
صبرى : ربنا يخليكى يا بنتى ها كنتى عايزة وجيتى ليه كنت جيتلك البيت بدل ما تتعبى نفسك
نجوى : ربنا يبارك ف صحه حضرتك ملوش لزوم والله انا الحمد لله بخير ..كنت عايزة اعرف اخر تطورات القضيه ايه
صبرى : لابسين لابسين يعنى كفايا القواضى اللى عليهم متقلقيش يبنتى واحنا اخدنا اقوال الكل وكله تمام واتعرضوا على النيابة
نجوى بارتياح : تمام شكرا جدا لحضرتك يا فندم وشكرا على اللى عملته معايا الفتره اللى فاتت شكرا جدا
صبرى : على ايه يا نجوى انتى بنتى ومعملتش حاجه كفايه اللى انتى عملتيه لينا كلنا ربنا يوفقك ف حياتك يا بنتى يارب ويسعدك متنسيش تعزمينى ف فرحك ان شاء الله
نجوى : ربنا يخليك يارب + طبعا حضرتك هتبقى اول الحاضرين حضرتك هتبقى معايا اصلا حضرتك ف مقام والدى
صبرى : ربنا يبارك فيكى يا بنتى + طبعا ان شاء الله
نجوى: عن اذنك
نجوى خرجت وراحت مع سيف قبل ما يخشوا سألته على عدد القواضى وسنين الحبس والتفاصيل
سيف : يبنتى والله هيعفنوا ف السجن ههه استنى هعدلك
1- قضيه تسليم شحنه مخدرات
2- قضيه تسليم شحنه سلاح
3- قضيه قتل عمد
4-حازم لما ضرب النار على مصطفى
5-اعمامك ومرتاتهم قتل جدك وجدتك ومحاوله قتل والدك اكتر من مره
6-سارة لما ضربتك بالنار ودى محاوله قتل بردو
7-تزوير ورق وتشويه سمعه رجل اعمال اللى هوا والدك
8-بردو ساره لما حاولت تقتل مليكه وفكت فرامل العربيه
9-الحريقه اللى عملوها ف بيت ايمن محمد البدوى
10- عزيز لما خطف اخواتك
11- حازم لما اتهجم عليكى واتفق مع محمد توفيق انو يدخلك ورق تسليم شحنه مخدرات ويعرف اخبار شركه دا اسمه تجسس
12- وائل لما حاول انو يقتل سليم ويلفف قواضى حواليكوا و حوالين اخواتك وانو كان بيهرب شحنات لبره مصر وبيحاول يهرب من مصر بطرق غير شرعيه وتزوير ورق و هويه
دا يحبيبتى سجن مؤبد غير القضايا التانيه اللى عليهم واللى بيعملوه بره مصر يووووه خشى يا بنتى
نجوى بضحكه : طب كان ف شخص اسمه ايمن وهيا قتلت واحد اسمه ...
سيف : اها امير هوا فعلا اخدنا الأقوال وامير دا جه سلم لينا فيد بكل حاجه سارة عملتها بس احنا لحد الان مش لاقيين الجثه يمكن مماتش وعمل كل دا عشان الانتقام بس مش اكتر زى اللى وراكى
نجوى لفت وضحكت : هتيجى ورايا بس خليك بره لحد ما اناديلك يلا يا سيف
دخلوا زنزانه كبيرة وكل واحد أيده فيها كلبشات ومرميين على الأرض وف كرسى ف أول الزنزانه نجوى دخلت وسيف سابها بس هوا بره عشان تتكلم براحتها
نجوى قعدت باريحيه على الكرسى
نجوى : ازيكوا يا اساتذه ههه ايه مستغربين ليه ...طبعا مش متوقعين انى لسه عايشه و بمشى على رجلى ممتش ههه بس نقول ايه قدر وربنا يكتبلى عمر جديد ايه مالكو ساكتين ليه 
سيد بتعب : انتى عملتى فينا كده ليه
نجوى بقوة : ف حاجه اسمها يا سيد بيه كما تدين تدان ولو بعد حين اللى عملته زمان واللى كنت بتعمله كان لازم تعرف انو هيتردلك ف يوم من الايام وربنا يُمهِل ولا يُهمِل حطيت دا قدامك لما كنت بتعمل وساختك دى اكيد لاء ....وحاجه كمان كان انتقام بسيط جدا ..صحيح عندى مفاجاه ليك وبتشاور على حازم
بضحكه شريرة : اتفضل
دخل شاب طويل ملامحه مكانتش باينه غير لما ظهر ف النور كان جاسر ( اللى اتفق مع حازم عشان يقتل مصطفى فاكرينه )
حازم بصدمه : ج جاسر
جاسر بضحك : تؤتؤ المقدم محمود هههههه
حازم بنفس الصدمه : م مقدم
نجوى بضحك : ههههه ايه يا حازم مش مصدق صح وهيا بتلف حواليه فعلا حاجه صعبه اوى واحد يتفق معاك على انو يقتل شخص ملوش ذنب ويزور ورق و تعملوا حاجات من اللى قلبك يحبها ويوصلك فكره انو بيكره الشخص دا بطريقه perfect  ويكون ف الاخر ههههه مقدم شفت
ولا ايه رايك يا عمى ف اللى حصل الشرطه شالت عينيها من عليكوا واهتمت بقضيه خياليه اتعملت عشان تسلموا الشحنه بدرى عن ميعادها كمان ونسافر ونسيبلكوا الجو براحتكوا هههه ايه رايك
دماغ متكلفه صح
وراحت وقفت قدام حازم وعزيز و وائل وادت لكل واحد قلم يسمع من ودانه وبعديها بوكس كسرلهم فكهم وراحت عند سارة جابتها من شعرها وخطبت راسها ف الحيط وسارة كانت بتصوت
ايمان : انتى بتعملى كده ليه
نجوى بزعيق : عملت اييييه ! واللى كنتو بتعملوه دا اييييه ...ههههههه لالالا متقوليش طلعت مفتريه وخلتكوا تتحسروا وتفضلوا ف السجن لحد ما تعفنوا انى خليتكوا تراجعوا كل اللى عملته مش بتتكلم ليه يا عمى عشان دى الحقيقه صح عشان كنتوا بتعملوا كده فيا زمان ودلوقتى بيطلع عليكوا من نفس البنت بس تربيه وسخه ما شاء الله هههههه وبتف على سارة اى نعم معرفش مين ايمن ولا اتفقت معاه ههه بس ما شاء الله سمعتك وعملك الاسود سابقينك
اللى عملته زمان ربنا بيطلعه عليك دلوقتى ..عارفين اول مره احس انى حققت انتصار عظيم اوى من سنين شفت ف عين اهلى الفخر والاعتزاز بالنفس والنصر معنتش بشوف نظرة الخذلان ولا الكسره اللى كنت بشوفهم زمان .. دا أعظم انتصار حققته ورجعت تانى لحازم وادته برجلها ف بطنه ونام على الأرض من الوجع
دى حاجه بسطيه عشان تفتكرنى بيها واه شكلك نسيت نفسك يا حازم دا انا نجوى عادل العمراوى الاسم دا بقى أسوأ من كوابيسكوا ( الجمله دى اللى كان حازم قالها لنجوى لما حاول يضرب نجوى وسليم وقفه وضربه ) 
نجوى كانت خلصت وراحت عند البوابه عشان تمشى بس قالت : داين تدان يا ابن ادم
وخرجت ومشت وشكرت محمود وسيف ومشيت وطلعت على شركتها سلمت على مروة ودخلت لقت سليم ف مكتبها بيشتغل وبيشوف ليها الورق المهم ويشتغل عليه
نجوى : سليم
سليم : نجوى حبيبتى ..انتى كويسه
نجوى : الحمد لله حلوة اوى
سليم : يارب دايما يا روحى ولف أيده حوالين وسطها وقربها منه
نجوى بخضه : س سليم انت بتعمل ايه احنا ف الشركه
سليم بسرحان : وحشتينى اوى ويبوسها من خدها ومعنتش قادر على بعدك 
نجوى بحب : وانت كمان وحشتنى اوى
سليم اخدها وشالها على رجله واخدها ف حضنه
نجوى : سليم انا جعانه 👀👀
سليم بضحكه : بتقولى ايه
نجوى بكسوف : جعانه
سليم بضحك : ماشى يا نجوى اهربى براحتك
نجوى : ع على فكره اصلا اصلا يعنى انا فعلا جعانه وكمان ماما قالت اننا كلنا هناكل سوى النهاردة ف يلا نمشى ونروح يلا بسرعه وبتشد ايده
سليم : طب اخلص الشغل طيب معنشى غير حاجه بسيطه
نجوى حضنته : كفايه اللى انت عملته وفضلت شايل الشركتين سوى وانا مكنتش معاك وانت شايل الحمل كله لوحدك ربنا يخليك ليا يا روحى يارب
سليم بادلها : ودا مش حاجه اللى بعمله مراتى كانت عامله كل حاجه مخلتنيش اتعب وكتر خير مروة كانت معايا ف كل حاجه مسابتنيش
نجوى : ربنا يخليكوا يارب ...يلا بينا
اخدته من أيده وطلعوا على الفيلا
~~~~~~~~~~~~~~~~~~~~
ف الجامعه
مليكه : طبعا لو حلفتلك انى كنت بجيب مراجعات بتاعه الامتحانات اللى الدكتور طلبه مش هتصدقينى
ساندى : طبعا
مليكه : الله يرحمنى كنت طيبه
ساندى بضحك وماسكاها من ودانها : انا مش قلتلك مليون مره متتاخريش وتجيبى حاجاتك اول باول ولو معرفتيش اجيبلك معايا وقلتلك اجيبلك يا ملكيه وبتقلد صوتها لاء يا حبيبتى ميرسى انا هجيبه مش عايزة اتعبك معايا
مليكه وبتحاول تفلت منها : تاخدى نوبل ف انك تمسكى ودانى من تحت الطرحه ...كل اللى قلتيه حصل بس انتى عارفه الظروف يا سنسن هههه متحبيكهاش بقى
ساندى : مليون مره بقولك متقوليليش الاسم دا مستفز
مليكه : لاء هههه وبعدين يا عسل مش يلا على المحاضره ولا ايه
ساندى : قدامى أبت
مليكه : بعدك يا قمر هههه
خلصوا محاضره و راحوا كافيه الكليه واد روش حب يتروشن عليهم وقعد على التربيزة اللى كانوا قاعدين عليها
ساندى : ايه قله الذوق انت مين
الولد : جرى ايه يا عسل مالك حامى علينا كده ليه ما واحده واحده
مليكه بثبات وغرور وربعت ايديها : طيب قدامك فرصه انك تقوم على رجلك غير كده هتمشى من غيرها
الولد بقذارة : اموت انا ف الشرس دا وحاول يمسك ايديها لقى بوكس ف وشه من مليكه وقامت مسكت دراعه لاوته وبتضرب جمب ودانه وبصوت عصبى : حذرتك مره ومسمعتش الكلام استحمل بقى
لفته ليها واخد بوكس كمان منها وبرجليها ف ركبته وقع منها
طبعا كل الكليه اتلمت عليها وطبعا كان ف واحد متابع الموقف من أوله وماسك نفسه بالعافيه لحد ما حصل اللى حصل ودا كان طبعا ركان
مليكه بصوت عالى وعصبيه : ابقى اعرف بتتعامل مع مين انا مليكه عادل العمراوى فاهم....دى حاجه بسيطه تفتكرنى بيها كل ما تحاول تعمل كده مع اى بنت مش معايا انا بس فاااهم
واخدت شنطتها وساندى من ايديها ومشيوا وركان متابع الموقف بسعاده وفخر
ركان : على بركه الله انا بقول بلاش تأخير ونخش البيت من بابه ههه لاء بس مراتى قمر وقويه وشخصيه وعسل يلهوى كل حاجه حلوة ف الدنيا
ساندى بانبهار : وااااو يا لوكا ايه الجمدان دا انا مكنتش مصدقه نفسى انتى طلعتى جامدة دا انتى فرمتى الواد جوه
مليكه بفخر : يبنتى انا مش حد دا انا لوكا ...
ساندى : بس ازاى انتى فاكره..
مليكه بمقاطعه : فاكره يا حبيبتى ساعتها نجوى علمتنى كذا حاجه ادافع بيها عن نفسى عشان مفضلش ساكته واعيط ههه
ساندى :احياة عيالك خليها تعلمنى اى حاجه ان شاء الله حتى بوكس بسيط
مليكه بضحك : حاضر هقولها ههه
خلصوا المحاضرات وساندى روحت ومليكه راحت عند عربيتها لقت ركان جاى عليها
مليكه : ركان ازيك
ركان : الحمد لله تمام عامله ايه
مليكه : الحمد لله كويسه طنط عامله ايه وعمو
ركان : حماكى وحماتك كويسين الحمد لله بيسلموا عليكى
مليكه بخضه وكسوف : ط طب الحمد لله ا انا مضطره امشى
ركان : طب ما تاخدينى معاكى مش احنا هنقضى اليوم كله سوى النهاردة
مليكه بخجل : اه صح طيب تعالى يلا
ركان : اللى يشوفك دلوقتى ميشوفكيش وانتى بتعملى على الولا جوا
مليكه بفخر : عشان يستاهل ولو حد تعدى حدوده معايا عندى استعداد ادوسه بعربيتى ولا يهمنى بعد كده
ركان بنظرة خبيثه وقويه :  تمام اوى ودا اللى عاوزة يلا بينا عشان منتاخرش ومحدش يقول حاجه اركبى عربيتك وانا هركب عربيتى وسابها ولبس نضارته وركب عربيته وهيا كذلك ركبت ولكن من جواها متوتره ومكسوفه وفضلت تفتكر اللى كان بيعمله معاها طول الفتره اللى فاتت
كان ركان مع مليكه ف كل حاجه محاضراته كان بيجيبهالها ويشرحهلها ورق المراجعات والامتحانات اللى كانت بتحصل واقفته مع نجوى وأهله لما كانوا بيطمنوا على نجوى وعلى أهلها كان جدع جدا معاهم
~~~~~~~~~~~~~~~~~~~~
فهد كان ف المستشفى وخلص شغله وراح يفوت على اسيل ف الشغل عشان يجيبها رن عليها كتير مكنتش بترد راح طلع ليها لقاها مشغوله ومعاها ابرار وشكلها مغلباها
ابرار : فهد وجريت عليه وفهد شالها
فهد : قلبه
اسيل ركزت وسابت اللى كانت بتعمله وراحت عليه
اسيل : فهد انت جيت امتى متصلتش عليا ليه
فهد : اتصلت اكتر من مره وانتى مش بتردى طلعتلك
اسيل : نورت ..اول مره تيجى مكان شغلى
فهد : فعلا
اسيل : كنت بتفوت عليا لكن مكنتش بتطلعلى وكنت بتبقى تعبان من الشغل
فهد : وفضيتلك النهاردة يا جميل 
اسيل بكسوف : ابرار ...
ابرار : أثيل انا عايزة مامى
اسيل : يستى خليها تستريح شويه هتلاقيها منك ولا من التانى ( امنيه خلفت ولد اسمه محمد وابرار كانت بتتعبها فاسيل كانت بتاخدها منها عشان تريحها شويه ) دا ايه العيال دى
فهد بضحك : ايه يبنتى براحه شويه مش قصدها حاجه دى لسه صغيرة مش فاهمه حاجه
اسيل : صغيره ايه دى مطلعه عينى وعين امها وعين عم متولى البواب هههه
فهد بضحك : طب يلا عشان البيت مستنيانا هناك
~~~~~~~~~~~~~~~~~
الكل كان متجمع ف البيت وكان مبسوط جدا كانت عيله سليم موجودة وعيله ركان ومروة ومازن ومصطفى واهله وادهم ومراته وابنه والبنات وعادل وسهام وفهد واسيل الكل كان موجود ف وسط القاعده
ركان : عمى انا طالب ايد مليكه بنت حضرتك
مليكه بخضه بصوت مش مسموع : احيه
(هههه انا ف الرد على المواقف معنديش يما ارحمينى ههه )
عادل بابتسامه : والله يا ركان يبنى انت شاب محترم ومجتهد وشهم وكفايه اللى عملته معانا الفتره اللى فاتت انت وأهلك
ابو ركان : متقولش كده يا عادل بيه وبعدين دا احنا هنبقى أهل اهو يا راجل
ام ركان : مليكه بنتى وانا مش هلاقى ف ادبها وتربيتها واحترامها لابنى ركان وينولنا الشرف انها تبقى مرات ابنى وان احنا نناسبكوا دى حاجه كبيرة اوى
سهام: والله دا من زوقك ربنا يخليكى يا حبيبتى يارب
ركان : قلت ايه يا عمى موافق
عادل : انا موافق
ركان : على بركه الله...
فهد : ياباشا مش نشوف رأى العروسه الاول
نجوى بصت لمليكه واخدتها ف حضنها : لوكا حبيبتى مش هتسيبنى وتمشى
ركان : وحياة عيالك ما تقولى كده هيا على الشعره اصلا وممكن توافق عادى جدا
الكل ضحك والكل بيبص لمليكه ومستنى ردها
مليكه : اللى حضرتك شايفه يا بابا
البنات كلها زغرطت وفرحت واخدوها ف حضنها
مصطفى بصوت عالى : بااااااااااس
الكل بصله ومستنينوا يتكلم
مصطفى قدام عادل : وحياه عيالك يا عمى وافق انى أخطب بنتك اسراء والله انا غلبان وطيب ومحترم وابن ناس وبشتغل وعندى شركتى حتى اسال نجوى والنبى وافق أخطب بنتك يا حاج عادل الاهى يا رب تروح تحج
الكل فطس من الضحك على طريقه كلامه ومحايلته
نجوى بضحك : جرى ايه يا كباتن كل واحد مستربع كده ليه وعايزين تاخدوا اخواتى لاااء انا لن اقبل
فهد بصوت لنجوى : طب ركان وهيعدى الليله انما الواقع دا هيعمل ايه مش بعيد يقتلك اصلا ويقتل اسراء ههههه
نجوى بضحك : احسن يستاهل هههههه
مصطفى : قلت ايه يا عمى موافق صح
عادل : والله بهبلك دا مامنش على بنتى معاك
مليكه : على أساس بنتك هيا اللى عاقله اوى يا بابا الاتنين انيل واهبل من بعض هههههههه
البنات ضحكت وبردو مستنيين رد اسراء
اسراء بكسوف : اللى حضرتك تشوفه يا بابا
الكل كان مبسوط جدا وفرحانين ونجوى اخدتهم ف حضنها : بناتى كبروا ماشاء الله
اسراء وشهد : انا عايزة اتجوز مش عايزة أكمل ثانويه 🙂 هههههه
بصوا لبعض وضحكوا والكل قضى اليوم ف سعاده وحب 
تانى يوم
سليم كلم نجوى وقالها انو هييجى يفوت عليها وياخدها يوريها حاجه نجوى وافقت وقامت لبست دريس ابيض ف فراشات بينك وطرحه نفس اللون وجهزت وخرجت لقت سليم مستنيها وعلى وشه ابتسامه جميله جدا
سليم : يا اهلا بالقمر والجمال كله
نجوى بكسوف : اهلا يا سليم
سليم : والله يبنتى انتى مراتى
نجوى بكسوف : اعمل ايه يعنى
سليم :انا هكلم عمى واقوله لازم نعمل فرح بقى واخدك عندى
نجوى بكسوف: س سليم والله ه هطلع
سليم : لاااا خلاص حقك عليا تعالى يلا عشان عاملك مفاجاه
نجوى بانبساط : مفاجاه..اوكى يلا بينا
سليم اخد نجوى وراحوا مكان وسليم وقف بالعربيه وغمى ليها عينيها ومسكها من ايديها و وقفها قدام ....
سليم : مستعدة
نجوى بحماس : جدا
سليم شال اللى على عينيها وكانوا واقفين قدام فيلا شيك و حلوة اوى وكبيره وكانت شكلها يهبل طبعا الصور هتوضح ومتركزوش لو الديكور مش شبه بعضه عدوا يا شباب 👀😂