جرأة خلفها طفله (مكتمله)

الحلقه التاسعه

يوم جديد على ابطالنا ف منهم صاحى على سعاده وفرحه وفى اللى متحمس وف انتقام ...
الكل كان متجمع على السفره وفطروا سوى و كل واحد راح يشوف هيعمل ايه
نجوى راحت قسم الشرطه ولقت سيف ف وشها
سيف : اهلا وسهلا انسه نجوى مشرفانا هنا
نجوى : ازيك يا سيف عامل ايه
سيف : الحمد لله تمام اخبارك انتى ايه وجايه هنا ليه حصل حاجه
نجوى : الحمد لله بخير ..مفيش جايه اقدم الادله وهمشى على طول و باقى الادله ان شاء الله هجيبها قريب
سيف : أن شاء الله ..بس انتى لسه مصممه على اللى ف دماغك
نجوى بتنهيده : ايوا يا سيف
سيف : نجوى راجعى نفسك ..انتى دلوقتى سليم معاكى
نجوى : ما دا اللى خايفه منه يا سيف ...على العموم هروح للواء صبرى و فضى ساعه اقابلك فيها نتكلم شويه بس يا سيف اللى بينا اوعى تطلعه بره بالله
سيف : خلاص تمام اى وقت تحبى تتكلمى فيه كلمينى وانا افضالك + ماشى يا نجوى مع انى ضد دا
نجوى : تسلم اللى فيه الخير يقدمه ربنا..عن اذنك
نجوى خبطت على الباب ودخلت للواء صبرى و إذن ليها بالدخول
نجوى : سلام عليكم أزى حضرتك يا سيادة اللوا
صبرى : وعليكم السلام ازيك يا نجوى انا الحمد لله ..انتى كنتى فين يا بنتى
نجوى : مشاغل بقى يا سيادة اللوا و ( بكسوف ) احم اتخطبت ف عشان كده كنت بعيده الفتره دى
صبرى بفرحه : بجد الف مبروك يا بنتى ومش قلتيلى ليه كنت هعمل الواجب بردو
نجوى : ربنا يخليك يا فندم والله دا من زوق حضرتك ..اهى كل حاجه جت بسرعه
صبرى : أن شاء الله ف الفرح هبقى اول واحد
نجوى : ان شاء الله يا فندم تنور والله
صبرى : خير ف حاجه
نجوى :اهى يا فندم دى الادله وان شاء الله الادله الباقيه هجيبها قريب ان شاء الله بس طالبه خدمه من حضرتك ...
¥¥¥¥¥¥¥¥¥¥¥¥¥¥¥
إسراء : الو سلام عليكم ازيك يا مصطفى
مصطفى : وعليكم السلام ازيك يا إسراء ..انا الحمد لله
إسراء : الحمد لله بخير ..
مصطفى : بقولك انتى فين دلوقتى
أسراء : انا ف الجامعه
مصطفى : طب هتخلصى امتى ؟!
إسراء : فاضلى محاضره واحده واخلص ليه ف حاجه
مصطفى : الاستاذه اللى ناسيه انى المفروض ادربها وعايزة تلعب ملاكمه اين انتى
إسراء : ف بنها ههه لازم النهادرة انا جسمى مفرهد
مصطفى : تخلصى المحاضره وهاجى اخدك سلام يا قطه قال مفرهده قال هههه
أسراء : يا جزمه بتقفل السكه ..حسبى الله فيك يا اخى
ودخلت محاضرتها وخلصتها وخرجت لقت فعلا مصطفى ساند على عربيته وكان لابس بنطلون اسود و تيشرت اسود وساعه سمره وحاجه كده كاجول آخر حاجه
إسراء راحت ناحيته وفرحانه وبتضحك ليه
إسراء : ايه دا مصطفى بيه لابس كاجول ومظبط نفسه لاء جامد بصراحه
مصطفى : دى أقل حاجه عندى يبنتى اصلا لاء بس ايه رأيك ههه
إسراء : قلتلك قبل كده الكاجول هيطلع حلو عليك وآدى النتيجه
مصطفى : شكرا شكرا عارف هههه ها جاهزة للتمرين
إسراء : اوبا تصدق ماما قالتلى متتاخريش عشان هنطبخ كنافه باللحمه المفرومه
مصطفى بتعجب ومكر : اها كنافه باللحمه المفرومه ..اركبى يا إسراء بدل ما اخليكى انا لحمه مفرومه وأدوسك بالعربيه
إسراء : مش أخلاق رئيس شركه على فكره قدامى
مصطفى بضحك : هنشوف لسانك ف التدريب
وركبوا العربيه
إسراء : أحياه أمك يا مصطفى يارب تروح تحج اعمل تمارين سهله وبسيطه ومتبقاش عنيفه
مصطفى : عنيا يا سوسو
إسراء : هوا ف اجابتين يا أما الاهى تنستر أو الله يرحمنى اطلع يسطا بس قلنا ايه بسييطه
....................
إسراء : يا مصطفى منك لله انا لفيت التراك 20 مره منك لله يا اخى
مصطفى : يلا يا ماما أمال هتلعبى ملاكمه ازاى لازم تسخين
إسراء : وانا هسخن بكده
مصطفى : يلا عشان هتعملى 20 ضغط
إسراء بصدمه : 20 ايه يا عنيا ...
مصطفى : هتعملى ولا اسيبك عليكى الكلاب تعلمك الأدب
إسراء : تحب 20 بس ولا 30
..............
مصطفى : يلا حاولى اضربى ف السندباج اللى قدامك دا
إسراء : انا دراعاتى واقفه
مصطفى : هاااا
إسراء : منك لله يا مصطفى الاهى اشوفك متشعلق كده زى البتاع اللى بضرب فيه دا قادر يا كريم
مصطفى بضحك : ماشى هعديها بمزاجى لكن بعد كده هنزعل من بعض
¥¥¥¥¥¥¥¥¥¥¥¥¥¥¥¥¥¥
سعد : الو يا كبير ...
=.............
سعد : تمام ماشى الشحنه هتتسلم ف الميعاد اللى قلته
=...........
سعد : عيب يا كبير متقلقش وبعدين اللى هنا مش حاسين بحاجه ونايمين على ودانهم هيا اول مره يعمى نعملها
=.............
سعد : سلام يا كبير
سيد : خير الشحنه هتتسلم امتى
سعد : آخر الشهر قال الشرطه مشغوله بقضيه قتل حصلت و العين بعيده علينا
سيد : اشطا اوى كده هنسلم الشحنه ونكت من هنا
سعد : تمام بس انا ليا النص من شحنتك
سيد : نعم ودا ليه أن شاء الله
سعد : منا اللى مظبطلك كل حاجه وانا اول شخص هقابل الشحنه وبعديها انت ولا ايه أظن النص مش كتير عليا
سيد بشر : نبقى نشوف الحوار دا بعدين
...............
داليا : عامل أيه دلوقتى يا حبيبى حاسس بايه
حازم : كويس يا ماما بس انا لازم أنزل الشركه بكره لأن الغبى اللى ماسكها مش هيسيبنى ف حالى وانا عايز اخليه يمضى على ورق بسرعه وعايزين ننجز ف تسليم الشحنه ونسافر
داليا : خلاص تمام روح بكره وشوف هتعمل أيه
دخل سيد دخل متعصب وعمال بينفخ وكان داليا وحازم ف الصاله
داليا :مالك يا سيد
حازم : حصل ايه يا بابا
سيد : سعد بيقول انو هياخد 50 ف الميه من العمليه الاخيره
حازم :نعم ودا ليه يعنى
داليا : ايه الهبل دا
سيد : قال ايه عشان هوا إللى مظبطلى الشحنه وهوا اللى هيستلمها الأول وانا هبقى ف الأمان
داليا : لاء طبعا دا اسمه أكل حق يعنى ياخد 50 ف الميه وانت هتسكت عن حقنا دا حق عيالنا
سيد بشر : لاء طبعا ..هتغدى بيه قبل ما يتعشى بيا وهندمه على دا دا اسمه طمع
داليا : اكيد إيمان هيا اللى وزته يقول كده والله لسود عيشتها
سيد :أمال وائل فين
حازم : بره هتلاقيه مظبط واحده ولا حاجه ولا بايت عندها
سيد : على العموم عايزك تعمل شغلك عادى وأول ما تجيب الورق ممضى تاخد اخوك وتسافر على طول و تقفل الخط المصرى وأول ما توصل تشترى خط جديد وتكلمنى ماشى
حازم :ماشى حاضر
سيد : وانا هخلص العمليه دى وهحصلكوا
( يعيله واطيه معلش يا جماعه اترفزت قال بياكلوا حقنا قال وبيقولوا دا طمع وحق عيالنا ككسر حقك انت وهيا وهما داهيه تاخدكوا ..نرجع تانى )
¥¥¥¥¥¥¥¥¥¥¥¥¥¥¥
نجوى دخلت الشركه وكانت متاخره
مروة : ازيك يا نجوى مالك اتاخرتى كده ليه النهادرة
نجوى : كنت مع اللوا صبرى النهادرة
مروة : وعملتى ايه
نجوى : ولا حاجه ادتله الادله ولسه جزء اخير
مروة : ربنا يستر ..صحيح سليم سأل عليكى النهاردة وجه هنا مش لقاكى قالى لما تيجى أبقى كلميه
نجوى : تمام ...بقولك فاضيه ساعه بعد الشغل عايزاكى ف حاجه ضرورى
مروة : فاضيه يا قلبى ..تمام بعد الدوام نخرج ف اى حته تمام
نجوى : تمام يا قلبى
مروة خرجت ونجوى كلمت سليم
نجوى : سلام عليكم
سليم : وعليكم السلام فينك يا نجوى اتصلت عليكى كتير مردتيش رحتلك الشركه مكنتيش موجوده كنتى فين قلقتينى عليكى
نجوى بحب : مفيش كنت ف مشوار مهم وكان لازم اعمله متقلقش انا الحمد لله تمام
سليم بهدوء وحب : طب الحمد لله بعد كده ردى عليا على طول تمام
نجوى : حاضر
سليم : عامله ايه
نجوى : الحمد لله تمام وانت
سليم بحب : وحشتينى
نجوى بخضه : ايه
سليم بحب : بقولك وحشتينى
نجوى بتوتر : ايه ..س سليم ماما بتنادى ..قصدى بابا ...يلهواااى اقفل يا سليم وقفلت السكه ف وشه
سليم بضحك : بحبك يا مجنونه والله لغيرك يا نجوى يا عمراوى والحزن والخوف اللى جواكى هبدلهم بأمان وحب
نجوى : يخربيتك يا سليم حد يخض حد كده ( بسرحان ) انت كمان وحشتنى اوى
¥¥¥¥¥¥¥¥¥¥¥¥¥¥¥
سميه وشهد خارجين سوى من الدرس
سميه : ميدو انا عايزة اهرب من الثانويه العامه
شهد : سيم يا برو والله نفسى اتخطف هههه عشان مش عايزه اذاكر يا لمبى ههه
مفيش ثوانى وكان سميه وشهد ف عربيه سودة كبيره واتخدروا
( طلبتوها ونولتوها يا بومه انتى هيا هههه )
¥¥¥¥¥¥¥¥¥¥¥¥¥¥¥¥¥
نجوى كانت بتشتغل وفجاه سليم دخل عليها
سليم : جى جى
نجوى بخضه : سليم انت ناوى تجبلى جلطة صح يبنى حرام عليك قلبى وقف
سليم : سلامتك من الخضه يا روحى
نجوى : سلييم
سليم : من غير تحول بس انا جيت اشوفك محتاجه حاجه أو كده يعنى
نجوى بابتسامه : تمام تعالى أقعد
¥¥¥¥¥¥¥¥¥¥¥¥¥
سميه وشهد بداو يفوقوا ولقوا نفسهم مربوطين ف كرسى
سميه : شهد ..شهد انتى كويسه
شهد : تمام انتى كويسه
سميه :ايوا ..بس احنا فين ...ومين اللى خطفنا
شهد : مش عارفه بس مفيش جد هنا
سميه : مش عارفه ....وبتقلد صوتها عايزة اتخطف عشان مش عايزة اذاكر اهو اتخطفنا يختى
شهد بضحك : دا انا طلعت مبروكه ...
سميه : انتى بتضحكى يختى
شهد بضحك : ايه يا سميه بضحك على خيبتى وخيبتك ههه
سميه بضحك : اتلم المتعوس وخايب الرجا ههه
كل حاجه كانت بتتصور واللى بيراقب كان متعصب اوى
_ روح هوشهم وتتعالى تانى
= اوامرك يا باشا
راح شخص هضبه وفضل يزعق فيهم و هما ساكتين مش بيتكلموا وخرج تانى
¥¥¥¥¥¥¥¥¥¥¥¥¥¥¥¥
سواق سميه وشهد راحوا عند شركه نجوى والاتنين دخلوا لنجوى وسليم و اتصدموا
نجوى : عم سيد ايه اللى حصلك وسميه فين
سليم : عم متولى شهد فين وايه اللى عمل فيك كده
الاتنين حكوا اللى حصل ونجوى وسليم قلبهم وقع ف رجليهم
سليم : طب اقعدوا وانتى يا نجوى اقعدى واهدى عشام نفكر كويس
نجوى كانت ف عالم تانى : اكيد هما هما اللى عملوا كده هيبدا ياذونى ف سليم ويبداوا ف عيلته واحد واحد انا هبقى السبب ف دمارهم انا السبب مستحيل اخلى حد منهم يتاذى مستحيل لازم اندمهم لازم بس سليم ..سليم هيكرهنى صح ويسيبنى ..فاقت على صوت سليم وهوا بيزعق جامد
نجوى بتوهان وخوف ورعشه : سليم ..سليم ..أختك ...أختك يا سليم هتبقى كويسه اوعدك ..اوعدك أنها هتبقى كويسه بس بالله متزعل ولا تضايق تمام
سليم : نجوى أهدى وفهمينى براحه
نجوى : استنى انا هعرف ارجعهم ..وراحت ناحيه فونها وفتحت app حدد موقع سميه وشهد
نجوى : سليم هما هنا هنا والله بس استنى
لقت اشعار ف فونها أن البنتين الراجل عمال يهدد فيهم و يزعقلهم وهيا غضبت اكتر بس خوفها كلو دلوقتى انو لازم ترجع أخواتها بخير
راحت كلمت ادهم
نجوى : ادهم بالله جهز المخزن وكل حاجه تمام ومتعرفش حد حاجه وقفلت ف وشه
وكلمت سيف : سيف تعالى بسرعه على مكان ****تمام ومش عايزة شوشرة ومحدش يعرف باللى بيحصل تمام وقفلت برده
ومروة دخلت بسرعه عليهم : نجوى ايه اللى حصل انتى كويسه
نجوى برعشه وخوف : انا كويسه بس اخواتى اخواتى لازم ارجعهم ..مروة كل حاجه تمشى زى ماهى مش عايزة خبر يطلع بره والعيله الزباله دى متعرفش حاجه عن اللى بيحصل أو اللى هيحصل
مروة : حاضر
وبصت لسليم : وعد هرجع أختك وهتبقى سليمه ومش هيبقى فيها خدش واحد
سليم : نجوى أهدى انتى وفهمينى ايه اللى بيحصل
نجوى : ثق فيا بس تعالى معايا
ركبت العربيه واتصلت على فهد وقالت ليه يقابلها ف مكان *** عشان هتاخده بالفعل اخدته و حكت ليه اللى حصل وساقتها بسرعه عاليه و وصلت المكان اللى سميه وشهد مخطوفين فيه وكان مكان مش بعيد اوى بس ف حته مقطوعه
نجوى وسليم وفهد نزلوا بهدوء
نجوى : فهد اطلع فوق وشوف مين الكبير وانت يا سليم خليك ورايا تمام
فهد طلع بسهوله ودخل من ورى ونجوى دخلت و وراها سليم وكان معاها حديدة دخلت لقت شخصين على الباب كل واحد اتكفل بالتانى و وقعوا على الارض فتحوا الباب لقوا سميه وشهد وحطين عليهم لازقه ونجوى شاورت انهم ميفتحوش بقهم
نجوى جريت عليهم وفكت شهد وسميه وحضنتهم وقالت : انتو كويسين شهد انتى كويسه
شهد : الحمد لله تمام
سميه : الحمد لله يا نجوى
سليم : حد اذاكوا
شهد و سميه : لاء الحمد لله
نجوى : سليم بالله خدهم وروحهم اختك سليمه مفيش فيها حاجه الحمد لله خدهم وروحوا
شويه وسيف وصل ودخل براحه و لقى نجوى والبنتين وسليم
سيف : نجوى انتو كويسين
نجوى : الحمد لله ..فهد فوق
سيف : تمام
سيف طلع وكان فهد ماسك عزيز وسيف طلع ولقاه ماسكه
سيف : اهلا عزيز بيه والله وهتنورنا ونزلوا تحت وهما ماسكينه
سيف : بنات اخرجوا يلا وانتى يا سميه عارفه عربيتى روحى اركبيها انتى وصاحبتك والبنات نفذوا
نجوى بغضب : سيف طلب واحد نص ساعه بس ...
سيف : تمام يا نجوى
نجوى : بس مش هنا
سيف وفهمها و خرجوا نجوى واطمنت على البنات و فهد اخدهم وروحهم على طول ونبه عليهم ميتكلموش وسيف اخد عزيز وركبه العربيه ونجوى وسليم سوى ونجوى ملامحها كلها برود
فهد وصل البنتين البيت ومروة راحت ليهم وفهد راح على المخزن
نجوى وصلت المخزن لقت ادهم ف استقبالها وسيف اخد عزيز ودخله جوه لكن كان مغمى عينه ومربطه
وسليم وراهم وفهد جه ودخل وراهم
ادهم اخد عزيز وربطه على الكرسى ونجوى قعدت ف النص وسيف وفهد على الجمب اليمين وسليم وأدهم على الجمب الشمال
ادهم راح فك اللازقه اللى على بقه ورجع تانى
عزيز : ازيك يا بنت عمى ...أظن فاكرانى كويس صح
نجوى : طبعا
عزيز : لاء بس طلعتى زكيه مش زى زمان فاكره أيام زمان ...بس انا عملت باصلى ومجتش جمب أختك ..أصل بصراحه كانت عضمه مفيش فيها حاجه يعنى مش هتسلينى و....
نجوى قامت عليه زى الوحش وفضلت تضرب فيه وتديله بوكس وتقول بصريخ : انا بكرهكوا كل مدى كرهى بيزيد ليكو اكتر احنا عملنا ليكو ايه ليه كده اخواتى زنبهم ايه ليه تاذونى ف اللى بحبهم بكرهكوا يارب تموتوا كلكوا يارب
وفضلت تضرب فيه لحد ما تقريبا كسرت ليه دراعه وكسرت ليه أنفه و وشه بقى كله دم ومعرفتش تسيطر على نفسها فهد جرى عليها وحضنها من ورى وسيف اخد عزيز بعيد عنها وسليم بيحاول يهدى فيها وأدهم بيحاول ينقذ عزيز
نجوى بصريخ : بكرهك والله كلو هتندموا ..دلوقتى هتبات ف السجن يا زباله وهتعفن فيه انت واهلك
سيف وأدهم اخدو عزيز وفهد بيحاول يهدى فيها وقال لسليم انو هيروح يجيب حقنه مهدئه وسليم ماسك نجوى بيهديها لحد ما فقد السيطره هوا كمان
سليم : نجوى قلتلك أهدى ايه اللى ف قلبك فضى اللى ف قلبك ...عملوا ايه بتكرهيهم ليه