سويد

انتقام

بسم الله الرحمن الرحيم 

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل .. 

قراءة ممتعة 

ــــــــــــــــــــــــــــــــــــــــ

إننا نفترق الآن فراقًا لا لقاء بعده ، ولكنك تستطيع أن تكون على يقين من أنني لن أحب أحدًا غيرك ، لقد استنفذت نفسي في حبك كل كنوزها وآمالها ودموعها ، ليتني أستطيع على الأقل أن أتصور أنك ستظل تذكرني ، لا أقول تحبني ، بل تذكرني، تذكرني فحسب . 

المخلصة دوماً داليدا 

#سُويد2

 #إنتقام_عاهرة 

بداية أولي "فرحة"

 قدري قدركم قدرنا "القدر" إمتحان ؟ نصيب ؟ إبتلاء ؟ تخلي ؟ وجع ؟ حزن ؟ فرح ؟ امممممم كلمة فرح عمري مامرت علي إلا عند غيري فرح نجاح ، فرح زواج ، أيٍ كان مسمي الفرح محرومة منو تقدرو تقولو أنا الصورة النمطية للحزن ، المصايب الكوارث أو أي حاجة تخطر علي بالكم ماجميلة أو مالطيفة بس بالرغم من ده كله في جواي دايماً "أمل" ماعارفة الأمل ده ح يجي من وين وكيف بس في جواي مركون مرات بختفي ومرات بموت خالص ، بحس بي وجودو لما أكون في قمة إنكساري 

بس فكرة انو مامكتوب لي أفرح دي كانت هي المسيطرة علي وكمان علي كل حياتي وده إنعكس علي صورتي العامة حتي علي ملامحي بالرغم من ملامحي الجميلة بس مابتشوف غير الزبول والوهن والنظرات الباهتة والملامح اليائسة . 

"الحياة يا إما حلو ومُر ، أبيض وأسود ، فرح وحزن يعني متضادات قد تكون متناسبة أو لا وممكن تزيد أو تنقص بس عند جزء من الناس متوازية مابتتقاطع عندهم متضادات الحياة ؛ ملاذمهم المُر والأسود والحزن دايماً " 

_يافرح 

_ياغم ياهم ياسجم فرح شنو هسي مالقيتي ليك إسم تسميني ليهو غير فرح ؟ 

_يابتي حرام عليك روحك كفاية نجضتيني وعليتيني عِلة والله خلاص أنا ماقادرة أتحمل وضعك ده 

_خلاص إذا ماقادرة تتحمليني ننتقل طوالي لبلان بي