سويد

٩

بسم الله قبل ما نبدا ..

الرواية دي قيد الكتابة يعني اول ما الكاتبة تنزل انا بانزل باذن الله تعالى .. 

فما تسالوا عن الباقي ..  

قراءة ممتعة 

ــــــــــــــــــــــــــــــــــــــــ

#سويد9

_زوجي انا ، لييه يعني عشان تعمل بيهو شنو ؟! 

_عايز اتكلم معاهو طالما انا كنت ساكن هنا فأكيد بيعرفني محتاج اعرف سيد احمد الكان هنا أنا يعني 

_فكرتك صاح بس ما اعتقد انو كنتو اصحاب وكده

_انتي ما عليك بس اديني الرقم 

_انا ماعندي ليهو رقم 

_كيف يعني مرة ماعندها رقم راجلها ، طيب هو وين 

_كده انا ماعندي ليهو رقم 

_ديدي ده كلام شنو ولا انتي ماعندك راجل وطافشة من السودان بي اولادك ، ولا مطلقة ولا شنو بالظبط 

_ههههههه ياريت 

_ماتجننيني طيب 

_طيب ح اقول ليك عشان ماتحتار 

_قولي طيب شكلو الليلة ده يوم الحكاوي 

_انا اتزوجت وجيت معاهو من السودان بس الزواج كان غصب عن اهلو واستقرينا هنا وامورنا مشت تمام وكان بسافر كتير عشان شغلو وما مستقر وكمان عشان اهلو واجهتنا مشاكل كتيرة اتجاوزناها سوا بس اخر مشكلة دي ماقدرنا نتجاوزها

_طيب المشكلة شنو 

_انا طلبت منو انو يكلم اهلو بما اني كنت علي ولادة عشان علي الاقل يكونو عارفين وضغطت عليهو وعمل حادث في نفس يوم ولادتي بي سبب الموضوع ده وللاسف بعدها سافر السودان وما رجع 

_بس رجع كده بدون اي حاجة 

_اي ده الحصل ومن ديك تاني ما اتواصل معاي 

_يعني طلقك ولا لا 

_ماطلقني وامكن طلعني من حياتو علي كده ونسي او اتناسي وجودي 

_امكن حصلت ليهو حاجة امكن مات امكن في السجن 

_لا لو حصلت حاجة زي دي كنت عرفت الشينة مابتندس

_صاح كلامك طيب وانتي شايفك لسة متعلقة بيهو 

_اي لسة متعلقة بيهو ولسة بحبو مش بقولو الزول بحب مره واحدة بس 

_اي فعلا بقولو 

_انت حصل حبيت ؟! 

_اي حبيت مرتين 

_هو قالو مره واحدة انت تقول حبيت مرتين 

_اي مرتين مرة لما شفت ود عمي وبت عمي وهم بحبو بعض حبيت الحب شديد ودي اول مره احب