سويد

٢٨

_بتول دي انتي يا اختي

_اي اختك الشلتيها من راسك وحساباتك لي درجه انك حتي شكلها نسيتيهو 

_هييي يا اختي العمر ما جري لكن 

_العمر مهما يجري القلب لو نضيف مابنسي لكن انتي قلبك اسود زي الفحم 

_اعفي لي يا اختي انا والله استاهل كل حاجه تقوليها 

_العفو والعافيه وانا زاتي خلاص مفارقه شامه ريحة حنوطي 

_ماتقولي كده 

_عارفه ياسعاد اول ما عرفت من كامل انك ح تجي تقعدي معاي ومن جيتي كل يوم بفكر انتقم منك كيف لحدي عرفت ونفذت وحاليا انتي بتموتي ياسعاد وما عارفه الله يرحمك مقدما 

_ده كلام شنو يابتول يا أختي 

_أختك ؟!! وما كنت اختك لما استخسرتي فيني "حاج محمد" ولا ما كنت اختك لما جنيت وطشيت 

_نرجع نقول دي القسمه يا اختي 

_انا ما اختك والقسمه انتي لو ما طمعتي فيها ماكنت انا لاقيت كامل في وشي في عز الليل وساقني معاهو نضفني وعالجني وعرسني وشال العايزو مني ورماني في اوضه زي الكلبه وكل يوم والتاني يجيني بس عشان ياخد حقو 

ما كان يومي الحملت ضربني ضرب الكلاب ورماني في الشارع في عز الليل 

وطشيت بالشوارع آكل من الكوش ولا حتي اليوم اليطلع لي ود حلال يلمني يطلع هو تاني ويسوقني يرميني تاني زي البهيمه ماكان اول كِلوة يبيعها في حياتو كانت كِلوتي ما كان عمل ثروة من لحمي وحتي بعد قلت خلاص مشيت لي بلد تاني لقيتو قدامي وضيع لي ولدي الوحيد وكلو انتي السبب فيهو ياسعاد 

_انا لو عارفه ده كلو ح يحصل والله يا اختي ما كنت عرست محمد 

_الندم وقتو فات ياسعاد وماعندك زمن تاني للتوبه خلاص دمك كلو مسمم 

_ليه يا اختي 

_لانك قتلتيني بالحياه 

_بتول ، بتول ، بتول ردي علي 

ياااااه علي الدنيا التسوي تلقاه واي زول بتعاقب لو في الدنيا او في الآخره عن نفسي ندمت علي كل حياتي وعلي كل لحظه ضريت فيها زول وح انتظر يومي هنا مع كل الناس الانا آزيتهم استسمحهم يرضو عني ، ابسط حاجه اني اموت هنا مستورة من ارجع السودان ويبقي علي موت وشناة سمعة

___________________________

_سويد اصحي بسم الله عليك مالك 

_كابوس ياديدي ما قادر اتنفس 

_بسم الله عليك ، اشرب المويه دي شفت شنو 

_ما متذكر التفاصيل والله بس مخنوق ح اطلع البلكونه

_طيب تمام ، ح اعمل ليك عصير