سويد

٢٩

وكمان لو رفضت من حقك كامل الرشيدي 

وقبل ما اخلص قرايه لقيت سواق التاكسي بقول لي وصلنا طويت الورقه ودخلتها في جيبي حاسبتو ونزلت ، دخلت مركز الصيانه لقيت اولاد كامل كلهم قاعدين حتي ياسر هو الوحيد الكان مدنقر في الارض وبتململ ، قعدت واتمنيت اللحظات دي تنتهي بي اسرع مايكون لانو في حاجه جواي قالت لي لازم اتم باقي كلام كامل ، جا المحامي بتاع مؤتمن جاب الاوراق المطلوبه وأدي نسخه لي ولد كامل الضابط 

ساق المحامي وطلعوا بره ، انا شفت الاوراق كانت تنازلات عن معارض السيارات وشركات نقل بري " باصات" و معارض اثاثات وكمان مصانع حلويات وعصائر 

مجرد ما جو راجعين مؤتمن بدأ الاجراءات ووقع ليهم وكده خلاص انتهينا الحمدلله قمت علي حيلي عشان اطلع فجأة ود كامل الضابط طلع مسدسو وقال لي : 

_علي فيييين يابن النيل علي فين يابن ابوياااا انتم قايلين كده خلاص لعبتم علينا جري آيييه

_املاكم ورجعت وابوك مابعرف محلو 

_هو في حد جاب سيرة أبوووك لاااا ولا خاطر علي بالي يتعفن محل ما يتعفن مالازمناش

_يااااااه 

_أوماااال ايه ده خلاص فنيتو واحنا قطعنالو تزكره من تلت سنيين 

_دي حاجه بتخصكم واصلا ح ينتظر منكم شنو وانتو ناس اصلها معفن 

_صصصح يابن الكلب احنا كده يلا اطلعولنا بباقي الحاجه 

_حاجة آيه 

_شركة نقل السفن اللي كانت شراكه بينك وبين كامل الرشيدي أبويااااا ولا انت نسيتها ، فوووق يابني

_الشراكه اتلغت من زمان بس الظاهر انت ما عارف ولا شنو يا مؤتمن 

#فلاش_باك 

#الإسكندرية_صيف2010 

_عايزك تكون مركز معاي يا مؤتمن بعد أنا اطلع امي والاولاد بالسلامه إن شاء الله تشيل التوكيل من أبوي محمد وتعمل تنازل بالبيع والشراء لكامل وتخلي الاوراق عندك 

_ولو كامل عرف 

_ما ح يعرف انا مظبط كل الاوراق لي ديدي 

_كيف يعني

_من ضمن اوراق الشراكة ح تكون اوراق انو انا بعت ليهو نصيبي من الشركه بس بي تاريخ متقدم شويه 

_وهو ح يوقع عليهم الاتنين يعني كانو ما عمل حاجه

_ايوه بالظبط كده 

_وأنا مجرد ما الموضوع ده ينتهي ح اوقف التصديق بتاعي حق تشغيل الشركه 

_ايواااا وقع لي كده 

_لانو لا قدر الله حصلت اي حاجه كده او كدا في النهايه قانونيا انا المسؤول 

_ايوه صاح ، علي بركة الله