سويد

١٣

_مرتك ؟!!!!! 

_اي مرتي اتزوجنا الليلة 

_مافهمت كيف الليلة اتزوجتو 

_كده جبنا المأذون وعقدنا هنا في المستشفي 

_ليه ياولدي بتكسر كلمتي وين عفوي ورضياي 

_عفوك ورضاك علي عيني وراسي واكيد انتي كأمي ما ح تقيفي في وش راحتي 

_طالما ده البريحك مابقيف 

_ابقي الموضوع ده كده خلاص انتهي 

_مامشكلة يا ولدي الله يسعدك ويهنيك 

_يعني خلاص راضية يا ست الكل 

_ايوه راضية 

_امي انا مابلزمك بي اي حاجة تجاه مرتي بس ماعايز منك غير تحترميها 

_انا ما عندي معاها حاجة بس انت عارف الشفناهو داك وماقادره انساهو 

_شوفي يا امي ده سوء تفاهم ديل ناس كانو في بيتها يعني ماهي 

_ودي هي القالت ليك كده 

_اي قالت لي وانا صدقتها 

_خير ياولدي العبرة بالنهايات 

طلعت حجة سعاد ما مستوعبة الحاصل ده الصدمة كانت عليها جامده شديد 

بالنسبة لينا انا وسويد كانت ليلة العمر ليلة نسينا فيها كل الفات بدينا فيها صفحة جديدة في حياة جديدة 

وانا في حضنو حسيت اني طفلة متجردة من كل شي روحي بقت في عالم تاني عالم مافيهو الا انا وهو بعيد عن صراع الماضي من وجع الغربة بدون نقص انا منو وهو منو جنسي شنو وأصلو هو شنو كنا اتنين هايمين في بعض مالينا في الدنيا دي غير بعض هويتنا هي وجودنا وحبنا واولادنا هم وطنا واسرتنا 

 الحياة ممكن تديك اي حاجة حلوة ببساطة وممكن تاخدها منك برضو بنفس البساطة بس كيف نحنا نعيش اللحظة ونستمتع بيها عشان لما تجي لحظة الفقد ما نكون ندمانين علي اي لحظة عشناها وما نقول ياريت لو رجع بينا الزمن لانو الزمن عمرو ما يرجع لي ورا ولا الفات ممكن يتعوض

ممكن البدايات تكون صعبة بس النهايات دايما جميلة لانو النهاية هي مجهود صبر ومعاناة للوصول لنتايج عشان كدة دايما لما نخلص حاجة ولو كانت بسيطة او عادية بنجر نفس عميق متبوع بي زفرة واحيانا متبوعة بي صوت "اححححح ، ااااااااه" وبعدها بنشعر بالراحة وبنقيف بعيد عشان نستمتع بالحاجة الأنجزناها وده الحصل معاي بالظبط لما زحيت من سويد ووقفت جم باب الغرفة وبقيت بعاين ليهو

______________________

في شقة حجة سعاد 

_الووو حاج محمد 

_اها ياسعاد خير في شنو في الليل ده 

_ولدك عيان عندو المرض الكعب