________________
اصعب حاجة بالنسبة لي كانت مرض ابوي لاني بعد وفاة امي اتعلقت بيهو شديد ده غير انو كان نبع الحنان بالنسبه لي كان دايما بذكرني بي امي ماعرفة عشان هو بحبها ولا عشان انا ما انساها لدرجة انو ممكن كل مره يحكي لي قصة عنها ومرات بحس انو قصصو فيها خيال اوتأليف بس عشان يتكلم عنها حببني في جنس امي وعاداتهم وتقاليدهم ودايما كان بجيب لي زوريا وهدايا بتخص التقاليد حتي كمان مره جاب لي تربيزة جبنة وعملت الجبنه واتونسنا حولها بكل الطقوس كانو بقول لي دي جزء من هويتك
اول ما رجعنا السودان من السعوديه قال لي اعملي لي الجبنة
قلت ليهو لا لا شراب جبنة تاني ماف اي شي بأثر علي صحتك ح نبعد عنو بس أصر انو اعملها وافقت علي شرط انو ما يشرب بس يقعد معانا
وأثناء ماقاعدين قال لي :
_دليدا يابتي انا ما عايز احرمك من حاجة انتي عايزاها انا عارفك عايزه تقري الجامعة بس انا بقيت زول مرض قلب عايز ادخلك بيتك واسلمك لي راجل يصونك اها رايك شنو
_ الله يطول في عمرك والله يا بابا انا مع امي واخواني مابتجيني عوجة
_انا عارف يابتي لكن
_لكن يا بابا مامعروف اسي يموت منو انا ولا انت اليوم مامعروف انت بس خليها علي الله
_ونعم بالله يابتي
_ربنا ما يحرمني منك ويديك لينا الصحة والعافية وتحضر تخريجي وعرسي كمان انا اوعدك بعد اتخرج اتزوج الانت عايزو وعيوني مغمضة
_لا لا يابتي انا اصلي مابجبرك علي زول انا بسلمك الراجل الانتي عايزاهو والله لو جاني بي عنقرتو وشاريك اديك ليهو ووالله كان ماعندو انا اتمو
_ياسلام يابابا والله انت ماف زيك
_اها يابتي وكان عينك علي زول والله امش ليهو في مكانو واخطبو ليك
_ههههههههههههه والله يابابا ضحكتي
_اي مالو عندنا مثل بقول أخطب لبتك بس يادليدا انا شايف زي ود عمك ده خاتي عينو منك
_لا لا يا بابا هو خاتي عينو علي واحده من بنات خالات اخواني
_اهاااااا لا كان كدي خلاص الله يتمو
_بابا انت محتال والله عايز تعرف لو انا خاته عيني علي ود عمي وتمش تخطبني ليهو مش ههههههه عرفتك
_هههههههههه والله انتي المحتالة يابتي وفهمتيها طايره
_بتك وذكية زيك
_خلاص الذكاوة دي اعمليها لي في الجامعة وارفعي راسي
_كويس بابا انت ماعليك
_انا جهزت ليك امور سفرك خلاص واخوك بسافر معاك يوصلك ويسجل ليك ويمش معاك السوق يشتري ليك اي حاجة عايزاها
_حاضر يابا ، وانا ماعايزة حاجة امي اشترت لي كل شي ماناقصني اي شي
_مابتقصر والله
_بس اهم حاجة والحاجة الوحيده العايزها منك راسك يكون فوق وتملي مركزك
_حاضر يابابا لا راسي ولا راسك مابنزلهم
مشينا الخرطوم ونزلنا مع صاحب بابا في الصحافة كانو ناس كرم والبيت ماشاء الله طابقين انا ادوني غرفة براي في الطابق التاني لصق غرفة بتهم كانت دكتورة متزوجة بس زوجها في الكويت وهي قاعدة معاهم عندها بت وولد وكمان عندهم بت تانيه لسه في الجامعة والباقين صغار والام والابو تحت
كان البيت هادي ورايق ومنظم حبيت البيت وناسوا
مشينا انا واخوي وخلصنا كل الاجراءات وسافر بالسلامة
اول يوم نزلت الجامعة كان يوم مخيف بالنسبه لي ومرعب لان ده مجتمع مختلف ومفتوح فيهو القوي بياكل الضعيف غير رهبة ناس الخرطوم وبنات الخرطوم الدخلوها الناس فيني وانا بي طبعي زولة بسيطة وخوافه في نفس الوقت وعندي دايما فوبيا الاماكن الجديده والمصيبه المهم قويت قلبي وكلام بابا وامي دايما في بالي
ما اتعرفت علي اي زول في الفتره الاولي بس لما جات اول امتحانات وكنت ماشه علي المكتبه صادفت واحدة بتبكي فسألتها
_يا اخت خير مالك
_انا كنت عيانة وما جاهزة لاول امتحان ده نهائ
_كدي دقيقة وقفي بكا اول شي انتي بتقري شنو
_ادارة اعمال
_طيب حلو انا كمان في سنة اولي ادارة يلا مادتك شنو المجرساك دي هسي بشرحها ليك قومي كدي غسلي وشك وارح
_والله جد متاكده
_اي يلا انتي قومي
_أنا ثريا
_انا دليدا
_سبحان الله في نفس التخصص وما حصل اتلاقينا
_اي والله كلو لخير
ومن اليوم ده انا وثريا صحبات دايما بنقعد سوا ونطلع وننزل سوا حكيت ليها عني بالتفصيل وهي كمان وعرفت انها مرتبطه بي ود عمها المابتوقف كلام عنو بس وحبيت الحب منها واتمنيت اني احب زيها مع انو كذا واحد في الجامعة حاولو بس ما اديت نفسي فرصة لانو انا جايه هنا عشان اقراما عشان حب ولا حتي علاقات الجامعة كلها كانت بتقول علي مفترية وعاجباني روحي صاح انا حلوة وشايلة جمال امي وجسمها المميز وحتي لونها وكل تفاصيلها بس عمري مافكرت اني جميلة او اتباهي واتمختر بجمالي
عدت سنة اولي الحمدلله وسافرت بورتسودان ورجعت وبابا صحتو ماشه في تدهور اخوي اصر يجيبهم الخرطوم هو وامي واخواني عشان بابا يتابع في مركز السودان للقلب وده كان الصاح والحمدلله لقينا بيت في نفس شارع صاحب بابا القاعده معاهم
ورحلو وانا ودعت جماعتي ورحلت بيتنا كده كنت مرتاحة ومطمنة كل يوم اجي داخلة البيت ألقي بابا دي نعمة براها
جا رمضان وكنا شغالين جامعة في سنه تانيه شلة ثريا ومعاهم كم شلة كده قالوا ح يعملوا افطار جماعي وثريا اصرت علي عشان حبيبها ح يجي معاها ولازم اشوفوا واتعرف عليه قلت ليها خلاص انا بكلم امي لو وافقت ح اجي وفعلا كلمتها وكلمت بابا ووافقوا علي شرط اسوق معاي واحد من اخواني الصغار
يوم الافطار كان احلي يوم بالنسبه لي لانو اول مرة اطلع خارج إطار الاسرة والجامعة وحتي في ناس معاي في الجامعة الليلة اول مره اتكلم معاهم وده كان حدث الافطار كل التعليقات في انو كيف انا جيت وطلعت معاهم مابين الدهشة وعدم التصديق والونسه بعد الافطار والألعاب كنت فعلا غيرت جو
وجا حبيب ثريا ود عمها وجات اللحظه العرفتني عليهو كان ظريف ودمو خفيف وكمان كان معاهم ود عمهم قالت لي تعالي اعرفك بيه بس رفضت واكتفيت اني اتعرف بي مؤتمن
جات احلي فقرة فقرة المطارحة الشعرية كنا قاعدين شكل دائرة كلنا علي النجيلة تحت عمدان الاضاءة وهبت نسمة باردة من النيل في اللحظة دي حبيت حدائق 6 ابريل جدا واعتبرتهاالجنة في زحمة وسخانة الخرطوم دي وبما اني بحب الشعر وبالذات الجاهلي انتبهت علي الولد وهو بقول :
أنت تقرأ
سويد
Randomصراع الهوية والعادات والتقاليد مابين الحب والوعود انا منو واهلي منو جيت من وين وكيف والوصلني هنا شنو اسئلة بسيطة من حق اي انسان طبيعي يعرف ردها صراع بين شخصين في الماضي والحاضر شخص بيسأل الاسئلة دي وهو صاحي من غيبوبه بعد حادث مرور وهو فاقد للذاكرة ف...
