سويد

٦

_اجي ياولدي سويد ده شنو 

_والله ما عارف ده المحيرني اكتر من البت البشوفها

_طيب البت دي وشها ما ظاهر منو شي 

_لا والله بس لابسه لبسة بيضا غريبة كده ووشها ما ظاهر 

_خير اللهم اجعلو خير نوم ياولدي 

_طيب يا امي عايز أسألك سؤال دليدا دي بتعرفيها 

_بري ياولدي اعرفها من وين اول مره انا اجي شقتك دي من اخر مرة جيناها ايام الحادث زاتنا ماكنا عارفين عندك شقه هنا 

_اهااا خلاص تمام بس لانو شايفكم لما جيت داخل زي كنتو بتتكلمو كلام بي عرفة كده 

_لا ساهي والله ياولدي ياهو حالنا السودانيين نلاقي الزول لي اول مره وكأننا بنعرفو من سنين 

_صحي والله يلا امشي نومي ح اطلع البلكونه انا 

_كويس يلا تصبح عافيه ياولدي 

في اللحظه دي دليدا كانت في البلكونة قاعدة في الكرسي وتاكلة ضهرها علي الحيطة الفاصلة بينها وبين بلكونة شقة سيد احمد وبتسمع في ام كلثوم 

وفاتحة ألبوم صور قديم بتتفرج علي الصور 

سويد كان وراها بالظبط بس فاصل بينهم الحيط بس ما طلع اي صوت عشان مايزعجها وفي اللحظه دي انتهت الاغنية وسمع صوتها وهي بتبكي وحضنت صوره عليها وباست الصورة وقالت " سويد " 

فجأة رد عليها 

_سويد ده منو عليك الله ويعني شنو الكلمة دي 

_سيد احمد بسم الله خلعتني 

_انا اسف والله ماقصدي بس انا عايز اعرف 

_ماعارفة انا زاتي 

_كيف ماعارفة وانتي هسي كنتي بتبكي وبتقولي سويد ، دليدا انا زول فاقد الذاكره وبحلم بي حلم واحد بس وفيهو كلمة واحده بس سويد دي 

_انا ماعارفه أسأل نفسك انا ماعارفة 

_طيب انتي ماعارفة بالنسبة لي شنو ممكن اعرف انتي ليه كنتي بتقولي الكلمه دي 

_انا ده اسم زوجي ، واشتقت ليهو وكنت بعبر عن شوقي ليهو وانت جيت 

_انا اسف والله اسف 

_يلا تصبح علي خير 

_وانتي بخير 

آه ياسويد آه 

" خايفه عليك وما عارفه كيف احميك من الحاجات البتوجعك بس استودعتك ربي في كل لحظه لانو الودائع عندو مابتضيع " ما باقي لي منك غير الصور دي وحتي وانت جمبي ما قادرة ألمسك ما قادره اقول ليك انا مرتك حبيبتك قلبك وانو دي صورة عرسنا