سويد

٢٥

بسم الله قبل ما نبدا ..

الرواية دي قيد الكتابة يعني اول ما الكاتبة تنزل انا بانزل باذن الله تعالى .. 

فما تسالوا عن الباقي ..  

قراءة ممتعة 

ــــــــــــــــــــــــــــــــــــــــ

_اااااي سعاد ، ياسيد احمد أمك الربتك 

_لا أمي الشالتني غصب وبالحيلة من امي 

_زح كدي من وشي زح خليني ادخل 

_تدخلي وين بيتي ؟!!

_ااااي بالزوق بالغصب ح ادخل 

_والله عادي ممكن تدخلي لا غصب ولا زوق بس أفهم اول جاية لشنو 

_لموضوع مهم شديد ، ابوك كامل 

_ماعندي أبو اسمو كامل انا ابوي محمد 

_ههههههههه المهم كامل الرشيدي رسل لي مرسال ، كدي زح لي خليني ادخل اتكلم وانا قاعدة علي الاقل 

_طيب ادخلي وأمري لله 

_كامل رسل لي مرسال مع الولد الكانت معاهم صفيه هو وأمو في القاهرة 

_اممممم اها وعلاقتي انا شنو بالمرسال ده 

_قال عايزك ضروري تجيهو 

_أنا ؟!! 

_ااااي انت ماياكا ولدو في النهاية 

_ولدو انتي ناسية انو انا نص عمري ضاع فعليا بي سبب الراجل ده ونصو التاني بي سببك 

_سيد احمد يا ولدي لكل ظالم نهاية 

_انتي البتقولي كده ؟!! سبحان الله 

_ اي انا البقول كده لانك ما عارف الحصل علي شنو وخلاني اقول كده 

_حصل شنو يعني ومهما حصل اكيد ما زي الحصل لي انا 

_انا عارفة ياولدي 

_ماتقولي ولدي انا ما ولدك 

_اي ما ولدي صاح ما ولدتك بس كمان عمري ما قصرت في تربيتك ولا حصل حسستك انك ما ولدي 

_صاح كلامك بس كمان حرمتي أمي مني مقابل ده كلو ، وكمان حاولتي تقتلي ابوي بي طمعك وجشعك 

_لا والله ما أنا والله ده كامل أنا بس قلت ليهو يخلصني منك ومن مرتك صاح انا ما عجبني اسلوبو بس كمان الشيطان عماني 

_انتي عارفة الولد الجاك معاهو المرسال والجبتيهو دخلتيهو علي مرتي في بيتي ده منو 

_ده واحد هو وامو كامل زمان رسلهم لي سفرتهم مع صفية 

_الولد بكون ولد كامل والمرا مرة كامل 

_يعني اخوك ، سجمي