سويد

١٤

_اجيييي ياولدي كيف الكلام ده 

_اي والله قالت لي الجماعة ديل ما يمشوا لو مهما يكون الا انا اجي ، كدي خشو جوة لما هي تجي 

_خلاص كويس بننتظرها 

_____________________

في مديرية الشرطة 

_سلام عليكم بسأل عن مكتب المدير 

_اخدي شمال في يمين 

_شكرا 

في مكتب المدير 

_اتفضل ادخل 

_السلام عليكم 

_وعليكم السلام اتفضلي ، اقدر اخدمك بشنو 

_انا الجاية اخدمك في حاجة 

_انا ، مافهمت كيف يعني 

_ح افهمك ، قبل تلاته شهور كنت في مأمورية وعرست بالسر والبت حامل وجاتك امس هنا وطردتها صاح ولا انا غلطانه

_لا ما غلطانة ، ولو قايلة انا في مركز زي ده بتهدديني تكوني غلطانة ، واتفضلي اطلعي برة 

_ههههههه انا ما جاية عشان اسمع عوعوتك دي انا بي بساطه جاية اطلعك من المشكله الممكن تقع فيها 

_انا ما ح اقع في مشكله وانا عارف تماما انا بعمل في شنو  

_بس الانت ما عارفوا انو البت دي ممكن توديك ورا الشمس لو ما اتفقت معاي

_دي مابتقدر تعمل حاجة ولا هي ولا خالتها لانهم مقطوعين من شجره 

_انا مابهددك بي قبيلتها التهديد جاي منها هي شخصيا 

_هههههههه يازولة ده كلام فارغ 

_هل لما تمش المحكمة وتشتكي عليك وبعد كم يوم يلقوها جنازة ح تقعد في مكتبك ده تاني ؟!

_شششششنو ده كلام شنو هي مشت المحكمة وماتت 

_لا بس ده الشي العايزه تعملوا ونفس شهود العرس ح يكونو شهود دخولك السجن 

_يازوله انتي منو طيب وعلاقتك بيها شنو

_أنا سعاد في الحسبه خالتها ، اااي اتماشي معاي عشان تكون في السليم 

_طيب يازوله والمطلوب مني شنو ، وانتي فهمك شنو

_أنا عايزة الفي بطنها انا هي مابتهمني

_كيف الشي ده ح يحصل 

_ح اقول انا حامل وهي تتم حملها هي تولد وانا اشيل الطفل بس 

_انا مابقدر اتحمل مسؤوليتها 

_ماف زول قال ليك تتحملها انت بس كل العليك يوم الولادة تكون موجود وتطلع لي شهادة الميلاد بي معرفتك والحاجة التانية ودي المهمة انك تخلصني من خالتها