Who Is Patient X?

WIPX

November 22, 2021

Ang pangalan ko ay Abbygail Mallari, isa akong OJT sa kilalang Asylum dito sa Pilipinas. Nagta-trabaho ako rito bilang isang psychiatrist para sa mga taong may mga physical or mental impairments, mga kriminal o kadalasan ay yung mga biktima ng malubhang trauma sa mga trahedyang naranasan nila sa kanilang pinanggalingang lugar.

Normal ang takbo ng aking buhay, walang problema sa mga taong nakakasalamuha ko at masayang nakikihalubilo sa lahat.

Normal ito noon-- bago ko s'ya nakilala..

March 30, 2021, nang dumating siya sa aming facility.

Una kaming pinagtagpo ng tadhana ay sa loob ng main office ng building, kung saan ako naka-assign na pumwesto. Ipinakilala s'ya sa akin ng aking trainor bilang isang espesyal na pasyente.

Hindi ko alam kung ano ang espesyal sa kan'ya, pero iyon ang sinasabi ng karamihan na naroon kaya hindi na ako nagtanong pa.

Naging exciting para sa akin ang tagpong iyon, dahil ang akala ko'y magiging madali lang ang gagawin kong pakikutungo sa kaniya.

Ngunit nagkamali ako.

Matatalas at may pagdududang tingin, iyon ang una n'yang ibinigay sa akin. Walang emosyon ang kaniyang maamong mukha, ngunit puno ng galit ang kaniyang mga mata.

He don't trust me, iyon ang una kong nabasa sa malamig na titig na kan'yang ibinigay sa akin.

Ang sabi ng aking superior, isa s'ya sa mga pasyenteng may malubhang kaso ng malalang trauma na nakuha niya mula sa isang pangit na karanasan.