ساري الدجى

9

إستمتعوا..♡

__________________

مرت الايام مثل ماخططنا لها كل شيء كان ماشي حاله مع المتسابقين

طلع من مكتبه متجه لغرفة الاجتماعات اللي كانت مهيأه للمتسابقين وجاهزه لعرض تصاميمهم اللي كانوا يشتغلون عليها بدون راحة
دخل متأخر كفايه عشان يخلي الانظار تغطيه بالكامل ويسمع التنهيدات اللي تعطي اشارة انهم مرتاحين الان

نطق ساري وهو ماشي لكرسيه بجانب شاهين.: يلا نبدأ بالمتسابق اللي يحمل رقم واحد
جلس بهدوء وتكتف منتظر النتايج بتمهل وبصبر عالي عكس شاهين اللي كان حماسه يصدر ضجه وازعاج وحركة مفرطه عن العادة اريج كان تركيزها موتر المتسابقين كثير ويارا كانت تتمنى لو مايطلع احد من هالمسابقه..

توجهت المتسابقة رقم واحد مع مانيكان بفستان بسيط يعكس خبرتها القليلة بالابداع..رفع ساري قلمه يقلبه بين ايدينه بعد ما تنهد وهو يشوف فستان مبتذل بهالشكل ماتردد في انه يفكر يقصيها ويأشر بورقته عند اسمها
قلبت اريج شفاتها بخيبة امل وكتبت ملاحظاتها عند اسم المتسابقة سندت ظهرها بإنتظار بقية الازياء..

بعد 60 متسابق تمامًا توجه دجى خالي من اي شيء بيده عكس بقية المتسابقين اللي كانوا يسحبون معاهم المانيكان،رفع شاهين راسه بسرعه لما سمع همس يارا لأريج.: هو العارض اعتقد

تأمل لبس دجى بإعجاب اللي كان عبارة عن بدلة ملكيه باللون البني المحروق وعليها رداء عنابي مطرز عليه بالذهبي المطفي ومزين ببعض الاكسسوارات اللي عطته قيمه وما قل انبهاره بعرضه للزي اللي كان مثالي

حط ساري يده تحت ذقنه وهو يتفحص الزي يحاول يطلع اي ملاحظه لكن شتته صوت اريج.: إذا لاڤوا خسرتك كـ مصمم ماراح تفرط فيك كـ عارض

ابتسم دجى بوسع لما انتبه ليارا اللي كانت توافقها رجع لمكانه وكأنه ضامن الفوز بطريقه غريبه..توجه نظره على عماد اللي صعد على المسرح وبدأ يمشي المانيكان قدامه بثقه

ابتسم شاهين وتكتف بفخر يحاول يثير غضب يارا.: الاولاد غير يا ناس
عقدت يارا حواجبها وضربت كتفه بقسوه.: والبنات يهبلون
تعالت الضحكات بين المتسابقين وابتسم عماد اللي رجع لمكانه بمجرد ماعرض فستانه المميز

بعد فترة مو طويلة..
تقدمت المتسابقه الاخيره منتظره ردة فعل تسر الخاطر من اللجنه اللي كانوا منهكين ويتثاوب فيها شاهين باستمرار
قام ساري من مكانه قبل لاتكمل المتسابقه عرض بدون مايعطيها اي اهتمام.: انتهينا كذا، تقدرون ترجعون بيوتكم وبتوصلكم النتايج بأقرب وقت