إستمتعوا..♡
-
اعلنت الشمس اللي حجبتها الغيوم الداكنة عن بداية يوم ممطر وبارد
فتح عيونه على ضربات سارت فوق خده.: بتقوم ولا كيف
بعد يدها ورجع غمض عيونه بنعاس.: تكفين ابي انام
تأففت ورفعت جواله اللي كان بيدها طول ماهي تصحيه.: هلا والله متسابقكم ماوده يقوم طلعوه من المسابقة وجيبوا واحد بداله محللين ومسامحين
فز دجى وسحب الجوال منها وناظر المتصل بعين وحده.: صاحيه انتي ولا مخبوله
رفع جواله على اذنه وسمع ضحكة مو غريبه عليه ابتسم وحك راسه.: استاذ شاهين! صباح الخير معليش على اللي صار
قطع شاهين ضحكته بتنهيده.: اه الله يسعدها صراحة، انت اللي معليش على الازعاج بس كنت حاب ابلغك انك تجاوزت المرحلة الثانيه يابطل
نط وعبر عن فرحته بدون صوت قريب من جمانه اللي رفعت تيشيرتها لخشمها وهي مبتسمه له.: جد والله! اسعدتني كثير
رد شاهين وهو يحسب عدد المتسابقين اللي باقي مادق عليهم.: تستحق والله الف مبروك عقبال المرحلة السادسة، تحتاج شيء؟
هز راسه بالنفي وبعد بطانيته.: لا اشكرك كثير ولو اكتفيت بايميل يا استاذ ولا تعبك
نزل شاهين قلمه وابتسم.: ابدًا بعدين طعمها غير بالمكالمة لا تقارن،يلا بالتوفيق
قفل جواله وصفق كفه بكف جمانه.: يييسس مابقى الا كم مرحلة ادعي لي بليز بليز
هزت رأسها وهي مثبته التيشيرت على خشمها.: بدعي لك ابشر بس قوم غسل اسنانك
حاول يشم ريحة انفاسه وكشر ودخل الحمام وتكلم بصوت عالي عشان تسمعه.: بعدين ماعرفتي تحطين ميوت لين اصحى فشلتيني يازفت
انسدحت جمانه ورفعت جوالها.: ياخي ما اعرف وش اسوي لامك روح اكتب برقية اعتذار وانتهى الموضوع
تكلم دجى وباسنانه المعجون.: كان تصرفتي
تأففت جمانه وردت بصوت عالي.: وشلون اتصرف احط الجوال في ابطي عشان لايسمع محادثتنا الملكية فارق بس
ضحك دجى وغسل فمه ووجهه وطلع مستعد يغير ملابسه.: طيب غمضي
حطت ايدينها على عيونها بعد مانزل جوالها على بطنها.: خذ راحتك
فصخ بلوزته القطنيه ولبس بجامه خفيفه مع جاكيت يدفي جسمه شوي
سمعت بخات العطر اللي عطتها اشاره عشان تقتح عيونها.: دوج انت لسى تتمرن
هز رأسه وقرب جلس جنبها ولبس شرابه.: احيان مو دايم بس لسى محافظ على اكلي
جلست جمانه وضمت رجولها.: ورني وش هالانانية
انعقدت حواجبه وبعد عنها.: وش اوريك
مدت يدها للبجامه.: افتح خلصني ابشوف مستوى انتاجيتك
رفع البجامه ووقف وهو يستعرض عضلات بطنه وصدره ما كانت كبيره كثير لكن كانت مرسومه ومثاليه.: تقييمك
قلبت شفايفها باعجاب ومدت اصبعها.: تعال قرب
قرب من عندها لين تلامس طرف اصبعها ببطنه..: واو
