إستمتعوا..♡
-
ذعر ، إضطراب ، هلع
أريج اللي طلعت من الغرفة بعدساتها المكبره على عيونها بعد ما كانت تتفحص الازياء اللي بتطلع على الستيج ، شاهين اللي ترك المودلز بدون مايعطيهم ادوارهم كاملة بالعرض ، يارا اللي تخلت عن الميكب وشعرها اللي ما كان جاهز ، محمد اللي ماوقف يجري اتصالاته ويبحث ، واخيرًا جمانه اللي كانت خلف الكواليس بعد ما عطاها شاهين تصريح بالدخول عشان تكون مع دجى
المفقود
تلقوا خبر فقدان ساري ودجى مثل الصاعقة
لا الوقت المناسب ولا الأشخاص المناسبين ، دجى حقق جماهيرية عاليه بالنسبة للمده القصيره اللي ظهر فيها بمواقع التواصل الاجتماعي بدونه راح تكون سمعة الحفل كارثيه بعد ماحجزوا عدد من الناس كراسي بهالحفل خصيصًا عشان يشوفون تصاميمه ويصوتون له
اما ساري ف هو صاحب الحفل كامل ، بدون وجوده النهائيات ملغية
رمى شاهين المتر اللي كان يحاوط رقبته وفتح ازرار قميصه العلويه بضيق.: مستحيل ساري يفوّت حدث مثل هذا، فيه شيء بشع صاير ولازم نعرف وش هو
جلست جمانه على الطرف ماسكه راسها بصدمة وتحاول تفكر بكل قوتها بالاماكن اللي ممكن يتواجدون فيها
جاء احد الموظفين ركض لهم.: بدأت القاعة تستقبل الحضور ، ولاڤوا قربت توصل
مسحت يارا دموعها ورجعت تشد روبها حول خصرها بخوف
غمضت اريج عيونها بقل صبر واشرت له يروح.: ناقصين توتر هنا
رفع شاهين اصبعه لمحمد.: لاڤوا لو عرفت كلنا بننتهي
رفع ايدينه بقلة حيله.: حتى المستشفيات كلمتهم، مالهم طاري
دخلت جمانه لداخل وهي تشيك على ازياء دجى ، عالاقل تكون ازيائه جاهزة حتى لو ما كان موجود
ناظرت بالمودل اللي ما كانت لابسه وسألت باستغراب.: ليه ما لبستي للحين؟
رفعت المودل اكتافها.: ما اعرف والله دجى راح يجيب قماش زيادة من المحل عشان يعدل عالفستان وللحين ما جاء
وقفت لوهله تفكر وركضت لهم فورًا وقالت باستعجال.: اعرف مكانهم
فزوا كلهم ولحقوها وهي تنزل الدرج بشكل سريع وكأنها تبي تلحق قبل لا يصير اي شيء كارثي زيادة
ناظرت يارا بلبسها وتراجعت للخلف وهي تمسح دموعها ووجهت الكلام لشاهين.: طمنني اذا حصلت ساري
مسكت اريج كتفه بنص الدرج.: انا ضروري ارجع للمتسابقين، الموضوع عندك
ربت على يدها ونزل بسرعه وركب سيارته من الباب الخلفي هو ومحمد وجمانه متفاديين الصحافه والاعلام المتكدسين عند البوابات الرئيسية
ضرب الدركسون بقوه وهو يناظر الزحمه والسيارات المتراكمه تحمل عبارات عن المسابقة .: كيف بنوصل الحين
اشرت له جمانه عاليمين، طريق فاضي تمامًا.: روح من هالطريق
دعس شاهين بشكل جنوني ، يكره فكرة ان ساري ممكن يصير له شيء مؤذي حتى لو اعلاميًا
فرك محمد وجهه بتوتر وهو ينتظر اتصال من لؤي يبلغه عالاقل عن المكان
لكن وصله اتصال من رقم غريب ، شخص بالشرطة بلغه ان وصلهم بلاغ عن اثنين تعرضوا للخطف وارسلوا الموقع وبعد ما تأكدوا من صحة البلاغ بيداهمون المكان
