إستمتعوا..♡
-
صباح يوم جديد..
طلع من الحمام لاف المنشفه على خصره وبمنشفه ثانيه يجفف شعره قعد على السرير بدأ يرطب جسمه وتأمل البدله الرسمية اللي تتوسد سريره وكشر بعدم رضاء..قام يحوس بالدولاب لين طلع له لبس كاجوال مريح وانيق بالوقت ذاته
جفف شعره وناظر حواجبه بالمرايه بدقه اخذ الملقط وشال كم شعره زايده من حولها انتهى من كل التفاصيل تعطر كويس وطلع على الصاله
عقد حواجبه وناظره بارهاق.: وين بتروح لسى بدري
مسح على شعره واخذ مفتاح السيارة والبيت.: بودي سيارة مهند وبعدين اروح الشركة
هز رأسه بتفهم وانسدح على الكنب..
لبس جزمته وتكلم وهو يناظر آسر.: روح نام لاتداوم اليوم انا بقول لمهند انك مانمت كويس
طلع من البيت متجه لبيت مهند ركن السيارة قدام الباب ودق عليه لكن مافيه رد، نزل من السيارة وحط المفتاح في احد احواض الشجر صور الحوض وارسل لمهند عشان يسهل عليه عملية البحث
'حطيت المفتاح هنا'
'شكرًا'
'آسر ماراح يداوم اليوم ما نام امس'
بدأ يمشي لمحطة الباص وايدينه بجيوبه رفع عينه للشمس اللي بدت تشتد ورغم هذا الجو بارد
قدر يركب الباص في غضون عشر دقايق
وقدر يوصل الشركة في غضون ربع ساعة كان على التوقيت بالضبط
وقف عند الاستقبال مباشرة.: صباح الخير محمد
رفع راسه ووقف بابتسامة.: اهلين دجى
عقد دجى حواجبه ونطق بعتب.: ليه عيونك حمراء كذا؟
فرك عيونه وتثاوب.: 24 ساعة بدون نوم، امرني بغيت شيء؟
هز رأسه وحرك شعره بيده اليسار.: ايه جاني علم ان المتسابقين تقسموا على فرق وانا مع استاذ ساري بس ما اعرف وين اتجه
قلب شفايفه بتعجب ونزل نظره للكمبيوتر.: ما وصلني خبر، لحظة اشوف
فتح ايميلاته كلها لكن مافيه جديد دخل على محادثته مع ساري وبرضو مافيه اي اشعار رفع نظره وقبل لايتكلم طاح نظره على الشخص اللي كان مستعد للدخول من البوابه الزجاجية الضخمه.: هذا هو جاي تقدر تسأله
التفت دجى للبوابة وهز راسه بتفهم وشكر محمد قبل لا يمشي باتجاه ساري وسكرتيرته اللي ناولته كوب قهوته
انتبه لدجى وهو يقترب اكثر رفع كوب قهوته وقال بعفويه.: انتبه انتبه!
ابتسم وقرب منه اكثر وحط ايدينه وراء ظهره.: صباح الخير وبالعافية ومتى بنبدأ شغل؟
نزل يده وثبت نظراته على دجى وملابسه المريحة قلد طريقة كلامه.: صباح النور وش هاللباقه وتعال معي
ضحك ومشى ورا ساري اللي عطى اشاره لسكرتيرته خلتها توقف مكانها، دخلوا المصعد وناظره دجى بفضول.: كيف تفهم السكرتيره اشاراتك؟
اكتفى بانه ينتظر الطابق المنتظر وطلع على مكتبه يتبعه دجى المتعجب من تجاهله الغير مبرر
