إستمتعوا..♡
بالنسبة لدجى اتجه لغرفة الإجتماعات بعد ما اخذ لفه مع محمد اللي كان يرشده ويعلمه اكثر على الشركة الضخمه واللي مايقدر يكذب ويقول انه ما انبهر،جلس بمكانه ومعاه مية متسابق توتر كثير لما استوعب انه ينافس مية موهوب مايقدر يعرف مدى موهبتهم مايقدر يعرف هو كيف مستواه بالنسبه للبقيه مايعرف اذا كان لازم يضغط على نفسه ويشد حيله ولا يطمئن لانه الافضل او على الاقل منضم مع العشرة الاوائل.
ابتسم نصف ابتسامه لما دخلوا يارا وشاهين ومعاهم انسه كانت واضحه صرامتها من ملامحها ومشيتها حتى دخولها كان مختلف، بس مو زي اختلاف ساري اللي دخل والانظار كلها طاحت عليه ريحته انتشرت بالمكان الشاسع على الرغم من انه امر غير منطقي الا ان عطره كان معروف بالشركة، فواح اكثر من اي شيء ثاني.
حتى انه انسرق منه خمس مرات.
مو مهم، القوا السلام هالأربعه والردود المختلفه والمتفاوته في اوقاتها رنت باذن اللجنه..
تقدمت لهم الأنسة الغريبه بملامح ثابته يدينها خلفها وظهرها مستقيم كانت مثاليه في مشيتها ولا قل انبهار المتسابقين فيها عن انبهارهم بساري.: اهلًا وسهلًا ايش اخباركم؟ انا أريج مساعدتكم في التصميم ومدربه معتمده من الجامعه الفرنسيه للتصميم والازياء راح اساعدكم في اختيار الالوان والقي بعض النصايح الدقيقه واكيد ماراح انسى اوسع معرفتكم حول انواع الاجسام والتصاميم المناسبه لها..
رحبوا فيها جميع من في القاعه واستجابوا لها بإنصات عالي واكملت كلامها بثقه.: متأكده قضيتوا ليله بالأمس لاتنسى مع احبابكم بمناسبة قبولكم بهالمسابقة، انا سعيدة لان من ملامحكم يتضح لي الحماس ايوه هذا اللي ابغاه ابغى اشوف الكل متحمس ومستعد يحارب لأجل الفوز، لكن اقصاء ثلاثين شخص منكم بعد اسبوع ماراح يطمن اغلبيتكم.
ترددت شهقات المتسابقين بالقاعه وسمعت ضحكة يارا الناعمه خلفها وهي حاطه يدها على فمها.: اسفه.
ساري تنهد وهو متكتف وساند ظهره للجدار وبيده قلمه اللي قعد يلعب فيه ونطق بصوت ثقيل خلى الكل ينصت.: ايوه لاتستغربون، ثلاثين شخص منكم راح يتم اقصائهم الاسبوع الجاي كونوا مستعدين وابذلوا جهدكم فوزكم بهالمسابقه فرصه كبيره واستثمار..
شاهين بلل شفاته وابتسم للمتسابقه اللي قدامه تمسح عيونها وكأن مكان الامل تفرغ جواتها وما عاد له وجود،عقد حواجبه بلطف ونطق.: لاتحاولين تبكين بتكسرين لي قلبي.
ضحكت بين دموعها واخذت نفس عميق بعد ما هزت راسها وسمعت صرخات اللي حولها وكأنها الاكثر حظ فيهم..
