إستمتعوا..♡
لاتنسون الفوت والكومنت بين الفقرات
نزل راسه بحذر يشيك على آسر اللي كان غرقان بنومته بالفعل بين احضان مهند مسك الريموت وقفل الفلم شال آسر بحذر ودخل غرفته سدحه ومسح على راسه ووجنته بهدوء وهمس وهو يبوس جبينه.: اخذت نصيبك من إسمك فوق اللازم.
ابتسم وغطى آسر اللي تحرك وانقلب على جنبه، قام من مكانه وراح يرتب الصاله بعد الفوضى اللي احدثوها.
فتح مكيف غرفة آسر تأكد ان كل شيء بخير وطلع من البيت بعد ماسكر الابواب كويس والانوار.
قابل قدامه دُجى اللي شهق وهو عارف ان هذي مو بنية اخوه آسر..
ضحك مهند وفتح فلاش جواله.: بوو
دُجى صفع كتف اللي قدامه وتنهد بارتياح.: الله يلعن ذا الراس
اعتلى صوت ضحكة مهند اللي سأل عن المقابله قبل لا يسأل عن حال دجى.: هاه إنكرشت؟
رجع صفع كتف مهند بمفتاح البيت اللي بيده.: انقبلت
ابتسم مهند واحتضن كتوف دجى اللي كان تقريبًا بنفس القامه.: مبروك ياشيخ عقبال الفوز شد حيلك.
بادله الابتسامه ولف يده على ظهر مهند.: يبارك فيك، وين آسر ليه ماتظل؟
رفع يده اليسرى قدام عين دجى.: شايف الساعه كم؟ آسوري نام وحتى انت لازم تنام عيونك بتنفجر من الاحمرار
إبتعد عن مهند ودخل المفتاح في الثقب وهو يقلده.: آسوري، رح رح الله يسهل لك
ضحك بصوت عالي وصفع راس دجى.: يلا سلام
ابتسم دجى وفتح الباب.: بحفظ الرحمن انتبه للطريق.
دخل البيت وفصخ جزمته وعلق جاكيته اخذ له كاسه مويه واتجه للحمام يغسل اسنانه ووجهه ويقضي حاجته قبل لاينام، لبس بجامه من دولابه باهمال عطر مخدته كـ عاده عجز يتركها واتجه لغرفه آسر.: يالله شقد تنام
حط مخدته جنب آسر وانسدح واحتضنه بين ايدينه غمض عيونه يحاول يتخلص من حماسه لبكره وهو ساند راسه على راس آسر..نام بعد ما اجتاحه حشد من التخيلات اللي خلته يناظر الساعه وينتظر عقاربها تمشي، إيوه كان راح ينتظر الصباح من الحماس لكن الحمدلله إن النوم استولى عليه وتراجع عن الفكرة.
____________
صحى الفجر وهو حاس بصداع يفتك راسه نام أكثر من ١٢ ساعة طبيعي راح يعاني، اتجه للحمام فرش اسنانه وغسل وجهه اتجه للسرير وغمض عيونه بخمول.: متى أتخرج.
فرك عيونه وجلس سحب جواله واندهش من الرسائل.: وااه ذا يحسبني صديقه الحين.
فتح محادثته ورد عليه وجلس يتعبث بجواله كالعاده لين تقدم الوقت وصار لازم يجهز للمدرسة وينزل يفطر..
