إستمتعوا..♡
-
طلع بالدرج والسعادة تغمره بعد الليله الحافله كان كل شيء غير متوقع وخصوصًا انها اول حفلة ميلاد تجمع اهله واصحابه القدامى بعد سنوات طويلة كان فيها منهمك في العمل
تعلقت روبين فجأه برقبته من الخلف.: مبسوط؟
سحبها قدامه من خصرها وباس جبينها.: شكرًا
ابتسمت وضمته بحنان.: كل سنه وانت طيب
بعثر شعرها وكمل خطواته لغرفته وهي برفقته.: ساري وش فيك انت ويارا
انعقدت حواجبه وناظرها بعدم فهم.: وش فينا
استندت على باب غرفته وفركت عيونها.: ليه تتجاهلها بزياده حرام
طبطب على كتفها واشر بعيونه اتجاه غرفتها.: روحي نامي بس
قالت بفضول وترجي.: ساري بليز علمني
قال بصرامة وهو ثابت.: روبين
تأففت بضجر من كتمان ساري المعتاد وقررت تروح غرفتها وتحلل علاقتهم بطريقة تروق لها
دخل غرفته وتوجه للحمام مستعد ياخذ شاور دافي يريح عضلاته وبمجرد ما انتهى ونشف شعره ارتمى لسريره والميداليه بيده
ناظرها لفتره قبل لايتنهد ويحتضنها بكفه ويقفل عيونه براحة شعور من زمان ماشعر فيه
يخالجه الاطمئنان والحب والراحة والانجاز والسعادة
خليط جميل جدًا من المشاعر اللي نام وهي تداعب صدره
_________________
صباح جديد بالشركة
قرروا فيه دجى وجمانه يروحون الصباح مع بعض
وبطريقهم صادفوا عماد ومعاه كوب شاي
ابتسم بمجرد مالمح شعر جمانه الناعم المموج وضحكها الهستيري مع دجى على امور يستحيل اي احد غيرهم يضحك عليها بسبب تفاهتها
خف صوت ضحكتها وهي تناظر في عماد بابتسامه.: اشوفك فزت
هز راسه بالايجاب وسلم على دجى.: ايه الحمدلله
ربت دجى على كتفه بابتسامه.: الحمدلله انك باقي هنا
ابتسم له وكمل الطريق معاهم وهو يقاوم بشده انه مايسولف مع جمانه اللي قالت بضحكة بمجرد ما ابتعد عنهم دجى وهو يسلم على وحده من المتسابقات اللي استمرت معاهم بالمسابقة.: انا انصحك تنسحب والله ماودك دوج يكسر راسك عالهوى مباشرة
ضحك عماد وناظرها.: ترا مب كوره اركدي
قربت منه باصرار.: بيكسر راسسك
هز راسه باستياء وناظر دجى اللي كان خلفهم بامتار.: فداه والله بس ماهقيت
ضحكت باستهزاء وعدلت شعرها اللي تبعثر بسبب الرياح.: على خير
مشوا مع بعض باتجاه الشركه وتنهد عماد بمجرد ما شعر باحساس غريب يراوده وهي قريبه منه قال بدون مقدمات يحاول يتخلص من هالمشاعر.: عازمك على العشاء
ابتسمت وارتفع حاجبها باستنكار من طريقة الطلب.: على خير بعد
لف عليها بسرعه.: وش اللي على خير يعني مب جايه!
ضحكت بدون ماتعطيه اجابه دخلوا الشركة وقبل لاتتجه لغرفة التدريب قالت.: بالتوفيق
وقف بمكانه يناظر قفاها باستغراب .: طيب جايه ولا مب جايه
دخل بعد ثواني دجى لحاله تارك المتسابقه برا مثل ماطلبت منه وقابل بوجهه عماد اللي مازالت عيونه على جمانه
تركه وتوجه للاصنصير
تحديدًا لمكتب ساري
طق الباب مرتين متتاليه ومجرد ماسمع الاذن دخل بابتسامه
رفع ساري عيونه عن اغراضه اللي كان يرتبها فوق طاولته
ابتسم اول ما ناظر بدجى وتوجه له بدون تفكير
