ساري الدجى

14

إستمتعوا..♡
-

وقف ساري عند باب الشركة ولف على دجى اللي كان توه طالع.: عندك سيارة؟
دجى وهو منشغل بجواله.: لا اروح بالباص
طلع مفتاح سيارته وشغلها .: بوصلك
دخل دجى جواله بجيبه ورفع شعره عن عينه.: لا مايحتاج شكرًا

مسك ساري طرف بلوزة دجى وسحبه باتجاه سيارته.: ترا اتفقنا انك بتطبخ لي
ناظره دجى وبعد عن باب السيارة.: لا لا ما اتفقنا انت اتفقت لوحدك
دخله السيارة وهو يتكلم وراح لبابه وجلس على مقعده رتب اغراضه بالمقعد الخلفي وهو متجاهل تذمر دجى اللي يطلب منه يفتح الابواب
اتجه بسيارته برا الشركة ولف على دجى .: وين بيتك
رد وعيونه على الشارع.: مابتعرف الحي ، خلك سيدة

وقف ساري عند الاشارة وكتف ايدينه منتظر السير يمشي
مرت قطوه من بين السيارات مع صاحبها واعتدل دجى بحماس .: الله البسه شعرها يجنن
ابتسم ساري ومشى بمجرد ماتحركت السيارات اللي قدامه.: تبيها؟
حط يده على خده وسندها على الشباك.: عندها مربي
لف ساري الدركسون باتجاه القطوه وصاحبها .: بسيطه ، ندعسه

مسك دجى يد ساري اللي على الدركسون وثبتها على اتجاه واحد وهو يطالع فيه بتعجب.: هيه هيه وش بتسوي
بعد ساري يده لتحت وكمل يمشي بهدوء.: مب انت تبي القطوة
توسعت عيونه ونزل رجله عن الثانيه بسرعه.: انت كنت صادق !
هدأ من سرعته اكثر ولف على دجى.: يمين ولا يسار

اخذ نفس طويل ورجع ظهره على المقعد وهو مركز على الطريق.: يمين
مشى على توصيف دجى وسرعة سيارته ماتتعدى 20 .: كنت امزح لاتخاف
رن جوال ساري ورد بعد تفكير.: همم
طلعت شهقات شاهين اللي خلقت عقدة بين حواجب ساري.: وش صاير
لف عليه دجى وكله تساؤلات لكن حاول مايبان هالشيء عليه كثير
واخيرًا انسمعت كلمات شاهين المتقطعة.: انا انا بالمستشفى هم اخذوها مدري وين بيودونها ما اعرف شيء انا ما ابي عملية الحين ما ابي الحين

داس ساري برجله على البنزين وقفل جواله.: وين بيتك
تكلم دجى بقلق.: انا اروح مشي وقف خلاص
طالعه ساري وبنبرة عالية.: وين البيت
تنهد وناظر الطريق.: عند اللفه الثانيه يسار

في ثواني لقى نفسه قدام بيته سرعة ساري كانت جنونيه ودجى ميت ويعرف مضمون المكالمة اللي قلبت احواله في لحظات
لكن نزل بدون مايقدر يقول شكرًا للمجنون اللي اختفى عن عيونه بمجرد ماسكر الباب اللي طلع منه

اتجه ساري فورًا للمستشفى متجاهل الناس والاشارات اللي تحاول تسد طريقه وبمجرد ماركن سيارته نزل يركض لنفس الطابق اللي اعتاد يزوره مع شاهين
بطأت خطواته لما لاحظ الهيأة المألوفه اللي ماتمنى تقرب لشاهين واقفه معاه الان وبلبس المستشفى ، قرب منهم وارتمى شاهين لاحضانه بدون تمهيد
مسح ساري على ظهره ورفع ايدينه لوجه شاهين مسح دموعه ورفع شعره عن جبينه وهو يتكلم بشويش.: اهدأ الحين نفهم