إستمتعوا..♡
توسعت عيونها بعد ماسمعت كلام دجى اللي اثار غضبها وخلاها تبعد كوب قهوتها من قدامها.: ودين امي لو تسكت له لا امردغك
نطق دجى اللي كان يلعب باصابعه على الطاوله.: جمانه ماينفع والله ودي افوز بالمسابقه ما ابغى اخرب على نفسي بسبب الجنان والهبل هذا..
جمانه.: منجده هذا مسوي كل هالبهرجه عشان كوب قهوه! ويسميه انتقام بعد لعنبببوه
زم دجى شفايفه وحك شعره بحيّرة.: مدري اتلاعب معاه واصير زفت ولا اخاف على المسابقه وانطرم
سندت ظهرها على الكرسي ورجعت شعرها لوراء.: تصدق، ان كان لك حاجه عند الكلب قول له ياسيدي
هز رأسه واعتدل بجلسته.: هذا اللي فكرت فيه، وش صار عليك انتي؟
هزت كتوفها ورفعت كوب قهوتها.: طلبوني شركتين لكن ما احس اني مستعده، دوج عارف احساس اللي ابغى اكل وانام.
دجى.: جمانه احنا كم لنا ندور وظايف ترا هذا الاحساس مانتج الا من ملل ياختي ليه تتعمدين تضيعين الفرص على نفسك.
تنهدت وحطت يدها على خدها: خلاص بروح اشوفهم اسكت عني.
هز رأسه بأسى قبل لاينطق.: طيب اشتغلي مودل، وش رايك؟ فكره سديدة
جمانه.: ايه فكرة سديدة واذا جيت اقيس وزني عندهم وانكسر ميزانهم نادني يامودل.
دجى.: ياجمانه لاتبالغين فيه عارضات للمقاسات الكبيرة.
جمانه حكت شعرها وسندت راسها على كفها بملل.: دوج انسى انسى انسى مره.
_____________
مشى بإتجاه البوابه لكن استوقفه صوت انثوي كان يحاول جاهد انه يوصل لمسامعه.: ساري!! انتظرني
التفت وانتظرها لين وصلت حدّه.: شفيك يارا..
تنهدت ومسكت يده ومشت معاه بدون ماتعطيه فرصة.: الغداء يا ساري الغداء لاتكون نسيته
سايرها بخطواته بقلة حيله وركب معها السيارة وهو يفك عقدة حاجبه باصابعه ويدلك جبينه.: مانسيته
رفعت نظرها له وسألت بإهتمام.: فيك شيء؟
هز رأسه بالنفي ونطق بصوت هادي.: ولاشيء
إنطلقت السيارة وهي ما زالت نظراتها عليه تتفحصه بقلق مدت يدها ليده ومسحت عليها بهدوء.: انا معاك هنا لو حسيت ان فيك شيء تك...
قاطعها بنبرة مرتفعه وهو يسحب يده من تحت يدها.: يارا قلت لك مافيه شيء!!
لحست شفايفها بهدوء وضمت يدها لصدرها بندم.: اللي يريحك
تنهد بعمق وسند رأسه بتعب على المقعد وهو مغمض عيونه
يكره يلاقي إهتمام من يارا بشكل خاص، يارا تقدر تفسر تقبل ساري لها بطريقة ثانيه تمامًا محاولاته في الصد والابتعاد كانت تستنزف منه لكن مايقدر يكون لها كتاب مفتوح لإن بكل بساطه يارا ميّالة واكبر مخاوفه كانت انها ممكن تحبه أو تكن له بعض المشاعر اللي ما كان مستعد يلتزم فيها..
