إستمتعوا..♡
كان يقلب ملعقته بالصحن اللي قدامه بملل القى نظره على عائلته الصغيره والخدم حوالينهم وتنهد بضيق، قام من مكانه قبل لايسمع الجمله اللي اعتاد عليها.: لؤي! متى تستوعب انك لازم ماتقوم لين كلنا ننتهي من الأكل..
نطق لؤي بملل وهو سائم من القوانين الخانقه بهالبيت قبل مايصعد الدرج.: شبعت.
دخل غرفته واخذ نفس عميق بعد ماسكر الباب بالمفتاح استند بظهره على الباب وهو مغمض عيونه.: يالله قد ايش مزعج يالله.
ارتمى لسريره ورفع يده لجبينه وهو يقلد ابوه.: باقي يحط لي جدول الساعه كم اشخ كس ام المثاليه بختنق.
انقلب على جنبه وفتح عيونه وهو يتخيل لو يقول عند ابوه هالكلمه ضحك وحك جبينه بهدوء.: سكته دماغيه فورًا.
فتح جواله وبدأ يتعبث بعشوائيه لين حصل نفسه بعد نص ساعه يكلم شخص مايعرفه انتهى وغمض عيونه مستعد ينام، رغم ان المحادثه اللي خاضها ما كانت ممله ابدًا.
___________
خرج من الغرفة الشبه خانقه بوجود ساري اللي كان بس يبغى يشتت أفكاره ويستنزف صبر دُجى الصامت، لا فعلًا كان صامت وهو اللي استنزف طاقة ساري وهو اللي انقبل وهو اللي مؤمن بفوزه..وبيخلي الناس تؤمن فيه
ابتسم بوسع لما تذكر لطف يارا وشاهين مساعدتهم له وفرحة يارا فيه كثاني ولد بهالمسابقة كان يحس انه ممكن يحتمي فيهم لين يحصل على الجائزه..رفع جواله ودق على آسر اللي كان جواله مشغول قلب بالأرقام ووصل لإسم جمانه دق عليها وهو مبتسم ويلعب باصابع يده..
كلمة "انقبلت" كانت كفيله تخلي جمانه تصرخ بحماس وتقوم من سريرها بعد ما كانت تتابع افلامها وتاكل كل ما لذ وراق لها..تكلمت وبفمها كميه لا بأس بها من البطاطس.: وينك وينك تعال لي.
تنهد وهو يسمع الصوت المقرف اللي طلعته.: بنت! ابلعي بعدين تكلمي جننتيني تراك.
تمتمت بتذمر وهي تلبس جاكيتها وحاطه الجوال بين اذنها وكتفها.: مرني بس
نطق وهو يحك شعره ومستند على الجدار.: ماعندي فلوس تاكسي تبين تجين حياك الله.
تنهدت بملل وفتحت درجها تدور على فلوس.: فقير وقبيح وعديم اخلاق، يلا تعال لقيت عشرين تكفي.
ضحك وثبت شنطة ظهره على كتوفه ومشى وجواله باذنه.: ايه ايه فقير بكره لافزت بالمسابقه لاتسوين انك صديقتي، بيتغير محيطي
فصخت جاكيتها وهزت رأسها بايجاب.: والله لا اوريك ان مابركت فوقك وخليتك تنكتم وتموت.
وقف تاكسي بيده وركب قبل لايوصف للسايق بيت جمانه وهو يضحك.: يالله منك،جهزي الفلوس وانزلي تحت ترا مب بعيد.
