إستمتعوا..♡
-
داهمته خيوط الشمس الذهبية من الشباك الصغير وندم انه قضى ليله بالتفكير ونسى فكرة النوم
فز من السرير وطلع لغرفته يجهز شنطته وملابسه وكل احتياجاته ومانسى عدة التصميم اللي ظن انه يحتاجها بحكم انه مايعرف كيف ممكن تكون موارد المعمل بالقرية
رفع جواله ودق على جمانه وهو يفرك عيونه المحمّرة
وصله صوتها فورًا.: هلا دوج
دجى.: جمانه بتروحين اليوم الشركة؟
حطته سبيكر وجلست تعدل شعرها.: ايه شاهين قال لي ان ساري انتبه لمشيتي ذاك اليوم وانجن الله يجننه رايحة اتدرب لين اموت
قال دجى وهو ماسك قلبه اللي طول الليل يألمه من موج المشاعر اللي داهمه.: خليني اسلم عليك قابليني عند الكوفي حقهم
هزت رأسها بالموافقه وبمجرد ماسكروا راحت تلبس
توجهت للشركة وتصادفت مع ساري اللي كان لابس غير عن العادة ومكتفي بهاينك اسود وبنطلون اسود لكن ماقدرت تنكر بينها وبين نفسها ان كان شكله رائع وملفت كثير
راحت للكوفي تنتظر دجى وماهي دقايق الا صار قدامها مباشره
استغربت خطواته المتسارعه وتصرفاته الغريبة اللي تظهر مدى توتره.: شفيك شفيك عسى ماشر
اخذ نفس وجلس بالكرسي قدامها.: مافيه شيء خايف من السفر شوي
جمانه.: لاتخاف تراها قرية بتستمتعون مره
حك رقبته وتكتف وكل اللي يدور في باله هو كيف ممكن يقابل ساري بعد اللي صار معاهم امس وبمجرد ما قالت جمانة: اوه صح! لايفوتك شكل مديرك اليوم عضلاته مفلوته
فز واعتدل بجلسته.: اي مدير
جمانة.: هاه وش عندك انهبلت يوم سمعت طاريه ومسوي نفسك ماتدري اي مدير بعد
رجع ضبط نفسه واستند بظهره على الكرسي واصبعه السبابه يلعب على على الطاولة بعشوائية.: جمانه وش تخربطين
تكتفت بعد مارجعت شعرها وراء اذنها.: انت اللي علمني وش مخربط مع الادمي وش هالربكة اللي فيك
قطع عليهم حضور شاهين اللي انقذ دجى من موقفه الصعب
اشر لجمانه تقوم ولف على دجى بابتسامة.: رحلة سعيده
لوحت جمانة لدجى وراحت بطواعية وراء شاهين لغرفة التدريب
وقف بنص الغرفة وحط ايدينه على خصرة.: تدريبك انتي بالذات بيكون مكثف لان جاتك ملاحظات من اللجنة
جمانة وهي تتجول بالغرفة.: طيب وش صار على صباح الخير وكيفك
اخفى شاهين ابتسامته ومد لها كعب اطول من اللي اعتادت تلبسه.: بتتدربين على هذا
اخذته على مضض ولبسته وهي جالسه وبمجرد ماحاولت تقوم خانتها رجولها اللي مالت وكانت بتطيح لولا ايدين شاهين السريعة.: انتبهي جمانة انتبهي ليش العجلة هذي
قالت جمانة وهي تحاول تتزن.: تتوقع الكوفي اللي عندكم فيه وظايف
ضحك شاهين بقوة وهو ماسك ذراعها بحيث يلحق عليها قبل تطيح.: عندنا عقود للمودلز بتعجبك نتدرب زين ونوقع العقد
