"အချိန်ကျပြီ။ အပိုင်း(၃)သွားကြည့်လိုက်ဦးမယ်။"
နာရီလက်တံမှာခုနှစ်နာရီစွန်းစွန်းဆိုတာကိုညွှန်ပြသွားသည်နှင့်ရှောင်းကျန့်ကရိပေါ်ရင်ခွင်ထဲမှထွက်ကာအိပ်ယာပေါ်မှာတင်ထားသောအသားရောင်လက်ရှည်လေးကိုကောက်ယူပြီးကိုယ်ပေါ်ကိုထပ်ဝတ်လိုက်သည်။ရိပေါ်ကကုတင်ပေါ်လှဲနေရင်းဇာတ်ကားအသစ်အတွက်trailerကြည့်ရင်းရှောင်းကျန့်ကိုမော့ကြည့်သည်။
" သုံးညရှိပြီ။ ဘယ်ထွက်ထွက်သွားတာလဲ။ "
ရှောင်းကျန့်ကရိပေါ်ကိုပြုံးပြလိုက်ပြီးလက်လေးနဲ့အသာအယာခေါ်ကာသူ့နားကပ်ဖို့ပြောသည်။ရိပေါ်ကလှဲနေရာမှထကာအနားတိုးကပ်ပေးလိုက်တော့
"ဘေးဘက်ခြံကိုလူသစ်တွေပြောင်းလာတာလေ။ညားခါစလင်မယားတဲ့။အသံတွေအရသက်တွေက၅၀ကျော်လောက်နေပြီ။အချစ်နဲ့အသည်းတဲ့ခေါ်တာ ခွီးးအူယားစရာကြီး။အဲ့တာငါဟိုတနေ့ကပန်းပင်တွေအတွက်မြေသြစာသွားထည့်ရင်းကြားလာတာ။ရယ်ရလို့သွားနားထောင်နေတာသုံးညရှိပြီ။မင်းရောလိုက်ဦးမလား။"
ရိပေါ်ကိုပါအဖော်စပ်နေတဲ့ရှောင်းကျန့်ကြောင့်ရိပေါ်သက်ပြင်းသာချမိသည်။ဒီစပ်စပ်စုစုလေးကတော့တကယ့်မလွယ်ကြောလေး။
" မင်းမလိုက်ရင်လည်းနေပေါ့။မျက်နှာကြီးကဘာဖြစ်နေတာလဲ။ငါသွားနားထောင်လိုက်ဦးမယ်။ "
" အနွေးထည်ကြီးကဘာကိစ္စဝတ်သွားတာလဲ ပူကပူနဲ့ "
"အတွဲချောင်းပါတယ်ဆိုမှခြံထဲမီးပိတ်ပြီးမှောင်ရိပ်ခိုချောင်းတာပေါ့။ ခြင်ကိုက်တယ်ကွ ...သွားပြီသွားပြီ။အစပိုင်းတောင်လွတ်ကုန်ပြီ တကယ်ပါပဲ။
ရှောင်းကျန့်ကရိပေါ်ကိုစိတ်မရှည်သလိုပြောပြီးပြေးထွက်သွားသည်။ရိပေါ်လည်းပြတင်းပေါက်တံခါးကိုလိုက်ကာကိုဖယ်ပြီးရှောင်းကျန့်ကိုကြည့်နေလိုက်သည်။အုတ်တံတိုင်းနားကိုနားရွက်လေးကပ်ကာခန္ဓါကိုယ်ကဖားပျံလေးလိုနံရံမှာကပ်ပြီးချောင်းနေလိုက်တာ။ဝါသနာကြီးချက်။
