មួយស្របក់ធំហើយ ដែល ថេហ្យុង អង្គុយរង់ចាំ ជុងហ្គុក មានអារម្មណ៍ថា មិនស្រណុកក្នុងខ្លួនសោះ។
" ឬវាមិនមក? "
" អេ! ហេតុអីយើងត្រូវខ្វល់? ចង់វាមកឬអត់ ជារឿងវាតើ ហឺយ! យ៉ាប់មែន "
រអ៊ូរួចហើយ នាយក៏ប្រុងអូសវ៉ាលីចូលផ្ទះ តែក៏អាក់ដំណើរ ព្រោះមានមនុស្សម្នាក់ស្រែកហៅ។
" សួស្ដី! ក្មួយប្រុស "
អ្នកមីងម្នាក់នៅផ្ទះក្បែរនេះហៅពីក្នុងរបងគាត់ទៅ។
" បាទ! សួស្ដី "
ថេហ៍ ដាក់វ៉ាលីចុះវិញ និងឱនគោរពរាងចំណាស់។
" តើក្មួយទើបតែមកនៅ ទីនេះមែនទេ? "
" បាទមែនហើយ ទើបតែមកថ្ងៃនេះទេ "
" មីងឈ្មោះ ផាក សុីនយ៉ង ក្មួយអាចហៅមីងថា អ្នកមីងផាកក៏បានដែរ "
" អរ! បាទ ឈ្មោះខ្ញុំ គីម ថេហ្យុង អ្នកមីងហៅខ្ញុំថា ថេហ្យុង ធម្មតាក៏បានដែរ "
" ក្មួយនេះចរឹកគួរឲ្យស្លាញ់ណាស់ "
" ហិៗ អ្នកមីងសរសើរពេកហើយ "
" មីងនិយាយការពិត បើក្មួយមានអ្វីឲ្យមីងជួយ អាចហៅមីងបាន កុំខ្លាចចិត្តអី ចាត់ទុកមីងដូចជាអ្នកជិតខាងម្នាក់ទៅចុះ "
" បាទ! អរគុណអ្នកមីងណាស់ ខ្ញុំមិនក្រែងទេ "
" ហៃយ៉ា! ត្រង់ណាស់តើ "
" ហិៗ "
" ចឹងមីងឈប់រំខានហើយ ក្មួយចូលផ្ទះសម្រាកទៅ ផ្ទះនេះមីងតែបោសសម្អាតឲ្យរាល់អាទិត្យ ព្រោះជាផ្ទះដែលមីងធ្វើទុក ហើយក៏មានគេមកទិញ ក្មួយមិនបាច់បារម្ភរឿងធូលី ដីអីទេ មីងសម្អាតស្អាតអស់ហើយ "
" អូ! អ្នកមីងស្គាល់ អ្នកមីងចន ដែលមែនទេ? "
" ចា៎ស! ស្គាល់ កូនៗរៀននៅសាលាជាមួយគ្នា ហើយក៏ស្គាល់គ្នាតាមនិងឯង "
" អរ..."
" មានអ្វីឆ្ងល់ទៀតទេ? "
" បាទ! អត់មានទេ "
" ចឹងមីងទៅហើយ តាមសម្រួលចុះ "
" បាទ! "
ទទួលយកការគោរពពី ថេហ៍ ហើយទើបអ្នកស្រីផាកដើរចេញទៅ។
" កូនគាត់រៀនជាមួយ កូនទន្សាយ? ហឹស! វាប្អូនយើងតែមួយឆ្នាំទេ យើងរៀនចប់ចូលធ្វើការហើយ វានៅរៀន? រៀនសកល ឬវិទ្យាល័យ ហៃយ៉ា! ភ្លេចសួរកូនមីងអាយុប៉ុន្មាន? "
ថេហ៍ ច្រត់ចង្កេះកើតឆ្ងល់ម្នាក់ឯង ចង់ដឹងណាស់កូនទន្សាយសាច់ដុំនេះ រៀនដល់ណាហើយ ឬមួយគេរៀនធ្លាក់? (ស្អប់ ខ្ពើម មិនចង់ជួបមុខ តែខ្វល់ពីគេគ្រប់ពេល យើងនិងស្លាញ់គេមែន? 🙄)
