فصل ليالي

البارت الخامس

عين الغياب وصابتّك
‏وأنا إللي أحتاجك أمان

‏الصدفة إللي جابتك
‏متى يكررها .. الزمان ؟
#سجى
#فصل_ليالي
#ليلى_حسين
•.•.•.•.•.•.•.•.•.•.•.•.•.•.•.•.•.•..•.•.•.•..•.•.•..•.•..•.•.
دخلت للبيت او صارت الشيخه مقابيلي ضليت واكفه او هيه تباوع علي ابكل شموخ

الشيخه اليمامه: تحركي شبيج مصونمه وينجن بناااات

نزلن اثنين بنات من الدرج اجن بتجاهي مبتسمات او اجن باوسني ورحبن بيه اني ضليت مصدمه

مريم: هلاا والله باحلوه نورتي البيت
فرح: حبيبتي شلونج فدوا للحلوات تعالي ليش واكفه

اتمشيت وياهن او هنه يباوعلي من فوك الجوه اتمشيت يم الشيخه ماحسستهم اني مرتبكه مشيتي عدله وصلت يمهه بست راسهه

ليلى: شلونج شيخه
الشيخه: طيبه وبخير
ليلى: دومج يارب
فرح: جده شوفي الجمال والنزاكه والادب
الشيخه: الجمال مرض والادب كتل ابنه
مريم: جده هاي انتي لتعلمينه الحجي الحلو هيج اتكولين
الشيخه: شني ولج يامكصوفه اتعلميني الحجي
مريم: لالا جده حشااا اتغشمر وياج
الشيخه: انه موش بزر مثلج بس باين زلمتج هليمام مابي خيو
فرح: فديتهم عصافير الحب
الشيخه: اهمداج ياعانس
فرح: عااااا جده ياعانس كله كله عمري٢١
مريم: اخذتنه السوالف او الحلوه نسيناهه شنو اسمج
ليلى: ليلى
فرح: عاشت الاسامي انتي بعمري مو
ليلى: لاا اني عمري٢٠
مريم: العمر الطايل انشالله تعالي اكيد تعبانه كومي ويانه

اترخصت من الشيخه او كمت وياهن صعدنه فوك دخله الغرفه امرتبه بيهه سريرين او كنتور ٤خانات وميز صغير علي كتب وميز تواليت هم اصغير

فرح: هاي غرفتنه اني وياج واااي وأخيراً صرنه زملاء
مريم: ههههههه يي دخبلي البت
فرح: حبيبتي اصلن اني العقل كله
مريم: يي منج او يبطل
فرح: انشالله عجبتج
ليلى: كلش حلوا حبيبي متقصرين
فرح: يعمري ردج عسل اكثر منج
ليلى: ترا ماحب المدح لهوايه انغرر هيج
مريم: ههههههه عسا محد ينغر غيرج
ليلى: يعمري انتي
فرح: شوفي فضيتلج خانتين على مود غراضج
ليلى: تسلمين تعبتج
فرح: لااا عيني تعبج راحه يلا احنه ننزل جوا اشوي او اجي
ليلى: اخذو راحتكم

راحن او اني ضليت الوحدي اشوي ارتاحيت لان تعاملهم كلش حلو كليت الجند باغرفه يووو يمته صعدوهن صلعت اتراك صيفي لبسته او كعدت اصفط بغراضي خلصت او نمت ماحسيت غير فرح اتكعدني

فرح: صح النوم ياحلو
ليلى: بيش الساعه
فرح: با٦المغرب مو زين تنامين المغرب يلا كومي
ليلى: بس اريد اروح للحمام
فرح: بس اتفتحين الباب مقابيلج الحمام
ليلى: ماشي اني رايحه

رحت للحمام اباوع على الطابق الثاني بي صاله او تخم قنفات او بلازمه او اهوايه غرف رحت للحمام خصلت وجهي او طلعت دخلت لكيت فرح تلعب ابتلفونهه