فصل ليالي

البارت__٣٨

‏إنك بنيت و غرست بداخلي شعور لا يمكنني أن أُزيله مني، إنني أتغذى على صوّتك على كلماتُك على جميع أشيائك حتى التي لا تأبه لها، و أشعُر دونك أن كل شيء ثقيل و باهت و الدنيا بما حوّت لا لذة لها أو لون في عيني💜💜

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
ليلى نمنه واحنه كل وحده تفكيرهه بعيييد عن الثانيه
اول مرا نرجع من عرس لوحفله ومانكعد وضل انسولف
على الحفله جانت الافكار متملكتنه كلش وتفكيرنه يختلف
عن الثانيه شي مزعوجه من اليوم وشي فرحانه وتتمنه
ينعاد حته ترجع تلتقي بحبابهه وجدد الصار اليوم

واني افكر هم باصار وياي اليوم وشنو قصده من كال
راح افاجئج ورا العرس وليش جان واثق وجنه صدك
راح يسوي شي حسين حسب معرفتي اله ليكوله لازم
ايصير حته لو يعاند الناس كلهه بس المهم لباله يسوي
نمت واني اكو خوفه متملكتني ومسيطره علي مومرتاحه

كعدت ثاني يوم اباوع نوره كاعده وصافنه وماتحجي
والبنات نايمات حته بنين ماراحت البيتهم ضلت يمنه

ليلى: نوره هيييووو صباحوو
نور: صباحو لولو
ليلى: شبيج صافنه
نور: لااا ماكو شي بس حلم خايس
ليلى: يمعوده اذا على الاحلام كل يوم حلم خايس
نور: شوف هذن جنهن اموات
ليلى: هههههه تلكينهن البارحه اشتغلن حلم يقضه
نور: كلبهن ارچيچ خطيه
ليلى: نوره تدرين حاسه راح ارجع البيت سلطان
نور: ليش سمعتي شي
ليلى: يي حسين البارحه كال
نور: كال راح ارجعج؟؟؟؟؟
ليلى: لاااا بس كال ورا العرس راح افاجئج
نور: لولو شوفي حقج ماترجعيله بعد الصار كله بس هم
مو حقج اتمنعينه منج هاذ رجلج
ليلى: ولج يارجل هاذ اني بانسبه الهم فصليه
نور: لاا اجذبين البارحه اباوعلهم اشلون ايعملونج وشلون
فرحو من شافوج والج قيمتج بينهم الاهل اشدخلهم
ليلى: طابت نفسي منه نوره
نور: هم لاجذبين ترا انتي اتحبينه ومبين عليج صح
يمكن اذاج بس ترا هوه هم ايحبج
ليلى: الي يحب ايروح ايجيب وحده ويحطهه كدامي
الي يحب يطعن بيه ويصدك غيري الي يحب يتلذذ
بتعذيب ليحبه
نور: لولو ترا حرامات واحد يعوف الثاني لا انتي
تتحملين وشايفه هل شي من امس ولا هوه راح يعوفج
ليلى: اجذب على نفسي وكول ماحبه وريد اعوفه بس
حجي اريد فعل ماكدر
نور: ياحبيبتي اذا هيج اتحبينه انطو الروحكم فرصه
ليلى: وهااي البابيت شلون اكدر اشوفهه
نور: يمعوده ترا هاي ضيفه وشهر وتولي
ليلى: ماكدر اشوفهه كبالي اسمهه مرته
نور: بس بااسم هوه كلبه وياج وروحه وياج لولو والله
حرامات اتركون
ليلى: الله كريم

كمت رحت غسلت ورجعت لكيتهن كاعدات كلهن وكل
وحده كاضه تلفونهه

ليلى: صبااااحو
ضحى: ييي والله صباحو ورد ومعطر بامسك
ساره: لاااا صباحي ورد جوري
بنين: لااا اني غير صباحي حقول من الورد
نور: تراا اتلاعبن النفس
ليلى: هاااي شكوو الغرفه انترست ورد
ضحى: ييي حقجن ماحلمتن احلام ورديه
بنين: وااااااااي احله حلم تدرن البارحه مابدي يخلص
ساره: مووو مثلي اني ابدي مااوصل البيت
ليلى: العفوو بس ترا جوعاانين
نور: يلاا كومن حته نتغده وياهم ونروح لبيوتنه
ساره: انتي روحي اني ماعندي شي اضل
بنين: لااا والله اني اروح هسه حيدر كاض الباب
ضحى: اتغدن وروحن