فصل ليالي

البارت__٦٨

ترى المحبين صرعى في ديارِهِمُ
كفتية الكهف لا يدرون كم لبثوا

قومٌ إذا هجروا من بعدِ ما وصلوا
ماتوا، وإن عاد وصلٌ بعدَه بُعثوا

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
الشيخ: وييين الولد ليش محد بابيت
مريم: عمي طالعين كلهم يمكن بامزرعه
الشيخ: لااا ربي اولادي كلشي ولا اولادي
الشيخه: شبلاك يحمدان وشبلاهم اولادنه
الشيخ: مابلاهم يمه اله الخير
الشيخه: حمدان حدر وراي

راحو وحنه ضلينه مانعرف شنو الموضوع وليش هيج
الشيخ خايف عليهم انوب احنه هم زاد خوفنه اكثر عليهم
صار العشا وهمه ماكو ايخابرهم ايكلوله شوي ونجي
ب١٢ياله اجو من بعد ماروحنه راحت واحنه ماندري
حته شكو دخلو كلهم للبيت والشيخ كاعد باصاله وحنه
هم كاعدين دخلو وهمه مايدرون شكو

حسين: خير انشالله بويه شنهوو جرا
بهاء: بويه صاير شي هاي اول مرا هيج اتسوي
همام: اجينه على مودك اعتذرنه من وادم وجينه بويه
سيف: حكك علي بويه تلفوني مابي شحن
الشيخه: ابوكم بحلجه جلام وانه بعد
حسين: يي جده غير نفتهم شكو هاي اول مرا هيج انتم
تسونهه وتخابرون علينه وتردونه ترانه مو بزران
الشيخ: سالم وين
سيف: راح البيتهم بويه
الشيخ: وين جنتو الهسه
بهاء: بويه جان فهاد مسوي حفله لسويف لان عرسه
كرب وفرحانين بي بامزرعه مالته
همام: يعني هسه شني بويه ماتكول شكو
الشيخ: مناا وغاد ماطلعون مجان اذا سلاحكم مو بسدكم
حسين: بويه انه سلاحي دومه باسياره وياي بس ليش
الشيخ: مووو باسيااااره تخلونه بثيابكم السياره تبعد
سيف: يي غير نفتهم شكو بويه
الشيخه: اسمعو چلام ابوكم وكفاياكم يلا كل واحد داره
حسين: شنو هل حجي هاذ جده شكو اصاير وهيج انتم
تحجون ويانه من ايمت هيج تسوون
الشيخ: الكالته جدتك تسونه وكل واحد الداره يلاا
بهاء: مو قبل مانفتهم شكو شني بويه بزران احنه وما
تحجون شكو اكو واحد مهددنه لو واحد يريد يچتلنه
الشيخه: بهااااء منهوو ليكرب صوبكم وانه عايشه منهو
ليمس شعره من احفاد اليمامه وانه اشم الهوا
حسين: جده والله مااصعد وتحرم علي داري اذا مانفهم
شكو وليش هيج تحجون ويانه
الشيخ: ماصار شي بس خذو حذركم الدنيه صايره مو
امان وحنه عدنه چثير عدوان
همام: الحافض الله بويه لاتخاف واحنه ترباتك مانريدك
تخاف علينه
الشيخه: اسمعو ياحفاد سلطان وهل چلام توصلوه بعد
لبوذياب من لساني انتم  زلم وتربات سلطان وحمدان
وماينخاف عليكم وواحدكم يهد الحيل ويكطع النفس بس
الحذر واجب وانتم بعد كل واحد بركبته حرمه ونشالله
حيلهن باسلامه حباله وراح يولدن سباع مثل زلمهن
واذا بت بتطلع مثل اليمامه وامهاتهن الشيخات وچلامي
هاذ مابي يطخ الكاع حذاريكم بهل ايام والحذر واجب

كلهه سكتت وكل واحد راح الغرفته وحنه وراهم
دخل وضل ينزع ابملابسه ويغلط ويسب مادري بيمن
ويشمر باملابس راح كعد هلى الطخم وضل صافن
مادي بيمن اني هم وحت يمه ونزلت على اركباتي
وحضنته وضليت اشم بي احس وحامي على عطره
هوه هم حضني وخرت عنه وكضيت وجهه بدي اثنينهن