فصل ليالي

البارت__٦٩

- ‏أميّزك بحواس أخرى
كما تميّزُ النملةُ ،
رغم العواصف ثقبَ بيتها
أعثرُ عليك ، مهما ضعت
كما يعثرُ المسافرُ على مدينته الضائعة
أخلقك ، كما يخلقُ الطفل ألعابه ،
وأحبك أيضا كما يحبها .

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
بنين احله شي صار الي هيه موافقة بابا على سيف
صرت اسعد وحده باعالم من صار سيف خطيبي و
حبيبي وكلشي بانسبه الي ماشوف احد غيره ولا مله
عيني احد غيره فترة الخطوبه كلهه مامر يوم زعلت
بي ولا مر يوم اذا ماكبر حبي اله اكثر من اليوم القبله

صار النيشان والحنه سوا ولولو مو هنا بديي وطلعت
حامل كلش فرحتلهه هيه وساره راح يصيرن امهات
ادري مايلوكلهن بس بعد شنسوي نصور وهسه ميته
من القهر لان ماحضرت عاد اتحلفت راح اسويلي هم
بارتي مثل ضحى ونوره حته انعوضهه على الحفله

رحت للصالون اني ونوره وساره وضحى هم ويانه
خلصن وراحن قبلنه للقاعه حته يشوفن النواقص و
ضلت يمي نوره لبست فستان ذهبي ملكي كلش حلو
وفخم خلصت واجه حبيبي اخذني ورحنه للستيديو
ونوره ويانه هم دخلنه وقبل لا تدخل المصوره هوه
استفرد بيه وضل يلزلز واني ميته خجل من حركاته

طولت المصوره شكيت بي هوه متفق وياهه لان ماكو
هيج تأخير حركاته لمساته كلامه خلاني بغير عالم
واني ماناقصه ضليت ماعرف حته اتحرك من الخجل
والارتباك بس هوه منطلق مافصلنه غير دكت الباب
هوه طفر بسرعه دخلت المصوره ونوره اتباوعلي و
تضحك علي اجت عدلتني وبدينه باتصوير خلصنه

ورحنه للقاعه واني طايره من الفرح مامصدكه هاي
كله الي اني وحبيبي سيف صارت دخوليتنه ملكيه
وحته الموسيقى ملكيه كعدني على الكوشه وراح هوه
وبدت الحفله الحلوا ابدي مااكعد من الركص بس لا
عيب الشيخه ماحضرت ماعرف ليش وفرح كل شوي
تجي تكضني وتركصني والبنات يصورن الولو حته
يحنصن بيهه وهيه ميته تريد تجي

صارت جلوتي وحبيت هل مرا اغير وشوي شي
مختلف وسويت جلوا بدويه لبست لبس بدوس وحته
وشم خليت بحنجي والديكور خيمه يعني اجواء هيج
بدويه دخلني البنات وسولي الجلوا وشوف ماما من
بعيد اتباوعلي نزلت دموعي لا اراديه هيج وهيه هم
وياي ينزلن وتمسحهن هلصت الجلوا ودكت الدكاكه
وبس اني وامي نركص سحبتهه وضلينه نركص

خلصت الحفله والحمدالله صارت مثل مااريد واحله
هم رجعنه للبيت واني ايامي كلهه ورديه من حبيبي
اجت لولو من دبي هيه ورجلهه وعزمنه بوصكر على
الغدا لان حته هوه ماحضر وصدك كعدت من الصبح
سبحت ومكيجت وبدلت لبست بنطرون ابيض وبدي
اسود وبشت كلش حلو ونازك كريمي وبي حزام هم
اسود وحجاب اليض وكعب كريمي والجنطه بيضه

اجه حبيبي اباوعله يروحي شلون طالع يجنن هيج
اموت على شكله بادشداشه والغتره الافهه والمناضر
رحنه للمطعم كلش حلو وفخم وتفاجئة من شفت حته
نوره وفهاد وضحى ومحمد وساره وسالم هم جاين