فصل ليالي

البارت__٣٤

سنلتقي ..
بعد يوم ، بعد أعوام ، بعد ألف روزنامة أمزقها بحثاً عن يوم أنت فيه لألقاك صدفة ، قد ترمي عليَّ سؤالاً غبياً ، مثلاً كيف حالك ؟ حسناً ، خذ جوابك قبل قرن من موعدنا ، لستُ بخير مادمت لست معي !🖤

#يجي
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•
ليلى: مصطفى

رحتله وهوه واكف مبتسم شبكته وضليت ابجي
مشتاقتله هاذ اخوي وحبيبي وصديقي وكلشي عندي
باس راسي ووخرني وكعدني يمه

مصطفى: شلونج
ليلى: زعلانه عليك اهواي اراسلك وماترد ليش
اتصل عليك وماترد ليش يجوني يشوفنوني وانت
مو وياهم هم ليش شنو ماشتاقيتلي
مصطفى: انه اسف وحقج باكلتي كله
ليلى: ييي خوش حقي صاحبتي وصاحبتي وينك
مصطفى: هسه شنو تردين امري افصلج
ليلى: سلامتك والله كلشي ماريد
مصطفى: اشلونج اهناك سولج شي
ليلى: الحمدالله زينه والناس طلعو كلش خوش ناس
حته اشكد ايحبوني ومن اجيت كلش زعلو
مصطفى: ليش رجعتي اله مسويلج شي
ليلى: صار سوء فهم ونشالله ينحل
مصطفى: يي وشنوو من ينحل ترجعيلهم؟؟؟
ليلى: لااا يمكن بعد مارجع
مصطفى: مويمكن اكيد بعد مانخليج اترجعين
ليلى: الله كريم

شوي واخابرن خلاتي يجن البيت جدو يشوفني
وصدك كامت عمه اتكمل الغدا وحنه هم انخبصنه
باغدا وياهه راحو الولد جابو سمج شوي وحنه
سوينه التمن والمرك والمقبلات اكفات باطارمه

ودخلت خالتي الجبيره رحت الهه سلمت عليهه
ودخلت انوب اجت خالتي الثانيه وهم سلمت عليهه
ودخلت اخير شي اجت امي وضلت تبجي واني اهدي
بيهه

مها: ولج يمه اشلونج
ليلى: ماما والله زينه
مها: هاي هيه غير بعد ماترجعين
ليلى: الله كريم يمه
مها: ليش ماجيتي النه
ليلى: بابا اياد راد اهنا اضل
مها: يلاا اهم شي اجيتي
ليلى: يلاا تعاي دخلي

صبينه الغدا وسفره اشطولهه وكعدنه وسوالف
وضحك صدك جنت محتاجه هاي اللمه الحلوا
كل شوي واحد يسألني على بيت سلطان واني
اجاوب على كد السؤال ماحب انطي بيهم ولا اريد
اكلهم هيج سوو وهيج سوو اسأله اهوايه وجواب عادي

خلصنه وكمنه غسلنه امواعين كل مرا يطيح علي
وعلى ضحيوو وساره تفتح الديجي وضل تتمركص
يمنه وصدك شغلته واني كل اشوي اروح وياهه
اركص ورجع اجر ضحى ونركص لو حلم اليقضه

وبنين ونوره التهم باجاي والصب كل ساع ملن
يجن هم اشوي ويانه يتمركصن ويرحن انوب
عاد خلصنه ورحنه كعدنه يمهم جانت بيومهه
الكعده اجنن اتناسيت كلشي صار وياي البارحه

صار العصر صعدنه بدلنه ومكيجنه ونزلنه باصاله
انكص صور لو انشغل اغاني ونركص ونصور
لو انمثل عود عرس وحده من عدنه ودائمن اني
الزلمه مايوم اني العروس اني العريس وساره العروس