فصل ليالي

البارت__٣١

تسير القدم من حيث ماهي تسير الروح
‏ويظهر على وجه الشقي ما يكن الجاش

‏يهون اني أسري الليل الأسود بليّا ضوح
‏ولا اسري الليالي الصافية والنهايه ماش .

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
حسين: ماطلعين من هاذ البيت ابنيه
ليلى: مستغربه من انانيتك وحقارتك عمري ماتخيلت
بيوم راح تطلع هيج لو راح اتخليني ابهاذ الموقف
مستكثر علي اطلع منا عندي اشوي قوا وخاطر الي
النفسي تريد اطلعني مكسورا اكثر من هيج
حسين: محد كلج طلعي ليالي هاذ البيت بيتج وهاي
الغرفه الج لا اطلعين ماترديني حاضر يجرالج بس
لا ترحين ماتردين اوصلج هم حاضر
ليلى: مستغربه منك كل مرا تجرحني وداويني بس
هسه ليش جرحتني بس ماكو دوا ماطاب جرحي لا
بكلام ولا بافعل حته
حسين: ليالي اردهه بعد شهر وعيونج
ليلى: حسين افهم انته جنت شمعه ابكلبي وبروحي
هسه هاي الشمعه انطفت لو شما اسوي ماراح ترجع
تضوي كلبي الك
حسين: والله ارجعهه بس ضلي ارجع انور كلبج
وروحج وكلج ارجع الحبج وقوي اكثر من قبل بس
لا ترحين
ليلى: ماكدر اكعد ابمكان انته بي ماكدر اشم ريحتك
احسهه تخنكني ماكدر اشوفك احس عيوني تنعمي
ماكدر احجي وياك احس روحي تلعب حسين انته
حولت حبي الك كله الكره هسه ابكلبي ماكو غيره
حسين: افاااا هسه صار هاذ الحجي تذكرين جنتي
ماتغفين اله على ريحتي جنتي ماترتاحين بايوم
اذا ماتشوفيني جنتي تتخبلين اذا ماحجيتي وياي
لو تتحارشين بيه بس حته اخذج ابحضني
ليلى: لاتذكرني بوحده ماتت ودفنتهه ودفنت وياهه
كل هاذ الحجي هسه اني ماتذكر منك غير الوجع
الهديته الي الكلب اذا حب شخص ورجع كرهه
مستحيل يرجع ينبضله
حسين: والمطلوب يبت الناس
ليلى: المطلوب تعرفه مو بس انته صارو كلهه
حسين: الله كريم يبت كلبي
ليلى: هاذ الحجي بعد مايمشي وياي واذا الله كريم
ف ماكو اكرم منه حسين لاتخليني اسوي شي اني
ماريد اسوي ولا يعجبك
حسين: يجرالچ يجرالچ يبت هل كلب

عافني وطلع واني انفجرت بابجي واللوم على روحي
هاي بس اني هيج هاي بس اني من حبيت هيج
يصير وياي ليش ياربي ليش ماتكمل وياي ليش اضل
عمري كله موجوعه اذا تدري راح اتركه ليش
زرعت حبه ابكلبي ليش خليتني احبه ومااشوف غيره

ليش خليت كلبي يلچم منه اذا هيج مكتوب علي
يارب مثل مازرعت بذرة حسين بكلبي اخذهه مني
ماريدهه كافي مذله كافي ادوس على كرامتي وقبل
وكول بعد كمل كافي احرك بروحي شيله من كلبي

اذا هيج الحب ماريده اذا هيج يذل ماريده اذا هيج
يأذي ماريده خليني اروح منا واني تاركه كلشي
وراي حته ماريد اتذكر اني حبيت بهل بيت ماريد
اتذكر اي موقف جمعني بي يارب تعبت بعد مابيه

خلصت بجي مسحت دموعي وكمت طشرت كل
الملابس باكاع رجعت لميتهن وهم رجعت طشرتهن
شنو اريد ليش اكو شي مانعني اروح ليش مايطيني
كلبي الم هل ملابس وروح ليش هيج ايصير اوياي
كافي مامليتي ماتعبتي ياروحي هاي هيه خلصنه