فصل ليالي

البارت__١١

‏صير لي
‏لا تصير انت مع الدنيا علي
‏ولا تعذر بالظروف
‏ولا تقول ان مابيدك حلول
‏وانت بيدك كل شي

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
ليلى: وخرر عني اذيتني حيل ليش هيج دم😭🥺
حسين: ليش البجي بويه شبيج؟؟
ليلى: ليش هيج سويت
حسين: شفتج يابسه ومايجوز الجرح يصك لازم يلين
ليلى: والي يلين يطلع دم ويأذي
حسين: اكيد عشان اطلع الدم الفاسد

دار وجهه وهوه يبتسم ويهز راسه اول مرا اشوف رصعاته من يبتسم سرحت بشكله يربي صدك هاذ الي عمري كله اتمنه اخذ واحد حلو هيج الله يحبني وحققلي حلمي او مو بس حلو لااا هيبه ورجوله وخشونه اووف شعدد وشخلي

لالا ليلى شبييج اتمالكي نفسج يمعوده ترا انتي مو مطوله اهنا اتخلص المده وترحين مناا وتنسين بعد هل بيت والبي او هوه خاطب يعني مرجوعه يتزوج مالازم احبه ابد وتعلق بي لان مبين مامن ورا غير شلاع الروح

صحيت من تفكيري وهوه يمشي بتجاهي انتبهت بعده بامنشفه يبووو غطيت وجهي بالحاف بساع هوه ضل مصدوم يريد يوخر اللحاف بس اني متمسكه بي

حسين: بس بعدي عشان الجرح اضمده لج
ليلى: لالا ماريد اني اسوي
حسين: ماتعرفين شبيج يبت الناس بس بعدي
ليلى: ماريد يعني ماريد كتلك

شو هاذ جر اللحاف مني حيل وعاكد حواجبه ويباوعلي بستغراب على عصبيه اني خفت لا يضربني بعده بامنشفه غمضت عيوني حيييل حسيت بي اجه بتجاهي وايده اتلمست وجهي اني انفااسي صارت سريعه

حسين: فتحي عيونج
ليلى: الله يخليك روح
حسين:شبيج يبت الناس فيني شي غلط
ليلى: حباب روح واني افتح عيوني
حسين: شنهوو هاذ الكلام اذا على الدم بويه انه اسف وحكج علي بس لازم
ليلى: لالا بس..........
حسين: بس وشوووو؟؟
ليلى: روح البس شي الله يخلك عيب هيج

ثواني وسمعته ضحك ضحكه بصوت عالي اني فتحت عيوني مصدومه اول مرا اشوفه هيج يضحك بصوت عالي مكتف ايديه ورافع راسه ويضحك اني بستهبال ابتسمت مادري ليش على فشلتي يمكن باوعلي رجعت غمضت عيوني سمعته راح للحمام فتحت عيوني

وكمت جريت اللحاف بساع وتغطيت شوي وطلع لابس شورت وفانيله تعلاكه وجسمه امفصل عليهه بس الشورت طويل اشوي اجه وبيده باكيت اللزكات فتح وحده وخلاهه بجبهتي والثانيه صغيره خلاهه جوه شفتي

الخجل والتوتر موووتني لان يتلمس ابوجهي من خله اللزكه على شفتي احسه يتعمد يتلمس بيهه بصبعه الصغير احس روحي عركت وتيهت كاع الله وين بس خلص درت وجهي وتغطيت هوه ماحجه شي بس من وصل يم الرايه

حسين:العفوو بويه ماسوينه شي

اني متت من المستحه صدك اشلون ماشكرته يبووو وخرت اللحاف واني مرتبكه