فصل ليالي

البارت__٦٣

- عن الهراء الذي يجعلكِ تظهرين لي
وأنتِ ترتدين قميصي الأبيض وتسأليني :
هل أشبهك ؟
فأجيبكِ : تماماً تماماً ! عدا أنّني لا
أستطيع أن أُميل خصري بهذا القدر .

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
سيف من حجيت ويه ام بنين حسيت زاد همي وحملي
ولازم اتصرف بسرعه وياهم لان اخاف على بنين
اعرف هاي امهه وماتأذيهه بس انهزت ثقتهه ابتهه و
هل شي مو حلو وجبير كلش انشالله الشيخ بوطلال ما
يخذلني لان هوه املي الوحيد هسه صار مالي غيره

من بوصكر سوه حادث بعد ماكدرت اتواصل وياهه
لان جنت من ليالي وهسه انه بعيد ف كطعت بيهه
وحته من ردينه ماكدرت اكلهه اريد احجي وياهه وانه
اشوفهه مشغوله بخوي وخايفه عليه ضليت ساكت
الحد مايوم بعد ماكدر استحمل

سيف: ليالي عود صدك انتي
ليلى: خير سيف شبيك
سيف: ولكم اريد احجي ويه نخوتي صار اشكد
ليلى: يي ليش ماتكلي
سيف: عود ستحيت منج
ليلى: هااي شنو من يمته
سيف: هسه شني احجي لو ادور وجهي
ليلى: اوكف خلي لشوف نوره
سيف: يي بعد روحي ياخويه
ليلى: هلوو ننوش ......ههههه يلاا ميخالف..... بنين
اليوم ماجتج...... اوك يلاا بسرعه ....... لج يي والله
خطيه صار هواي .....هلو عيني هاج موتني

اخذته ورحت للحديقه وضليت احجي وياهه

سيف: هلاا بويه برويحتي هلا بهل صوت
بنين: حبيبي والله مشتاقتلك اهوايه
سيف: ويييللييي ياللله وانه يبعد حيلي مشتاكلج
بنين: تلفوني بعده عند ماما وماتقبل اخذه
سيف: هانت بويه هانت يبعد روحي وتصيرين الي
بنين: ليش هيج اتأخرت علي وينك
سيف: والله ملتهي ويه بوصكر
بنين: بعد لاهيج تسوي وينشغل بالي عليك
سيف: وعيونج بويه بعد ماتنعاد

ضليت احجي وياهه ستيته وانه انخي ربي يحفضهه
مرت الايام والشهور وانه كله هيج وياهه باقطاره ياله
احجي وياهه اخاف عليهه الشيخ بوطلال كلي خليهه انه
اعرف يمته اروح وطلبهه الك وضال منتضره يمته
صارت الاربعين مالت الامام وكلحنه رحنه للزياره

بيوم الاربعين ورحت لبوفاضل عليه السلام دخت
الضريحه والوادم صايره جتله عليه ماكدر حته اشوف
ايدي من الازدحام ضليت واكف يم الباب ورفعت ايدي
وضليت احجي وحجي وحجي بهمس ماريد احد يسمع

سيف: اجيتك ياسيدي ومولاي وانه نخيت امك من
كبلك وماقصرت وياي اجيتك وانه طمعان بكرمك
وانته ماترد الحتاجك اجيتك وطالبك طلبه عسى هل
طلبه من ايدك اخذهه وروح عساهه تبرد نار كلبي
انت تعرف انه ليش جايك اجيتك من قبل حته تبرد
كلبي على افراك امي وهسه اجيتك على مود تنطيني
العشكهه كلبي مثل عشك امي ابوهه مايرضه ينطيناهه
وانه كاصدك بهل شي يامولاي اذا مالي قسمه ويه هل
بت هاي طلعهه من كلبي مثل مادخلت وبرد كلبي من
ناحيتهه ولا تشبب النار بيه واذا مقسومه الي اصبر
الحد ماتصير الي حملني انه كل التعب وهيه لا تحمله
انت تعرف لبكلبي عليهه وعشكي الهه لاتلوع كلبي
من لوعت امي رايد بنين منك يابوفاضل