فصل ليالي

البارت__٣٧

‌‎ليتني بين يديك الآن، أتأمل وجهك و أنعم برائحتك.. ليتني أستطيع أن أتخطى كل هذه المسافة و أصِل إليك، أتخطى كل الحواجز التي تمنعني منك و أستقر معك، و بجوارك إلى الأبد.🖤〽️🔥

#سجى
#فصل_ليالي
#ليلى_حسين
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
فهاد اعرفكم على نفسي اسمي فهاد حياتي عباره عن
سفر وونسه وراحه طاك الدنيه جلاق وشنو لبالي اسوي
ومحد يفرض رايه علي ابد اهلي تجار باعراق وبدبي
ف انه استلمت شغل دبي لان بعيد اشما اريد اسوي محد
يدري بعيد عن العيون بس حسين سالم همام سيف بهاء
همه اليدرون واكيد اخوي الجبير محمد اخواني وهيبتي

من الصغر احنه سوا وكلحنه جنه نكره سيرة العشك
والزواج والعائله جنه نسافر سوا نطلع سفرات سوا حته
الله يرحمه سلطان ماجان حارمنه من شي ابد كل جمعه
يطلعنه سفرات للبر والصيد والبدو وانه ومحمد وياهم

مات سلطان وكلحنه انكسرت اضهورنه عليه وزعلنه
جان خير والناس كلهه تحلف ابراسه وبصيته وبخيره
مات وسلم المشيخه لحسين بس هوه ماقبل وسلمهه لبو
من يومهه حسين حاله انهارت وحته شرب ضل يشرب
لان جان كلش متعلق بي ويحبه ف ماتحمل وضل يتصرف تصرفات مو من كيفه باكوه فكينا من الشرب وتركه

بعد سافرت الدبي وضليت اهناك اخذت اقامه وستقريت
وكل يوم الوالده اتخابر لو تزعل لو تتبره مني لو هاي
السوالف اذا مارجع وتزوجني عاد خيرتهه ارجع لو اتزوج اختارت ارجع وصدك رجعت للعراق من بعد سنتين
ماكلت الاحد لاالشباب ولا حته محمد رحت وچفتت عليهم

فهاد: السلام عليكم
نوال: وليدي يماااا هلااااا

ركضت علي وشبكتني وضلت تبوس بيه وانه مشتاك
الهه كلش ونوب محمد ونوب الوالد كلش مشتاكلهم عاد
خلصنه سلام وكعدنه

محمد: خاااايب ليش ماكلت اجي اخذك من المطار
فهاد: لاااا وتخرب المفاجئه
نوال: احله مفاجئه يبعد كلبي
فهاد: والله مشتاك الطبخج
نوال: هسه رايحه ايخي الجوع
جواد: يي بويه اشلونه الشغل
فهاد: والله حجي كلشي تمام بس هليام اخوي نقص
محمد: حته اهناا باعراق اكو نقص باحسابات
جواد: جاا منهوو اليحسب
فهاد: والله حجي انه ومحمد بس ليش نقص مادري
محمد: حجي انته منطي الحسابات الغيرنه
جواد: لاا والله يبوك ابد هوه احنه التلاثه
فهاد: يصير خير

اجت الوالده وجايبه غدا اتغديت وكل اشوي اتكلي
خليني ازوجك لو ادور على محمد خليني ازوجك
موتتنه خلصت ورحت نمت لان ميت تعب ردت
اراسل الشباب بس لااا خليني افاجئهم على ما خلص
المزرعه تعديلهه نمت ماكعدت اله بليل ب١٢كمت

نزلت اكلت شي وصعدت انوب لكيت العمده مالت
الكليه المتعاقد وياهم متصل علي رديت وتصلت

فهاد: هلااا والله عميد
العميد: هلاا بيك شيخ فهاد
فهاد: تدري اكره هل اسم بس يلاا
العميد: يااعمي اتلوكلك هيه كوا
فهاد: تسلم كول محتاج شي
العميد : يي والله باجر تعال اذا تكدر حته اتوقع على
اوراق مهمه كلش
فهاد: الله كريم باج الصبح يمك
العميد: تصبح على خير