فصل ليالي

البارت__٣٣

ثـم قالت لـه بصـوت يرتجٰف:
لا تكـون خيبتـي بعـد كـل هذا التبـاهي
الذي تباهيتةة بـك كــُـن انتصاراتي ولا تكـون هـزائمي .

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
حسين: هنت عليج
ليلى: مثل مااني هنت عليك
حسين: عمرج ماهنتي علي يابت كلبي
ليلى: والسويته شنوو
حسين: ليالي انه شيخ ومعروف بين المجالس واذا
واحد نخاني باحيف ارده
ليلى: وانت راح اتضل طول عمرك هيج ما
ترفض للناس طلباتهم واني لازم اكلك عفيه مو
حسين: كافي ليالي كافي تلوميني وتعورين كلبي
ليلى: لاتخلينه نبلش باعتابات لان اذا عاتبت بيك
من هسه الباجر ماخلص
حسين: عاتبي اذا هل شي يرضيج عاتبي اذا هل
شي ايحنن كلبج عاتبي اذا هل شي يشيل من كلبج
ابودي اخذ منج هل عتاب كله وخلي ابكلبي
ليلى: عتابي الك مو ملامه حسين عتابي الك كله
من حبي الك شوف بعدني اون من وجعي السويته
ابجسمي وبعدني ماكدر ادعي عليك لو اعاتبك
حسين: جااا يلااا ليالي تعاي
ليلى: وين اجي الحضنك العلا ساعه اخاف اجي
اشوف وحده غيري لو وين اجي هم بعد كم يوم
تدخل علي بوحده جديده
حسين: سألتيني شارب لااا والله هاي عيونج
المايرحن من بالي كلامج المن اذكره ايثحرب
كلبي وبدي اطلعه ودوسه حيل لان بجاج ليالي
انه سكران بس بيج انتي سكران هسه من رحتي
ليلى: ابتليت ابحبك حسين جنت بابدايه اريده يقوا
اكثر واكثر وكول حته لو غلط الاسوي اني اريد
الغلط مايهمني لا اهلي ولا الناس بس من صدمتني
بهل صدمه لاااا اريد اقلل منه وطلعه كلش لان اني
وياك مانرهم ابد اكبر غلط اني ارجعلك
حسين: غلط؟؟؟؟
ليلى: غلط راح يلحكني حياتي كلهه وياكلني الندم
لان دخلت واحد الكلبي واني جنت سادته
حسين: ليالي غلاج وعشكج راح يضل اهناا

ضل ايدك على كلبه وعاد الكلمه مرتين انجمعن
لدموع ابعيني واني اباوعله اريده ولكم اريده ياربي
والله احبه وريده مانقص حبي اله جذب بس ماكدر
ارجع كافي ادوس على كرامتي

حسين: وجودج يمي يعني جنه الي يهون علي
صدج وزعلج علي وبعدج حته بس والله مايهون
علي كرهج الي ليالي اذا انه جرحتج واذيتج ف
قسم بحركت كلبي عليج ماقاصد ابببد

ليلى: تريدني اكلك تعال ابحضني تريدني اكلك
تعال اني سامحتك ونسيت كلشي تريد اكلك بس كافي
زعل تدري اريد اطول باحجي وياك حته املي عيني
بيك بس يرجع شريط عذابك الي وكره وكفتي وياك

حسين: ليالي اريد منج كلمه اتريح ناري عليج
ليلى: ماكو غير كل واحد ايروح ابسبيله
حسين: يطيج كلبج انتي انتي اتكدرين بله يمكن
انه زلمه والهي نفسي بشي بس انتي اتكدرين
ليلى: اكدر مثل ماكدرت اول مرا وطلعت اكدر حته
اتناساك من بالي بس من كلبي لااا
حسين: هااي هيه يبت كلبي يجرالج انشالله

اتقرب مني ودفن وجهه بشعري وشمني حيييل اني
نزلت ادموعي بعد ماتحملت ابد وانه ابدي اجره
وخلي ابحضني ونعوف العتاب والزعل بس كاضه
روحي كوه وخر مني حته ماباوعلي وراح طلع