فصل ليالي

البارت__٥١

‏أتمنَّى لو باستطاعتي
أن أسدِل رأسي
على كتفيّك
أو أجعل شعرِي ينبُت
من خلال ذراعيّك
أن أسدَّ مسامات جسدِي
بقُبلتيكَ الَّلتين
ترويني حبًا
أن تستمر الحياة
داخِل الَّليل المظلِم
بجسدين مُتلاصقين.

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
حسين: ليالي لمي غراضج ارجعج الاهلج
ليلى: شنوو ليش؟؟؟
حسين: بدون ولا صوت يلاا جدامي
ليلى: غير افتهم ليش اني اشسويت
حسين: ماسويتي شي بس هيج مزاجي بويه
ليلى: حسين لتحجي هيج وياي كلي شنو صار
حسين: ليالي قسم بالله اذا ماسكتي ولميتيهن لكون دافنج
ليلى: بس اريد اعرف ليش
حسين: وبعديييييييين

راح للخزانه مالتي وضل يطشر ابملابسي ويحجي

حسين: اذا انتي مو عاجبج اتلميهن بويه انه المهن الج
المرا الماتسمع چلمتي من اول مرا مالهه كعده عندي
ليالي اخر مرا اكلج ابسرعه لميهن

بدون اي صوت بس الدموع تنزل رحت الغرفة فرح
جبت جناطي واجيت خليت ملابسي بيهن وهوه كاعد
على السرير ويباوعلي اخلي ودموعي تنزل مو على
شي بس ليش هيج صار باعكس فرحانه لان راح اشوف
اهلي بس مو بهاي الطريقه الماعوف اني شنو مسويه

خلصت طلعت لبست بشتي ولفيت حجابي ولبست حذائي

ليلى: خلصت
حسين: نزلي

رحت ونزلت واني احس النفس انكطع مني ماريد
اتركه وروح احبه يربي وحب حته الي بابيت اهنا
شنو صار ليش هيج يتصرف وياي اني شنو سويت
هم ضلم جديد حسين هم خذلان جديد مابيه حيل بعد

نزلت وكلهه كاعده باصاله وكت غده ضلو صافنين
علي ليش لابسه وريد اطلع شوي وهوه نزل ويا الجنط
راح سيف اخذهن منه ونزلو اثنينهم

الشيخه: شخيركم ليالي وين راسحه يبنيتي
حسين: الاهلهه جده
الشيخه: وليش شنهوو السبب
حسين: بيني وبينهه جده لحد يدخل
الشيخ: شنوو لحد يدخل على كيفك هوه وين ماخذ البت
وليش شنو السبب
حسين: بويه الله يخليك لحد يتدخل
الشيخه: بوصكر انت عارف شنو تسوي
حسين: يي جده اعرف شنو كاعد اسوي
الشيخه: خلااص يحمدان اتركه
سيف: بس جده لي.....
الشيخه: سيف انه كلت كفاياكم هو عارف سوايته

رحت سلمت على الشيخه وهناء ومريم وحته الولد
طلعت واني تركت روحي بهاذ البيت وخصوصاً
بغرفتنه اني ومعشوقي طلعت واني مادري راح
ارجع لو لا طلعت واني عيوني ملن بادموع علي

صعدت باسياره وهوه هم صعد الطريق كله مااحجي
ودايره وجهي وهوه هم مايحجي جنت متأمله وادعي
جذب وهسه راح يوكف ابمكان غير مكان بيتنه هسه
راح يطلع مسويلي مفاجئه لو يضحك علي حته اجي
ويا اجذب على روحي وعلى عيوني الاشوفهن وين
رايح وكفنه يم باب بيتنه انقبض كلبي مادري ليش