فصل ليالي

البارت__٣٠

تدرون الحزن يمتة ؟
من ناسك يسألونك ؏ الردته
من عمداً يحاجونك بسالفته وتگلهم :
فضت عافني وعفته...

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
الشيخه: هاي زينب حرمت بوصكر

ضليت مومستوعبه الكالته الشيخه ضليت صافنه
ابوجهه درت على حسين اباوعله واكف وعيونه
علي منتضر ردت فعلي شنو حتكون نضرته الي
عجزت اعبرهه غضب على خوف على انكسار

كمت من مكاني بهدوء امشي بتجاه الدرج ماريد
افقد اعصابي يمهم صعدت واني احس الدرج صار
طويل مايخلص امشي بخطوات ثكيله جسمي باد
دخلت للغرفه نزعت حجابي واني جامده وترن
بذني كلمت الشيخه حرمت بوصكر دخل حسين

درت عليه

ليلى: ليش؟؟
حسين: راح اكلج ليش بس لاتقطعيني ابد خليني
احجي كل السالفه وليش اخذت هاي البت وشلون
ليلى: همممممم
حسين: البارحه الولد الاجه دخيل عدنه سالفته كلش
صعبه سالفة شرف الولد عاشك بت منهم وحاول اكثر
من مرا ينهبهه بس ماكدر الحد مااهلهه درو باسالفه
وراحوله يردون يكتلونه اجه ودخل دخيل عدنه لان
ماعنده احد وعشيرته مو مال مشاكل وفصول البت
الجواا حاجيه عليهه الوادم هيه هم عاشكه هاذ الولد
يعني بناتهم اثنينهن كالو مانكدر نزوج هاي ونترك
هاي بسمعتهه كنالهم شنوو الحل كالو يزوجهه واحد
معروف بين المجالس شهر ويطلكهه اسمهه جانت
حرمت افلان ف كالو اخذهه انته بوصكر رفضت
وروح سلطان رفضت وكتلهم انه مالي نفس بهاي
السالفه انطوهه الواحد غيري اجه شيخهم رجال جبير
ونزع عكاله وخلا يمي وكال هاذ عكالي مالبسه
بعد اذا انت ماخذتهه شهر وانه اجي ادك بابك اكلك
اريد بتنه طلكهه ماكدرت ارفض ليالي وفشل الرجال
بين العرب وافكت وعقدت عليهه ونشالله شهر وترد

ليلى: خلصت
حسين: ليالي
ليلى: اشششش خلصت
حسين: يي يبت كلبي
ليلى: اجه وكتي اني احجي اعرفك ابنفسي ليلى
البنيه الوحيده الاهلي عندي تلاث اباء مو واحد
اول واحد بابا اياد شيخ عشيرة آل..... وكلهه اتعرفه
الثاني بابا وسام وهم تعرفو الثالث ابوي سلام وهم
تعرفونه هوه شنوو جنت اني الوحيده افتر بينهم وكل
واحد يعزني اكثر من الثاني صارت ويانه مشكله
وهاي المشكله هيه الخلتني اجي الهل مكان على مود
شنو ومنو على مودهم وعلى مود محبتهم الي اني
اجيت واني راسي مرفوع بجال اهلي اجيت ودخلت
هاذ البيت وهم انرفع راسي اكثر بجال زوجي منو
زوجي الي هوه اصلن مومعتبرني زوجته

حسين: ليالي
ليلى: ليش مومعتبرني زوجته لان اني بعدني
بنضره فصليه الفصليه مايصير اي شخص يحترمهه
ولا يقدرهه الفصليه بس تنهاان وتنذل وتنضرب
واني اتلاثتهن صارن وياي شوف يعني ماخلو شي
بخاطري سوهن كلهن
حسين: ليالي بس اسمعي
ليلى: انت الي تسمع اليوم سمعت