فصل ليالي

البارت__٤٦

قال لها : انتي كُلي
فسالت : و ما كُلك ؟
اجابها قائلاً : ارفعي اصابعك العشره و ساحاول عدك فيها انتي سعادتي و حبيبتي و حياتي و جميلتي و كتاباتي و جنتي اما الاربعه المُتبقيه فـ ابقيها لتكوني زوجتي الاولى و الثانيه و الثالثه و الرابعه 💙

#سجى
#فصل_ليالي
#ليلى_بوصكر
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
سيف اجه وكتي اعرفكم على نفسي انه سيف بوشهم
الابن الاصغر ببيت سلطان اتربيت على ايد امي و
جدي سلطان واكثر شي جنت متعلق باوالده من ماتت
حسيت الدنيه كلهه انطفت بعيني هاجرت الدنيه كلهه
من راحت امي ضليت معزول عن اهلي وخوتي وحته
دراستي هملتهه سافرت الدبي وضليت ابمزرعتنه اهناك

ثلاث اسنين واجو اخوتي ردوني دخلت البيتنه اول
مرا وماشفت امي بي لو ماتلكتني مثل عوايدهه صدك
اتسودنت وسودت الدنيه بعيني الحد ما شوي شوي
اخوتي ضلو ايطلعوني من الجو الانه صرت ادمنته
رجعت سيف اليعرفونه بس بعده موت الوالده غصه
بكلبي احتاجهه احياناً وريدهه بس هاذ حكم ربي ومايجوز
اعترض على حكمه اتعايشت ويه غيابهه بس مانسيتهه

دخلت كليه وانه اشوف الحريم اشكال الوان وكله مو
ابالي ابد ماريد ادخل حرمه الكلبي لان هم اخاف تروح
ساد كلبي وقافله كلش ماريد افتحه اهواي بنات يجن
بدون مستحه ويفرضن نفسهن علي لو يدزلي مراسيل
لو واحد حته يوصلي الكلام اصلن انه الكليه ماريده
ولا اريد اكمل بيهه ف تركتهه وكعدت بابيت لو بامعمل
ويه اخواني لو بامزرعه بعدت الدراسه من بالي وحته
مااحتاجهه ضليت هيج اريح الي سوالفي وضحكي

جنت اشوف عشك اليمامه وسلطان وامي وحمدان
وهسه صرت اشوف عشك بوصكر وليالي وهمه
واحد عاشك الثاني اكثر من ارواحهم وبهاء ومريم
من الصغر همه واحد عاشك الثاني جنت اتحنص
وكول هم يجي يوم وعشك مثلهم بس انه جنت كلش
باعدهه من بالي  هسه بعدني ماريد اجرب اللوعه

الحد مايوم وشفتهه هيه من بحدهه فتحت القفل ودخلت
بدون ماتترخص عيونهه طولهه مشيتهه صوتهه كلشي
بيهه جذبني وسحرني وخلاني اسير عدهه يي انه سيف
بوشهم عشكت احسهه جاهله وانه الاريد احتويهه من
الدنيه شفتهه ومن يومهه ماراحت من بالي انام اكعد
اكل اشرب وياي عيونهه ابتسامتهه خوفهه كلشي بيهه

خجلهه من احجي وياهه مادري ليش هيه باذات هيه
الدخلت كلبي مو غيرهه وانه شايف نسوان جثير بس
محد كدرت تملي عيني لو تاخذ كلبي من اول نضره
بس هيه كدرت وضكت العشك شنو ويه هل بت هاي
اتموتني من تسكت لو من احجي وياهه وتخجل وضل
بس خانسه تموتني من تتنهد وهيه ماتدري اتسودن بي

اتحسهه بريئه احجي وياهه اضل بس اتمتمت لو ما
تعرف شنو اترد لو ترتبك عشكتهه وضليت هايم بيهه
بنين صار هاذ الاسم منحوت بكلبي اريد الناس كلهه
تعرف انه عشكت هل بت هاي خمس تيام بس مو اكثر
الحجيتهن وياهه وهيج صارت عندي جا لو اكثر من
ايام لو سنين شراح اسوي يمكن اخذهه وهج من الدنيه