فصل ليالي

البارت الرابع

‏مستحيل اسألك شاللي جاك منّي
‏لاني أدري . . ما تجي مني مضرّه
‏ٰ
‏كل ما ظنّيت فيك . . يخيب ظنّي
‏كم مرّه " إنخذلت " و كم مرّه ؟
‏ٰ
‏وتحلف لي في غلاتي وادري إنّي
‏مالي بـ قلبك . . ولا مثقال ذرّه :))

#سجى
#فصل_ ليالي
#ليلى_ حسين
•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.•.
عبدالله: لوله ابوي يريدج
ليلى: يي جايه

نزلت او اني كلبي سابع جار ايسمعه ماريد اشوف احد من اهلي لان ادري راح اضعف او راح انهار رحت نزلت او لكيته كاعد منتضرني اجيت او كعدت يمه بس هوه الوحده محد يمنه

سلام: شلونج بابا
ليلى: الحمدالله بابا زينه
سلام: شوفي بويه انه ماجيت اودعج ولا اسلم عليج حلفت بس كلبي مايطيني بنيتي وحيتي ماسلم عليهه
ليلى: ليش بابا من هسه
سلام: انه هسه طالع مسافر عندي شغل
ليلى: عندك شغل لو ماتريد اتشوفني باجر

نزلن دموعي جرني الحضنه او ليت ابجي ابحضنه او هوه يمسح على راسي ويبوس بيه ويهديني بعدني عنه

سلام: والله مايهون علي اشوفج باجر ونتي طالعه لان ادري بروحي ماراح اخليج اطلعين فخليني اروح احسن بويه انتي طول عمرج فاهمه او عاقله وتعرفين تصرفين ماريد اعلمج بس اويد اكلج ديري بالج على روحج
ليلى: انته مو كلت ماريد اودعج هاذ شنو
سلام: هاذ مو وداع انه كل مااسافر هيج اكلج شوفي بويه خلي اكلج شي انه الله ماعرضني ابنات بس انتي او حبيتج لان وحيتي او مايهون علي زعلج ولا فد اريد اشوفج تبجين من اخوانج يشاقون وياج ارزل بيهم وعاركهم من تجين اطلبين مني شي ارفض بس من اشوفج تردي اقبل او اكول خليهه هيه بس هل وحده عندي ايخطبون بيج او اكلهم مانطيهه بعدهه صغيره لان بعدني ماشابع منج مااريدج اطلعين اهواي لان اخاف عليج جنت اكول باجر تزوج وتروح الرجلهه او اضوج من افكر خاف ايضوجج لو ايصيح عليج شسوي كبرتي او اني اشوفج بعدج صغيره او مافرط بيج بس انوب انطكيت على راسي او هل باجر رايحه او مادري شنو مصيرج اهناك ماجذب وكول ماخايف عليج لا والله الخوف كاعد ياكلني بس شسوي ماعدنه حل او انتي طلعتي احسن من عدنه اريدج دوم اتفكرين وتكولين هيه ٦اشهر وبس او ارجع الحضن اهلي او احنه ماراح نعوفج راح نجي ونشوفج دائماً
ليلى: انشالله
سلام: روحي نامي بويه اتصبحين على خيو

باساني من راسي او راح  ماتحملت ولا هوه اتحمل او كمت او بس دخلت الغرفه شهكت بابجي يااربي اني شنو دااسوي اودع اهلي شسوي اودع ناسي وحبايبي يعني صدك راح اروح باجر لا ياربي فدوا اروحلك لا يجي باجر ماريد انحط بهيج موقف لا ماتحمل والله

ضليت ابجي كمت توضيت او صليت ركعتين الام البنين بلكي اتريح كلبي او كعدت اقرا قرأن اشوي ونعست كمت نمت بعد مادري شنو صار كعدت الصبح ب٨

يييي اليوم راح ترحين اليوم راح تفاركين كل زاويه بابيت ونستج ضحكتج عيون اهلج شقاج ويه اخوانج كلشي راح يروح بعد اشوي نزلن دموعي او اني اتخيل شلون اودع اهلي نفر نفر