Phoenix's lover (arc 3) Complete

💚14💚

Unicode
AN - နှင်းသွေးwallထဲမှာ Yizhan fic အသစ်လေးတင်ထားပါတယ် နတ်လောက အမျိုးအစားလေးပါ စိတ်ဝင်စားရင် ဝင်ဖတ်ကြည့်နော် ပုံလေးက

AN - ႏွင္းေသြးwallထဲမွာ Yizhan fic အသစ္ေလးတင္ထားပါတယ္ နတ္ေလာက အမ်ိဳးအစားေလးပါ စိတ္ဝင္စားရင္ ဝင္ဖတ္ၾကည့္ေနာ္ ပုံေလးက

Phoenix's lover

                      💚14💚

       ရှောင်ကျန့်သာ ဒီနေ့မှာရင်ဘတ်က စူးအောင့်လာတာမျိုး မခံစားခဲ့ရရင် ဝမ်ရိပေါ်အနေနဲ့ ဒီနေရာကိုရောက်လာမှာတောင် မဟုတ်ပေ။ အရင်ကလည်း တစ်စုံတစ်ယောက်က ဖီးနစ်လက်စွပ်ကို မှော်ပညာနဲ့ဖျက်စီးနေတော့ ရှောင်ကျန့်အားနည်းသွားခဲ့ဖူးသည်လေ။

       ဒီတစ်ခေါက်က အရင်လောက်မဆိုးသော်လည်း ဝမ်ရိပေါ်အနေနဲ့ကတော့ ရှောင်ကျန့်ကို သေးသေးလေးတောင် အထိခိုက်မခံနိုင်ပါ။ လမ်းတွင်တွေ့သမျှသော အစောင့်များကို ပယ်ပယ်နယ်နယ်ရိုက်ခဲ့ပြီး မြေအောက်ခန်းအထိ ပြေးသည်။ သူ၏ကုတ်အကျီစက လူးလွင့်လျက် ​ပါလာ၏။

        လမ်းဆုံးတွင်တော့ တံခါးပိတ်ထားသော အခန်းတစ်ခန်းက သူ့ကိုစောင့်ကြိုနေတာကို တွေ့ရသည်။ ဝမ်ရိပေါ် မဲ့ပြုံးတစ်ချက် ဖန်ဆင်းလိုက်၏။ သူက ခြေတစ်ဖက်ကိုအနောက်သို့ဆုတ်လျက် စွမ်းအင်အနည်းငယ်ကို ခြေထောက်တွင် စုစည်းစေသည်။

       ပြီးနောက် တံခါးကို အားပြင်းပြင်း ကန်ပစ်တော့သည်။

'ဝုန်း.....'

        သံတံခါးကြီး ပျက်စီးသွားပြီ။ ဝမ်ရိပေါ် အထဲပြေးဝင်လိုက်သော် အခန်းထဲတွင် မှော်စွမ်းအင်တွေ ရစ်ဝဲလျက် ထိန်းချုပ်ခံထားရသော လက်စွပ်တစ်ကွင်းကို တွေ့ရလေတော့ ဒေါသကြောင့် လက်သီးတင်းတင်း ဆုပ်ထားမိ၏။