الـِــخـِــاتونـِـہ👸🏼
قصه فات الاوان الحلقه 1
مرحبا انا اسمي زينب اعيش ويه اهلي بقريه بالبصره احنا نسميها السلف يعني انه بنت الريف انه نولدت بعد ما صار عند امي سبع ولد امي جانت تحلم يصير عدها بنيه وكلما تحبل تكول يمكن بنيه ويطلع ولد الا • ﺂنٰ نولدت عدهم ما تعرفون الفرح الي صار عدهم اول ما شافني ابوي كال راح اسميه كمره لان جنت كلش جميله لكن امي ما قبلت كالت انه طلبتها من السيده زينب اذا صارت عندي بنيه اسميه ⊱ زيــ͜ـٰཻـنبَ┊قبل ابوي بس بشرط ينكتب اسمي بالجنسيه زينب وبالبيت يصيحولي • كـٰٚـِْمـُـْره فمشت عليه كمره وبمرور الايام كبرت ودخلت مدرسه جنت كلش شاطره بدراستي ولان اهلي يخافون عليه واحد من اخواني يوصلني للمدرسه والثاني يرجعني لحد ما وصلت للسادس علمي كملت السادس نجحت بمعدل زين سويت الانسيابيه طلعتلي كلية العلوم جامعة بغداد لهنا واهلي رفضوا رفض قاطع
كمره :يمه حبوبه قنعي ابوي اكمل كليه حبوبه تعبت ودرست وتالي اكعد بالبيت
ام كمره :حتى لو ابوج يقبل انه ما اقبل على جثتي تطلعين من السلف انه ما عولت تجيني على سبع ولد وتالي عمري اوديج لبغداد لو تموتين ولج يمه انتي روحي
كمره يمه ما رايحه للموت رايحه ادرس وخلي واحد من اخواني يجي وياي حبوبه لا توكفين بطريقي
ام كمره: كتلج لا يعني لا ولا تلحين
كمره :حاولت اقنعها بس ما نفع كلش قافله ظليت ابجي بلكي تحن عليه ابد ولا همها وانه دموعي ظلت اصبب عشره عشره حبست روحي بغرفتي لا غده ولا عشه الا سمعت صوت آٱآبــﯢي واخواني ردو. للبيت من الزرع
ابو كمره: كمره بويه وينج كمرتي ها بويه شولاج ليش هل بجي
كمره :ماكو شي
ابوكمره: لا اكو علمود الدراسه موش بويه
كمره :اي يابه
ابو كمره:بويه انه أخافن عليج من الهو الطاير مو انوب ترحين لبغداد بويه انه ما رافض دراستج لو جان هنا بالبصره بويه قبلت بس مكانج بعيد ما اكدر احنا فلج انه وخوانج ما نكدر على عيشة بغداد
كمره : ما سيطرت على دموعي كدام ابوي حضنته وكمت ابجي بكل قوه عندي ما اكدر اضغط على اهلي ادري بيهم حالتهم صعبه هما عايشين على الله وعلى الزرع يشتغلون بكاع الشيخ ابو احمد هو نطاهم كاع وهما يشتغلون بيها فأيست من الدراسه بس مستحيل اشيلها من بالي
هسه نتعرف على الشيخ احمد
بيت الشيخ ابو احمد هو عنده اربع ولد احمد وعادل وعمار وسام وطبعا الام الي هي الشيخه مرت الشيخ ابو احمد كلش محبوبه الناس كلها تحبها وتهابها طبعا احمد الابن الجبير للعائله هو جان مسافر يدرس دكتوراه بلندن وبعد ما خلص الدراسه راح يرجع للسلف هو ما عاش ويه اهله هواي دائما بغداد خلص دراسته هناك وتالي سافر لندن كلش طموح وهو كلش مايتفاهم عصبي وبنفس الوقت رزن وثكيل وكلش جذاب
ابو احمد: اليوم رجعة الغالي حضروا الذبايح
الشيخه :اليوم ما اصدك ما سايعتني الفرحه ابني فرحتي اليوم يجي
احمد:اليوم رجعت من لندن اشتاكيت لهلي ولخواني ولديرتي بس دخلت السياره للسلف شميت ريحت الزرع والخضار ما مصدك اشوف اهلي وامي شوكت اوصل احس اطريق صار شطوله
وتالي قبل لا اوصل للبيت شفت الناس والعشيره كلها واكفه تانيني
بس نزلت اشتغل الرمي ونذبحت الذيايح واجوني خواني يركضون شبكوني وهما بيجون من الفرحه ودخلت للمضيف شفت ابوي دنكت علي وشبكته وبست راسه وايديه بقت امي حيل مشتاك الها ما اكدر اطلع واعوف الناس وبعد مده خفت العالم دخلت للبيت شفت امي ركضت عليه وشبكتني وهي تبوس بيه وتحضن ما مصدكه وانه بعد ازيد
الشيخه: ما تسافر بعد لأي مجان يمه انه شٰٰ̲شنـۧو ذنبي كلبي يتكطع من ما اشوفك انمرد مرد لا تكلي بعد دراسه ماكو بعد
احمد :هذا هو خلصت اصلا ما افكر بعد آسافر كافي تعبت غربه راح ابقى كاعد على كلبج
اخوان احمد:يمه احنا مو بعينج لو بس هو ابنج واحنا ولد الخدامه ها بضحك
الشيخه:انه شابعه منكم اربعه وعشرين ساعه مكابليني
الشيخ ابو احمد:كافي يامره خلي يصعد لغرفته يرتاح وينام جاي من سفر
احمد:اي والله يابه كلش تعبان يمكن انام منا لاسبوع
الشيخ: كول غيرها بويه انه محضرلك شغلتين
احمد:شنو بويه كول
الشيخ: لا بويه اصعد ارتاح ونام وبعدين عدنا الليالي هواي
كمره جنت كاعده ويه امي بالبيت سمعنا صوت الرمي كلش هواي مو رمي عبالك جبه ردت اطلع اشوف امي وكفت كدامي
ام كمره: وين طالعه ما تخافين تجيج جيله براسج
كمره:يمه شل قضيه اوكف بالباب بس اشوف شنو صار وتالي ندك الباب طلعت خالتي فهيمه طبعا هي ارمله وعدها جهال اثنين ولد وبنيه
بس عايشه ويه عياله على مود جهالها بس اربعه وعشرين ساعه تفتر
عبالك مختار السلف كلشي تعرف فتحت الباب
فهيمه: ها خاله شلونج وين امج
كمره:بالمطبخ امي خاله كولي شٰٰ̲شنـۧوو صاير وشنو هذا الرمي
كمره: جا ما دريتي اليوم احمد ابن الشيخ رجع من لندن
كمره: وهذا كله جي رجع جا من يتزوج شيسوبه يمكن يحترك السلف
فهيمه: جا ولج شلون غير ابن الشيخ الجبير واخذ الشهادة الجبيره وصار دكتور وسمعت خبر راح يصير الشيخ
كمره : والله يا خاله انتي ما سمعتي بس متأكده من الخبر ما يفوتج شي
فهيمه: هاي علي خايبه هو مو صوجج صوجي انه جبتلج الخبر كلت هسه كاعده وتتحرمس ولج نعيمه وينج تعاي شوفي بتج شتكول
ام كمره :خيرج فهيمه شصاير وبعدين انه اختج الجبيره شلون تكليلي ولج نعيمه ولدي موش بعينج
فهيمه: يااا شولاج علي انتي وبتج مو تزعلين علي انتي اخيتي ام صلاح بعد شتردين
ام كمره: شعندج كولي اكيد جايه بشغله
فهيمه: اي والله نروح انه وياج نسلم على الشيخه ونتحمد السلامه
ام كمره: • ﺂنٰ شۨـِﺂءۙ ﺂللـِه۫ہ ٰ
فهيمه: واني كميره تجين ويانا
كمره: لا خاله ما اروح روحوا انتم
فهيمه:خايبه تعالي ويانا بلجن تشوفج الشيخه وتاخذج لابنها شفايتلج
كمره: والله ياخاله ما اريد اتزوج ولا اروح مالي خلك
ام كمره: شنو شبيج انتي من كل عقلج اخذه لبيت الشيخ
فهيمه:ابقي ردي بالعالم ما ظل واحد بالسلف ما خطبها وانتي معنده وهي اضرب منج
ام كمره:شولاج انتي تردين انطي بتي كلمن جان هو انه عندي العشره
فهيمه: اي ظلي بهل حجي لحد ما تبوريها واذا على الشيخ لو راد ياخذها غصبا ؏ـۣۛـٰلــيــۣكُـہ ياحذها تكدرون تكسرون كلمة الشيخ
• كـٰٚـِْمـُـْر ˛⁽🌸♥️₎⇣♪❈
كمره: والله يا خاله هيج الشيخ عاف بنات بغداد ولندن واجى يركض علي شبيج انتي خاله
فهيمه: لا بس اكول وانتي شعايزج بس جمالج يسوى عشيره وانتي هم دارسه ما ناقصج شي
كمره: •ٰ فـدﯠﯛههہ خاله لا تذكريني بالدراسه
فهيمه: بكيفج خاله انه احجي مصلحتج
كمره: يمه ظلي انتي وخالتي انه راح اسرح بالحلال وأروح مناك لابوي ضجت طكت روحي بالبيت
ام كمره: روحي يمه ديري بالج وتردين ويه ابوج واخوتج وان سمعتج راده بحدج وكت الغروب احرم عليج الطلعه
كمره: صار تدللين
احمد: كعدت العصر من النوم كبل اشتاكين لللفرس مالتي اسمها العنود رحت للاسصبل وهي بش شافتني ظلت تصهل عبالك تكلي مشتاقتلك سألت ابو جبار عليه انه مأمنها عده طبعا هو الحارس عدنا كلش اميين وذراع ابوي اليمين كتله شلونها شخبارها بغيابي
ابو جبار: والله يا شيخ شكلك هي متعلمه عليك ومن ما تشوفك تظل بس تدور بعيونها ﻋﻠﻴﻚ وهسه شفت بعينك من شافتك
احمد: راح اخذهانفتر اشتاكيتلها وللزرع والخضار
ابوجبار : براحتك شيخ بس لا تتأخر ابوك ينطرك عده سالفه وياك
احمد: اعرف سالفة ابوي بس اتهرب من الموضوع
ابو جبار: ما منها مهرب
احمد: اذا على سالفة المشيخه سهله بس الزواح مستحيل
ابو جبار: الله يهديك شيخ بس اول وتالي تزوج ما تبقى هيج
احمد: صعدت على الفرس وانطلقت بسرعه بعد ما سمعت من ابو جبار شنو يريد مني الشيخ لا احب المشيخه ولا اريد اتزوج ذبيت حركتي بالسرعه وفصلت عن الدنيا بعد ما سمعت طاري الزواج وظليت مسرع لحد ما سمعت العنود هي وكفتني وتصهل وكأنها حست اكو خطر بالطريق نزلت بسرعه منها واشوف بنيه كاعده بالكاع ومخليه راسها بين رجليها من الخوف عبالها الغرس راح يدوسها لان انه ما جنت واعي على نفسي تقربت منها وكتلها لا تخافين ما صار شي العنود مدربه زين مستحيل تأذي بشر بقيت واكف مسافه عنها وهي سمعتني وشالت راسها بس يا ريت ما رفعته سبحان الخالق هي صح بنت ريفيه بس جميله بشكل ظليت صافن عليها وهي ظلت تباوعلي بس بخوف كامت وظلت تبتعد شوي شوي عني وما نطقت ولا كلمه
كمره: ظليت اسرح بالحلال وأفكر بعد ما الي اي مستقبل وكلت يمكن تصير معجزه واكدر اكمل دراستي وسرحت وما حسيت الا وانه شفت من بعيد فرس مسرع حيل اجى علي ما انتبهت خف تخربطت ظليت بمكاني كات لا هاي هي خليت راسي بحضني واتشاهدت بعدين مرة فتره ما صار شي سمعت صوت كلي ما تأذي بشر رفعي راسج رفعته وشفت
الـِــخـِــاتونـِـہ👸🏼
